影片
更多
2019-07-24
374 瀏覽
位於前粉嶺裁判法院活化項目內，有一間本地café — 添飲咖啡館。今日，黎到café呢度環境清幽，位置由港鐵粉嶺站C出口行大約8分鐘就可以到達。餐廳大部分食材都係採用黎自本地農場種植嘅農作物，原食材有機新鮮。牛油果多士、蕃茄乾碎片、黑松露牛油 ＄78Avocado on Toast, Tomato Flakes, Truffle Butter先黎講講超級食物牛油果多士，原個牛油果開邊上，放係烘得香脆嘅多士上面。軟棉棉帶果汁嘅牛油果配上脆口嘅多士，口感互補，PERFECT MATCH！再加上牛油果上嘅蕃茄乾碎片同埋黑松露牛油，味道層次提升，黑松露香氣突出左牛油果嘅香甜。伴碟沙律配酸酸甜甜嘅沙律汁，好清新好新鮮！建議：可以BLEND開牛油果上嘅黑松露牛油再品嚐，味道融合得更好。雜莓燕麥、杏仁、龍眼蜜 ＄55Muesli With Assorted Berries, Almonds, Longan Honey打卡之選 — 雖然呢款比較少客人點選，但係好有驚喜！做早餐或者下午茶都好適合。一碗牛奶燕麥加入脆口嘅杏仁，再配上不同款式嘅莓果（包括藍莓、士多啤梨、紅桑莓同埋提子乾），加埋旁邊嘅小小三角
牛油果多士、蕃茄乾碎片、黑松露牛油 ＄78
Avocado on Toast, Tomato Flakes, Truffle Butter
先黎講講超級食物牛油果多士，原個牛油果開邊上，放係烘得香脆嘅多士上面。軟棉棉帶果汁嘅牛油果配上脆口嘅多士，口感互補，PERFECT MATCH！再加上牛油果上嘅蕃茄乾碎片同埋黑松露牛油，味道層次提升，黑松露香氣突出左牛油果嘅香甜。伴碟沙律配酸酸甜甜嘅沙律汁，好清新好新鮮！建議：可以BLEND開牛油果上嘅黑松露牛油再品嚐，味道融合得更好。
雜莓燕麥、杏仁、龍眼蜜 ＄55
Muesli With Assorted Berries, Almonds, Longan Honey
打卡之選 — 雖然呢款比較少客人點選，但係好有驚喜！做早餐或者下午茶都好適合。一碗牛奶燕麥加入脆口嘅杏仁，再配上不同款式嘅莓果（包括藍莓、士多啤梨、紅桑莓同埋提子乾），加埋旁邊嘅小小三角多士，色彩豐富又吸引！雜莓嘅清甜好開胃醒神，加上龍眼蜜入牛奶燕蜜當中，多了一陣蜜糖香，有心思！
紫薯卷蛋＄42
Sweet Potato Roll
紫薯嘅甜品通常都唔會令人失望，淨係佢嘅顏色已經夠哂搶鏡。卷蛋蛋糕質地軟棉，蛋糕上面撒上嘅深紫色紫薯粉甜甜的。夾埋紫薯忌廉夾心，甜度適中，剛剛好，不會有甜膩感，簡簡單單嘅配搭～如果係蛋糕嘅中間夾心層，加入紫薯蓉，紫薯味道會更突出。
英式玫瑰紅茶 ＄35
English Rose Tea
一個內附茶隔嘅透明玻璃茶壺，放入玫瑰花同埋紅茶茶葉，配埋玫瑰印花茶杯同茶杯碟好靚！清香嘅玫瑰花味道撲鼻，紅茶唔會苦澀，有少許回甘。休息嘅日子，好適合一口蛋糕一口茶，同好姊妹係度飲杯茶食件餅，係人生一大樂事～
凍綠薄荷咖啡＄52
Iced Mint Coffee
無諗過叫一杯冰薄荷咖啡可以打卡不停！三層顏色：第一層咖啡、第二層牛奶、第三層薄荷糖漿，顏色好靚，一層層。而且呢個分量嘅配搭有諗過度過，底層三角位最少自然係薄荷糖漿，上層咖啡最多較濃，底層牛奶剛剛好，味道得到平衡！
總結，添飲咖啡館係一間食材新鮮有誠意嘅一間餐廳。餐廳所用嘅食材大部分都係有機，黎至本地農場，每款菜式、飲品及甜品都獨具匠心。又靚又好食～大家無論係黎食野、飲杯坐下談天說地，定係打卡都適合！
張貼
