海景軒

營業中

休息中

話說車媽媽很喜歡吃客家菜皆因我的嫲嫲是為客家人，自少由她湊大的我吃過不少正宗的客家餸，30多年前她離開我之後已很久沒吃過那回憶中的味道了！這天來到久違了的海景嘉福酒店開餐！這天來是為了品嚐海景軒新推出的客家鄉味精選菜，我極為期待這餐可以吃到回憶中的味道。海景軒現在由中菜行政總廚余照軍師傅掌舵，擁有40多年入廚經驗的他曾在海外浸淫擁有廣闊視野，他的烹飪技巧絕對是毋庸置疑。甫踏進海景軒那經典裝潢依然給我熟悉的感覺。於品嚐客家菜之前先來幾款精美點心開開胃！第一件要品嚐的是黑松露素珍餃＄69/3件，‎素餃外皮弄得煙靭不黏牙內裏充斥濃郁菌香味道清新可人。然後是海景軒招牌美點客家煎茶果＄66/3件茶果底層煎得香脆吃下口感豐富，外皮更軟糯沒有黏牙內裏的餡料則弄到香而不膩水準依然。緊接著是我最愛吃的芋角這個更是鵝肝醬香芋角＄69/3件，外層炸至酥脆香口內裏的芋蓉則香甜細滑，加上鵝肝醬的甘香令人回味非常。接下來要享用這個矜貴又養顏的花膠鮑魚灌湯餃＄120，飽滿的灌湯餃吃下香滑很迷人，配上煙靭濃香的鮑魚及滑溜花膠吃罷皮膚也感覺特別有彈性呢哈哈。終於到品嚐軍師傅的客家鄉味精選菜中的瓦罉鹽焗雞＄268/半隻，

原本滿心歡喜去到海景軒諗住食好西 見到當晚set咗嘅餐牌都好期待 當頭盤（叉燒、茶果、鮑魚、乳豬）- 味道尚可 不過不失四保木瓜盅 - 係好飲嘅片皮鴨 - 隻鴨皮脆肉口，不過個薄餅唔得 酸菜魚 - 一般 冇驚喜花雕蒸蟹鉗 - 全晚最失望之最 蒸蛋完全唔滑 唔知係蒸過龍定點打後嘅餸有欖菜玉珠、乳鴿、魚湯鴨鬆稻庭烏冬、三鮮撈麵、甜品 - OK接受 去到咁嘅餐廳比到咁嘅價錢去食嘢 冇諗過最基本嘅蒸蛋係會食到咁失望 不過！整個用餐嘅晚上係愉快的！下次再去試吓個花雕蒸蟹鉗睇吓會唔會有進步！

自從梁師傅退休後，很久沒來海景軒了，聽聞家陣由梁師傅多年拍擋余照軍師傅主理，又係時候試下水準如何！今次餐牌可說是新舊夾雜，當然是有所期待。四喜小花碟豉味醬瓜皮是一道［粗菜精做］的菜色，大家食完西瓜，好順手會將西瓜皮丟掉，但大廚把西瓜皮經醃制過，便成了一道清新爽朗、甜酸夾雜的開胃小點。酒客花生金錢肚畢竟係第一次試的新菜色，但對個名又真係估不到。滷過的金錢肚切薄片，然後卷起青瓜條，令口感更具層次，而且帶花椒的辣度，食落更惹味。陳醋龍眼果將哈蜜瓜釀入原粒龍眼內，之後沾上薄漿去炸，外層微脆，而內裡甜美，不錯。百花火鴨方底面兩邊有酥脆口感，餡料以火鴨絲混和蝦膠，卻不會太死實，好多人都鍾意。四寶花膠木瓜湯選用原個紅肉夏威夷木瓜，湯料勁豐富，有竹笙、花膠、蝦肉、瑤柱、蟹肉及帶子，鮮味都溶入湯水之中，但湯色依然清澈，入口醇香甜美，是用時間換來的美味，飲完湯仲可以挖下木瓜肉品嚐。脆皮鮮蟹肉釀荔枝一層薄蝦膠包裹荔枝肉、蟹肉及洋蔥，甜香是來得自然，又有果香，很有夏日氣息。家鄉鹽焗雞選用2斤半至2斤12兩左右的龍崗雞，以加入香料的海鹽包好再焗，上檯時再澆上玫瑰露酒然後點火，令香氣逼入雞肉，火喉是啱啱好，脾位胸

