海港薈

營業中

休息中

約了人到尖沙咀，走到樓上試中菜。到了中菜廳門口，右邊是公司晚宴。另一邊是一般食客，我的鄰枱是一班日本上班族，喝着啤酒吃中菜，吃得不亦樂乎。簡單的淺色裝潢，佈置成婚宴的場地，清雅而不庸俗。大型落地玻璃映照着聞名世界的維港，璀璨的夜景在晚上更顯多姿多彩，非常適合晚上在這裡舉行婚宴或公司聚餐。西班牙黑毛豬叉燒(例)($168) 的叉燒肥瘦適中，滿滿的蜜味不僅填滿叉燒的外圍，也填滿伴菜小豆粒的味道。乳香百寶齋($118)，南乳香撲鼻。各式各樣的材料如木耳、金針、豆腐卜和草菇等，除豆腐卜外，大部分都是乾爽的材料，然而南乳令本來清淡無味的蔬菜菇類變成令人不停添飯的菜餚，又不會過於濃郁。這個素菜使用南乳的份量恰到好處。腐皮素鵝($42)炸得香脆，上桌時非常燙口，特別是內裡部份，吃時會有少許汁淺出。因食物非常熱，需待一會才吃。腐皮煎後變成乾身，內裡的餡料部份帶汁，卻沒有浸軟外層的腐皮。單食已非常香脆，蘸醋後提昇味道，酸中帶脆，外脆內軟。鮑魚堤岸炆飯($148)與香口的腐皮素鵝相反，飯粒滿盛炆飯的汁，令到每一口飯都十分軟稔而入味，不用再加其它調味料，味道也不會蓋過餸粒。在冬天吃這種炆飯，特別滋潤暖肚。

今晚和家人吃個便飯，吃他們喜愛的中菜，而且小妹將會短暫出遊，應該都有一段時間沒有中菜吃，趁着臨出發之前就吃點好吃的中菜吧。 這店位於北京道1號，為九龍黃金地段，店坐擁180度維港無敵大海景，空間感富足，以歐式庭園的裝飾，格調高雅，為適合用作婚宴的場地。 點了一個二人餐，$638包括西班牙黑毛豬叉燒（例牌）、自選一款小食、兩款小菜、及一款主食。西班牙黑毛豬叉燒（例牌），賣相吸引，黑毛豬叉燒外面塗上閃爍的蜜糖，咬落肉質鮮嫩爽口多汁，肉味濃郁，小妹只喜愛托底的蜜豆，既有益又好味。 小食選料桂花鮮淮山，新鮮淮山不是在很多地方能吃到，這道菜的淮山鮮度十足，加上淡淡的桂花蜜香，帶出淮山的鮮味，另外口感帶點膠質，感覺養生。 自選的兩款小菜分別選了避風塘牛柳粒及乳香八寶齋。 避風塘牛柳粒賣相吸引，有鮮豔的紅椒及香脆蒜蓉作調味，味道有點像橋底辣蟹，以炸香的茄子為配菜，外脆內軟， 十分惹味。牛柳粒外皮香脆，裡面牛肉的鮮味及肉汁完全被鎖着，雖然這道菜對小妹來說有點辣，但是因為太好吃的關係，還是按耐不住吃了很多塊。 乳魚香八寶齋，長輩們至愛，除了平常會出現的雲耳、腐竹及黃芽白之外，還加入了清甜的紅棗及白

It has been a while since I have dinner with my parents, thus I decided to ask them out for dinner tonight. We suggested to meet up at Victoria Harbour Supreme, a Chinese restaurant specialized in Guangdong cuisine. There are few branches and we went to the one located at Peking Road, Tsim Sha Tsui.                             Their menu was very comprehensive and extensive, offering a wide range of Guangdong cuisine, ranging from seafood, meat, vegetables and noodles and rice etc. Smoked egg wi

