海港薈

營業中

休息中

唔好以為喺尖沙咀既酒樓食野一定好貴, 海港薈呢度可以以合理價格比到你歎高質素既美食, 而且環境舒服, 枱與枱之間並不擠逼, 樓底高空間感十足黃金有米魚 - 紅東星斑首先當然要飲下個湯先啦, 用左名貴既紅東星斑黎煲, 魚肉保持到爽滑鮮甜之餘, 個湯頭一樣極有鮮味, 加入左爆香左既米飯粒, 令你飲湯嚐魚之餘亦都會有咀嚼感, 豐富左個層次感, 唔會過於單調金沙炸魚皮近年好興用咸蛋黃醬炸野, 炸魚皮本身已經極為香脆, 配上熱辣辣芳香撲鼻既咸蛋黃味, 聞起上黎已叫人心醉, 食落奇脆無比, 香濃既咸蛋黃味令人心曠神怡陳皮豆豉炒蝦球炒蝦球係好多酒樓既招牌菜, 海港薈呢度除左一般酒樓會用既豆豉黎爆香之外, 仲醒目地加入陳皮, 香濃既陳皮味正好中和左豆豉既膩感, 而且蝦球本屬味道較淡, 一濃一淡既配合非常天衣無縫鮑魚堤岸炆飯本以為炒飯先會令飯粒粒粒分明, 原來呢度既炆飯都一樣做到呢個效果, 芝麻粒, 香蔥, 鮑魚粒平均地撈均喺個飯入面, 每一羹每一啖都能夠細嚐到豐富既味覺層次, 黑白芝麻粒為炆飯豐富左個香脆感, 但又唔會喧賓奪主搶左主角鮑魚味

試過在其他海港分店飲茶，但對著無敵大海景飲茶還是第一次。此店很光亮，最重要的是有足夠的空間感，位與位之間不會很狹窄。不用搭枱，亦不會催離開，令人留下頗好的印象。一般的點心都有，有原隻鮑魚燒賣皇，賣相高級，啖啖肉。叉燒包原本的很普通很常點的點心，此處用的是西班牙黑毛豬叉燒，不肥膩。由於叉燒好食，所以再點了西班牙黑毛豬叉燒（例），比起普通蜜汁叉燒貴$60，味道及口感的確有點不同，相對爽口點，脂肪比例少點。脆米海鮮泡飯要趁熱食，粒粒分明，湯底鮮甜。

眾多款粵式燒味當中，叉燒可謂經典代表作，近年興起了以矜貴的西班牙黑毛豬取代中國豬製成叉燒，頓時聲價十倍，最近我就來到位於尖沙咀的海港薈，嚐到油潤甘香的黑毛豬叉燒。尖沙咀海港薈亦是婚宴場地，樓底夠高，環境寬敞又光猛，氣派非凡，另一邊還設有落地玻璃，坐擁維港景致，入夜後迷人夜景盡入眼簾。四周佈置優美典雅，勾勒絕美浪漫風情，在這裡舉行婚宴的話，讓賓客沉浸在幸福夢幻氛圍中。除了婚宴之外，平日都有晚飯小菜供應，餐牌款式繁多，而且不論小菜、炒粉麵的碟頭size相當巨型，以位處尖沙咀這黃金地段來說，價錢可算得上是抵食。一坐下侍應端上一小碟酸蕎頭前菜佐膳，個子肥厚，潔白晶瑩，酸甜爽口，十分醒胃。腐皮素鵝 $42素鵝以腐皮、冬菇、冬筍作材料，疊摺、裹炸，製成形似葷食的燒鵝。雖然外皮略為厚了點，不過炸得金黃脆身，份外酥香可口。西班牙黑毛豬叉燒 $168叉燒色澤鮮亮帶焦香，肥瘦度適中，油脂分佈平均，混合蜜汁香甜味道，味濃甘香。厚切上碟的叉燒，啖啖肉得來，口感比傳統的更鬆軟，肉質細緻，完全發揮豬種的優點，墊底的蜜餞黃豆同樣是亮點，入口煙煙韌韌，爽雜著豆香和甘甜的蜜餞味。脆皮咕嚕黑豚肉 $168向來愛酸甜味道的

