海港薈

營業中

休息中

同三五知己收工食晚飯，估不到尖沙咀有間海港薈小菜又幾出食，價格又合理，四人食埋單都是每人四百元。六日多數做婚宴，平日就多數做小菜。一開始我們選了二個小食，我們揀了酒糟鴨舌，有濃郁嘅酒香味，指甲留香，感覺自己置身在台灣。第二碟是金沙炸魚皮，用上鮮製嘅魚皮加上鹹蛋黃沙一齊食，10分美味，因為熱食更添美味。到主角出場，黃金有米魚-紅色東星班切件再即場沸好魚湯加飯脆卜卜好新𩓙食法，魚湯非常出色，魚肉好滑是上菜之選。出面多數清蒸，這個食法同樣美味及別具特色。陳皮豆豉炒蝦球，每隻蝦都非常大隻，再加上陳皮豆豉洋蔥非常醒胃。醬皇海鮮千層腐皮-入邊除咗有大隻蝦,帶子，冬菇及貴妃蚌，仲有主角嘅千葉豆腐，非常好味的一個大鍋。粵式菜遠海鮮雙面黃， 面底好趣，配上海鮮配料又是好味小菜。仲有一啲平價小菜及12人圍餐， 價錢都非常合理。

阿拉斯加長腳蟹，又名帝王蟹、或鱈場蟹，可說是蟹痴的一個終極追求，要歎到產地直送的新鮮海產，不一定要到高級日本料理店或西餐廳。今日就等我帶隊，到中菜館如皇帝般歎蟹啦！這兒的阿拉斯加長腳蟹一共有8種烹調法，思前想後，我最終揀了原汁原味，毫無添加的做法：凍食。個人覺得，對待貴價食材還是以最簡單的做法，來食出海產的鮮味、原味。我們一行四人，點了半隻阿拉斯加長腳蟹，廚師用心地將蟹殼扑開，食客毋須用工具也可以輕易取出大大啖蟹肉。靚蟹真係唔同啲，鮮味突出爽滑彈牙，喜歡的還可蘸芥末醬油，風味獨特。陳皮豆豉炒蝦球，蝦球鮮甜口感十足，用上陳皮和豆豉來炒更加突出海蝦的甜度，搭配菜紫洋蔥，一絕。脆皮咕嚕黑豚肉，脂肪分布平均，厚肉脆嫩，入口多汁，加上菠蘿、草莓、青紅椒和酸甜醬汁，做到微酸中略帶甘甜，廚師功架水準以上。金沙炸魚皮，近年大熱的鹹蛋黃魚皮，炸得香脆可口，全件舖滿濃厚的鹹蛋黄，重口味者會愛死。金磚豆腐粒，豆腐如綿細滑，皮層脆口惹味，小心一夾即散，用匙羹啦老友。最後以鮑魚堤岸炆飯作結，多樣食材混在其中，包括有鮑魚粒、带子粒、蝦肉、, 冬菇等，炮製出一鍋鮮濃烈得到又帶點軟糯的炆飯，好飽肚。

新年佳節快到了！為避開食飯擠迫的場面出現, 我們一家人決定早些食團年飯！之前我曾經去過位於尖沙咀北京道的海港薈食過下午飯, 食物質素一流, 環境舒適, 很適合我們一家共聚並暢談一番！！到達酒樓後, 我們見到很多食客都會order 阿拉斯加長腳蟹食, 媽咪話想試試！首先我們要了半隻凍食阿拉斯加長腳蟹~廚師很是細心, 已經將蟹殼敲好, 很容易便取出大大條蟹肉！蟹肉彈牙鮮甜, 大大條啖啖肉, 讓人欲罷不能！小食我們要了金磚豆腐粒~豆腐如綿細滑, 皮層脆口惹味, 令人無法抗拒！還有金沙炸魚皮~魚皮炸得香脆可口, 全件舖滿濃厚的鹹蛋黄, 更加突顯一片片魚皮質感, 廚師少點經驗都做不到！小菜我們選擇了陳皮豆豉炒蝦球~大大隻蝦球鮮甜口感十足, 用上陳皮同豆豉來炒更加突出海蝦的甜度, 令肉質的爽滑感呈現出來！還order 了脆皮咕嚕黑豚肉~脂肪分布平均, 厚肉脆嫩, 香口多汁, 加上鮮甜水果, 配菜同酸甜醬汁, 食味更添層次！主食是鮑魚堤岸炆飯~多款新鮮食材包括鮑魚, 带子, 鮮蝦, 肉粒, 東菇同菜粒炮製出一鍋鮮甜美味之極的炆飯來, 口感非常豐富！炆飯濕潤得來卻粒粒分明, 而且帶點飯焦, 特别好吃！