梁師傅一直係海景軒既代表人物👨🏻‍🍳，而隨住梁師傅退休後，海景軒嘅水準又會變成點樣呢？今日就嚟探索下啦， 結論係梁師傅既名菜能夠保持水準外😋，新總廚既菜式都相當有驚喜，依然回味緊當日既10道菜！🥰「四喜小花碟」包括咗豉味醬瓜皮、酒客花生金錢肚🥜、陳醋龍眼果、百花火鴨方。當大家討論緊食邊樣先，師傅嘅正解係食豉味醬瓜皮先，我自己就特別鍾意食酒客花生金錢肚，有種過癮既辣勁🌶️據知「四寶花膠木瓜湯」所用既係夏威夷木瓜，以木瓜作容器，湯頭夠晒甜，連我本身唔係特別偏好木瓜既都覺得好滋潤好飲🍲「脆皮鮮蟹肉釀荔枝」既材料有荔枝、蟹肉🦀、洋蔥🧅，層次分明「家鄉鹽焗雞」🐓係全晚既亮點除咗有現場既點火表演外，係確實好耐冇食過做得咁好既雞～ off menu係用埋雞油撈飯好食到不得了🍚外層係水晶梨既「水晶牛肋肉」🥩🐄，梨心係牛肋肉，肉嫰而入味非常! 「客家煎茶果」係海景軒一貫既名物，經煎香後底脆，與茶果既軟糯互相映照🥟「即磨合桃露x 泮塘山渣卷 x 奶黃糯米甜品」有好幾款— 而我最鍾意嘅就係「奶黃糯米甜品」，外皮軟糯，厚度恰到好處； 奶黃餡，香甜美味😋小驚喜係飲埋一款叫「甜蜜的回憶」既茶☕️，同甜品又真係好夾！

母親大人生日當然係要揀中菜今次揀咗海景軒紅磡/尖東站行過去都好快只不過間餐廳喺地牢海景軒係冇海景嘅？！不過入邊裝修都尚算可以好有90年代嘅風味服務唔錯今次揀咗一個set 成材每樣都可以食少少每一份菜都好精緻同好食等我都可以同媽咪慢慢傾偈享受quality time 今次最有驚喜係個頭盤調味剛剛好唔會太鹹啱晒我同媽咪除咗空間比較侷促 (因為樓底矮)同冇風景之外，Good overall experience

提前兩星期左右訂好枱，諗住輕輕鬆鬆咁同老媽子飲個靚茶。㨂海景軒因為地方比較闊落座得舒服。預定後電郵通知早一日再電話提示，很貼心。綜合環境食物同服務三方面黎講，比我預期的實在有一段比較大的距離。首先環境方面無特別，座位安排滿分。食物方面，叫了螺頭湯和海鮮𡙡，湯品著重的火喉明顯不到位，螺頭湯送來時已經不熱了，味淡，螺肉非常非常非常之有咬口，如果不是有配料淨飲的話燒味例水更勝一籌。而海鮮𡙡就係災難式的美心快餐，唔熱，欠味，傑出過十大傑出青年，成200元的一碗仔真係做到咁質素良心在那？之後點了所謂招牌的灌湯餃，都係唔熱的，味道同用料真心無咩特別！其他點了海鮮餃，素餃同帶子腸粉就唔多講了，普通！最後係個焗蟹蓋，算得上是唯一一道有熱度同乎合預期的菜品，外皮金黃香脆，內里蟹肉豐滿，這個菜是可以的。最後到服務方面，八成入座率的話，主動性，反應度，細心度與及標準服務專業度均可以再做好點點點點。

