清真惠記

營業中

休息中

下午，惠記生意做不完，我好彩找到位置坐下：蝦籽柚皮- 柚皮做得很好，沒有一絲衣或不淋的地方，配上上湯已很好味，還有陣陣的柚味；蝦籽倒覺得多余了，嫌咸了些。咖哩羊腩- 咖哩一試就知好，味道奇濃，不過確實是油，不宜盡拿來撈飯；羊腩肥美，羊味盈然，蘇香滿口。價錢如普通熟食中心般便宜，一定要再來。

一向以來都很怕這裡的食物多油,但獨有的食味和超抵的價錢郤冇得揮.今天又心思思來了.中午十二點也有大把位,稍有點意外.獨霸一張大枱.叫阿姐,郤掂行掂過,像生了老虎眼.叫另外一個像老闆娘的阿嬋,一樣不理,行過後,忽然回頭,問道:"叫野呀?"於是落柯打,要咖哩羊腩飯和一碟燒鴨.五分鐘有得食,飯和羊腩是阿姐畢的,份量不少,但油更多,直瀉入飯裏,令白飯黃了一大片.其實這已是意料中.另外一位阿姐經過看見,也覺得不妥,連隨拿一隻小碗給我把油倒出.竟然有半碗.連已瀉出的油,足有一小飯碗.說到味道,是一貫的正斗,濃香的咖哩和甘香的羊腩,只賣廿五大元.抵食得無話可說.燒鴨方面更佳,是髀的部位,皮脆肉滑,多汁液,但是又一樣的浸在油中,吃完後的油,足有半吋厚.今天雖然拼命把油去掉,和不吃碟底的油浸飯,也把整個星期的quota用掉了.所以:就算幾好食,幾抵食,也不宜多來.笑臉是給味道的.

星期日同媽咪出街都諗唔到去邊度食野好.媽咪突然間諗到就提議去食惠記.上到去就見到好多人係度,D人多到坐埋隔離鋪頭個位我地叫左個細燒鴨飯同埋咖哩羊腩飯SHARE黎食D燒味真係好好味..D咖哩又唔係太辣;連我媽咪唔太食辣野都食D咖哩之後仲叫左碟柚子皮..好入味.好正=]不過最衰既係淨係開到6點鐘就休市,夜晚有時想去食都冇

之前有食過佢D咖哩同燒味飯, 咖哩我本人食完好辛苦, 可能太油消化唔到, 其實好好味, 可惜我無福消受. 燒味飯都OK架!有一次試想食魚咪叫一個試下囉! 一食之下…勁正! 雖然係鯇魚, 係平魚, 但係選料係新鮮貨食, 肥美香甜, 佢即叫即蒸, 所以要等20~25分鐘, 所以唔係次次都有時間等.最好係佢唔貴麻!

好幾年無食過心愛既咖哩羊腩飯今日一lunch 忍唔住坐電車落鵝頸食餐好既同順便去買三文魚刺身今晚年三十加!同事們叫左燒鴨飯，個個其脆皮好食我食番心愛既咖哩羊腩飯咖哩汁仍然香辣可口，一撈飯就停唔到，羊腩亦十分腍熟，羶味非常，只係$24所以，就算評過d 間都要再大力推介!!!真係全港島都好既咖哩羊腩飯!!!同事仲叫左十五蚊柚皮，佢地話ok 好食& 超值!^0^ 好滿足!

今日夜晚6點半左右去左附近既榮記(東成)食飯，上次食完惠記，對隻燒鴨仲係念念不忘，所以係度搭單要左隻中燒鴨($4x)。有分大中小，大既7x，中既4x，小既2x燒鴨:師傅斬左脾位比我，一樣係熱辣辣，鴨皮都算脆，可惜鴨肉嫩滑不再，仲有少少乾淨淨，食到最尾果幾舊仲好咸，咸得好緊要，無左第一次吃驚為天人既感覺，真係差左少少。可能因為就快收舖既關係，所以先有少少失準，不過無論如何食物水準都已經係超班，一定會比多次機會佢。

2007年12月29日(星期六)星期六下午3時才來，人不算太多，不用等位，可惜的是大部份東西已售罄。想試其馳名的咖哩，在不吃羊而牛腩又售罄之下，選了咖哩雞飯$24/碟。咖哩汁好味，辣得來都ok，不像平常吃的椰汁咖哩或泰式的。雞肉是雪雞腿肉，沒什麼味。同場很多人問有沒有燒鴨，該很好味，可皆是沒有燒鴨，連蒸魚都沒有。***********************http://hk.myblog.yahoo.com/gwen-hohoho