一家人去食飯，我都係會揀返中菜最安全尖沙咀呢間酒家係北京道，可以望到怡人的維港景色，老人家實會鍾意d咁舒服既環境，之前試過黎呢d飲喜宴，覺得d食物質素都ok見到好幾枱都有叫條魚食，我地都叫咗黎試下黃金有米魚 (紅色東星) 大大條1斤四兩的東星班，起肉清蒸，上面鋪滿金黃色的脆米，原來佢會加入清湯分比我地一齊食，好清甜，金黃色的湯，真係有賣相味道又好金沙炸魚皮咸蛋黃配上魚皮一起炸，咸咸地可以當作開胃前菜黑松露煙燻蛋煙燻味濃，配上小小的黑松露，味道非常香濃，蛋係流心溫泉蛋，喜歡！脆皮咕嚕黑豚肉有菠蘿、士多啤梨一齊炒，酸甜可口！醬皇海鮮千層腐皮呢個煲上到黎熱辣辣，有好多海鮮，有蝦、帶子、珊湖蚌、魷魚、冬菇；全部都好新鮮，好抵食！鮑魚堤岸炆飯呢個飯都好足料，用咗蝦肉、帶子、鮑魚、香菇一齊炆，一食就知道正，食多兩碗呀要！呢餐真係好正，下次再帶老人家黎食先！

今日星期天想帶爸媽吃好一點、特地挑選了這間新開的海港薈嘆午茶。座落於北京道一號的海港薈、以白、淺綠色為主調、配以碎花圖案點綴、整間餐廳光潔明亮、有廣闊的維港景。地方夠倘大、枱與枱之間空間感十足、看著靚景喝茶有說不出的舒暢。西班牙黑毛豬叉燒肉質結實卻不失嫩滑、肥瘦適中、加上蜜汁甜甜的很好吃！黑松露野菌餃餡料包得滿滿的。西班牙黑毛豬叉燒包 反而不太能吃出黑毛豬跟义燒的分別、不過味道還不錯。原隻鮑魚鋪上的燒賣皇極盡豪華、 爽滑味美。鮑魚花膠灌湯餃 脹卜卜的灌湯餃包著鮮肉冬菇、湯底鮮甜、加上鮑魚仔和花膠好像有點太豐富😛蜜椒雞中翼香甜惹味這個是非常推介的脆米海鮮泡飯～飯泡在海鮮濃湯裡、味道香濃鮮甜、加入卜卜脆米一同吃、口感十分好、非常好吃啊！新開業的海港薈環境這麼舒適、但價錢亦很合理、性價比好高～ 下次再來試晚餐😋

本來放假話出尖沙咀飲茶，就唔太想嘅，因為平時都係呢邊做嘢，放假當然唔想出返嚟尖沙咀，但係既然幾個朋友叫到，好難約到咁齊人，都無所謂啦……後來就好慶幸今日來咗，因為試到好好味嘅點心新去處西班牙黑毛豬叉燒叉燒都用上黑毛豬，用料保證，食落口感味道都很好。鮑魚燒賣皇燒賣皇定係鮑魚皇？我淨係知道呢個燒賣超正！莫講話上面隻鮑魚煮得好淋，燒賣嘅肉質都好彈牙，完美。鮑魚花膠灌湯餃係我食過最矜貴嘅灌湯餃！鮑魚花膠集於一碗灌湯餃之中，所以連個湯都相當之好飲脆米海鮮泡飯海鮮泡飯本是好似平凡的，但係原來加咗啲脆米落去，口感好好，泡飯即刻變得相當可口生磨黑芝麻糕即使食點心食到好飽，一試到呢一個芝麻糕，真係令人讚不絕口，而且不禁要添食，即使係糕狀，都食到少少芝麻糊的質感

每到新年聖誕，香港嘅夜景特別靚，所以今日就搵咗間喺尖沙咀海港薈嘅中餐食個靚飯，座得又舒服又有靚景睇「西班牙黑毛豬叉燒，蜜汁沾滿喺熱辣辣嘅叉燒嘅周圍，咬落肉質鬆軟，多汁。食完都好啲擔心再食唔到咁銷魂嘅叉燒。鮑魚提岸炆飯，呢個炆飯放喺一個熱辣辣嘅煲仔入面，可以保持一定嘅溫度，而飯底就用咗雞蛋做底，所以記得一上枱嘅時間要撈一撈，如果唔係好易燶。鮑魚份量都幾多吓，每啖都食到有鮑魚，而炆飯味道鮮味，飯粒分明，唔會一大舊飯咁磯燒魚乾-望落似豬皮，但其實係脆卜卜嘅魚乾，點少少沙律醬，酸酸地。當開飯小食都唔錯，小朋友見到會瘋狂咁食。金湯真菌羽衣甘藍-黃金就係指南瓜，平時食肉太多，食呢個就啱晒。湯嘅味道有比較濃菇味同南瓜味，加埋啲菜一齊煮個味又幾夾，我直頭當湯飲脆皮咕嚕黑豚肉，有新鮮嘅士多啤梨同波蘿，加埋酸汁，非常開胃。外皮堅係脆皮，而肉質非常鬆軟之餘係無骨㗎，啱晒我呢個死肥仔食。事關Nur骨我都獺

