海景軒

營業中

休息中

來過幾次海景軒，今次是極之失望的一次，話説經常食點心係吾健康，所以改改口味，點了個鸳鸯蝦，蛋白蒸蟹鉗，同埋吾記得乜乜雞煲，三個餸只有蟹鉗好味，嗰兩個乜蝦乜雞就難食到無朋友，先講嗰兩隻蝦，淡而無味，個厨懒到白色蝦肉嗰款底味都吾加，至於黑色嗰款好似話係黑松露乜蝦，莫講話無黑松露芬芳味，又係連底味也没有，唉！咁簡單嘅嘢都可以整到咁難食，個厨師喺度雲遊太空，講到隻雞，相信份量無一半，都吾緊要，最緊要好味，連最基本嘅都做吾到，隻雞又係無底味，無雞味，啲肉鞋夾梅，呢餐真係浪费金錢，好難説服自己短期再來。就係呢兩隻乜蝦好鬼難食；難食雞煲

標题同食評無關，哈哈！間吾中都會來海景軒食午餐，這裡燈光較暗，令人好易入睡，無乜胃口，只叫了一款點心就係鮮蝦腸粉，餡料十足，配上甜豉油，再加個飽魚雞煲，鮑魚煙煙in un，幾有口感，一定吾係糖心嗰種啦，但隻雞就差到離哂大譜，煮到啲肉又鞋又霉，扣哂分，吾知係咪中午時段大厨休息，求期找個二打六來煮，以後中午食厨房菜都係諗清楚，费事失望，付了金錢，得到淚水。

母親節是一年一度的盛事，因而選擇慶祝地點也成了讓人抓破頭皮的大難題。一來要顧及眾人口味挑選味道出眾的餐廳，同時亦要顧反食物的賣相，好讓大家拍出一幀幀漂亮的全家幅。今年母親節，我就選擇了海景嘉福酒店的海景軒。食物賣相從來是海景軒吸引人的地方，但令我們喜出望外的是食物的味道能媲美它們如詩如畫的外觀。先來一道清香的豆腐開開胃。再來是煙燻帶子。帶子不算很大，但味道鮮甜，而且烹調時間剛好，沒有太煙韌的感覺。接下來是眾人最期待的一道菜。常說做菜要色香味俱全，想必就是這個意思吧。食物做得精緻，食客吃時也倍加愉悅。說實的，這道菜的味道並無特別，但做菜者的心思為它增添不少分數。水晶牛肋肉這是來海景軒必點的招牌菜。廚師將軟腍的牛肋肉釀進一個大梨子裡，再從上倒上香濃的醬汁。帶鹹的牛肋肉配上帶酸的梨肉合起來完全不勉強，反而為味覺帶來新的衝擊！而且牛肋肉燉得非常軟腍，易於刀切及咀嚼，十分出色。黑松露蔥燒雞這是我全晚最喜歡的一道菜。黑松露的香味在燒雞上菜時已撲鼻而來。看到一片片如樹葉般大的黑松露便會明白這是「一分錢，一分貨」的道理。蜜梅香燒骨又一道招牌菜。酸甜混合的燒豬骨做得不錯，略嫌麵粉皮有啲硬，但味道是好的。

和朋友飯聚，第一印象，環境舒適，侍應服務態度良好，食物方面，由presentation到taste也十分好，會員又有免費酒水同折扣優惠，一個值得和朋友談天說地的地方

想試呢間粵菜好耐, 一直都聽朋友話味道不俗, 今晚有朋友外地回港, 於是就乘機去試試呢間米芝蓮粵菜啦😜；我打開餐牌見到唔同既signature dishes, 我好多都想叫但我地今晚得3個人, 我事前沒有做research, 惟有好似選港姐咁依各人口味去精挑萬選(但都叫左5餸1羹1甜品🤣), 好彩無貪心叫多兩樣野, 因為每個餸份量都唔少, 相對起其他中價粵菜呢間無論份量、味道同菜式既心思都俾足👍🏻真係好欣賞佢地菜式既心思😊

I was here on a weekday for dim sum and opted a dim sum lunch set of $198/person (choose 8 out of 14 dishes). It was by far the best dim sum of my Hong Kong trip. I couldn’t fault any of the dim sum dishes and it was a pleasure to eat here. I strongly recommend this place and would definitely come back again to try their dinner menu.