今日下午1:30黎左呢個街市熟食檔食飯...別無他選...一定係惠記...可能已經過左午飯高峰時間...所以唔洗等就有位叫左碟燒鴨脾飯($30)...同一碟菜心($8)...唔洗2分鐘就送哂黎...效率真係好快燒鴨脾飯:鴨脾竟然係熱的...鴨皮香脆...鴨肉嫩滑肉汁豐盛...連埋皮下面一層脂肪一齊食...無得頂多數其他地方既燒鴨都係凍冰冰,乾淨淨...肉質又死死實實禁...鴨皮就柴皮...菜心:普通啦...都幾大碟服務方面:你跟本就快來快去...搵位,落單,食飯,埋單...全程唔洗20分鐘...好難會有咩服務環境方面:如果以街市既熟食檔黎講...我覺得已經係好乾淨...起碼唔會有小強先...如果去過牛頭角或者海防道果d街市熟食檔...先會知咩係污穢...呢間野有好多巴勒斯坦藉既人幫襯咖哩羊腩架...

咁啱星期六响附近買火煱料,醒起想試咗好耐既清真羊腩,果然真係無令我失望呀1)咖哩羊腩飯~咖哩唔太辣兼好香,多羊腩,仲羶羶地添,超級正2)雙拼飯(雞+燒鴨)~2樣料都好正,估唔到咖哩以外既食物都咁有水準我下次一定再幫襯架!!!

燒鴨飯!!!飯的份量勁多!燒鴨的皮脂份量亦勁多!皮脆而肉亦偏咸! tasty~!What a fat duck...

嚐過燒鴨，今次定要試試咖哩羊腩飯。羊腩另放小碗内，看似不多，其實數量不少，而且還有薯仔，足夠伴着吃完整碟飯。薯仔稍稍炸過，外皮香口，亦鎖住了薯肉所吸收的辛香精華。主角羊腩着實味美，肉香嫩，甘腴肥美，濃羶而不膩，煮得差不多離骨，于此微寒時節，特別滋味，感覺也份外滿足。

蝦子袖皮好吃大咖喱牛腩原來沒有薯仔的, 太大件很難夾, 但很好味。但我看過餐牌沒有剩薯仔叫，那麼下次想食薯仔一定要叫碟頭飯。例牌燒鵝有，有肉味。

其實係公司行過來的距離係相當近的, 不過一直未有上來試過, 是日心血來潮想食燒鴨, 就來試試.午市當然一位難求. 反正一個人, 都係外賣好了.燒鴨飯$23: 9分, 鴨皮係燒得相當脆, 脆得來又不會過硬. 肉質係好嫩滑, 唔似得其他地方的燒鴨肉係好易死實實的. 係比較肥, 但美食當前, 都係連皮帶肥油一拚吞落肚.而且仲有兩大舊白菜仔頂一頂, 感覺上係好過一點.唯有行多兩步路, 歌仔都有得唱, 行係會行到瘦.

中午12:00到，都有八九成滿座，真係好生意。又係叫燒鴨飯加咖喱汁，另叫了一罐可樂。五分鐘有得食。鴨很新鮮，皮脆肉嫩，可惜有一半係鴨背，無咁多肉食。以住叫燒鴨飯加咖喱汁，預左油浸飯，但今次唔知同啦。唔知係咪佢地接受意見，抑或係我好彩，今次碟飯少左好多油，絕對無油浸飯的情況。但咖喱汁仍然好味，最正就係羊羶味，我鍾意呀。順便一提，樓面兩位阿姐一位阿哥好似好忙咁兩頭走，但實際效率認真麻麻，睇住d飯整好之後，起碼要放三五分鐘先至上枱。至於我罐可樂，問了兩次都無反應，最後不了了之。結果食完飯，自己行落seven買野飲。黎得大排檔，我都唔期望好招呼，但咁低效率，漏單又唔理，咁就真要扣少少分啦。

星期日，在銅鑼灣買完東西，打道回府前便到此食埋lunch。原本是打算試吓咖哩牛腩的，但前幾天在石塘咀波記試過那超級美味的燒鴨後仍回味無窮，既然惠記的燒鴨亦有這麼多好評，便又即管它試一試。叫了燒鴨飯+咖哩汁。燒鴨和飯的份量勁多(忘記了吩咐扣底)，但是燒鴨的皮脂份量亦不惶多讓，皮不脆而肉亦偏咸，咖哩汁的羊羶味ok(已經預咗都頂得住)，而最差的是飯中有很多碎骨，不知是原本摻在咖哩汁中的還是斬燒鴨時斬碎的，總之是幾乎每啖飯都食到有骨，十分麻煩。結果只是勉強吃了兩件燒鴨和幾啖飯便無奈兼冇癮地幾乎整碟飯剩低，連自己都覺得太浪費，但真係冇辦法，sorry!