尖沙咀食中菜不一定要去最貴地段海港城，對面北京道1號整棟已經有不少中菜可選擇，朋友選了海港薈。酒家佔整層面積很大，四處佈置貼合婚嫁宴席，每張桌子相隔距離遠，朋友們能暢談不被打擾。金沙炸魚皮魚片厚身微脆，半流心金沙掛在魚皮上，每口口感豐富咸香十足。酒槽鴨舌鴨舌每隻個頭不大，但已去掉鴨舌邊骨，舌骨頭幼細 咬下啖啖肉，鴨舌以酒浸到超入味，酒香香濃帶清香。黃金有米魚 紅東星店家把魚肉起片清蒸再擺上蘿蔔片上碟，中間堆滿炸米粒配上熱滾湯頭上桌。特我們拍照打卡後，魚片及炸米粒全盛到碗內再倒滿湯。入口湯頭鮮甜香口，味道濃而不咸，粒粒炸米香脆，增加口感。魚肉結實爽滑，鮮甜無腥，朋友們吃時小心魚骨即可。金湯珍菌豆苗店家於菌尾端刨成鉛筆✏️頭，外型可愛趣怪，味道帶蕃茄香甜富蛋黃咸鮮，喝下鮮甜濃郁。白菜仔泡至軟腍，咬下吸附湯底，味道極佳。餐牌看到十二人套餐不到四千有蟹有魚有蝦，還有整隻乳豬，豪華盛宴一樣，看來又是時候吹雞叫吃飯了！

二月最後一個星期天中午，閨蜜點心聚。最近非常想上酒樓吃點心，點心始終在酒樓吃風味最好，於是這天跟閨蜜約在尖沙咀這裡用膳。酒家位於北京道一號九樓，電梯門一開，從佈置到燈飾都是一片華麗。裡面是180度海景，景觀一流，觀景位全是大台，只有兩人的我們比較難坐得到。我們點的大部為特色菜，先有黑松露煙燻蛋，一上桌已經滿是松露香氣，蛋燻得入味剛剛好，流心程度沒話說，入口即化，愛蛋的我吃了三隻。然後有西班牙黑毛豬叉燒包，點心的蒸氣不斷撲面，包子軟熟，叉燒顏色非常深，肉質新鮮，味道十分滿意，不過肥肉的部分略嫌過多緊接翡翠荀蝦餃王，翡翠荀每顆兩三片，皮不算薄，但厚度剛好而且裡面沒有肥豬肉，全是厚實的蝦肉，彈牙非常。再有黑毛豬叉燒腸，這道非常考師傅手藝，拉布腸粉越長越難捲，他們的腸粉有手臂長，拉得夠薄，叉燒夠味，所以醬油只要沾一點點就夠。還有重量級鮑魚燒賣王，一整顆鮑魚放在燒賣上，霸氣盡現，豬肉爽口有嚼勁，不帶一點肥膏，鮑魚鮮嫩，香氣四溢。最後的甜點是燕窩蛋撻，閨蜜選的，很高興不是酥皮的，蛋味清香，燕窩足，感覺已經很養顏，我跟閨蜜都過了一個優雅的中午。

