清真惠記

營業中

休息中

檔主話晚市只提供外賣,所以買了兩盒咖喱羊肉,半隻燒鵝。說實在,見到那些浸過羊肉面的油已怕怕了~吃了一件後,確定不是我杯茶,因為已是第二次吃了,不懂得欣賞!再試試那燒鵝,好可惜,那些鹽在鵝胸部份仍未溶解,處理上失準了!這個羊的傳說,到此已告一段落~

呢度聞名已久嘅咖喱羊腩及燒鴨，今次終於試到嘞...自己一條冷走上鵝頸橋街巿，兜嚟兜去，最後卒之揾到..人頭湧湧，仲成日撞見好多印巴籍人仕叫外賣添....一個人叫唔晒兩樣招牌嘢，就揀咗食燒鴨飯加咖喱汁...咖喱香而唔太辣，幾惹味；燒鴨就太肥la，肉尚嫩，皮就冇想像中咁脆...有少少失望tim...但係都係要試埋羊腩先至下定論...

簡單介紹兩道招牌菜一為咖哩羊腩深黑色既咖哩汁，加上羶味既羊腩好此道者一定要試下二為燒鵝應該係灣仔區最好食架喇

呢個街市成日經過，裝修左之後都係第一次黎．跑完步又飲完茶，行行下街又到左鵝頸橋底，突然心血來潮又想食野，雖然只係兩點，反正都做完運動，再食過！上到街市頭擰擰，Ｎ年無上，梗係要好似ｄ記者咁間間八一八，突然見到有咖哩羊食，唔使諗即刻坐底叫左個試下．咖哩幾香口，羊腩都夠入味，而羊腩入口亦唔鞋．食到一半d辣味開始進攻，小弟都要抖一抖．但係一路食碟飯，一路撈汁時發覺有唔小又好細既骨碎係ｄ汁入面，食到我十分無癮！！！唔知係我黑仔定呢度ｄ汁一向都係咁，但係老實講小弟就有ｄ抗拒．．．

呢排爸爸同媽咪都好似好鍾意食羊肉, 知道清真惠記有馳名咖哩羊腩, 特登lunch time行過黎街市買盒返屋企請佢地食. 返到屋企叮返熱, 成間屋都好香, 以為佢地會鍾意食, 但係佢地嫌d羊腩太肥, 太多油, 唔係好鍾意. 口味呢家野, 真係各花入各眼.

The curry of Wai Kee has a very unique taste, which is different from the Indian, Chinese, and Malaysian styles. Wai Kee offer curry in mutton and brisket. I prefer the brisket as I do not like mutton. It also has roasted ducks, which has a tender and moist texture. The grapefruit skins, which are difficult to buy in food stalls, are also very good. The price is very reasonable. By the way, many Muslims are regular customers of Wai Kee.

前幾日諗住試下咖喱羊腩,去到才5:45pm,點知落單時才說"我地收六點,重落唔落單? "結果梗係唔落單啦!重白行一次.....

很久沒有去過惠記, 就算久不久才會去買個羊腩行街.是日又和舊同事打個招呼, 一點幾鵝頸街市食肆人頭湧湧, 好不熱鬧.行到黎本來想吃咖喱羊腩, 但怕羊腩太多吃不下, 好想食哂的汁但又驚太辣.改左要燒鴨飯要少少咖喱汁, 太多order 六個伙記都忙個不停.等左一陣先有得食, 一睇燒鴨就知皮脆肉香, 夠油水, 雖然皮和肉之間的肥糕多左少少.但我也不理吃個碟"立立令", 鴨肉都幾厚, 又唔咸. ^_____^ 咖喱汁夠香夠濃, 伙記"不小心" 地搭左件細細既羊腩黎, 又係好野~, 羊肉又香又腍.又平又有水準既碟頭飯去邊搵? 臨走我忍不住要個羊腩行街孝敬老豆媽子. 有變的是裝修後光猛醒神左, 沒有變的是水準仍舊這樣出色.

