海南少爺 (已結業)

今日呢就同朋友行開尖沙咀，就去咗海港城搵吓嘢食呀，今日去咗地下見到間食星加坡菜嘅餐廳叫「海南少爺」咁就一於去試吓啦⋯⋯今日好好彩呢就安排咗個靚嘅座位，一路食嘢一路望住尖沙咀個景色真係好正，如果餐廳環境佈置都好有情調，真係好啱情侶拍拖嚟食飯。炒貴刁個貴刁搞到我食都停唔到口，內有蝦肉豬肉等配料，你炒得勁有鑊氣。椰香海鮮喇沙喇沙內嘅海鮮配料勁多，有蝦、魷魚、魚片、豆卜及糖心蛋，如果湯底勁香濃，飲到椰香味香茅等香料，勁香濃。星洲醬油參巴炒蘿蔔糕參巴醬辣辣地好野味，加上芽菜及雞蛋等配料，而蘿蔔糕好香蝦米臘腸的味道。豬肉沙嗲串燒豬肉醃得好入味，同埋燒得啱唔啱好，咬落好Juice，配埋沙嗲醬真係好好味。

禮拜日中午12點黎到，唔使排隊直接入得~Scan QR code 落單。店員首先奉上熱茶，茶壺好靚。海鮮喇沙，湯底香濃，有蝦、魷魚圈、豆卜、魚片、半邊蛋，無論賣相定味道都滿意。雞+豬串燒拼盤，配上沙爹汁。沙爹汁入面有粒粒花生，增添口感，非常香口。雞肉&豬肉燒得啱啱好，唔會太亁身。蔥油酥餅配咖喱汁。上臺時，酥餅熱辣辣仲冒緊煙！撕開嘅時候仲燙手外皮少少脆，同咖喱汁好夾，但咖喱味道略嫌淡，比較稀，酥餅比較油膩。椰汁紅豆冰，無得叫少冰，黎到上面頗多碎冰，好彩椰汁夠濃厚，無乜被冰溝淡。遺憾紅豆比較少。整體上環境舒服，食物髙質，會再黎~

好耐冇食海南雞，之前見海港城呢間有唔少人等位，今次終於有機會試吓。🐔🐔招牌海南雞半隻配雞油飯同雞湯各一碗（$238） - 雞好嫩滑肥美，連薑蓉、辣椒醬同埋甜醬油上。油飯好香，唔算太油膩，雞湯有濃濃嘅雞味。 🦐🦐炒貴刁（$118）- 唔係幾食得辣嘅我地叫咗走辣，但味道依然好香口惹味。用咗河粉加粗麵，掛滿醬汁。材料豐富，有大蝦，臘腸，魚片等。🥗🥗馬拉盞通菜（$98）- 簡單得來，炒得相當香口，味道唔會太鹹，好開胃嘅一道菜。 ♥️♥️餐廳裝潢靚，環境都坐得舒適。餐牌選擇亦算多，食物質素不錯。另外值得一提，部分座位仲有海景，確係幾賞心悅目。

尖沙咀放工，買外賣番去同屋企人食，餐廳環境其實好靚，坐窗口位仲可以望到海景，下次有機會都帶屋企人堂食，唔使外賣浪費咗個咁靚嘅環境😊😊⭐️海南雞 (半隻) 配雞油飯同湯半隻雞份量都好多，成個盒裝滿晒👍🏻👍🏻雞肉好滑嫩，雞皮滑嘟嘟，一啲肥膩感都無😋😋附送3個醬料 (辣醬、薑蓉、甜醬) 3個醬都好好食，辣醬好辣，沾少少非常惹味！⭐️豉油雞飯配湯呢個好好呀，會俾雞髀無雞胸👍🏻👍🏻啖啖肉，肉比較實，但都好好味，唔錯😋😋⭐️炒貴刁呢個有少少辣，好惹味，好怕食到最後油淋淋，呢個一啲都唔油，份量都唔少👍🏻👍🏻值得一讚係外賣盒同餐具都係紙造，環保一點😊

