海南少爺 (已結業)

呢間餐廳唔係第一次黎食架喇, 之前黎可以晚市堂食, 可以望住個海境真係一流🌊, 而且食物十分唔錯, 所以今次經過呢邊想重搭當時既感覺就過黎買外賣, 而家晚市做緊外賣8折優惠好抵食😆 今次我地一家四口食, 自己煲左白飯叫左以下既野食當餸食😋1/ 海南雞(半隻)+湯飯🐓 $200半隻雞份量都唔少, 而且件件雞都好大, 食落肉同皮好分明, 而且雞肉嫩滑, 配埋佢哋獨有嘅辣醬幾惹味😋2/ 星洲蠔餅🦪 $100蠔仔都幾大粒! 而蛋煎得好厚好有口感, 拎黎撈飯一流👍🏾3/ 沙嗲拼盤(6串)🍡 $100我選左牛同雞各3串, 香茅味重再配合佢地獨有既沙嗲醬食認真舔舔脷😋😋4/ 海鮮釀油條🍤 $80外觀好似平平無奇既油炸鬼, 但內裡釀左蝦肉係入邊, 食落兩種唔同既口感味道, 好有趣同寔中幾夾👍🏾5/ 檳城脆蝦角🥟 $80外邊脆皮好似有好多層, 而且炸得金黃色咁好脆口, 內裡同樣地係有蝦肉, 令整個感覺中和冇咁熱氣👍🏾以上價錢未計8折, 成個晚餐折埋$448, 4個人食👍🏾👍🏾

早前和老婆坐船由灣仔到尖沙咀，到了海港城海運大廈內，見到有間餐廳是東南亞高級餐廳，餐廳裝潢設計有華麗感，不但可以望海景，食物水準都極高！招牌海南雞飯海南雞肉質真的嫩滑，配上油飯和三色醬，滋味十足呢！我自己覺得是必食！炒貴刁 香噴噴好有鑊氣，蝦🦐球大大粒爽口，惹味非常！蠔餅🦪廚師用蛋白做中間的煎法，夾著多粒蠔仔🦪好好味😋，煎出嚟不會太熱氣，又有新鮮熱辣辣效果！椰皇燉盅🥥這個飯後甜品真的正到不得了，滋潤又養生的感覺，今日好有滿足感呀！海南少爺 尖沙咀廣東道3-27號海港城海運大廈地下G16號舖

今日係海港城shopping行到咁上下又就到晚飯時間由於6:00後無堂食嘅關係唯有叫外賣海南少爺外賣有8折真係好低即場order，等10分鐘就有得拎真心要讚下佢無用發泡膠外賣盒，走塑成功!!今晚3個人食，叫左6款野沙嗲豬肉串-$84沙嗲醬夠香濃豬肉唔會難口唔錯糖醋排骨-$130呢味糖醋排骨酸酸甜甜好開胃個糖醋汁甜酸度配合得剛剛好，不太酸，不太甜海南雞飯-$110 (必食!!)個雞好滑，仲要係雞髀位個油飯份量夠曬多附送黑豉油、辣醬、薑蓉I like it印尼炒飯-$100個飯有蝦、煎蛋、串燒同幾塊蝦片係正宗嘅印尼炒飯個飯炒到粒粒分明讚馬拉盞通菜-$90夠獲氣！又有少少辣啱晒我口味!!蜜糖單骨雞翼-$70我鍾意單骨雞翼因為食上黎好方便雞翼又炸得夠脆配埋個泰式辣醬正希望快啲恢復返堂食可以坐喺度望住個靚景食飯

疫情開始有緩和跡象，但確診數字還是七、八千宗，大家還是少外出為妙；加上晚市堂食仍有待下月尾才有機會恢復，外帶美食回家成為其中一個新常態，這次就來到海港城一間餐廳外帶晚餐全隻招牌海南雞 配雞油飯及雞湯各兩碗 $340自己跟家人愛吃海南雞，店家的海南雞是signature food就更加要來一份嚐嚐看！店家分別供應半隻或全隻海南雞，各自配上雞油飯跟雞湯，與另一款海南雞飯套餐相比，雖然相似不過這款的海南雞雞肉份量更多，客人可按需要再行點餐海南雞雞肉肉質嫰滑，雞胸也不覺太粗糙，雞皮跟雞肉之間夾雜滿滿啫喱，就算沒有蘸上醬汁味道也不錯，最重點是店家將骨頭都除去，每一口都是美味！當然吃新加坡海南雞的三種醬料：黑醬油、薑蓉跟辣椒醬也有奉送，味道截然不同又各有風味，蘸一點醬汁就更加好吃～雞油飯同樣也是這度菜式的靈魂所在，油飯色澤偏向淺麥色，質地較黏身，入口有雞油香但不會覺得太膩，單吃也覺得味道很好！至於雞湯的味道正常，喝一口再配吃海南雞跟油飯，圓滿～印尼炒飯配沙嗲串燒 $100本想多點一份炒貴刁可惜晚上6時多就賣光了，就改要印尼炒飯配沙嗲串燒由於家人不能吃辣，幸好店家可讓客人選擇辣與不辣的版本，非常貼心

