添飲咖啡館 (已結業)

門口正正是粉嶺消防局對面入去，只有一個入口 (而我以為在馬會道那邊入去）行入去會經過舊裁判署先， 去到最後那楝建築物地下才是cafe，由於沒有招牌，所以平常經過都很難知道有餐廳在裡面。餐廳裡面大多由木做檯及櫈，有點文青feel，各位想打卡好地方。還會見到有點日本生果賣如桃、梨.......這裡有早午餐，素食餐及肉食餐。而我選擇了All day breakfast......因為想試下個啡菇配炒蛋和墨汁麵包。整體可以，只有炒蛋完全沒有味，加點鹽炒會好點、然後墨汁包亦沒有牛油跟上，有點dry......最後我也有點選咖啡，較特別的是咖啡豆有三款給你選擇，然後才選咖啡口味。咖啡豆是好好飲，但今天可能咖啡師有點失準，比起以往的食評。要的是拿鐵☕️但好像泡沫咖啡😂奶泡比例多了，還有咖啡上拉花怪怪的，好似想拉心但變了雲.....有點浪費了這麼好的咖啡豆，希望可以維持好水平。

假日最好係找間coffee shop, 慢慢hea，上下網，今次入咗粉嶺一間由法院活化嘅Cafe, 呢度環境好舒服，好開揚，仲有露天位可以比客人帶狗狗來，我地三個人輕輕鬆鬆傾下計，食下cake,飲下咖啡，已經好開心了，價錢中等，店員有禮，眼見好多食客下午coffee time 坐到食埋dinner哩😃個cheese cake 好好味，朶花係食用花，可以食埋呢度啲咖啡好香濃，環境真心正我地都坐到黃昏先走，呢個柚子cake 都好正，cream 軟熟，蛋糕新鮮

中秋節當日放假，所以特地早點起床去試試這間每日坐小巴必經過的咖啡館。去到門外往內看還沒有人，當時已八點半，輕推門進去問侍應我可進去嗎？侍應答當然可以，然後就任意選擇自己喜歡的位置。因朝早只有四個餐可以點，我想食牛油果多士果個餐，我話唔要多士，侍應話好難唔要多士喎，因要墊住牛油果，佢話不如幫我整個下午先有得點嘅牛油果火箭菜沙律，緊係好啦！然後佢再推介我飲dark chocolate mocha ，侍應好好人幫我諗埋點咩餐，多謝！中秋節的早上遇上好人，願好人一世平安！（如果是生酮飲食的話，這間咖啡館絕對是keto friendly!)

之前就同朋友嚟到粉嶺法院參觀，咁啱發現咗呢度有間咖啡館。咁行完當然要入去食下啦。我哋行完都已經成下晝兩三點，下午茶時段，見到佢門口有寫下午茶嘅菜單，有三款，價錢都大概40至50蚊。但原來佢下午茶就只係得門口嗰三樣熱食，其他餐牌上嘅嘢都係沒有供應嘅！飲品同埋甜品就應該係全日供應。入邊嘅環境都好優美嘅，坐得好舒服，好有文青氣息。咁因為我哋都想食飽肚嘅嘢啦，就叫咗兩款嘅下午茶。分別係炸蝦，同埋炸飯波但係上到黎之後就有少少失望嘅，因為冇諗過依個價錢只係得三隻炸蝦同埋幾舊波味道上呢就正正常常囉冇咩特別。我諗嚟呢度食嘢都係食個環境多個食啲嘢食㗎啦我見啲甜品賣相都不錯嘅，不過價錢偏貴，份量都不是太多。食完個炸蝦同埋炸飯波之後，我地都決定去第二到再食

總評： 主打農村直送新鮮蔬果。價錢中上。適合放空，傾密偈。不宜飽餐。環境一流，早上無乜人，一室陽光，每枱都擺有鮮花，很舒服。早上只有4款brunch選擇。我們選了全餐和羊奶芝士奄列餐。價錢不包餐飲，不收加一。 只收現金。自助式所以冇服務。全餐正常水準，有薯角煙三文魚豬肉腸墨汁包炒蛋，算豐富。沙律調味不錯，嚐到點點蜜糖味，菜也新鮮爽口。奄列的蛋煎得不香，口感異常嚡口，夾心的羊奶芝士冇乜味，配搭奄列沒什麼驚為天人的化學作用。伴碟的沙律倒是不錯，番茄仔非常清甜。餐廳有D空運水果擺賣，日本蜜瓜同桃，金奇異果等。有點odd。食客會食完野順便買埋生果？ 定係想邊用邊賣，增加去貨量？好費解。得意的是我在佢地個menu發現左隻蚊的標本😂，餐廳位置多蚊也許在所難免，不會聯想到衞生問題，但最好可免則免啦 。呢度喺經營上面都算用心嘅，所以我都同佢哋反映我對佢哋食物嘅意見。希望佢哋有改善啦。期待試佢哋嘅午餐, 咖啡同蛋糕。

