海南少爺 (已結業)

好耐冇食馬拉野🤗海南雞(半隻)海南雞嫩滑可口，皮薄爽滑，雞肉味道濃郁且已經去骨，方便享用。油飯香氣十足~咖喱牛筋腩飯咖哩汁撈飯一流！吾太辣卻非常惹味。牛筋腩炆得入味之餘又夠軟冧，而且好多件，好抵食。印尼炒飯醬油炒飯配上太陽蛋，再加2條大大嘅雞肉串燒，淋上惹味嘅沙嗲醬，唔會太辣，反而花生味香濃。仲有幾片脆卜卜嘅印尼蝦片，口感更豐富。炒貴刁用咗2種唔同嘅麵炒成，寬闊嘅河粉同幼細嘅米粉，配料有大蝦、臘腸、魚片等非常豐富，黑醬油的濃亮色澤，炒出焦香鍋氣，味道甜鹹鮮香，馬來風味十足。