北京道一號餐廳都有廣闊海景為賣點，海港薈也不例外，近窗邊的大枱可飽覽維港景致。內部裝修以白色和花圖案為主。感覺明亮舒適。周末午市每位茶錢為$15，以此地理位置以言，定價合理。黑松露野菌餃外皮透薄、饀料調味較濃、多種菇菌口感更爽，正合我口味。鮑魚燒賣皇用料優質，交出水準。蜜椒雞中翼外脆內嫩，蜜汁豐富。灌湯餃本身屬貴價點心，海港薈的灌湯餃更加入鮑魚和花膠。餃身飽滿、花膠亦頗大件，湯頭清鮮。西班牙黑毛豬叉燒肥瘦均勻，鬆化嫩腍。每件叉燒也是厚切，更有咬口，滿口盡是肉香和油香。脆米海鮮泡飯又是另一出色之作。趁熱倒入脆米，與鮮蝦、帶子、蘿蔔、蔥花非常配合。飯粒煙韌、湯底香濃惹味，不經不覺也吃了三碗。

又到星期六，今期愛上了飲茶食點心，朋友介紹海港薈，風聞環境靚食材佳，立即訂枱同三五知己high 個中式tea !地點便利，飲茶聚腳一流! 細心留意下環境，呢到都好適合婚宴! 看看點心紙，種類繁多，我最愛的點心齊晒! 叉燒包麵包份外軟綿綿，叉燒肉汁多，很有驚喜! 說它是吃過最美味的叉燒包也當之無愧！雞翼所謂燒雞翼~我最鍾意食~每次見到總是忍不住要點燒雞翼，今次亦不例外。估唔飲茶地的燒雞翼香脆可口，肉嫩！灌湯餃用料上盛的灌湯餃，令我欣喜，有花膠鮑魚，如此豪華的灌湯餃真係令我回味無窮。鮑魚燒賣燒賣軟軟的，肉鮮嫩，口感很好加上鮑魚一起蒸，豪邁得別有一番風味。湯飯呢個泡飯加上米脆每一口都卜卜脆，而且再次吃到不同海鮮，別出心裁！是一班人果腹必選。意猶未盡下點了芝麻糕！黑芝麻上的金萡，令賣相加了很多分。熱騰騰的，柔軟中散發濃濃的芝麻香，實在是難得一吃的佳餚。飲茶可以咁優質，令大家都刮目相看地讚！

今日難得同屋企人飲茶，一於去尖沙咀呢間新歡 - 海港薈。海港薈的環境真係好瑰麗，價錢又相當合理，令雙親耳目一新，未開餐先笑顏逐開。開餐先叉燒包叉燒包屬媽子最愛! 呢到的叉燒包熱騰騰，麵包非常柔軟，餡料中的叉燒亦非常新鮮豐富! 很高質!叉燒叉燒咁高質，令人非常回味，所以忍唔住口要黎番碟叉燒先。份量多，肥瘦比例佳，啖啖滋味！灌湯餃灌湯餃有花膠有鮑魚，非常豐富鮮香的湯汁，皮餡都正。令人欲罷不能。鮑魚燒賣難得一家人相聚，豪一豪嘆鮑魚。鮑魚有成粒燒賣咁大，口感佳，加上燒賣啖啖肉，真係想的食多幾粒。菜餃晶瑩剔透的餃皮，黏得來充滿菜香，又是一佳品。泡米飯呢個湯飯非常特別，加上米脆每一口都非常過癮。很幸福的飯茶記。

今日黎呢度食百日宴..一黎到見到個景已經嘩嘩嘩...好靚既海景.八點零仲睇埋幻彩永春江..呢度包房地方都好闊落...唔會窄到摸到隔離檯..餐單既龍蝦.原來係每人半隻..燉湯仲要係每人一大盅...夠曬大方得體...擺酒可以諗諗..價錢就貴左少少.