與家人聚餐，中餐一定係首選：在芸芸中式食肆裡，我偏愛有景、有味、有特色的酒家。這兒雖只位處9樓，但座落尖咀心臟地帶，以海景做賣點，對正個灣仔維港景，正合我意。至於有味，即係美味滋味但唔係重口味，食完都唔會狂泵水囉！還有特色，要有創意和心思，唔係西餐至講創新架，中菜都可以加多點心意噃！西班牙黑毛豬叉燒，用橡果餵飼的西班牙豬仔肉質鮮嫩、肥瘦適中，用嚟做BBQ叉燒，口感豐腴味美，一試難忘。大廚考心思，用這隻”鬼佬豬”做埋叉燒包，實行一豬兩食。黑松露野菌餃，名貴吓呢，個人覺得比菠菜餃又高一個層次。鮑魚燒賣皇，雖然唔係獨創，但我真係好鐘意食燒賣有鮑魚架。鮑魚花膠灌湯餃，又有鮑魚，今次仲大隻啲，配埋上等花膠，包足料餃子，大大碗好滿足。蜜椒雞中翼，掃上蜜糖是精萃，雞中翼好大隻，唔知又係咪”鬼佬雞”(笑！)脆米海鮮泡飯，想不到用了蝦仁、蘿蔔、帶子做湯料的泡飯竟然咁好食，我想是因為湯頭肴得靚，加上超鬆化的脆米，一口軟糯一口卜卜脆，食完一碗再一碗。生磨芝麻糕，黑漆漆的糕面抹上金色一筆，藝術得嚟重要好重芝麻味，口感似食緊芝麻糊。這次午餐豪氣又好味，四人餐盛惠 $888，物有所值。

閨蜜好友快結婚了, 佢打算去海港薈到擺酒, 上星期佢約埋我同佢媽咪一齊去果度試下晚飯, 睇下手勢好唔好, 再決定婚宴係唔係度進行~ 海港薈係尖沙咀北京道1號, 有無敵夜景, 地方都好大好優雅, 服務員總括來講笑容十足, 而且頻頻換碟加水, 個人覺得服務真係無得輸! 呢度地方都唔算細, 擺十幾廿圍應該無問題, 而且仲可以打通隔離廳, 隔音都唔錯, 朋水表示過闗~ 我地點左幾款菜式試吓廚房手勢~ 鹽燒六頭鮮鮑魚、磯燒魚乾、惹味醬爆西班牙黑豚肉、避風塘牛柳粒、粵式菜遠海鮮雙面黃 鹽燒六頭鮮鮑魚 - 原來六頭都幾大隻!!! 鮑魚本身就好爽好彈牙, 用上惹味既鹽燒來處理, 就更加脆同埋香口了, 食完真係LUM LUM 脷, 好回味呀~ 磯燒魚乾 - 口感煙韌, 而且又係好惹味, 好似我地平時食既零食魚乾, 但呢款更加柔軟又夠煙韌, 沾啲沙律醬就仲好食! 惹味醬爆西班牙黑豚肉 - 以黑豚肉切成粒粒, 再用上梅菜同埋菜粒來炒, 空口食會有啲咸有啲重味,但只要用生菜來包住食MAGIC就出現了! 生菜口感好爽脆好清新! 配上半肥廋既黑豚肉同埋惹味梅菜, 奇蹟地配合呢~ 避風塘牛柳

座落北京道一號高價地段，無敵海景配合年青婚宴佈置，知道新張優惠未完，這個月來過飲茶之後，今晚再來吃飯。雖然很想試這超值的皇帝蟹套餐，尤其見到鄰近多枱客人都是來吃這個，奈何只得兩個人，只好選擇這個鮑魚餐。原價每位$1180，現在$688，散點一份25頭吉品都要$588，杏汁燉燕窩需$188，自然超值。元師三弄黑毛豬叉燒、松露燻蛋、海蜇三拼前菜三款唔錯，尤其黑毛豬叉燒非常鬆軟入味，松露燻蛋很滑溜，沒有用上過量松露油蓋過燻蛋香。古法扣岩手25頭吉品鮑魚賣相簡潔，值得讚的心思是已經配上飯，鮑魚汁不會被浪費，25頭鮑魚算有份量，內心柔靭，可惜炆得不夠入味，鮑魚汁方面有進步空間。上湯焗龍蝦伴脆麵棧非常新鮮的龍蝦，鮮美多汁，肉質有彈力，麵棧脆口。羊肚菌花膠燉螺頭湯頭頗清甜，花膠都幾大塊但比較硬，裏面仲有兩粒鮑魚仔，食得滿足。白灼螺片時蔬果然只是白灼，味道太清淡，賣相都見到，今晚最失色的一道。杏汁燉燕窩味道唔錯，並不太甜，但燕窩唔算多。配合環境地段材料，這個優惠價算是食得過

