海南少爺 (已結業)

好耐冇食新加坡菜，好掛住肉骨茶，FD推薦咗海港城嘅海南少爺，咁試試啦。估唔到哩間晚市都幾旺下，7點行到已經full咗9成，得2人位唔洗等位。成間餐廳以棕色同寶藍色為主，裝修得古香古色，真係幾靚。嘢食都好多嘢咗，馬来西亞肉骨茶一定要試下，FD就揀咗豬肉沙嗲同馬來蝦面。馬来西亞肉骨茶配料幾豐富，揀咗豬手同排骨，仲搭配左魚皮，腐皮，響鈴同油器。食肉骨茶一定要先飲碗湯，入口藥材味好溫和，飲得出是落咗好多種藥材入去煲，但係後味唔會覺得苦仲有少少甘甜，唔錯，好飲！排骨同豬手都係大大件，每款仲有3件，唔點醬油食已經好夠味，淡淡藥材味同肉香，食到停唔落口。配菜裡面最鐘意食魚皮同響鈴，嗦塞肉骨茶湯，一流！叻沙食得多，馬來蝦面就係第一次食，配料都好豐富，有蝦，溏心蛋，豬肉，芽菜同韭菜。溏心蛋做得唔錯，入口即化。蝦都好新鮮，食落好Q彈。估唔到馬來蝦面同叻沙真係好唔同，湯底好重蝦味，好似落咗好多蝦油一齊煲，同D面又真係好match。FD對哩碗湯底真係鐘意得不得了，上次佢食完一幻拉麵就好like果個蝦味湯底，今次成碗湯都飲晒。豬肉沙嗲燒得好惹味，沙嗲醬唔會太辣仲有少少甜味，豬肉預先已經醃制過，唔洗點醬已經好夠味