浜滝

營業中

休息中

呢間餐廳播住日文歌，掛住日式布簾同日本食材既poster，好似翻左鄉下咁。呢度有提供時令刺身，當日既日本直送海魚有平鯛同真鯛。先叫2杯野飲，我地叫左柚子梳打同suntory黑啤。柚子梳打入口非常清新，飲完都開胃d。而suntory黑啤入口微甘，稍有澀味，味道濃厚，同柚子梳打截然不同。叫左近江牛串燒，同岩岩杯黑啤好夾，送酒一流👍🏻半熟龍蝦係呢度其中一款好出名既菜式，係外面都比較少見呢種做法，而且呢度好有創意，可以一蝦兩食。龍蝦刺身經過稍微火炙之後，唔會過老，依然爽甜彈牙。waiter recommend我地龍蝦配埋海膽一齊食。海膽好新鮮，完全冇苦澀味，甘甜爽口既龍蝦肉一齊食，味蕾有新既體驗。無論一齊還是分開食，都一樣咁好味。雞皮餃子一樣係送酒良品😁😁香港唔多地方有得食，好似去左日本既居酒屋咁。食完前菜小食，係時候食下主菜 - 鰻魚石鍋飯鰻魚應該係即燒，鰻魚皮燒得好香同脆口👍🏻Waiter 仲好貼心咁比左碗仔我地share食☺️呢度既小菜碟同碗仔都好有日式風情！記唔記得龍蝦係可以二食呢？我地食完龍蝦刺身後，waiter 問我地想要粥定湯，我地揀左粥。之後會拎個龍蝦頭入廚房，善用龍蝦既每一部分

預訂左座位，所以不用等位入到去 MENU 菜式選揀十分之多好在店員 好主動介紹有咩必食既菜式叫左支自家品牌既清酒 千德‧浜滝純米大吟釀 精米步合 50%  但聲稱年產量得800支當然要試下  米香味都重既 易入口 唔辛口 女士們會岩飲店員有日本居酒屋既傳統，一齊乾杯！有氣氛之後叫左佢地個招牌菜招牌半熟龍蝦+海膽🦞 一味兩食♨️伊勢海龍燒♨️Soft Grilled Spiny LobsterPrice:HK$688 ________浜淹的招牌菜，一定會試下。第一味係用左廚師自家制的鹽味醬汁炮製至龍蝦肉質半熟。肉質真係爽脆，不錯👍🏻味道方面，個人覺得可以先食一舊淨龍蝦肉，本身個岩鹽醬汁已經好出色。第二舊再加上海膽，依個配搭值得一試！食完龍蝦肉之後，店員會用龍蝦頭煮第二味，客人可以自選龍蝦湯或龍蝦粥，龍蝦蝦頭膏落曬個湯到，鮮甜好飲，其實有D 似平時海老拉麵個湯底重叫左個大分直送火灸平目魚邊$148，鮮甜配試佢個醬汁加WASABI ，有驚喜，推介原條深海池魚 $298 不過不失 但配千德清酒有變化油揚燒蠔串  $48 腐皮福袋 裝住日本蠔黎燒 食落去，D 蠔係爆出黎，味道不錯。總結店員服務周到

餐廳安排極差，幾好食都假，諗住日本人主理，食物質素同安排會好好，結果要個大肚婆同一行四人系滂沱大雨下走黎走去。原先book 左8pm, 中午重打黎確認，開開心心準時去到餐廳慶祝重要日子，點知職員話要等多15-30 分鐘先入得，咁我地繼續等，等到差吾多30分鐘，再問餐廳職員入得去未，結果又叫我地再等多30分鐘，一肚氣，去第二間食。或者呢間餐廳真系好多人幫襯，得失三兩班人都無問題，但做生意吾系咁做，真心未試過一間餐廳安排得咁差，重要系你吾黎，由得你果種！