同男朋友成日都出去食飯~大多都係食西餐/日本野~再唔係就雞煲打邊爐~加上呢日同爸爸媽媽去食飯~最後我地去左海港薈食中菜!我想講, 我一出lift就開始心心眼了..呢度好靚呀!簡直係夢想中婚禮場地...仲有呢度係望到好靚嘅維港景嫁!!!可惜我同男友有共識結婚唔會擺酒,如果唔係我實揀呢度呀..因為本身我以為呢度擺酒會好貴,但因為佢真係好靚, 好奇令我去拎佢酒席d資料來睇~唔貴呀! 最平$6xxx/席,  最貴都係$8xxx/席~ummmm... maybe第時我生小朋友,會擺百日宴的話, 就考慮下呢度啦!來呢度, 真係令我呢個女人仔心花怒放呀,呢度隨左裝修好靚外,連裝具都好靚, 有花花嫁!好喇, 入正題, 睇完menu,我地叫左:海港薈燒鵝皇/例 ($118)+腐皮素鵝($42)+ 避風塘牛柳粒($118)+脆皮咕嚕黑豚肉($168)+粵式菜遠海鮮雙面黃($138)。海港薈燒鵝皇/例 ($118)一間食店會將一個菜式冠上自己店名,可見呢個係佢地引以為傲嘅招牌菜,咁當然要叫來試下! 果然冇人令失望!!雖然叫例, 但都好好彩咁有燒鵝脾呢!燒鵝唔會太多脂肪, 肉嘅質地好好~最最最最好食嘅係佢個皮

今晚約左老公同媽咪去食飯，之前食過一次呢間酒樓，媽咪好滿意話d餸好岩口味所以今次我地再黎試下其他菜式。我地今晚7點到達時酒樓已經差不多滿座，一邊望住維港景色一邊食飯真係份外開懷。腐皮素鵝 $42素鵝係用腐皮包著一些蔬菜絲來炸，外邊脆卜卜，沾一些喼汁更開胃又又去除了油膩感，不錯。脆皮咕嚕黑豚肉 $168這道咕嚕肉真係我至愛，入口係脆卜卜的外層，包著整粒豬肉，一口肉完全沒有骨，岩晒我。而且黑豚肉肉質嫩而多汁，彈牙之餘又夠軟腍，好好食。醬汁的甜酸度調配恰當，我地把所有生果都吃掉，這道菜一致大讚!金湯珍菌羽衣甘藍 $138首次吃湯浸羽衣甘藍，羽衣甘藍的口感好特別，看來粗糙的表面卻沒有半點嚡口的感覺。菜葉吸收了湯汁後一點草青味都沒有，我們都吃得開懷。白松露油野菌炆粗麵 $138白松露配粗麵真的很創新，可惜粗麵不是我喜歡的麵種，相反媽咪就好岩食，佢話粗麵夠彈牙又不會好濃鹼水味，配埋白松露油的香味好夾，媽咪吃得津津有味。燒鵝皇(例) $118估唔到例牌燒鵝份量都好多，仲有脾位部分👍🏻每件都好好肉又唔肥，燒得好入味又多汁肉嫩，好抵食呀！我地三個都食到好飽好滿足，下次可以多d人黎食多d餸菜!

最近忙著揀婚禮場地，籌備緊擺酒的朋友仔應該會明白，揀一個自己喜歡的場地對婚禮幾咁重要！所以最近OpenRice 都少寫左～～希望揀好場地完成了首要To do list 之後其他雜項就可以慢慢黎～～海港薈亦係我其中一個考慮的場地，坐落北京道一號，享地理優勢，而且可以遠眺維港景色，埸地都算Grand 及四四方方今次趁著平日就同男朋友黎試下佢的菜色水準如何～～鹽燒鮑魚足斤兩的鮑魚，用了蒜片脆脆等香科鹽燒而成，未食已經聞到惹味的香氣，一切開鮑魚肉夠厚，咬落口感爽彈，配上香料很夠風味！👍桂花鮮淮山淮山可以清熱，解毒，補氣健脾養胃，除了作湯料還可以日常食用～另外桂花用糖煮開作汁，淋在准山上作點綴，多了一清新優雅，作為中菜很適合用來解膩～脆皮咕嚕黑豚肉雖然是一貫咕嚕肉的做法，但炸漿完全唔厚粉，加上有菠蘿，士多啤梨的配搭，食落酸酸甜甜，十分開胃～而且用的是黑豚肉，感覺上好似升level 版咕嚕肉👍乳香百寶齋這裏的百寶齋不會好似外面炆到好多茨汁，食落不會太濃太重味，個人喜歡食齋應該清淡一點，木耳，雪耳，香菇，白果食落口感層次分明～鮑魚堤岸炆飯炆得挺香口吸引，而配料亦十分豐富，飯粒粒分明，但個人不太喜歡吃

