影片
更多
2018-12-30
2043 瀏覽
今日同同事喺尖沙咀傾完個大project, 又差唔多到晚飯時間，就喺附近揾間好少少既食店幾個同事慶祝下！我哋一行4 人7 點幾嚟到已經人頭湧湧，好彩同事有幫手訂定檯，唔係睇怕再大地方同多檯都要等位，環境靚，樓底夠高，仲要有個落地玻璃靚海景，相信呢度周末都係婚宴好場地！地方真係好大，怕張全景相睇下就可以感受到！環境就唔錯啦，到底食物質素又點呢？ 同事叫左兩個小食，先嚟到既係酒糟鴨舌，淡淡酒香，配上爽口既鴨舌，非常開胃！跟住係近排大熱既人氣小食咸蛋黃魚皮，估唔到呢度都有得食，仲要係新鮮炸起，聞已經夠吸引，呢個咸香味十足又香脆既組合，好快就俾我哋清晒食完小食，主菜出場！ 先嚟到既係陳皮豆豉炒蝦球！豆豉同陳皮都係重口味既調味料，令到爽口彈牙既蝦球除了鮮甜味外，多了分惹味！跟住出場既有醬皇海鮮千層腐皮，面頭鋪了桂花蚌鮮蝦等海鮮，蝦仁同蚌同樣爽口彈牙，要讚既係千層腐皮淡淡豆香，香甜又嫩滑！我哋今晚都仲有叫左個麵，就係粤式海鮮菜遠雙麵黃，估唔到佢個'海鮮' 用料十足，都係有蝦仁同蚌，仲帶帶子，魷魚等！ 之前食左兩道菜都有蝦仁同蚌，所以都唔點介紹，最正係個脆口既麵底，加埋新鮮既海鮮，一啖脆，一啖爽口
我哋一行4 人7 點幾嚟到已經人頭湧湧，好彩同事有幫手訂定檯，唔係睇怕再大地方同多檯都要等位，環境靚，樓底夠高，仲要有個落地玻璃靚海景，相信呢度周末都係婚宴好場地！
地方真係好大，怕張全景相睇下就可以感受到！環境就唔錯啦，到底食物質素又點呢？
同事叫左兩個小食，先嚟到既係酒糟鴨舌，淡淡酒香，配上爽口既鴨舌，非常開胃！
跟住係近排大熱既人氣小食咸蛋黃魚皮，估唔到呢度都有得食，仲要係新鮮炸起，聞已經夠吸引，呢個咸香味十足又香脆既組合，好快就俾我哋清晒
食完小食，主菜出場！ 先嚟到既係陳皮豆豉炒蝦球！豆豉同陳皮都係重口味既調味料，令到爽口彈牙既蝦球除了鮮甜味外，多了分惹味！
跟住出場既有醬皇海鮮千層腐皮，面頭鋪了桂花蚌鮮蝦等海鮮，蝦仁同蚌同樣爽口彈牙，要讚既係千層腐皮淡淡豆香，香甜又嫩滑！
我哋今晚都仲有叫左個麵，就係粤式海鮮菜遠雙麵黃，估唔到佢個'海鮮' 用料十足，都係有蝦仁同蚌，仲帶帶子，魷魚等！ 之前食左兩道菜都有蝦仁同蚌，所以都唔點介紹，最正係個脆口既麵底，加埋新鮮既海鮮，一啖脆，一啖爽口甜美，好食不過！
最後出場有我最期待既黃金有米魚(紅色東星) , 賣相勁好！魚肉片好晒上碟 !
待應等我哋影完相就開始喺我哋面前加落個蕃茄湯底煮返熱d '米'同魚， 其實嗰d金黃色既係米通嚟既！
最後煮埋一窩香味撲鼻既粥，米通好脆口，仲有d香甜既蕃茄湯同魚鮮味，而切左片既東星班就啖啖肉，好鮮甜！呢個煮法都幾新鮮，還是第一次咁樣食東星！ 非常特別！
今晚既'海鮮'慶功宴就喺呢條東西下完滿結束！
張貼