山張水遠特登嚟到朝聖，想食居走屋好耐，大角嘴都有出名嘅，見呢到都有好多人推介，所以今次試咗呢到先❤️場外場內環境都好好，好似真係去咗日本啲餐廳咁🥳解下我去旅行嘅引🥳🥳伊豊州當日直送海魚 $488 每日會返唔同嘅魚，是日店長推介係老翁魚，我相信好多人都未食過呢隻魚，佢好新鮮，食落去嘅口感似食緊金目鯛，都幾好食🥰 食完之後仲會煲湯俾你飲🍵 嗰湯味道好新鮮😍 拎嚟煲湯熟咗嘅嗰條魚居然都好好食，平時煲咗嘅湯條魚會唔好食，但佢都好好食🥳烤日本芝士年糕 $38呢嗰真係麻麻地，口感唔夠軟😥半熟吞拿魚 $88睇嗰名以為要點豉油，但就咁食已經好好食🥰，佢落咗啲醬汁，食落好夾❤️手燒白鰻魚 $128其實如果鰻魚，有兩種，一種係串燒咁嘅，一種就係我叫嘅手燒白鰻魚，如果食得鰻魚嘅我會強烈建議你食手燒白鰻魚，居酒屋嘅鱔/鰻魚真係無得輸，外脆內軟😍😍特大青檸梳打 $48 & 特大青檸可樂 $48 佢啲青檸會查乾淨，所以好入味❤️ 但係真係好大杯，兩個人飲一杯可能都得😂

第二次黎，同初印象一樣出色赤崎生蠔$98因為啱啱新鮮直送香港，所以menu仲未有，都係我地問經理得出既隱藏菜單😂呢個生蠔肉質creamy而且較甜，好啱我口味👍🏻岩手直送活寶生蠔$88原來要日本最高級既生蠔先可以叫活寶🤔朋友話係爽口既口感，個size都幾大隻幾肥美終於黎到今晚既重頭戲，我人叫佢做 伊勢龍蝦海膽二合二食😂因為二合既意思係佢一開始上既時候，上面係埋滿超新鮮既海膽，味道濃郁但又不會搶走龍蝦既鮮味！而龍蝦既做法係半熟，輕輕炙燒過，表面係半談既香入口係龍蝦既鮮，咁既做法都保持到龍蝦既鮮味可見師傅既技術高超！真係十分滿足！跟住二食既係店員會留係蝦頭再為你烹調粥或湯，今晚我簡既係龍蝦湯，入口既時候我發現原來我係第一次飲龍蝦湯，原來龍蝦湯係咁既味道，蝦味十足，由熱窩端上的湯不論熱度蝦味都爆發出黎😱😱刺身素冷麵$168有牡丹蝦、帶子、北極貝、三文魚🤤每樣都好新鮮好鮮甜，配上冰凍既冷麵，夏天食真係一流！店員仲好好咁幫我地炸左個蝦頭，好酥脆好正

突然想食日本嘢，諗起呢間係九龍城既小店，印象中個氣氛同裝修都好有日本feel🇯🇵而且食物質素不錯，就約左朋友去食😌青森大拖羅$188限量供應既toro質素應該冇得輸掛🤣可以揀刺身或者炙燒兩種食法，灸燒可以將toro既魚油香提升一個level，真係唔錯，入口即融☺️☺️半熟龍蝦 海膽 龍蝦粥 $588今日既重頭戲就係呢個半熟龍蝦🦞個Size比想像中更加大，半熟呢個煮法可以凸顯到龍蝦既鮮甜同埋彈牙既肉質，加埋燒海膽，無敵鮮美😩😩😩個龍蝦頭大家記得唔好食呀😂因為可以拎去煮粥or煮湯。因為可以煮到兩碗，所以我地兩款都叫左黎試下。個湯完全將龍蝦既鮮味濃縮曬，無論粥定係湯都好正，如果黎呢度真係鄭重推介！！日本雞皮$38雞皮燒到一滴油都冇，完全唔會肥膩😂好香脆，送酒一流雞肉漢堡串$38雞肉中有雞絞肉、雞軟骨，口感豐富，沾上生蛋汁食好juicy

🐉九龍城區除咗有🇹🇭泰國嘢食之外亦都有好多💎hidden gem! 🥰今日同Mary嚟咗呢一間日式居酒屋，🏮入面嘅佈置同擺設都超級有氣氛。餐牌上面有好多款式嘅嘢食，刺身、串燒、拉麵、飯同甜品都有！唔少得嘅當然係唔同種類嘅酒🍶⭐️明太子燒大啡菇🍄小食叫咗呢一個大啡菇，🤤鵪鶉蛋做到流心嘅效果，配上❤️明太子醬同個大啡菇食好夾。⭐️極辛地獄拉麵🌶呢個都算係佢嘅招牌辛辣麵！🌶強度有一至10級可以選擇。🤤服務員介紹我哋食regular。一嚟到嘅時候好似🌋火山咁，個湯有啲氣泡上咗嚟，原來佢下低擺咗個熱石。👍🏼味道方便佢個辣味啱啱好，食得舒服越食越過癮。⭐️辛味近江牛鍋🍲嚟到呢度就梗係食埋佢個🥩近江牛！所以我哋叫咗個近江牛鍋。🇯🇵日本牛肉的確冇得輸。成個鍋都有好多🥦蔬菜非常健康又好食！