一直都想和T先生到海景嘉福酒店內的<海景軒>食中菜，始終地點唔算方便和就腳😐 所以冇去到。但⋯終於安排到了🤭 所以亦預早訂了位，我地食晚餐，未夠7點入座，目測已經有6-7枱食客，都幾熱鬧。而餐廳亦安排了旁邊較靜位置，讓我地在較寧靜既環境下品嚐佳餚😄首先來一杯sparkling wine，讓我地感受下透心涼，消消暑，咁先會有食慾呀😇📍麻辣豬手粒(小食) $138這款小食幾有驚喜😋麻辣汁調校得幾好，食到麻又食到辣，而辣味的after taste 會愈食愈出，它不是那種好嗆喉而要狂飲水，反而是少少地停留在口中，令人有種欲罷不能😅😂 而豬手粒有韌度，由其是豬手皮，軟腍中帶咬口，好好食，我和T先生邊飲酒亦不停地食😄📍沙窩煎封銀鱈魚 $248得2個人食，於是揀選light portion。銀鱈魚在沙窩上烹調，煮好就原窩上。打開蓋後，可以嗅到陣陣豉油汁的鑊氣味，會令人食慾大增。鱈魚有魚味，煎得剛剛好，魚肉亦頗嫩滑，略嫌豉油獻汁太稀，唔夠掛汁，但都好好食😋📍水晶牛肋肉 $138<海景軒>其中一款名菜，將牛肋肉釀入已挖空的雪梨內再炆煮。賣相很特別，要用刀叉食🍽️。至於味道，

環境好好 非常寛敞 枱毋枱之間的距離又寛濶 加上朋友是會員 有優惠很化算 很適合與朋友相聚食物質素也不錯 服務員態度也非常有禮 上菜時間也掌握非常之好 絕對會推薦給朋友 中午飲茶是不錯選擇

當一般集團酒樓都無服務可言，收加一但自助落單也算了，上菜卻很慢，環境嘈吵又要等位。與那些令人失的酒樓比較，我們便感到這裏的服務勝人一籌。茶錢$35是比較貴，但起碼我們飲到茶味，不然我付$12-18/位的茶錢，換來水一般的“茶”，還不如在家冲茶吧!海景軒的點心夠熱及美味😊最令大家驚喜及回味的，就是肥瘦剛剛好、非常鬆脆的乳豬小炒如脆炸素鳝、宮保雞丁也屬高水準。失色一點的是海皇煎米粉，不夠鬆化。說到甜品，棗王糕非常有口感及棗味香濃。杏仁茶也是每次必叫的。希望這裏的中菜味道更上一層樓!

😃會回頭🔄 #lunch 人均$180（用會員75折）佢啲點心有好多款都係三件，我哋就四個人，佢又可以幫我哋改四件，按比例計番，👍🏻有彈性。裝修同埋服務都係令你舒服嘅感覺，所有餐具都好乾淨企理。茶葉都靚。點心唔講得上極度出色，不過亦都係水準以上。😍最喜歡黑椒牛肉千絲酥，同鮑魚燒賣。😒比較唔喜歡就係蟹肉南瓜球，同脆皮牛肉腸粉。酒店中菜廳，飲茶坐足三個鐘埋單唔洗$200，公眾假期都可以用會員卡折扣，點心又可以幫我哋靈活3️⃣➡️4️⃣，冇理由冇回頭啦。

食左幾日西餐，有d掛住中菜。想起前日係海景嘉福食西餐時對面間海景軒，就試試啦！海景軒同樣位於酒店地庫，裝潢比較傳統，時間可能比較早，去到只有三、四枱客，頗寧靜的！點心其實只有一頁，選擇唔多。侍應話除腸粉外點心可以逐粒叫，岩晒兩個人既我地。先點左韮黃鮮蝦腸、叉燒包、黑椒牛肉千絲酥蝦🦐爽腸好滑，唔錯叉燒包普普通通最驚喜係呢款，黑椒牛肉好香，千絲酥好鬆脆🤤之後再叫左狀元茶粿同蟹肉南瓜🎃球同平時食茶粿好唔同，餡料似粉果，個底煎到香脆，好味😋！賣場不錯，但味道一般，口感比較黏！之後已經飽飽地，所以無叫甜品。總結環境ok, 食物都唔錯但點心選擇少，價錢偏平，可以一試！