通常一家人下午的聚餐, 媽咪最喜爱的就是一家人去"飲茶", 一來媽咪喜歡飲中國茶, 二來可以在舒適的環境慢慢歎, 而且食物的款式多不勝數, 由前菜到甜點都有大量選擇！今日我提議去位於尖沙咀北京道的海港薈, 聽朋友講這裹的食物非常優質美味, 環境優悠舒服, 值得一試！雖然我們是食午市, 但是我們叫了很豐盛的點心同菜式！點心有西班牙黑毛豬叉燒包~叉燒包內黑毛豬軟腍带汁, 有灂口, 味濃不腻！黑松露野菌餃~餡料超多, 口感非常豐富, 可以稱得上皮薄餡靚, 還帶有陣陣黑松露香氣！鮑魚燒賣皇~原粒鮑魚爽口彈牙, 餡料真材實料, 味道層次感豐富！其他菜式有鮑魚花膠灌湯餃~大片花膠滑嘟嘟的, 感覺有很多骨膠原, 原粒鮑魚很有口感同彈口, 湯底清甜, 非常滋補養顏!蜜椒雞中翼~雞中翼煎得外層香脆, 內裏保存肉汁, 蜜糖甜甜的味道可以平衡雞翼的油膩, 加上粒粒芝麻, 更加香氣四溢！西班牙黑毛豬叉燒~脂肪分布平均, 肉質嫩, 肉汁多, 略带淡淡焦香味道, 非常惹味, 做得非常出色, 十分驚喜, 令我們回味無窮！！脆米海鮮泡飯~用鮮蝦, 帶子同蘿蔔炮製出一鍋鮮甜之極的泡飯來, 加上香香脆脆的脆米, 更添滋味

這天跟老闆外出開會後，一行三人就來到海港薈吃晚飯，說實，平日真的很少到北京道一號的酒家吃飯，這天難得老闆請吃飯，再加上開會時鬥智鬥力，整個人都變得又餓又攰了，所以一定要好好的大吃一餐。酒家的佔地挺大，裝修雅緻開揚，空間感十足，不過，最重要還是環境夠寧靜。老闆請客，餸菜發板當然由他話事，隨意的點了幾款小食試試。磯燒魚乾很愛吃這款小食，魚乾入口香脆，口感煙煙韌韌，有點像吃著日式的燒雞泡魚乾，吃時蘸上沙律醬會更惹味。 金湯珍菌羽衣甘藍也許我真的很愛吃南瓜，所以覺得這個小菜很好吃，南瓜入口香甜，口感綿密，珍菌爽脆，而羽衣甘藍吸收了滿滿的湯汁，變得份外鮮味，不過，他們都說這個小菜味道有點淡。乳香百寶齋百寶齋的材料挺多，木耳、雪耳、草菇、豆腐卜及金針等等，煮得非常入味，入口帶點濃濃的乳香味，口感層次豐富。燒鵝皇 (例)這裏的燒鵝煮得非常有準，燒鵝皮油亮，外皮香脆，而內層啖啖肉，肉汁豐富。粵式菜遠海鮮雙麵黃炒麵內的海鮮種類非常多，有大蝦、帶子、蚌、魷魚等等，而且份量挺多，一個炒麵就足夠2-3人享用，而炒麵入口超級香脆，配上鮮味爽甜的海鮮，讚。

北京道一號嘅海港薈，於最人流最旺嘅海港城隔離，就在1881後面，所以向海方向低頭可以盡看1881全景之外，亦將整個維港景色盡收眼底。場地佈置裝潢以婚宴為主，潔淨光猛。據知全場可擺35圍酒席，而25圍就可以包場喇！而家做緊 “長腳蟹全包宴” promotion，都見到好多人食，但可惜我地得兩個人我地兩個燒鵝控急不及待點了例牌燒鵝及幾道小菜炒飯，沒想到這裡的是那麼大件夾扺食。燒鵝例居然分到脾位，肉質較實、多汁甘香，配上梅子醬一流配搭小菜方面點了脆皮咕嚕黑豚肉及乳香百寶齋一般都咕嚕肉都會用肥豬肉，因為炸起後會比較juicy同埋香啲，但海港薈選用黑豚肉又有另一番風味！脂肪減少了，肉質爽脆有肉汁，口感似豬頸肉。仲加入菠蘿、士多啤梨等偏酸嘅水果減膩為左均衡飲食，當然要食啲蔬菜吧！所以選左乳香百寶齋，勁大煲.....包括有: 草菇、磨菇、冬菇、金菇、雪耳、木耳、紅蘿蔔、枝竹、靈芝菇等等，南乳味道香濃。最後一個鮑魚提岸炆飯，飯粒分明、超驚喜除左有鮑粒香之外，還有好多配料，例如帶子、火鴨、海蝦等，非常豐富！