揸車既朋友可以選擇泊係隔離街的露天停車場，地方好大，上次兩點左右去到都有位剩。餐廳有白色同木為主，簡約，設有window seat望街景，裡面有好多綠色植物，小飾物，同埋餐廳會賣一d日本靚水果。食物主食方面唔算多，十款左右，但要留意返餐廳1430後就無主食，得3-5款下午茶。我地叫左一個carbonara, 西班牙海鮮飯，味道不錯，都幾多海鮮，但略有d咸另外叫了一個latte 同tea pot (refillable), 可以坐足一個下午，最後叫左affogato有baileys,vanilla ice cream 同脆米通，咖啡幾香，呢個配搭一齊幾好如果新界朋友想要個悠閒既下午，可以一試。

一直有留意呢間cafe終於試左Cafe menu 選擇唔太多，如果多啲選擇就更好！黑松露牛油果多士黑松露好香啊All day breakfast好怕食到好求其同埋上枱凍哂既all day 呢間唔係求其整，味道可以，食物係熱上Hazelnut latte 同凍朱古力都好好飲 見到有啲lunch set下次會去試埋

8月21 陰晴不定一個人的浪漫，重遊咖啡天地，再試其他菜式，今次色香味俱全Mate Bean Latte：有戀愛的感覺，界乎nutty與fruity 的戀愛，適合怕苦又怕酸的咖啡迷，入口奶泡幼滑，啡底層次分明，可見咖啡師的功夫超水準西班牙羊奶芝士奄列配有機沙律：濃濃羊奶芝士，奄列煎得恰到好處，外面金黃，裡面處於剛熟階段，切開就見到厚實的層次，雖然個人不太喜歡羊奶芝士味，但意外地好食綠茶卷蛋：蛋糕部份、綠茶濃醬、綠茶濃cream，配合得天衣無縫，無論味道上、份量上，都做出完美比例，多謝職員提醒放一陣先食，食出箇中軟硬的口感黑糖無花果蛋糕配雪糕：微熱蛋糕、冷凍雪糕，再加上伴碟的朱古力醬、原粒杏仁碎，冷暖脆甜混合一齊，意外地好食，甜得黎，唔會搶味

👩🏻男友好少plan行程，但今日就神神秘秘，話帶我去間靚Café hea~ 好sweet添🥰 Unexpected well-planned café date by my boy! 👦🏻·🍟脆炸薯角 Potato Wedges $38惹味之選！👍🏻炸得熱辣香脆！仲要灑好多味粉喺面，見到都流晒口水！🤤 Definitely a finger-licking dish with all the seasonings! 😜·🍰 伯爵茶蛋卷 Earl Grey Cake Roll $42蛋糕質地實在，伯爵茶味濃郁！Cream好滑，又唔膩！擺盤精緻！一試愛上！😍 Rich earl grey taste! Smoothy texture and won’t get tired of. 😚Love it! ·🌹玫瑰拿鐵☕️ Rose Latte $49咖啡味唔重，略嫌少少失望！但值得一讚係🌹玫瑰味好natural，唔係假嘅syrup味！🧐可能真係因為選用天然玫瑰水同配上🇧🇬保加利亞有機玫瑰花瓣令味道更自然更特別！😚A bit disappointed with the “not strong en

中午不能預約，去到又連派薵也要半小時後，見到很多枱是沒有人坐但又留座，已經行得遠，安排座位十分差，餐廳食物價錢在粉嶺區已經是貴，食物普通不好吃，咖啡沒有什麼特別，連鎖咖啡店比它好，服務員態度差劣，用這個價錢食這些東西，性價比極低，不去也吧！👎🏻👎🏻👎🏻

入門就覺得里面好像光猛的森林一樣，有吊樹吊葉，有木製的桌呀、凳呀，有不少園境盆栽。牆身換上落地玻璃後，光由外面透進，令室內光線充足，與外面的園境交融，猶如置身於園境中。 找個近窗的位置坐下，欣賞外面的清近田園境及猛烈的陽光，是節日 放鬆的好地方。打開餐牌，菜色種類繁多，而且描述的用字非常漂亮，還人看了再看，可以細細咀嚼。店員不多，但店內客來客往，把他們忙透了。Spaghetti Carbonara Bacon Poached Egg 醬汁濃厚，芝士味輕，中間的水煮蛋配合得恰到好處，唯獨意粉煮得較為稔身，口感粉粉的，個人會比較喜歡硬身的。很喜歡他的上菜的餐碟，自然、樸素。Green Apple Pomegranate Soda石榴味重，酸酸甜甜的，開胃解渴。Avocado on Toast, Tomato Flakes, Truffle Butter 菜色一到面前就嘩嘩聲，因為有原隻牛油果放於吐司上，材料相當充足；另外亦有黑松露醬放於牛油果上，牛油果清新與黑松露香濃的味道互相交融，加上麵包外脆內軟，口感及味道的層次相當豐富。English Rose Wild Berries Tea 飲品