今日返工前同媽咪去左尖沙咀行左陣，有朋友話北京道有間酒樓食物唔錯同有維港靚境，所以去試一試。一入到去已經比維港境吸引住，裝修設計十分高貴，枱與枱之間好闊，令人坐得好舒服。午市食物種類差唔多有過百種，價錢合理。我叫左鮑魚花膠灌湯餃，脆米海鮮泡飯，鮑魚燒賣皇，蜜椒雞中翼，黑松露野菌餃，生磨黑芝麻糕。灌湯餃好足料，花膠煮得好軟，好易入口，最重要係個湯底，好濃郁雞湯味，必食之選😍😍😍鮑魚燒賣口感豐富，燒賣肉十分鮮甜。黑松露野菌餃，松露味不會太重，內裡菇好強烈菇香，如果鍾意食菇類朋可以一試。蜜椒雞中翼外脆內軟，配上有蜜糖汁，令人食唔停口黑芝麻糕不算太甜，黑芝麻味好濃郁香口，值得一試。👍🏻👍🏻👍🏻👍🏻

好耐冇同過班姊妹飲茶。前兩日約咗佢哋十二點去到茶樓，大把位。樓底好高，對住個景好開揚，不過佢到食晏時間坐滿人就會嘈少少。裝修就好靚，但係食物就無一款特別出類拔萃。比較特別嘅係呢一碟桂花鮮淮山，桂花蜜甜甜地襯托著淮山好清新。試咗個臘肉魚肉燒賣原來係鯪魚肉。配搭好特別但係無驚喜。 其他蝦餃腸粉等等都同一般茶樓無咩大分別。我哋一行七人每人125蚊，坐咗大約三個鐘，侍應加水都快手，不過態度可以再好啲。總結係，價錢都算合理。如果就腳就可以去試試，特登去就免喇。

✿╮❤╭✿ ✿雜感女生 好味日記✿ ˚*•✰。海港薈．小菜很精彩。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 新年間與朋友見面 其中一個飯聚點就是海港薈 這裡裝修與環境都不錯 加上小菜有水準，令人再次光臨確是容易的事！ 慢慢飲茶，歎下小食與小菜 再談談近況，這樣一個晚餐已非常開心 磯燒魚乾 香脆可口，咬落是煙煙韌韌 點不點沙律醬都令人喜歡 燒鵝皇 燒鵝皮脆肉香，入味非常 外皮油亮，入口極之香脆 那多到爆的肉汁與底層的伴碟的蜜糖黃豆最適合來碗白飯 p.s.蜜糖黃豆真心好食，而且夠old school 現在已很少酒樓有做，應該令好多長輩有驚喜！ 金湯珍菌羽衣甘藍 羽衣甘藍是近年大熱的健康食品， 味道與微甜的南瓜非常相配 南瓜煮得口感香融，珍菌爽脆 湯汁清甜，非常好吃 脆皮咕嚕黑豚肉 黑豚腩肉肥瘦均勻，上台時保持外皮香脆 入口酸甜剛好，裡面肉質幼嫩 絲毫沒有肥膩感 鮑魚堤岸炆飯 既有炒飯香氣，又夠炆飯的濕潤入味 材料豐富：鮑魚、蝦仁、帶子粒粒 飯底更有薄