上個禮拜經過海港城，屋企人話唔想煮，但而家又冇晚市堂食，惟有買外賣返屋企～咁啱見到呢間餐廳嘅海南雞幾正，外賣仲有八折！好抵食～就想買返屋企試吓～海南雞全隻$340一大隻海南雞分咗兩盒，仲配飯同埋湯～海南雞肉質幾嫩滑，食落啖啖肉，感覺幾新鮮～配埋佢嘅醬料，送飯一流！湯都幾好飲～炒貴刁 $100炒貴刁好有鑊氣，啲粉好爽口，仲有好多餸喺入面，食落好滋味～印尼炒飯配沙嗲串燒 $100有兩串沙嗲雞肉串燒，沙嗲醬幾好味😋食落覺得好正，醃得好入味～炒飯好香，仲有蝦肉幾爽口～串燒送飯好好味黃咖喱牛筋腩配白飯 $90咖喱味好香好濃郁，又唔會覺得辣，幾好～牛腩肉大大嚿，仲有薯仔🥔紅蘿蔔🥕等等嘅配菜，同樣好適合撈飯

疫情之下好多餐廳都主力轉做外賣生意，今日經過海港城見到呢間「海南少爺」，外賣有八折，有六款外賣菜式選擇全隻招牌海南雞配油飯及雞湯海南雞肉質嫩滑，外皮爽口而不油膩，肥瘦適中，雞皮與雞肉中間會搵到一層啫喱狀嘅膠原蛋白，配上專用三色醬，個人最鍾意配辣椒醬，酸酸辣辣好開胃，同海南雞最夾。雞湯非常清和鮮味，又返有雞油香味又唔會滴油。印尼炒飯配沙嗲串燒印尼炒飯好香，配料豐富，有三隻大蝦🍤，雞胸肉，芽菜，洋蔥，紅椒，青瓜等，將蛋黃篤穿，撈埋飯一齊食非常夾，配埋紅椒青瓜，爽口之餘又平衡炒飯嘅油膩感；沙嗲串燒雞肉好惹味，沙嗲醬有少少香辣，燒得好香炒貴刁好似中式嘅乾炒牛河但係用馬來西亞方式同醬汁去炒，好香好惹味，配料豐富，河粉炒起上嚟又唔會好油膩上湯浸菜心菜心翠綠嫩口，味道清淡，可以平衡食咗咁多油膩食物整體來講，落單到出餐速度快，食物質素不錯，分量豐富，如果到時開返堂食可以試更多款式，亦都可以望住個海景食飯

已經好耐冇試過晚市堂食，無堂食既夜晚餐廳都要做優惠了。行完街經過見到好多人叫外賣，見未食嘢又有八折咁好，一於試吓佢。海南雞（全隻）配油飯及例湯 $340除咗全隻之外佢仲有半隻雞或者例牌，因為我買埋外賣返去比屋企人食我就買全隻。果然冇叫錯，佢味道又真係幾唔錯，我仲食晒成碗油飯，平時食唔到飯嘅我表示佢飯嘅份量都好多，證明佢唔差我先可以食到。雞幾香之餘都算滑，值得叫。黃咖喱牛筋腩配白飯 $90咖喱好香，感覺好足料嘅調味，入面除咗牛筋腩仲有紅蘿蔔同薯仔。牛筋腩真係配咖喱好出色，而且牛筋腩更林更入味。印尼炒飯配沙嗲串燒 $100估佢唔到，好少食印尼炒飯，佢嘅印尼炒飯幾香好夠味，唔似我想像中冇乜味，仲要有好多雞肉，而且沙嗲串燒本身都好鍾意食，比想像中整體真係加分，仲有幾片蝦片，夠晒印尼風味🤭上湯浸菜心 $80疫情下發現自己鍾意食菜多咗，覺得每日都要有菜食，所以就叫多咗個菜雖然佢好多人買，但外賣唔算等得耐，8至10分鐘就會送到俾你，仲要有八折真係超值，好似仲可以用海港城優惠券，如果可以用埋嘅話就超抵啦真係。