好姊妹係「鮑魚控」，有朋友告訴我這間酒樓有一個鮑魚套餐（$688）/兩位起也不錯，就一於約好姊妹一起去試。元帥三弄（黑毛豬叉燒、松露薫蛋、海 蜇三併）黑毛豬义燒肉質有口感，又帶點甜甜的蜜糖味，配合得不錯。松露薰蛋有陣陣的松露香味，同蛋的煙薰味沒有沖突，美味可口。海哲相對沒有甚麼特色，味道一般。白灼螺片時蔬全晚最失色是這道菜，味道真的有點淡而無味。古法扣岩手25頭吉品鮑魚重頭戲終於出場，鮑魚炆得夠腍又不失煙靭的口感，頗欣賞旁邊的藜麥飯，份量適中，配上鮑魚汁更美味，真係連汁也「撈埋」。上湯焗龍蝦伴脆麵盞今晚的龍蝦非常新鮮，龍蝦肉爽口又彈牙，麵盞炸得又香脆。羊肚菌花膠燉螺頭這個燉湯材料非常豐富，當然包括羊肚菌、花膠、螺頭，還有細小鮑魚、鷄腳、豬肉，又怎可能不令人回味呢？杏汁燉燕窩這個甜品也沒有讓人失望，很真材實料，內裡有頗多官燕，美味又養顏。昨晚看到一張長腳蟹全包宴的菜單（$3980），價格合理，我一家人也是「蟹」的粉絲，覺得不妨也可以一試。

朋友喜歡吃中餐，同事介紹尖沙咀的海港薈給我，說那邊的中菜很不錯，尤其是燒味，我便帶朋友去試試！這裡佈置清麗優雅，相信也很適合作婚宴場地！先點了一份腐皮素鵝，很好吃的素菜，一小件一小件，金金黃黃似金磚，裡面脹鼓鼓塞滿炒香了的冬菇絲、紅蘿蔔絲等，再煎香，沒有真「鵝」一樣好吃！點了一客燒鵝皇例牌，燒鵝的皮充滿光澤，非常非常香脆，是即燒的！鵝肉好嫩，胸位都好淋，推介！另外也叫了脆皮咕嚕黑豚肉，黑豚肉好彈牙，外皮脆，咕嚕汁酸酸甜甜，還有士多啤梨和菠蘿，清新！雖然金湯珍菌菜苗是蔬菜，但內容很豐富，有甜甜的南瓜粒，各種菇菌，菇味好香，菜苗嫩！我非常喜歡粵式菜遠海鮮雙面黃，麵好脆，還有各種海鮮，有鮮味十足的魷魚，爽口花枝片，蝦仁，帶子等等！份量十足！

平時我真係好少食到好難忘既粵菜，而今晚食既所有菜式，真係完全無一樣可以挑剔到👍🏻👍🏻所以一定要同大家分享😃呢間係專門做婚宴場地💍可以做到噴雪effect檯與檯之間好夠闊，好有空間如果無婚宴的話，就係食小菜仲有阿拉斯加蟹「海鮮雙面黃」炸得好靚，個邊完全無燶，平時係其他酒樓食都好油，個邊一定有燶，而呢個超脆口，有食薯片既感覺又唔油膩「西班牙黑毛豬叉燒」好有口感蜜味唔會好膩，我竟然不停想夾黎食肉質又好軟腍「脆皮咕嚕黑豚肉」用左新鮮菠蘿🍍同士多啤梨🍓一齊炒，好開胃用水果炒感覺特別fresh咕嚕豚肉真係皮脆肉嫩「磯燒魚乾」用黎送酒一流「啫啫生菜膽」全部都係用菜膽架所以都係好嫩

