海景軒

營業中

休息中

同屋企人嚟海景嘉福酒店海景軒飲茶，樓底矮，感覺有啲侷促，室內裝修略為殘舊🍂嗌咗幾款點心，海景蝦餃皇蝦死實、唔爽，鞋口，處理唔好；瑤柱有機糯米雞上枱是涼的very sad🍂招牌點心狀元茶粿，睇返介紹標榜「把蒸茶粿煎香，香脆又煙韌的口感兼備」，哈？！一望就知唔新鮮，敷衍成咁🍂脆皮牛肉腸粉正常；仲食咗叉燒飽同賽螃蟹肉帶子餃，相都冇影，食物質素係失望嘅🙁服務態度冷漠，感覺欠缺管理同培訓，綜合以上難怪被踢出米芝蓮⋯

8/12/2022 星期四，今日同朋友約好一齊食午餐，想悠閑舒服，就揀咗呢間五星級酒店的中菜廳。餐廳安排咗一個半開放式VIP房的清靜位置，方便傾偈，不受騷擾，好細心。午餐我哋選咗五款點心，有：-蝦餃，蝦餃大大隻，新鮮彈牙好咬口。瑤柱豆苗餃，好有特色，又好食😋蜜汁叉燒包，麵包皮鬆軟食落不黐牙，配合蜜汁叉燒，好美味。狀元煎茶粿，我未食過咸茶粿，原來咁好食。帶子腸粉，腸粉皮滑，唔厚😋再叫咗：鮮蟹肉桂花炒粉絲，廚師功力，炒得有鑊氣，唔油膩，好正。最後梗係要食埋甜品啦，各款甜度適中：-黃金脆奶卷，真材實料，有鮮奶味。蓮子紅豆沙，紅豆豐富。蛋白杏仁露，蛋白嫩滑，諗起都好回味😋服務員態度友善，餐廳環境清幽，又夠闊落，夠私隱，大家安心進饍，值得推介。

之前來食過晚飯 ，覺得幾好， 今次再試下點心。 兩個人先叫咗五個點心 ，有 豉油王銀芽腸粉， 雪山焗叉燒包 ，松茸燒賣， 狀元煎茶果 ，蟹肉帶子餃。 味道都唔錯 ，豉油王腸粉一啲都唔油膩， 煎得好香， 狀元煎茶果 ，好有特色 ，糯米香 ，餡料好味， 松茸燒賣 ，就有少少腥味 ，未達到理想。 蟹肉帶子餃 就好鮮味 ，但唔夠爽， 比較鬆散。食完點心 ，未夠飽 ，於是就每人嗌咗個蛋白杏仁茶， 非常好味， 杏仁味夠香濃 ，蛋白夠滑， 甜度適中 ，感覺到係精心炮製 ，食完就飽足啦， 有精致甜品先至係完美嘅一餐。

2位好姊妹一齊在8月慶祝生日，本來想搵間有海景的餐廳，於是訂左海景嘉福酒店中的海景軒，嚟到才知道海景軒沒有海景座。 餐廳佈置是懷舊的設計，古色古香。座位也很寬敞，絕對是好朋友吹水談心的上佳地方。 餐牌上的介紹都很吸引，3個人，每個人都有自己想食的菜式，不知不覺也點了擺滿成張檯的菜式。餐廳上菜非常快，快到食唔切。。。。。其實有d 菜色如果可以趁熱食會更加滋味。 食物水準整體是中上的。以下一邊睇相一邊介紹吧！ 菠蘿咕嚕肉，賣相不錯，新鮮的菠蘿，外脆內軟的咕嚕肉。 前菜有椒鹽九肚魚及藕餅。ok 好味。只是個藕餅略嫌沾上太厚的脆漿，另外义燒的味道也不錯。 百花雞，即蝦膠釀入雞身內。大概是手工菜，味道不是十分的俾人驚喜。 我們有2個點了花雕蟹蒸蛋白，個樣就好靚，隻蟹鉗好大隻，肉也很扎實，但每項食材都好似好分離，酒香沒有在蟹肉中找到，蟹的鮮味沒有融入蛋白中。 另一位就點了釀蟹蓋，見到有很多蟹肉，好似好好味。 三色津白顏色配搭得宜，難得津白煮得好稔身，有入口即溶化的感覺。 素炸脆鱔的味道調較得好好味，素鱔其實是冬菇絲，炸得好脆。 畢竟油炸的食品也很難整到唔好食。。。海皇煎米粉，很足料的一道菜。餐後大

今日在尖東去了一間酒店內的中餐廳午膳，餐廳佈置得古色古香 ,非常典雅，環境闊落，燈光柔和，全部以木材料為主的裝修，而坐椅都是木製古典的設計。這裡的點心隨了傳統的，還有一些特別的點心，是在傳統的點心上改了一些不同的配搭，比較特別。- 韭黃鮮蝦腸- 金蠔燒賣 每隻燒賣上放了金蠔，打破平時用 蝦或魚籽，金蠔的咸甘味提升了燒 賣的味道- 有機粗米雞 改用了粗米，感覺健康點的- 狀元茶粿 這個茶果有鹹鹹甜甜的餡料，而再煎 了底部，食落有口感，相當唔錯- 山楂卷 酸酸甜甜很開胃，很少在酒樓食到的- 生磨杏仁茶

