清真惠記

營業中

休息中

CWB返工,黎呢度算近唔算難搵,咖喱羊真係好好味!~汁夠濃,唔會太辣~肉質好有咬口,一食就知頗新鮮~同事食燒鴨,佢話咸左D,下次我試下先!要小心GE係果度有幾檔野都係賣喱羊燒鴨,唔好去錯~我試過隔離果間X記喱羊,唔係差,但係無清真咁好!~

F.T 學名叫雌老虎(FEMALE TIGER)又名老虎乸！！這裏的出品9 5 9 就會心思思來吃。今次帶F.T來，她不吃羊，我就叫了兩碟鴨脾飯加咖哩汁$30、一碗蘿蔔$8。大約5分鍾就有得食，賣相先聲奪人！大大隻鴨脾，皮光肉香。咖哩汁香而不嗆，不吃辣的朋友都可一試！蘿蔔熱辣辣！咬落夠甜又無過淋。平時來買外賣羊腩飯都比較多油，慶幸今次又無此情况。老闆；小弟有話要說！1..D咖哩汁好多碎骨，我試過咬崩隻牙！！！！！！2..今日隻鴨不夠熱！！！！！！3..剛剛想起...今日我地飲咗一罐可樂未比錢！！！！！！只係叫亞姐收$68！！明天比番你！！！

星期日，雖然惠記人山人海，但係執枱上菜都好快。叫咗燒鴨飯加咖哩汁，三數分鐘就有得食。飯和燒鴨都好有份量。燒鴨切得大大舊，重有成七八舊咁多，差唔多蓋過飯面。啲鴨食落重暖，皮脆肉嫩，可惜層皮略為鹹咗啲，否則就perfect。咖哩汁好香羊味，撈飯一流，好惹味，越食越想叫多碟羊肉，不過個肚裝唔落，唯有等下次先至試。一食難忘，一定會再去！

真的在說盒飯。想不到在被「圍剿」的時段（即前後左右的位子也被打冷舖「攻陷」的時段），惠記仍燈火通明。「燒鴨好靚，剛燒出來，要半隻吧？」「下次吧…真的吃不完。」按照其所求的，是只盛了1/3盒高的扣底飯；沒有按照其所求的，是給了2/3盒高的羊腩在扣底飯之上-- 其量之多，足以為之一振。微辣而濃香的羊，多肉而又少碎骨，齒甲之間，除了羊腩傳來的溫熱，還有羊羶微微的香澤…心動的，還有那仍微燙的打烊飯。教我如何不愛他？

食完上黎睇先知惠記咁出名。羊肉咖喱飯，羊肉唔係好多，但幾軟幾入味，咖喱有味唔太辣，$23都ok。

今次係第3次來食~都係叫鴨髀飯，皮依舊咁脆~冇得頂~午飯時間預左人多，不過碟飯都好快黎~yummy~

附近上課, 課下遲了, 遂有藉口先去吃個晚飯至回家.路途中預選了到惠記, 不作他選.時為六點左右, 堂面都有兩枱客, 並不時有客買外賣, 生意好.到惠記, 一是吃羊腩飯, 一是吃燒鴨飯, 是次就要羊腩飯. 幾乎不用等, 飯已到眼前.羊腩煮得軟腍, 羶味算可以, 當然再羶更好, 而肥膏都叫甘香.說實話, 那個汁是惹味十足, 油香加微辣, 但實在膩得我雞皮疙瘩, 結果我沒有澆汁到飯上, 只附身羊腩上的已夠曼衍整碟飯底, 不過還是照刮碟底. 吃得滿嘴油香, 竟捨不得要杯茶將之沖淡.

星期六再經過鵝頸街市，想食飯便想起這裡，人始終都係多，但今次係零捨多巴基人，坐落一陣有個唔多願做阿婆來落單，本來想要個太爺雞鴨飯，不過雞賣晒所以轉了淨燒鴨飯，燒鴨依然皮脆肉嫩兼多汁，甚至好食過對上一次，無得頂，老婆個咖哩羊腩飯水準不變，依舊辣到我入唔到口，但食得出羊肉好淋唔起渣，好，來這裡食飯都預左坐得迫架喇，不過為左食靚燒鴨同羊無計啦，依然係港島區食燒鴨首選

咖喱羊腩飯,咖喱羊同飯分開上. 咖喱汁油還油, 渣還渣咁, 食時要攪幾下再撈落d飯度, 咁就無咁油之餘又有好香濃咖喱味! 羊腩好正, 幾羶ga, 份量又多, 好抵食. 仲有薯仔都好味wo, 係先經油炸過, 所以外層比較脆, 裡面就有好raw薯仔味.仲試埋燒鵝飯,都係大碟好味, 皮脆肉味濃, 正!