海景嘉福staycation既第二日因為仲有68折券所以就book左兩點食中菜但係十二點半check out又未夠鐘食飯唯有擺低行李出去行下之後番來又落番去地下二樓海景軒因為位於地下樓層所以唔會有海景門口擺左唔少獎狀見佢餐牌都寫左好多菜式話係得獎名菜餐廳亦曾經係2011至2013得到一星米芝蓮榮譽當時最風光既海景軒就係由梁輝雄師傅帶領團隊得獎可能之後粱師傅退休餐廳就無左星星榮譽不過後來因為老闆打動粱師傅又重出江湖再過左咁多年終於係我地食呢餐前兩個月再度退休由助手余照軍師傅接手帶領團隊餐廳保留左好大個門口玄關入面有係中菜少見既半開放式廚房貴茶好似幾勁唔知有無車仔會推過去沖茶呢即係酒店房級數唔夠但佢地意大利菜同中菜門面都做得幾好睇因為同意大利餐廳同層所以樓底都係一樣咁矮格局感覺都相近不過改左紅色中式裝修同埋有地毯少有酒店中西餐係互相呼應對上一間聯想到既就係麗思卡爾頓天龍軒同tosca都係位於同層咁岩又係中菜同意大利菜但級數上當然高級好多海景軒大廳都算大望落幾多檯岩岩入黎果時都坐得幾滿而我地就安排左坐係廂房入面入面有兩張六人圓檯同兩張二人方檯檯面都大張碗碗碟碟就無咩特別不過檯同檯距離好近而且

同屋企人嚟海景嘉福酒店海景軒飲茶，樓底矮，感覺有啲侷促，室內裝修略為殘舊🍂嗌咗幾款點心，海景蝦餃皇蝦死實、唔爽，鞋口，處理唔好；瑤柱有機糯米雞上枱是涼的very sad🍂招牌點心狀元茶粿，睇返介紹標榜「把蒸茶粿煎香，香脆又煙韌的口感兼備」，哈？！一望就知唔新鮮，敷衍成咁🍂脆皮牛肉腸粉正常；仲食咗叉燒飽同賽螃蟹肉帶子餃，相都冇影，食物質素係失望嘅🙁服務態度冷漠，感覺欠缺管理同培訓，綜合以上難怪被踢出米芝蓮⋯

8/12/2022 星期四，今日同朋友約好一齊食午餐，想悠閑舒服，就揀咗呢間五星級酒店的中菜廳。餐廳安排咗一個半開放式VIP房的清靜位置，方便傾偈，不受騷擾，好細心。午餐我哋選咗五款點心，有：-蝦餃，蝦餃大大隻，新鮮彈牙好咬口。瑤柱豆苗餃，好有特色，又好食😋蜜汁叉燒包，麵包皮鬆軟食落不黐牙，配合蜜汁叉燒，好美味。狀元煎茶粿，我未食過咸茶粿，原來咁好食。帶子腸粉，腸粉皮滑，唔厚😋再叫咗：鮮蟹肉桂花炒粉絲，廚師功力，炒得有鑊氣，唔油膩，好正。最後梗係要食埋甜品啦，各款甜度適中：-黃金脆奶卷，真材實料，有鮮奶味。蓮子紅豆沙，紅豆豐富。蛋白杏仁露，蛋白嫩滑，諗起都好回味😋服務員態度友善，餐廳環境清幽，又夠闊落，夠私隱，大家安心進饍，值得推介。

之前來食過晚飯 ，覺得幾好， 今次再試下點心。 兩個人先叫咗五個點心 ，有 豉油王銀芽腸粉， 雪山焗叉燒包 ，松茸燒賣， 狀元煎茶果 ，蟹肉帶子餃。 味道都唔錯 ，豉油王腸粉一啲都唔油膩， 煎得好香， 狀元煎茶果 ，好有特色 ，糯米香 ，餡料好味， 松茸燒賣 ，就有少少腥味 ，未達到理想。 蟹肉帶子餃 就好鮮味 ，但唔夠爽， 比較鬆散。食完點心 ，未夠飽 ，於是就每人嗌咗個蛋白杏仁茶， 非常好味， 杏仁味夠香濃 ，蛋白夠滑， 甜度適中 ，感覺到係精心炮製 ，食完就飽足啦， 有精致甜品先至係完美嘅一餐。