北京道海港薈原來是辦婚宴的熱點、可看到廣闊的維港海景、裝潢簡潔帶華麗、難怪今日喝茶時都有幾對來看場地的情侶。西班牙黑毛豬叉燒塗上蜜汁甜甜的、肉質結實且肥瘦適中。蜜椒雞中翼香脆美味。脆米海鮮泡飯海鮮濃湯味道香濃鮮甜、加入卜卜脆米更富口感！黑松露野菌餃餡料滿滿。原隻鮑魚鋪上的燒賣皇上有原隻鮑魚、爽滑矜貴😛家人最愛吃灌湯餃、這裡的灌湯餃 脹卜卜好足料、裡面包著鮮肉冬菇、還有花膠鮑魚、味道鮮美。义燒包好軟熟、頗有驚喜、連不太愛吃义燒包的我都覺得好好吃👍🏻

上年北京道1號呢間海港薈開業之後, 每次同媽媽黎尖沙咀佢都會提議去呢度食。佢好鍾意尖沙咀呢間海港薈嘅環境同食物質素, 而且價錢又唔貴。今晚趁老婆約左姊妹行街, 我收工之後又約爸媽過黎食一餐, 做下乖乖仔。😊尖沙咀海港薈位於北京道1號9樓, 樓底好高, 新裝修加上外望維港海景, 非常適合擺婚宴, 所以黎呢度晚飯最好都係預先打電話訂枱, 睇下會唔會已經有婚宴包場。我地3個7點已經到餐廳, 客人已經好多, 我地點左爸爸最鐘意食嘅海港燒鵝皇同叉燒, 加上媽媽愛吃嘅鮮淮山, 另外叫左一客牛柳粒, 炆飯同菜, 三個人應該夠哂食。😚桂花鮮淮山 $38鮮淮山好爽甜, 加上桂花糖, 味道清新, 而且感覺好健康, 餐前食特別醒胃。👍燒鵝皇(例) $118每次去海港我地都會點燒鵝皇, 燒鵝皮脆肉嫩富有肉汁, 沾上酸醬份外惹味, 例牌份量都唔少, $118份好抵食。😍西班牙黑毛豬叉燒(例) $168叉燒採用西班牙黑毛豬, 肉質特別嫩滑, 肥瘦有致, 口感爽滑彈牙。😚避風塘牛柳粒  $118牛柳粒比之前黎食改良左好多, 外層炸皮更香脆, 另外加入酥炸茄子粒, 辣度適中, 唔食辣嘅媽媽都讚不絕口。👍啫啫生菜膽 

中國情人節當然要趁高興，找間好酒樓過下2人世界，早一晚去食，易搵位無咁多人。揀了海港薈，出左電梯，一眼望去， 燈光璀璨花卉擺放裝飾， 適逢中西情人節都在新春期間🎉🎊🎀180度特大景觀， 尖沙咀景色一覽無遺，地方廣闊，豪華宮庭掛燈這樣的優美環境，現在好難找到呀未叫餸，已先來一碟自制醃蘿蔔，好爽口，食到索索聲，面頭有小小 辣椒粉吊起蘿蔔酸味，開胃小食燒鵝皇肉厚皮脆非常有咬口感，份量夠，其他酒樓通常例牌只有幾件下面仲會有好多蘿蔔酸菜墊底，個樣睇落以為好大碟，這間絕不欺場， 貨真價實，用傳統黃豆墊底， 色香味俱佳金湯珍菌羽衣甘藍湯底用南瓜淆成，呈金黃色， 羽衣甘藍全部用嫩葉部分，完全無渣，配了鮮甜珍菌菇，味道清淡帶甘甜，口感清新舒服腐皮素鵝炸到色澤微黃，唔會有多餘油份， 非常健康，仲有好多雜菇做餡料，連唔多食素的老公都讚口不絕避風塘牛柳粒個樣似好辣，其實都是少許辣椒炸完之後的效果， 粉薄脆口， 牛柳粒入口仍然好 juicy， 非常好食鮑魚堤岸炆飯炒飯食得多，炆飯要試下， 口感冇炒咁乾， 濕濕地全都是濃烈鮑汁味，鮮蝦、 元貝、鮑魚粒極多，真係超抵食。估唔到飯餸的份量足夠4個人食， 眼闊肚窄， 終