好多朋友都會好好奇，點解我生日會選擇食中菜？係呀，其實我好鍾意食中菜，特別係京滬菜。不過今年生日，我決定去「海景軒」，一間我等咗好耐都未試到既中菜廳。海景軒位於尖沙咀海景嘉福酒店B2層，雖然已經唔再係米芝蓮一星餐廳，但依然非常受歡迎。餐廳以金色同酒紅色佈置為主，平日夜晚黎到出奇地熱鬧，都好滿座既。餐台上除咗擺咗豆瓣醬同辣椒豉油，仲有好野味既榨菜豆卜。由於訂位既時候已經落好餐單，所以食物都好快咁上台。第一碟位上既係招牌菜「冬坡扣釀肉」。唔係東坡肉，係「冬」坡肉；顧名思義就係用冬瓜代替傳統肥豬肉，做成東坡肉既樣。雖然冬瓜係夏天既食物，但呢個冬瓜菜式真係不得不試喔！然後有off menu菜式「酥香蛋皇肉」，以肥豬肉卷包住鹹蛋黃再脆炸，非常腍滑；「萬壽果牛肋肉」亦非常出色，肉厚肥美，用汁拌飯真係一流，值得推介呀！另外係手工招牌菜有「欖菜玉珠」，清淡得黎又不乏味道。「龍皇珊瑚煎米粉」，以蛋白，菜心頭，蕃茄粒，東星斑肉做成芡汁，淋上底部煎得香脆既米粉餅，非常好食。當然唔少得最期待既甜品啦！黃金脆鮮奶、泮塘山楂卷、蛋白杏仁露，都是店方著名之作。黃金脆鮮奶食落似牛油多士包住煉奶；山楂卷酸酸的；蛋白杏仁

如果要小弟揀一間中菜廳作為飯堂，海景軒絕對會是其中之一，其實這兒也真的曾是小弟的飯堂，幾年前是經常去的，不論飲茶及晚飯也是。說來慚愧，對上一次來已是半年前，很久沒有來找梁師父了。 選擇此時到來，當然就是為了梁師父的菇菌菜式。未踏入主菜的來臨，當然要吃上幾道師父的招牌頭盤，先以酸溜溜的家鄉醬瓜皮來清除暑氣；接著就有淡淡燻香的煙燻玉帶子，特別喜歡師父用上玫瑰花瓣來添香；還有清爽的牛肝菌拌蟲草花苗，絕對是梁師父的得意作，百吃不厭；最後就是腍滑的招牌叉燒皇，值得一試。 一向也十分欣賞梁師父的手藝，當上素松茸灌湯餃上菜時，聞其香已令大家讚嘆不已。湯色清澈見底，再以松茸提味，令人動心。細味之下，湯頭濃香鮮甜，菇菌芳香馥郁，菇菌餡料更以麻油調味過，齒頰留香。 菌香海皇球的賣相美侖美奐，以東星斑起肉與羊肚菌等材料做成魚肉球，再以斑片包著，最後注入菇菌醬汁，清新不膩而令人留下深刻印象。 大廚以簡單的做法將薑蔥煎封銀鱈魚的鮮味發揮極致，肉厚肥美的銀鱈魚煎得金黃，皮脆肉嫩，配以薑蔥豉油調味，非常好吃。 一品素香石榴球脹卜卜的，師父以腐皮包著津白、馬蹄、竹笙、冬菇及羊肚菌的餡料，做成

這夜我們又來到海景軒。除了回味一下經典美味菜式外，也趁機品嚐了數款梁師傅期間限定的菇菌新菜式。前菜先有「家鄉醬皮瓜」($78)。西瓜皮經醃製過，製成爽口涼菜，消暑開胃。「玫瑰花香燻帶子」($368)，帶子甜嫩香軟，入口帶微微煙燻香。這道菜曾經一度成為off menu菜式，要特別預定。現在又從新出現在menu上，身邊朋友不知多開心。適逢菇菌當造，我們選來數款時令菇菌菜式，當中我最喜歡的，就是賣相與味道都同樣誘人的「菌香海皇球」($268/位)。東星斑起肉再加入羊肚菌等菇菌製成一顆大'魚丸'。魚肉加上幽幽菇香，啖啖都是滋味鮮香。海皇球底部墊了爽口脆長豆，讓整體食感層次更豐富。「上素松茸灌湯餃」，松茸的幽香來得濃郁而自然。「牛肝菌拌蟲草花苗」($288)，清香的當造牛肝菌配搭蟲草花苗，清爽開胃，作為夏日涼拌，真不錯呢。「一品素香石榴球」，腐皮包著甘筍粒、馬蹄粒、冬菇粒等素菜，味道清而不寡，健康又好吃。另外我們也分享了海景軒的「招牌叉燒皇」，肥瘦適中，肉質爽甜美味。而「薑蔥煎封銀鱈魚」($388)，濃郁醬汁與肥美香甜的銀鱈魚很夾，魚柳外層微微煎香，惹味得很。「蹄香肉餅盅仔飯」，看似簡簡單單的馬

天氣熱到一個點，想出街食嘢嘅意欲唔係冇，但最好坐得舒服又好味啦。今日同老婆去「食好西」，我地去左海景軒嘆下一盅兩件。金銀帶子腸粉（$62）用帶子做餡，加埋南瓜同翠玉瓜做金銀夥伴，腸粉餡多皮薄，唔錯喔。海景蝦餃皇（$57）蝦餃屬於大大粒，蝦料多果種。蝦肉都算爽口彈牙，餃皮呈半透明狀態，有3粒，當然要比老婆大人食多粒啦。韭黃黑豚鮮蝦春卷（$57）金黃色嘅外皮，脆卜卜；餡料用上黑豚同鮮蝦，比起一般只用鮮蝦有創意，食味上亦多個層次。蜜汁叉燒包（$48）總覺得最平凡嘅點心最考功夫。叉燒香味十足，包皮蒸得軟熟，稍稍烈開露出叉燒餡料，兩三啖已經食完了。如果要揀一處好地方飲茶，呢度符合左我幾個要求：服務、環境同最重要嘅食物質素。絕對會再來嘅店。