今日和朋友去試海景軒中菜，我們選了個人套餐，套餐內容可參考以下menu 和相片。首先講吓環境，酒店地方一定滿意，環境闊落，服務也十分好，態度友善，每道菜都為我們介紹得很清楚。食物方面很不錯，特別喜歡四寶木瓜盅和欖菜玉珠，每道菜都份量十足，吃完非常滿足。有機會下次再來試一下其他，還有飲茶嚐點心。

🏨入住海景嘉福洲際酒店，包了其中一餐在海景軒晚膳，整頓套餐都有驚喜，每道菜都讚，並吃得滿足和愉快🥳沒想到第一道菜就令我讚不絕口🙌🏼，他就是百花炸釀蟹鉗🔰百花炸釀蟹鉗，熱騰騰的碩大蟹鉗，外層香脆美味，完全不油膩，內餡爽口彈牙，吃到最入當然是一隻蟹鉗，肉質鮮嫩可口🔰蘆薈珍菌竹笙湯，真材實料的靚湯，除了竹笙蘆薈外，還有不同的菇菌，也有羊肚菌⋯，每羹湯都充🈵️香濃的菌味，絕對是菌香湯甜🔰蠔皇花膠鮑魚，鮑魚都算淋身，起碼我將兩隻都放進肚子，花膠淋而入味，完全沒有腥味，很好🔰燒汁煎封銀鱈魚，慷慨地有三件，且有厚度的(一般只有兩件，也不會有什麼厚度，給大塊已很好)，亦能做到將整件煎封，外層香脆，內裏嫩滑，燒汁的配搭也很重要，美味🔰頭抽和牛炒飯，濃香惹味，醬油沾滿每粒飯，如和牛粒能大一點就更好🔰楊枝甘露，喜出望外的很足料，芒果和柚子的份量多，稀杰度也剛好，大得很的滿足😁

[🇭🇰香港- 尖沙咀].🔻再訪左唔知幾多次😂 不過今次都係第一次食佢地嘅”燒蜜汁脆鱔”, 超好味! 皮脆肉嫩,仲要冇膻味,處理得超好👍🏻.🔻🍽 海景軒📌 地址: 尖沙咀麼地道70號海景嘉福酒店B2層.#tummysreadyattsimshatsui #tummysreadyforchinese

走進餐廳，就看到排列整齊的各種獎狀，有蟹組，牛組，豆腐，蔬菜等等，可見廚師非常認真進取，享受美食的期待升到高位，味蕾已進入高戒備狀態。😘第一道--百花炸釀蟹鉗一隻金黃大蟹鉗，剛炸好上台，熱氣散發著蝦蟹的鮮香，海味佳作。第二道--蘆薈珍菌竹笙湯用上湯煨各式珍菌加蘆薈竹笙，清香怡然，山珍奇葩。👍第三道--蠔皇花膠鮑魚兩只鮑魚，一只厚花膠，脆綠的小唐菜陪伴在側，淡淡的蠔油帶出乾海味的特有美味。第四道--燒汁煎封銀雪魚蜜糖脆粉裹著銀雪魚，煎得香香的，皮脆肉嫩，兩條粗蘆筍平衡了魚油的厚重感。第五道--頭抽和牛炒飯粒粒晶瑩剔透的米飯，配和牛🐮青菜蛋粒炒得香鮮味美，協調食材的味道，發揮至最高境界。第六道--蛋白杏仁露這是上任大廚的得獎作品，含在嘴👄裡有鬆化的感覺，中等的甜度更突出杏仁的味道。海景軒雖然沒有海景，有的是廚師的創意和心❤思，感謝廚師們的靈巧出品。😀🙏🙏

🚩海景軒今日同朋友嚟酒店staycation，平時西餐就食得多，今次就試下中菜〰️〰️〰️〰️〰️〰️〰️〰️〰️〰️〰️〰️〰️〰️〰️🌈百花炸釀蟹鉗每人一隻拳頭咁大嘅蟹鉗🤤蟹鉗出面包實左厚厚一層嘅蝦滑，香口彈牙～搭配埋佢地咁甜酸醬消除左炸野嘅油膩味🌈蘆薈珍菌竹笙湯蘆薈煲湯真係第一次飲，入口好有膠質，feel到飲完應該會靚女左🤤超級足料，全部都食得落口，啲菇都幫你去曬根部，好細心🫶🏻最中意食竹笙吸滿曬湯汁🌈蠔皇花膠鮑魚鮑魚好軟，一定唔係罐頭鮑🥹同埋食埋花膠，好補，仲要唔係少分量咖！鮑魚都有兩粒🫶🏻花膠成條黎😍又係吸哂啲汁，成條花膠好入味der🌈燒汁煎封銀鱈魚香煎銀鱈魚真係可以列為我最喜愛菜式之一，魚嘅油脂好豐富，而且用油香煎過，面頭微微焦脆，啲細骨都可以食埋！份量都好多有三大舊🌈頭抽和牛炒飯炒飯唔夠鑊氣，而且用嘅係牛肉碎，牛肉粒都唔係🫠但好在炒得都算粒粒分明，夠曬味～🌈蛋白杏仁露唔會好甜嘅杏仁露，磨得好滑唔會覺得喉嚨唔舒服，仲食到粒粒嘅蛋白～