今日試左朋友介紹嘅外賣好抵食！因為可以用海港城嘅coupon就算無coupon，自取都有八折！疫情期間暫時得六款食物不過選擇都夠有飯有麵有菜今日我要準備五人份量嘅晚餐就要晒三款飯加個菜都唔駛$500我地當然係好抵嘅但食店一定係捱得好辛苦希望疫情快啲過去我都好想可以快啲晚市堂食但而家只可以望住餐廳個咁靚嘅夜景輕嘆😮‍💨大部份都用上紙品餐具連羮都係紙做！食外賣都盡量環保啦～我今日揀左佢嘅招牌海南雞飯印尼炒飯同黃咖喱牛筋腩飯揀海南雞飯因為凍食都無影響質素配左油飯幾香口海南雞嫩滑無骨，跟左隻雞翼原來本身有小份油菜都幾均衡仲有個雞湯一個餐真係夠晒飽印尼炒飯唔辣有煎蛋同豬肉串燒黃咖喱牛筋腩飯呢個值得一讚黃咖哩香甜唔辣有椰香味牛筋腩軟淋而且份量唔少有五大件下次如果想用coupon呢度嘅外賣會係好選擇！

疫情關係，好多鋪頭都冇做堂食。今天到海港城逛街，行完之後買外賣返屋企食。見到海南少爺做緊外賣八折，80蚊左右一個飯， 而且之前堂食食過都好味，性價比高，所以今次決定買海南少爺返屋企同屋企人一齊食。叫咗海南雞飯，咖哩牛腩飯，印尼炒飯 同埋炒貴刁。 海南雞飯嘅油飯好有雞油香，比平時出街食嘅雞油飯好味，香口。 雞亦都好有雞香味， 只是略嫌份量少咗啲， 應該係因為佢用嘅雞比較細，而且係去骨海南雞。咖哩牛腩飯個架呢幾盒我口味唔係好辣嗰隻印度咖哩，又唔係好甜嗰隻日式咖哩，味道適中用淨係用個汁嚟送飯都可以食到兩碗飯。 食咗先醒起唔記得影相，下次先。炒貴刁比較有趣唔係我哋平時去茶餐廳食到黃色黃薑粉嗰隻炒貴刁，反而我覺得有啲似福建炒麵但又冇咁甜，而且佢落咗河粉同埋少少油麵口感更佳。印尼炒飯甜甜的很惹味，配上兩寸雞肉串燒 及煎蛋，正。下次如果再去海港城我會再encore。

堂外賣質素依然維持到，雞肉好嫩口～～～日日在家wfh好抑壓，收工之後就搭咗天星小輪去尖沙咀到海旁散心，之後再到港城城濕平，最後黎海南少爺買外賣回家，非常productive。～～～呢間海南雞一直都係我嘅飛佛，見到佢地有外賣自取優惠，就叫咗招牌海南雞二人餐，再另外叫多隻全隻海南雞外賣回家，本來以為都叫得多，點知回到家不消一會就被大家掃過清光😄。～～～佢地嘅外賣盒係厚身嘅紙盒裝，非常實淨，盒身堅挺，攞回家，前後半小時到45分鐘左右，貌相依然非常完整。～～～雞肉非常嫩滑，份量好多，其中一半都似係雞髀位，雞皮同埋雞肉之間有少少上湯啫喱，成個味道啱啱好，而雞飯就好香雞油味，配搭清甜雞湯，整體黎講都冇失望🥳，而且最開心就係佢嘅外賣同堂食質素無咩分別，但係價錢又抵咗，可以幫輕下媽咪煮飯，幾好，可以encore。～～～另外叫俾爹哋食嘅咖喱牛腩亦都好高質，牛腩軟腍無根，非常入味，好下飯，食曬啲牛腩之後啲咖喱汁都唔捨得捨棄，粉綿薯仔亦係值得一讚。～～～海南少爺 尖沙咀廣東道3-27號海港城海運大廈地下