好耐冇食新加坡菜，好掛住肉骨茶，FD推薦咗海港城嘅海南少爺，咁試試啦。估唔到哩間晚市都幾旺下，7點行到已經full咗9成，得2人位唔洗等位。成間餐廳以棕色同寶藍色為主，裝修得古香古色，真係幾靚。嘢食都好多嘢咗，馬来西亞肉骨茶一定要試下，FD就揀咗豬肉沙嗲同馬來蝦面。馬来西亞肉骨茶配料幾豐富，揀咗豬手同排骨，仲搭配左魚皮，腐皮，響鈴同油器。食肉骨茶一定要先飲碗湯，入口藥材味好溫和，飲得出是落咗好多種藥材入去煲，但係後味唔會覺得苦仲有少少甘甜，唔錯，好飲！排骨同豬手都係大大件，每款仲有3件，唔點醬油食已經好夠味，淡淡藥材味同肉香，食到停唔落口。配菜裡面最鐘意食魚皮同響鈴，嗦塞肉骨茶湯，一流！叻沙食得多，馬來蝦面就係第一次食，配料都好豐富，有蝦，溏心蛋，豬肉，芽菜同韭菜。溏心蛋做得唔錯，入口即化。蝦都好新鮮，食落好Q彈。估唔到馬來蝦面同叻沙真係好唔同，湯底好重蝦味，好似落咗好多蝦油一齊煲，同D面又真係好match。FD對哩碗湯底真係鐘意得不得了，上次佢食完一幻拉麵就好like果個蝦味湯底，今次成碗湯都飲晒。豬肉沙嗲燒得好惹味，沙嗲醬唔會太辣仲有少少甜味，豬肉預先已經醃制過，唔洗點醬已經好夠味

海港城都幾多特色餐廳 今次揀左海南少爺食星馬菜餐廳門面優雅 午市時間大排長龍幸好座位數目都算多 等一陣就可以入座 🔸海南雞飯 $128雞肉嫩滑 份量都幾多 切得算大件點埋醬汁食更惹味雞飯油香味十足 一上枱已經陣陣飄香🔸馬來西亞肉骨茶 $178藥材味同胡椒味都幾濃入面有好多藥材 非常足料而且仲有好多索汁既配料 響鈴 豆卜之類每啖都索哂肉骨茶 超正啊至於肉方面揀左排骨同豬腩肉排骨好淋好入味 豬腩肉既份量都非常之多 好足料🔸印度手拍酥餅配咖喱汁 $62酥餅牛油味濃 口感都好好 好酥脆咖喱味道偏甜 食落都唔錯🔸金絲網蝦春卷 $82春卷用金黃色既脆皮包住 入口鬆脆餡料既用料紮實 蝦肉爽口鮮味 作為小食非常惹味

好耐無飲過肉骨茶啦!!!係海港城搵到一間專食新加坡同馬拉菜既餐廳! 入口同佈置都好典雅，坐位舒服，最入面仲可以望到無敵大海景，超正!! 不過是晚都幾多人，所以無緣坐海景位🫣 來到呢度當然要叫招牌菜 - 肉骨茶 同海南雞飯啦😋..呢度分別提供馬來西亞肉骨茶同新加坡肉骨茶! 兩者分別在，馬來西亞肉骨茶係藥材味重，而新加坡肉骨茶就係胡椒味重! 小肥妹我本身就好鍾意藥膳湯，所以我係勁鍾意馬來西亞肉骨茶多D，所以一於就揀馬來西亞呢款!.🍲馬來西亞肉骨茶 (藥材)呢度既肉骨茶，包左唔少配料，本身會包括有響鈴、豆卜、油條、炸魚皮同炸支竹，然後仲可以揀2款肉料，例如三吋排骨、豬手、豬腩肉同豬肚! 我地就揀左三吋排骨同豬手🍖 店員首先會俾個爐仔，然後將肉骨茶放上去一直煮滾，keep住熱辣辣，然後可以將響鈴呀豆卜呀炸魚皮呀擺入肉骨茶都滾! 肉骨茶真係超香濃，裡面好多藥材，味道好濃郁，滿足哂我對藥膳味既癮!! 必叫!!..🍱招牌海南雞飯有一碟海南雞、一碗湯、一碗飯同3格醬油碟，得揀油飯定白飯，識食一定食油飯!! 海南雞好嫩滑，好香，點薑蔥同甜豉油好好味! 油飯就咁食都好好味，湯裡面有杞子，清雞湯，正!..🍡