喜歡在北京道這裡找吃的是因為性價比總是很高，坐位夠舒服，闊落又有海境，＂邊度搵＂磯燒魚乾熱辣辣燒好的魚干其實不用加配醬料都好好吃西班牙黑毛豬义燒超級嫩的黑毛豬肉，肉汁和密汁融在一起吃得我們很滿足惹味醬爆西班牙黑豚肉驚喜！原本以為是伴碟的生菜，原來是伴着碎肉一起吃的！平衡住醬爆黑豚肉的油膩，每一口都吃同這道菜的所有，中間有少許梅菜和蔥，全部都是我喜歡的啫啫唐生菜膽鮑魚堤岸炆飯份量之大實在太誇張，每口飯都吃到爽口的鮑魚肉！最後當然要外餸，一餐變兩餐～

今日同同事喺尖沙咀傾完個大project, 又差唔多到晚飯時間，就喺附近揾間好少少既食店幾個同事慶祝下！我哋一行4 人7 點幾嚟到已經人頭湧湧，好彩同事有幫手訂定檯，唔係睇怕再大地方同多檯都要等位，環境靚，樓底夠高，仲要有個落地玻璃靚海景，相信呢度周末都係婚宴好場地！地方真係好大，怕張全景相睇下就可以感受到！環境就唔錯啦，到底食物質素又點呢？ 同事叫左兩個小食，先嚟到既係酒糟鴨舌，淡淡酒香，配上爽口既鴨舌，非常開胃！跟住係近排大熱既人氣小食咸蛋黃魚皮，估唔到呢度都有得食，仲要係新鮮炸起，聞已經夠吸引，呢個咸香味十足又香脆既組合，好快就俾我哋清晒食完小食，主菜出場！ 先嚟到既係陳皮豆豉炒蝦球！豆豉同陳皮都係重口味既調味料，令到爽口彈牙既蝦球除了鮮甜味外，多了分惹味！跟住出場既有醬皇海鮮千層腐皮，面頭鋪了桂花蚌鮮蝦等海鮮，蝦仁同蚌同樣爽口彈牙，要讚既係千層腐皮淡淡豆香，香甜又嫩滑！我哋今晚都仲有叫左個麵，就係粤式海鮮菜遠雙麵黃，估唔到佢個'海鮮' 用料十足，都係有蝦仁同蚌，仲帶帶子，魷魚等！ 之前食左兩道菜都有蝦仁同蚌，所以都唔點介紹，最正係個脆口既麵底，加埋新鮮既海鮮，一啖脆，一啖爽口

海港薈之前去朋友飲宴覺得食物不錯，在尖沙咀北京道一號，地點易搵而且場內又大，坐得舒服又不用同人塔枱，所以同屋企人來呢度食晚飯。鹽燒六頭鮮鮑魚$88 鮑魚好大份而且肉質爽口彈牙，帶點鮮味！避風塘牛柳粒$118 第一次食用避風塘口味的牛柳粒，口感外脆內軟，牛肉一d也不韌，吃完令人難以抗拒再食。惹味醬爆西班牙黑豚肉$148 這個黑豚肉炒到好香口，咸香配上生菜一齊食，好正磯燒魚乾$42 帶點甜甜的魚乾，用來餸酒一流。鮑魚提岸炆飯量多，有瑤柱粒，鮑魚粒，用蛋花炒成，味道不錯。總結：抵食之選，家人聚餐好地方！

呢間海港薈有間好靚嘅維港海景，如果能夠坐近窗邊一邊欣賞海景一邊食飯，都真系幾有Feel...... 閒日夜晚都有幾多客，但就唔洗等位，裝修幾新淨，畢竟都系2018年先開業，質素同樓上東海薈差唔多，但就平少少。游水阿拉斯加長腳蟹 (228/斤) - 呢排酒家極力推阿拉斯加長腳蟹，我地選擇半隻，以及凍食。店方已預早切至合適嘅size同敲碎蟹殼，食起黎非常方便！呢隻游水長腳蟹好新鮮，蟹肉夠鮮甜，而且肉質都幾爽實，好少食蟹可以食到好似蟹柳甘多肉，真系非常邪惡，正啊！金磚豆腐粒 (42) - 外脆內軟，豆腐超級幼滑，沾少少喼汁更好食。虎皮椒炒西班牙黑豚肉 (138) - 少部份虎皮椒帶辣味，而西班牙黑豚肉十分爽嫩，肉味都幾香。鮑魚提岸炆飯 (148) - 呢款炆飯好好食，炆飯濕度適中，飯粒亦有咬勁。加少唔少鮑魚及肉粒，連同上湯，鮮味十足，有少少似福健炒飯嘅高級炆飯版本！