7月24晴陰雨晴在透明落地玻璃前的bar 枱，渡過輕鬆的三小時咖啡係絕對「無得彈」，有口味的咖啡用上較淡味的咖啡豆，令咖啡口感和諧度大大提昇；而精選咖啡豆（TEAM拼配豆）口感濃郁，顯示出咖啡師精心的配搭，帶出咖啡豆的豐富層次主食方法，All day breakfast 打破傳統的煙肉片，用上大啡菇加滑蛋，味道一流，整體配搭亦好，值得推介牛油果多士：有改進空間，用上酸麵種薄切多士，配以完熟的牛油果，加上黑松露牛油，略嫌多士片太薄太乾，如果加厚半分，再微溫焙，多士的層次感會大大提昇，另外可減少牛油份量，減少油膩感，或者灑少許檸檬汁提味，帶出清新感，但值得一讚牛油果的份量（滿滿的）慢煮豬：台式手撕豬的感覺（重口味），羽衣甘藍被煮得太老太鹹，蘋果醬欠層次，焦糖菠蘿欠焦糖味且欠厚度甜品方面，蛋卷味道濃郁，有伯爵茶、紫薯味，質感超好，不負眾望，給力推介以自助形式取水、取餐具，自由度很高，沒有擾人的服務生，值得推薦的悠閒cafe

位於前粉嶺裁判法院活化項目內，有一間本地café — 添飲咖啡館。今日，黎到café呢度環境清幽，位置由港鐵粉嶺站C出口行大約8分鐘就可以到達。餐廳大部分食材都係採用黎自本地農場種植嘅農作物，原食材有機新鮮。牛油果多士、蕃茄乾碎片、黑松露牛油 ＄78Avocado on Toast, Tomato Flakes, Truffle Butter先黎講講超級食物牛油果多士，原個牛油果開邊上，放係烘得香脆嘅多士上面。軟棉棉帶果汁嘅牛油果配上脆口嘅多士，口感互補，PERFECT MATCH！再加上牛油果上嘅蕃茄乾碎片同埋黑松露牛油，味道層次提升，黑松露香氣突出左牛油果嘅香甜。伴碟沙律配酸酸甜甜嘅沙律汁，好清新好新鮮！建議：可以BLEND開牛油果上嘅黑松露牛油再品嚐，味道融合得更好。雜莓燕麥、杏仁、龍眼蜜 ＄55Muesli With Assorted Berries, Almonds, Longan Honey打卡之選 — 雖然呢款比較少客人點選，但係好有驚喜！做早餐或者下午茶都好適合。一碗牛奶燕麥加入脆口嘅杏仁，再配上不同款式嘅莓果（包括藍莓、士多啤梨、紅桑莓同埋提子乾），加埋旁邊嘅小小三角

從外觀去看，白色小屋是吸引的！從報張介紹，專程駕車來到，一入餐廳，發覺不只是餐廳，還有水果、盆栽售賣，待應指示二人只可坐近落地玻璃一邊的座位，陽光猛烈，晒爆頭，但冷氣又超凍，餐具、清水，都是自助的，食物選擇少，跟鄰座只有一尺多的距離，只好用了20分鐘的時間草草用餐，便走人！食物上檯擺設尚好，以一個All day breakfast 加最普通一杯咖啡，二人收費接近300元，以這個價錢，就不用到這裡用餐啊🍴！後記：最近泊車地點與餐廳大約8分鐘步行距離，周六日$18/小時，最少兩小時。

約了好友去粉嶺呢間舊法院裁判法院改建嘅餐廳扮文青，去到環境變得好靚（做粉嶺時真係睇住改建工程）餐廳其實係法院旁嘅建築物，白色落地玻璃窗，當時滿座，攞票等10分鐘就入座，坐在水吧對住嘅三個位！地方口底高，好喜歡舊原木嘅桌子！場內仲有日本水果賣，加上大大束鮮花，配白牆好清爽！食物都係西式食品，價錢唔算平！好快落單就耐心等待⌛️側腹牛扒、椰菜花對片、合桃香草檸檬醬（$198）賣相擺盤靚，石板上菜，牛肉已切片，做到要求嘅5成熟，牛肉唔韌有牛味，不過醬汁味道略淡，唔夠咸味，落啲鹽就剛剛好！椰菜花碎上，熟度偏生，較硬身！味道幾清爽！喜歡呢度嘅煮法食到食物原味！好味！London Peach Tea($35)玻璃壺上，花花杯清雅，桃味唔假好清爽！沖兩次都仲有味朋友食：全日早餐（$108）食咗薯角（外脆內軟，有薯香）墨汁包（外脆內軟似法包）煎海爐魚柳、芹菜頭薯蓉、青豆、海膽忌廉汁（$125）食咗魚柳（好嫩滑呀～～）薯蓉好滑！好味Cappuccino($39)Americano($36)店員有禮，我要問清楚有無糖，佢哋都好有禮回答，主動來問我熱桃茶使唔使加水，又唔會催客走！好舒適嘅地方，扮文青一流