前排放工去左位於尖沙咀嘅「海南少爺」，因為聽朋友介紹話呢間嘅海南雞飯好出色，咁就要試一試😋當日去到雖然因為疫情關係，只有6款款式可提供選擇，但其中4款已經係小編嘅心頭好🤤所以就買哂呢4款返哂屋企食😬海南雞(半隻) + 湯 + 雞油飯 $200首先講吓啲雞油飯先，唔會太過油膩，但有雞油香味，味道亦唔錯😋而啲海南雞又煙韌又嫩滑，半隻真係唔係好夠喉😂印尼炒飯 $100呢個印尼炒飯相當足料😋又有荷包蛋又有兩串串燒，加埋炒飯底，食幾多都唔會嫌🤤炒貴刁 $100炒得好香，好夠鑊氣！材料亦好豐富，有好幾隻大蝦🍤，令人好想一食再食，食唔停口🤣咖哩牛筋腩飯 $90呢個咖哩撈飯一流😋加埋有好冧嘅牛腩，同埋 煙韌得黎又唔羶嘅牛筋，真係送飯一絕😬上湯菜心 $80食咁多肉當然都要食返啲菜清一清，中和一下啦😋啲菜心又爽又甜👍P.S. 呢排外賣自取仲有8折呀！👍💪

早幾日同屋企人喺海港城shopping完之後，都已經6:00 ，冇晒晚市堂食，咁我哋就買外賣返屋企食啦，而且外賣晚市仲有八折，仲可以用海港城coupon😆雖然夜晚個Menu得幾款選擇，但係食物嘅質素都好高質，今次我哋就叫咗全隻海南雞配雞油飯同雞湯，炒貴叼，印尼炒飯配沙嗲串燒，仲有黃咖喱牛筋腩飯全隻海南雞份量都好多，有兩盒雞，而且好滑，雞肉都好滑，亦都有各兩碗雞油飯同雞湯其實都足夠2-3個人食😗炒貴叼好足料仲好有鑊氣，又有蝦仁、雞蛋、臘腸再配上河粉，好好味😜印尼炒飯配沙嗲串燒，炒飯底，再配上串燒，加上煎蛋🍳，串燒肉質都好滑，唔會有好乾身嘅感覺，仲有有滿滿沙嗲醬係上面黃咖喱牛筋腩飯，咖喱同飯分開裝，除左有牛筋同牛腩之外，仲有薯仔同紅蘿蔔，而且咖喱唔係好辣，牛腩郁好淋好入味😛整體來講，雖然係外賣但係分量都好多，而且味道都好好味😋，一家人都好滿足🙆🏻‍♀️

尖沙咀正宗星馬菜餐廳▫️呢間位於海港城嘅海南少爺，主打海南雞飯、印尼炒飯等菜式，咁啱去完附近就試吓買下外賣返屋企，依家外賣自取仲有八折優惠～可以買返屋企同屋企人齊食食就可以叫多啲share～▫️咖喱牛腩飯餐($90)呢一個晚餐會附上湯，咖喱入口香甜，牛腩好軟熟，牛筋蚊得都好淋，仲加入左蘿蔔、薯仔等配料，啲汁都幾多，份量都好大碗！▫️印尼炒飯($100)面頭舖上煎蛋，個飯係甜甜地、幾好味😋仲有兩舊大蝦，豬肉串燒嘅肉質唔鞋，醃得好入味仲好惹味！仲配上青瓜、車厘茄作配料▫️炒貴刁($100)配上臘腸條，感覺幾得意😂食落去好似港式嘅炒河粉咁～▫️海南雞飯($110)雞件都幾嫩滑！份量都幾多！

餐廳位於尖沙咀大型商場之內，早已品嚐過堂食，這天沒想到餐廳改變了營運形式，只做外賣自取，但價錢十分合理，性價比也不錯，這天我買回家吃的就是海南雞飯和印尼炒飯配串燒。海南雞飯一如以往的美味，海南雞完全沒有骨，入口香滑可口，但充滿雞的香味，飯方面，依舊的十分美味，帶點香料的味道，而飯的口感粒粒均勻，做得同樣的好，餐廳送的湯品，更是感覺無味精，十分舒服和暖身。印尼炒飯，完全不油膩已經值得一讚，另外，串燒也十分地道。

好耐冇食馬拉野🤗海南雞(半隻)海南雞嫩滑可口，皮薄爽滑，雞肉味道濃郁且已經去骨，方便享用。油飯香氣十足~咖喱牛筋腩飯咖哩汁撈飯一流！吾太辣卻非常惹味。牛筋腩炆得入味之餘又夠軟冧，而且好多件，好抵食。印尼炒飯醬油炒飯配上太陽蛋，再加2條大大嘅雞肉串燒，淋上惹味嘅沙嗲醬，唔會太辣，反而花生味香濃。仲有幾片脆卜卜嘅印尼蝦片，口感更豐富。炒貴刁用咗2種唔同嘅麵炒成，寬闊嘅河粉同幼細嘅米粉，配料有大蝦、臘腸、魚片等非常豐富，黑醬油的濃亮色澤，炒出焦香鍋氣，味道甜鹹鮮香，馬來風味十足。