海南少爺 (尖沙咀)📍尖沙咀廣東道3-27號海港城海運大廈地下G16號舖🤍早幾日去完海港城，陪女小編行街換完個Gucci 手袋，準備去食野，經過見到海南少爺有肉骨茶任飲，有少少吸引就入左去🤣👍🏻馬來西亞豐盛九味肉骨茶藥材，無限任添飲👍🏻除左三吋排骨、炸支竹、豆卜及油條外，仲有豐富膠原蛋白的豬手、入口即化豬腩肉、入味豬肚、香脆響鈴及炸魚皮，每款配料都能盡吸肉骨茶精華及香氣，一共九款配料，小編都添飲左三次！👍🏻升級海南雞套餐招牌海南雞半隻、雞油飯兩碗三款不同醬料，溝埋雞油飯食，超魔鬼，仲有是日時蔬菜心一大盤，無味道得黎好健康🤍餐廳位於海港城，一家大細行完街可以黎食下飯，空間感十足，樓底非常高，另外餐廳設有屏風相隔，另外每枱都會有茶慢慢品嘗🤍凡惠顧肉骨茶可以優惠價升級享用無骨肉嫩味鮮的招牌海南雞及經典滷水菜式

最近去左海港城行街既時候，突然心思思又想食星馬菜，點知行行下就無意發覺到呢間裝飾得幾有特色既餐廳😎見到menu上有肉骨茶、海南雞、串燒等等呢幾款星馬菜，小編即刻諗都唔諗就坐入去order野食啦!！🍽 海南少爺🥘 馬來西亞肉骨茶($178)相對起新加坡風味，小編更愛偏向藥材味既馬來西亞肉骨茶🥳🥳口感味道上有少少似藥膳湯底，飲完之後身體就好暖，令人想一直飲落去，感覺好似行氣活血咁阿！配料方面仲可以自選兩款，分別有排骨、豬肚、豬腩肉及豬手。今次就揀左排骨同豬肚；排骨就夠哂厚肉而且煮得好腍，輕易用筷子一夾就骨肉分離；而豬肚處理得好好冇任何異味而且夠爽滑入味。另外仲配有魚皮、油炸鬼、響鈴、炸枝竹及豆卜添🤩由於有個小火爐一直加熱肉骨茶，令到溫度以及香氣一直都維持住，真係好貼心阿！💡小知識：肉骨茶種類有幾種，最常見的為新加坡及馬來西亞，雖然地方好近但口味卻大有不同！前者湯頭充滿胡椒辛辣味，藥材既份量比較少甚至完全不放，只是用上胡椒蒜頭及骨頭熬成既湯底。後者湯頭就偏向著藥材味濃郁，再加上黑醬油，湯底色澤雖然較黑，但濃得黎又不會帶苦澀既味道真係令人難忘。🔥 沙嗲拼盤($118)串燒只可以選擇雞及豬，最後