終於有機會一試"清真惠記" 了!公眾假期既下晝, 三點去到, 熟食中心裡頭好多檔都休息, 場面冷清, 以為作為呢度名店既"清真惠記" 一定會帶頭休息, 點知又無渦, 哈~ 人數比預期中少, 不用等位, 三張大檯都只各自坐左三四個客...第一次黎, 又想試晒兩樣名菜既, 唯有揀"燒鵝飯加咖喱汁"... 不過事後真係有少少後悔... 因為本來以為咖喱汁係另上既, 點知原來係淋埋上面... 不過, 不幸中之大幸既係, 佢淋完咖喱汁先再擺燒鵝上去, 如果唔係, 就真係會破壞晒燒鵝既味道...燒鵝黎講, 真係一試難忘!! 先講賣相, D 燒鵝真係多到覆蓋晒成個碟面, 唔理味道好唔好都已經覺得好抵($22), 加上一食落去既第一啖, 個皮竟然係脆既!!! 我諗連名牌食府都好少做得到!!! 加上好好彩咁, 師傅切左隻脾比我, 啖啖肉, 連平日唔食皮既我, 今次都連埋皮+ 肥膏+ 肉一齊食... 好味!突然間諗起蔡瀾前排晌節目度講果句: "膽固醇萬歲!!!" 哈哈哈~至於咖喱反而有D 失望, 正如其他版友所講, 真係好多油, 碟飯既底係浸住D 飯既, 所以我淨係"畢"面頭果D 飯黎食... 味道方面,

見到咁多人寫佢既咖喱, 特意前來買個咖喱羊肉飯外賣。盒飯頗滿, 再加上淋上的咖喱羊肉, 滿到汁都漏出盒外。咖喱羊肉真係不錯, 我覺得唔算辣, 不過當吃完盒飯面層後, 發覺盒底的飯浸在一層辣油中, 搞到有三分之一盒飯不敢吃。由於堂食的咖喱羊肉係另外用碗仔另上的, 所以可以避免油浸飯。$23一盒飯, 仲點可能要求咁多呢。

久聞惠記大名,趁中午前尚在老銅,不如上來吃個早飯.晨早叫燒鴨,相信一定熱辣辣,再拼多味太爺雞,雙拼碟頭扣底,無走雞.燒鴨皮脆,一口咬下,似爆油的感覺.肉味濃郁,同西苑的琵琶鴨一樣令人回味,反而太爺雞絕非如得龍的水準,只是尋常的掛爐油雞,吃落很咸,雞非鮮雞,肉質自然略遜一籌.胃口不大佳,想追加蘿蔔,柚皮也有心無力,下次有緣再路過的話,再試.

中午時分，一個人黎到，十二點已經坐半滿，都咪話唔「近」。來碟燒鴨飯加咖喱汁($23)，可樂一罐($5)，order後三分鐘到齊。嘩，D燒鴨多到蓋住成碟飯，皮又夠脆。咖喱汁又勁多，仲有陣陣羊羶味，正！如果唔係得一個人，一定會叫碟咖喱羊腩飯share。不過有兩件鴨肉紅紅地，好以未全熟。D叻喱汁又勁多油，食到尾見到碟底d油浸住d飯，都唔敢食咁多。間中一餐啦。

上一次食這店的燒鴨已經是半年多前3日前與友人首次堂食, 叫了燒鴨飯& 咖喱牛腩飯. 兩者賣相雖然....但味道依舊不俗就燒鴨而言, 肉味絕非一般燒味店的可以媲美, 每口都充滿肉汁. 可惜的是鴨皮不太脆口, 而且皮頗多肥油,...不得不題蘿蔔兩個, 煮的很到味, 用來去除油膩非常好.至於牛腩, 肉炆得很腍, 辣味恰到好處, 但始終差一點"冶味" 感覺.最後試了把咖喱汁混上燒鴨飯...結果咖喱汁喧賓奪主, 食不出鴨味....本人並不建議....**咖喱牛腩/羊腩飯每碟$23**燒鴨飯每碟$22

咖喱羊腩正~! ^_^燒鴨都好好味...咖喱汁＋粉... 正！