多謝朋友安排食呢餐復活節午餐，簡簡單單三度菜：片皮鴨、脆鱔、鴛鴦炒米粉，頭兩款均需要預訂，三款都水準都非常高。大廚表示他們的片皮鴨選用米鴨，size較細而肉質較嫩，片出來一半淨皮另一半皮連肉，各適其適。值得一提是除了傳統的配料：青瓜條、京蔥絲、甜醬外，師傅特別條配的立美配料更勝一籌，包括菠蘿條、柚子肉及蕎頭，配上秘製辣醬，好吃，同片皮鴨很夾。脆鱔也不錯，鱔肉厚而彈牙，鱔皮真的造得很脆，外面好像很少吃得到。鴛鴦炒米粉其實就是雪菜肉絲炆米的進化版，除了雪菜肉絲，另外加入了魚肉，而米粉外亦混入粉絲，口感和味道都唔錯，估唔到米粉同粉絲都幾夾，唯一缺點是雪菜味唔夠香，但整體都好食。

🌹中菜一向都喜歡，尤其是酒店內的中菜廳，聽電台節目推介《海景軒》，去睇睇食評後決定訂位。🌹食店位於尖沙咀海景嘉酒店內，今次又到訪一間酒店，在酒店內留影一番。我們訂了檯11:30，人不算多，環境較暗，佈置典雅，檯距離足夠，寧靜舒適。下單點了抗疫午餐，尚算豐富，價格可以接受。姬松茸菜膽燉鱈魚膠⭐️⭐️⭐️⭐️⭐️燉湯味香濃，用料十足碧綠蟹肉四寶餃⭐️⭐️⭐️上桌太早，進食時是暖，影響口感菌香和牛蒸棵⭐️⭐️⭐️上桌太早，進食時是暖，影響咩感黑蒜香煎花蝦斑球⭐️⭐️⭐️⭐️⭐️香口組合上湯蟲草花北菇芥蘭遠⭐️⭐️⭐️味道較淡口迷你鮑魚配紫薯菜飯⭐️⭐️⭐️⭐️⭐️鮑魚彈口，紫薯菜飯配鮑汁，提升味道招牌蛋白杏仁露⭐️⭐️⭐️杏仁香，但稍甜加評：上菜安排欠佳，剛進食一道菜，另一道菜已送上，導致熱度不足，有點急趕。個人評分食物味道服務環境衛生抵吃回頭率

話說疫情下很多著名食肆都比從前易book位，可惜不是這一間。聽說這家的點心很好，打電話book基本上無人聽，幸好找到網上訂位，已book到半個月後了。點心選了海景蝦餃皇、松茸燒賣、碧綠蟹肉四寶餃、狀元茶果及叉燒酥。蝦餃皇出色，如一般高級酒店的蝦餃，鄙薄餡靚，蝦肉當然新鮮啦。松茸燒賣就是將燒賣錦上添花，加上一小片的松茸，松茸的香味配上燒賣真的很好。碧綠蟹肉四寶餃精緻又好味，綠色的餃皮滲出淡淡清香，加上新鮮配料食落好fresh。狀元茶果煎香咗，比平時蒸嘅茶果更好食，亦是五款之中最有驚喜的點心。最後一樣是叉燒酥，皮做得很鬆，叉燒唔會一pat，好食。

今天到海景嘉福酒店海景軒試了一個抗疫套餐， 由於正常午餐時間一早爆滿所以改在兩點後吃， 第一度鱈魚膠湯味道清甜，點心亦精緻不會滿口味精，蛋白杏仁茶甜味適中，四周環境優雅，服務達標。

晚市冇堂食咪食豐富嘅午餐代替囉想食嘅嘢次次都叫唔晒焗蟹蓋係signature之一脹卜卜全部都係蟹肉灌湯餃都係我最愛之一皮薄湯濃又足料砂窩銀鱈魚都好正啲魚脆卜卜再加汁（煎封）啲魚仲好滑蠔煲好似係季節性啲蠔都好大隻 其他料都好足豆苗夠嫰 好味叉燒就真係唔係好穩定時好時壞 要靠運😂海蜇爽口 好味脆皮雞真係脆皮 雞肉都嫰而且唔乾呢個甜品幾特別用紅棗整千層酥啲酥皮好脆 加上淡淡嘅紅棗味唔會太甜總括嚟講好好食😋食晏食咁多嘢係飽嘅