ෆ⃛ 海南少爺 ෆ⃛今次繼續同大家介紹海港城嘅東南亞菜！(ㅅ˘ㅂ˘)♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 海南椰子雞湯 $128 ♪ 會有一個細細的煲保溫♨︎ 飲落係有好濃嘅雞湯味仲帶點椰子嘅清香🥥！餐廳賣點係唔落味精，飲落都非常之夠味同自然，因為會keep住加熱所以食完飯飲都仲係好夠熱🍲但係可能越煲越少後尾就會覺得有啲鹹，建議大家都可以一早飲咗先(´▽｀)而且入邊嘅雞肉係超級嫩滑同入味一啲都唔鞋，好有驚喜！ ᗦ↞︎◃︎ 值quota指數: ✿✿✿✿.25 / 5 招牌海南雞飯 $128 ♪ 食新馬菜就當然要食海南雞了🐣 雞皮爽彈連埋嫩滑嘅雞肉一齊食非常之夾(連平時唔食雞皮嘅我都會食埋hehee ✨油飯以雞湯蒸煮裹滿雞油而且粒粒分明，就咁食都好食，私心最愛辣椒醬٩ ۶ ᗦ↞︎◃︎ 值quota指數: ✿✿✿✿ / 5 椰香海鮮喇沙 $128 ♪ 見佢哋嘅喇沙好似幾出名順便試埋佢哋嘅喇沙，椰奶味都幾濃，仲有森巴醬喺面可以自行添加，入邊嘅配料會有豆卜、大蝦🍤糖心蛋同魚片，豆卜索晒啲湯好入味，但大蝦就唔算好新鮮彈牙，同埋可能

很久沒食海南雞飯了，今晚專程來了一間位於海運大廈，海南雞的專門店。這間餐廳的裝修非常雅致, 座位寬敞，十分舒適。有一部份的座位，可以望到維港的景色。海南雞可以點半隻或全隻的。因我們只是2人，所以點了例牌的海南雞飯。-馬來西亞肉骨茶 一鍋的肉骨茶，放在火爐上面，一直 煮熱著，不會變涼。肉料有4選2，我 們選了排骨和豬手，湯內有很多肉骨 茶的藥材，例如玉竹和黨參，還有冬菇和紅棗等。湯味很濃郁，甘而不苦。-招牌海南雞飯 海南雞肉質嫩滑入味，唔怕肥的就一 定要食埋個雞油飯，非常甘香，又唔 覺太肥膩。另配埋一碗清雞湯，還加 了一些杞子，很清甜。-椰香桂圓紫米露 有桂圓增加口感，加入椰汁，非常香 甜。 -椰子菠蘿沙冰 非常清甜滋潤，感覺清新-雙重焦糖奶茶 有焦糖香味，奶茶香滑，甜度適中

海港城向來都好多野食，喺戈度食過幾間餐廳，質素吾錯之餘仲多數望到靚景✨前幾日又去咗戈度hea吓行吓街～都有一段時間冇食星馬菜，海運大廈戈度見到有間星馬菜真系幾有興趣。首先食咗小食先，沙嗲拼盤，豬肉同雞肉各有3串，豬肉口感偏向結實，比較中意雞肉淋淋哋嘅口感。醬汁都幾辣，夠惹味🔥吾食得辣嘅人吾好點太多😉餐廳招牌菜——招牌海南雞飯，海南雞飯同一般海南雞飯一樣，配3種醬汁(黑醬油/ 薑蓉/ 辣醬)，雞肉好嫩滑，個人最中意沾黑醬油，甜甜嘅味道配雞肉好夾。雞湯清甜，可以揀白飯或者油飯，油飯都吾會好油膩。食星馬菜又點可以吾食喇沙？海鮮喇沙材料十分豐富，有雞蛋、豆卜、蝦、魷魚、魚片，可以揀要吾要參巴醬，揀咗要黎試試。豆卜好入味，各類海鮮都好新鮮，湯底稍微辣咗啲，椰香味濃郁。食完重口味嘅野，食個甜品滋潤番先☺️海燕窩燉椰皇，呢個真系好好味😍椰皇入味系有海量椰肉，仲有好多椰皇水。一黎到戈陣系液體狀態，擺咗一陣會變咗固體。