近幾日天氣開始轉涼, 食羊腩補一補就最好拉!!自己一個又唔可以叫一個羊腩煲, 因吃不完, 諗諗吓, 叮一聲- 清真惠記好開心, 即刻換衫飛小巴去惠記. 咖喱羊腩一大碗有十幾塊羊腩, 盛惠35大元, 火速飛小巴回家用來送晚飯.今日啲羊腩好大塊, 好入味好腍, 但略嫌不夠羶味, 亦辣了一點. 雖然水平有點下降, 但不得不說惠記既咖喱羊腩仍然係好味!!個人亦不太喜歡這裏的燒鴨因覺得太咸亦沒有鹅肉的口感和羶香. 所以老遠去惠記都只是為了咖喱羊腩吧!!

今天試了這裡著名的咖哩羊腩、燒鴨和柚皮。羊腩果然味美，羊(口既)特殊羶味加上香濃咖哩汁，果然是絶配，可惜下午唔飲得酒，否則加杯啤酒或者配上紅酒就無得頂。燒鴨是意想不到的嫩滑多汁，墊底(口既)羅白清甜無渣。反而柚皮就比較平平無奇，比預期稍差。

在灣仔長大,自小已是惠記常客,但近來發現此店的食物水準下跌,服務水平也大不如前,唯一可取是咖哩汁能保持水平,但羊肉煮得過熟,甚至連骨也煮碎..令咖哩汁中有碎骨殘渣...希望惠記不會因出了名而忘了保持質素的重要!

10/10，黎左買外賣番屋企，其實我成日都有黎架。今次買左牛腩同羊腩各一盒，另加柚皮。今次有d失望，因為柚皮"la"喉，屋企人話唔好食，應該係因為整得唔好。唔係第一次買佢0既柚皮，上次都有咁0既情況出現。另外，佢0既牛腩同羊腩唔係好大盒，所以都算貴架。都有諗過係度堂食，不過地下唔係幾乾淨。

自從上次來過這裏聚會之後，一直也很想再來，但因這裏比較早收，每次也不能成功。今晚又要上堂，兩個人便來了這裏食，一到便看見已半關門，心想又食唔到了，但都先問問，原來還有外賣，立刻叫了一個咖哩羊腩。咖哩羊腩- 帶有少許辣，香濃咖哩味，羊腩又腍，很入味，送飯就更是一流。只可惜這裏比較早收，如不是一定會來多點的。

由於兩點鐘有多先到，好容易就搵到一張檯。三條麻甩佬食野，唔使諗咁多，整番半隻燒鴨（$75），一兜咖哩羊腩（$35），加多一碟油菜（$8），之外每人白飯一碗、可樂一罐。唔使幾分鐘，燒鴨已經斬好有得食喇，可能因為新鮮，一擺低見到有煙，隨即一陣燒鴨香味撲面而來，正想起動之際，羊腩同油菜相繼到站，來一幅全家福後，大家急不及待起筷！講下燒鴨先，雖然鴨同鵝真係有少少距離，但係因為新鮮彌補左不足，咬落去同燒鵝冇乜分別，脆鴨皮下一層薄薄脂肪，唔似深井燒鵝唔厚油，有口感得來亦不會太肥膩，而且呢層野唔韌，加埋鴨肉有肉滲出，正野！此外，燒鴨仲有蘿蔔墊底，蘿蔔吸收埋鴨汁，好好味道。有人會話燒鴨送唔到飯，我都同意，但係咖哩羊腩就滿足埋呢個願望，咖哩油有一層紅色油，可能會有人覺得太油，不過味道就好得，夠香夠辣，羊肉亦有羊肉獨特的臊味，絕冇被濃香的咖哩汁遮蓋，仲有入面有兩件一般認為阻地方既薯仔，但係呢兩舊薯唔係普通薯仔，係入晒咖哩味既薯仔，食完一舊你唔會俾第二個掂另外個舊！不過，羊腩有骨，食時要略為謹慎。以前呢度冇冷氣，而家裝左冷氣就好好多啦，唔可以講得舒適，更冇環境可言，不過起碼唔會好似舊時，流晒汗咁樣。不過要留

好彩網友介紹，如果唔係都唔知有呢間咁正食店。我同老婆試咖哩羊腩飯($23)同燒鴨飯($22)。咖哩夠辣，不過油多。羊腩算多又夠臊，而且有骨落地，哂我。燒鴨重正，有好多舊，多過哂好多燒味舖，而且皮脆肉香，收$22抵到爛(反而買半隻要$75就貴)。見到隔檯大班人叫好多，又不斷order啤酒，食得好開心，攪到我都好想班friends啤啤佢。