悉心安排兩圍共十八人菜式。由於人多，又有充足時間，可以品嚐多款signature dish. 現介紹四款: 1)水晶牛肋肉 (是李釀牛腩。李軟硬適中，清甜撞上牛腩的濃味是一絕); 2)冬坡扣釀肉 (因有人不吃牛肉，故安排這道菜頂替水晶牛肋肉。圖見冬瓜代替傳統肥豬肉，清新健康。亦有金華火腿搶味和扣豬肉碎，很有心思。) 3)欖菜肉珠 (是冬瓜丸釀欖菜，心思技術盡現); 4)山楂卷 (必食醒胃甜品。賣相也精美。)相信大部菜色要預訂兩天。

又到休閒嘅星期日，同屋企人夜晚去食海景嘉福酒店嘅中菜😋呢度嘅中菜好多都有攞過獎，素菜肉類海鮮不等，北京填鴨亦都係呢間餐廳值得一試嘅菜（填鴨至少要一日前book，可以係book枱時訂埋）是晚book左7點鐘食飯，不過我地6:30就到左，服務員亦安排我地入座（餐廳夜晚6:30開門的）餐廳位置都幾闊落，就算坐近走廊位都唔會好逼/好近隔離枱。因為下午茶食左嘢，所以夜晚我地3個人只叫3個餸同甜品，包括：蕃薯芝麻球味道唔會好甜，肉食者都會鍾意！呢道菜係蔬菜餐牌上廚師推介嘅～咕嚕菠蘿豚肉，甜酸而不膩，炸左嘅豚肉啲粉漿唔會好厚，綠椒同菠蘿切嘅size都差唔多，賣相👍🏻南乳燒雞～🐔雞皮燒得超薄，脆脆地好好食😋唔點南乳醬都OK因為個雞醃得都幾入味。甜品叫左牛奶布丁同杏仁露（無影相😆）。杏仁露一路都保持水準👍🏻，牛奶布丁 🍮上有薑汁，估唔到薑汁同牛奶咁夾，味道有啲似薑撞奶咁但薑味較清新。服務質素👍🏻，服務員見我地就黎無茶會主動同我地加茶，見到碗碟污糟就同我地換啲新嘅碟同碗。服務員有分負責攞菜同負責serve，佢地都好有默契同跌序，唔會爭住黎，可以係呢度讚吓佢地嘅餐廳培訓做得好👍🏻下次人多黎會叫北京填鴨食！太

我為左帶老婆食好嘢，事前都做足準備架，訂好位亦訂好菜式。前菜-茶香燻素鵝（$88）茶香味濃的素鵝，的的式式。龍皇白玉卷（$268一件）*須預訂賣相一流，口感亦豐富，由三層組成，最上面果層係斑片夾金華火腿，中間果層係蝦膠釀冬菇，底層就係綠色嘅，原來係菠菜茸加蛋白。我最鍾意個汁，就係蟹皇蛋黃汁，成個配搭都好有特色！鴛鴦糯米飯（$188一件）*須預訂上面係芋頭紫米糯米飯，好有酒香；下面係香煎糯米飯，外脆內軟，好精緻！甜品-泮糖山楂卷（$42三件）山楂卷酸酸甜甜，可以消消滯。蛋白杏仁露（$48一位）即場製作嘅一味甜品，睇住侍應打蛋白，再加落杏仁露度，杏仁味好香，蛋白亦足料。呢餐晚飯老婆好滿意，我都係，當中我最鍾意就係鴛鴦糯米飯同埋蛋白杏仁露。

臨近母親節，今晚豪豪地去左海景軒食個精緻的晚餐。就寫下我心水推介吧。花雕蛋白蒸鮮蟹拑（$228/件）充滿酒香嘅一道蒸蟹鉗，蛋白索滿左蟹嘅鮮味，蟹鉗都幾大隻，啖啖肉又夠鮮，如果有碗白飯就可以夠我一餐喇，哈哈。欖菜玉珠（要預訂）（$248）未食已經贏咗個賣相，冬瓜同欖菜雕琢成一個藝術品一樣，而欖菜爽脆嘅口感同冬瓜加埋一齊幾特別，份量都幾多，兩個人食都食唔晒。海景軒嘅服務一流，而且檯與檯之間都有一定嘅距離，雖然今晚臨近母親節幾近滿座，但侍應都幾多，經常幫我地換碟同斟茶，服務無可挑剔。推薦第一次光顧嘅食客，可以試下上面呢兩樣食品。

介紹給朋友的米芝蓮中菜。菜式是以手工菜巧煮一些普通的食材。龍皇白玉卷：彈牙班塊加蝦餅和蛋菜，連汁都好味水晶牛肋肉 三式豆腐 - 好靚巧手菜 - 冬瓜球包欖菜如果再加D馬蹄會更好味和爽脆最後加個蛋白杏仁茶，細滑不太甜