🌟 海港城海景東南亞美食 🌟海南少爺在海港城屹立多年，餐廳出名環境舒服寬敞，有難得的海景位，予人舒適放鬆的用餐體驗。🐔招牌海南雞飯 $128這裡的招牌海南雞飯是必試款式，份量足、水準高且味道好。店員送餐時已經聞到陣陣的油飯香味，雞肉肉質嫩滑，雞皮薄而爽滑，肉質嫩滑。油飯粒粒分明富油香，軟硬適中。海南雞飯配雞湯，清香美味，可有效中和油膩感。🍖 沙嗲拼盤 $98沙嗲串燒是經典東南亞街頭小美食，豬、牛、雞可以任選兩款肉類，共六串串燒。串燒肉類經餐廳自家醃制達十二小時，燒至香口惹味，雞肉肉質嫩滑，豬肉惹味可口，串燒保留了大量肉汁，再蘸配帶有花生粒的濃香沙嗲汁，滋味滿滿。🇲🇾 馬來西亞肉骨茶 $178肉骨茶分藥材味重的馬來西亞式和胡椒蒜頭味較重的星加坡式，經考量後還是點選了藥材味較重的馬來西亞肉骨茶，感覺比較養身。肉骨茶欲以瓦煲配小火爐上桌，賣相帶古典地道的風貌，邊加熱邊吃，熱辣辣的非常暖胃。濃厚的藥材味道入口甘甜，香氣久久在口腔內徘徊。肉骨茶中可選2款不同肉類作配搭，包括 : 三吋排骨、豬手、豬腩肉、豬肚。另有配料: 響鈴、豆卜、油條炸魚皮和炸支竹。排骨和豬肚都煮得軟腍易咬，配料吸收了湯汁精華

係海港城買完野有coupon，即刻搵間餐廳食下先🤣樣樣都好味☺️仲有個茶好香呀有淡淡的水果香味🍵飲咗好多杯🤣下次想試吓肉骨茶同埋喇沙，好似都好多人推介呀🐥招牌海南雞飯 $128海南雞好滑，啖啖肉，份量都唔少，油飯都好香🥕星洲醬油參巴炒蘿蔔糕 $106呢個偏濃味，炒得好香好有鑊氣，食完都唔會口渴，上次嚟食都有叫呢一款推介🍖沙嗲拼盤 $118雞肉同豬肉都係燒到好香，沙嗲汁完全唔辣甜甜地，就算豬肉都唔會乾爭爭🥣海燕窩燉椰皇 $68食完咁多樣嘢食返個甜品，好清甜，雖然佢係熱嘅但係夏天食都覺得好正🥰

海南雞飯$128雞絲喇沙$118海燕窩燉椰皇（熱）$68烤杏仁爆谷奶茶$30香脆蜜糖單骨雞翼 （12件）$78印度酥餅配咖哩汁$62沙嗲串燒免費龍眼桂圓蜜免費好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️推介原因：跟朋友去海運地下那層買BB衫送禮。買完禮物後，朋友想吃新加坡🇸🇬菜。剛好見到海南少爺，就去試試。餐廳🍴環境非常好，夠闊落，樓底高，坐椅舒適。如有幸坐在窗邊位置，更可望著海享受美食。食物選擇多，好多也想試，禁不住點了4款食物、1杯飲品及1份甜品。另外，經侍應推介，跟著做「好評送好禮」，又可得到2串沙嗲豬串燒、1杯龍眼桂圓蜜、2張$50現金劵、1罐茶葉。2人點了這麼多，好像好誇張，但食物味道真的不錯👍🏻，所以我們也可吃完。海南雞飯的雞肉雖是雞胸，但不鞋口，雞皮好滑，另有一隻雞翼及小雞槌。油飯好香！連最近減食精緻澱粉質的我，也忍不住吃了半碗。湯🥣帶微微的胡椒味，有點似星加坡肉骨茶湯底。雞絲喇沙內有米粉及米線🍜，份量多。湯底椰汁味十分濃郁，帶點辣。有機會再去的話，會試試椰香海鮮🦞喇沙。印度酥餅配咖哩汁的