幾個老同學，其中一個由加拿大回港所以一聚，這個是婚宴盛地，場內佈置加維港景緻，環境不錯。因為秋天是食蟹季節，於是我們叫了一隻4斤幾重的阿拉斯加長腳蟹，一蟹三味，分別是避風塘炒蟹，蛋白蒸蟹腳及蟹肉炒飯。三種不同煮法，不同風味。避風塘炒蟹非常嘢味，蛋白蒸蟹腳非常鮮味，蟹肉炒飯非常爽口恰到好處。之後我們要了花膠螺肉老火湯，非常滋潤。再要了雙寶，清蒸蟶子及燒鵝，最後加碟炒菜，六個人份量剛好。

今晚特意來這家位於北京道一號的海港薈，為一位有意在此設宴的朋友試試菜，結果食物的水準實在大幅超出預期。裝潢富麗堂皇，空間寬敞四正，燈光足充，共可開設35圍，是筵席宴客的好地方。仁稔方入座侍者隨即奉上前菜仁稔一小碟，入口細細咀嚼，先是微酸微甜，之後就嘗到那無可替代的一份清香。鹽燒六頭鮮鮑魚「有味使之出，無味使之入」，用上本身肉質軟嫩而味道偏淡泊的鮮鮑魚，故以椒鹽炮製更能提升風味，外脆內軟熟，火侯拿握得剛剛好。腐皮素鵝看似平凡的素鵝，一入口卻令人驚喜萬分，炸得香脆的腐皮內，包著切碎了冬菇、草菇和銀芽等，口感鬆化又鮮美，蘸上一點醋，十分滋味。乳香百寶齋以熱烘烘的石窩盛載，香氣撲鼻令人食慾大增，百寶齋內容非常豐富，有腐竹、豆卜、冬菇、黃芽白等，南乳原本鹹味和獨特的香氣，與上素的滋味相配，頗收相得而益彰之效。脆皮咕嚕黑豚肉芡汁酸、甜、鹹味平衡，味道融和，而且稀稠寬緊合度，黑豚肉肥瘦適中，炸漿厚薄得宜，入口咬嚼有外層焦香酥脆而內裡嫩滑的滋味，色香味俱全。鮑魚堤岸炆飯把鮑魚、貝柱、燒鴨、菜粒都切粒，混和米飯煮透入味，潤而不油，醬香鑊氣都恰到好處，每一啖都滋味豐美，也有口感與味道變化不一的驚喜。

要搵有靚景嘅餐廳，成日都會即刻諗起北京道1號。但係來來去去都係嗰幾間餐廳，呢排新開左一間酒樓就同媽咪試下佢啦。入到去門口已經好靚，好有童話感覺，果然係啱婚禮宴會。入到去酒樓入邊，果然貫徹北京道1號嘅傳統，大大嘅落地玻璃完全睇到晒尖沙咀嘅靚景。食物方面，首先有前菜酸梅，個人並唔係好中意醃漬食物，所以交晒比媽咪食，佢話有啲酸但幾開胃。我哋嘅主角鹽燒六頭鮮鮑魚到啦！穌炸過既鮑魚加上椒鹽，外層又香脆又惹味，而入面竟然仲保持到十分嫩，完全唔鞋唔硬，相當有驚喜！然後到媽咪最愛既腐皮卷。腐皮卷要好味就一定要夠脆，而且個饀要夠味，呢度2樣都做到，入面有好多菇，而且夠哂味。小菜方面，我就揀左避風塘牛柳粒。牛柳粒肉質嫩滑多汁。另外唔好見到咁多辣椒以為會好辣，其實只係裝飾，只有小小辣但超級惹味！而且伴菜都好有驚喜，本身以為佢係薯仔/豆腐粒，原來竟然茄子粒！原來將茄子切粒之後炸，外面好脆入面軟林林，口感幾特別。最後要左個白松露油野菌炆粗麵，老實講白松露味就唔算好濃，但係整體來講呢個粗麵都好夠味又唔油膩，而且啲麵亦都唔會太淋，同牛柳粒一齊食啱啱好。呢度價錢都唔算好貴，又靚景食物又好味，真係值得嚟。