呢間居酒屋，感覺真係好似日本劇集入面嘅居酒屋咁，充斥着好多大有日本色彩嘅擺設，酒等等。預約晚飯，坐低咗之後，店員送上一封由店主親手寫嘅紙仔，都幾窩心😁全部都係酒吧枱櫈，可以fing fing腳😆黎到居酒屋，點都要試吓啲香口小食見餐牌介紹葡萄豚，幾特別就點左個葡萄豚可樂餅除咗最大塊嘅蕉葉之外，基本上我將白蘿蔔絲，同埋香蔥都食晒。 日本飲食文化好多時候，佢嘅配菜都係別有用心，俾你食埋係你有另一番嘅滋味。可樂餅非常香脆，而且葡萄豚的確如餐牌所講，肉質係比較柔軟而多汁，正👍🏼 佢嘅肉汁係直頭香濃，所以配埋香蔥蘿蔔絲一齊食，清返少少，好夾。葡萄豬串睇餐牌以為係成塊上，嚟到嘅時候發現佢已經幫你剪成三小件。呢塊豬肉更加食得出葡萄豬嘅正！爽爽地，香濃肉味，豬皮同埋脂肪位，都係爽 好好咬口👍🏼👍🏼

浜滝主打日本菜，由日本師傅主理，裝修好有日本居酒屋嘅感覺！伊勢海龍燒 $688聽個菜名已經覺得好勁，係餐廳嘅招牌菜式，絕對係必點！首先將龍蝦起肉，用秘製醬汁煮龍蝦至半熟，表面再加上海膽！半熟龍蝦爽口彈牙，鮮甜美味，令人回味無窮！之後將龍蝦頭煮成特製極濃湯或粥，我哋選擇了一個龍蝦粥及一個龍蝦湯！大家千其唔好放過龍蝦頭，內裡有好多龍蝦膏，甘甜鮮美，正! 龍蝦湯真係非常濃厚! 龍蝦粥就夠飽肚! 大滿足呀!三文魚刺身 $68有兩片三文魚腩刺身及三片三文魚刺身，肥美鮮味!日本新得利黑生啤 $60啤一啤，爽呀!近江牛沙律 $118有大量櫻花蝦，爽甜嘅沙律菜，底下仲有流心蛋，撈埋一齊食，好滋味!

我係網上見到呢間日本居酒屋好似好正，所以就同咗個friend 嚟試下。估唔到閒日都咁多人，好彩好哋早早訂咗位姐。最後我哋食到十點先走真係好多嘢食同嘢飲，唔怕揀到啱心水。明太子三文魚石鍋飯（$88）- 有啲驚訝竟然有滿滿嘅明太子，一開頭仲諗住得幾舊。配埋三文魚一齊撈飯食真係好香，加埋底下有飯焦同份量咁多，好掋食。鰻魚串燒（$38串）- 我哋嗌咗2串，蒲燒鰻魚真係正到不得了好惹味。個鰻魚一啲都唔腥，仲好軟滑添。雞肉漢堡串（$38）- 好有口感，點埋蛋黃醬更香。個蛋黃醬畀多咗，所以用嚟撈飯食都得。柚子雞串（$26）- 本身係普通嘅燒雞肉串，但係加咗柚子醬喺上面，成個感覺唔同晒，帶岀咗清新同甜味。半熟吞拿魚（$88）- 原來係厚切吞拿魚，啖啖肉好滿足，配上蔥花同芝麻更加好味。雞皮餃子（$68）- 呢個真係好特別，咬落去有啲脆雞皮嘅質感，而整體又唔會覺得油膩。

今晚約了朋友聚舊，朋友介紹咗一間位於九龍城嘅日本居酒屋。之前去開九龍城都係食泰國菜，而第一次聽嗰邊有日本菜。一入去已好有氣氛，有高圓枱同日式燈籠，十足十日本嘅居酒屋。原來仲有2層添！餐牌真係有好多嘢食選擇，多到有啲唔識揀 🤣 價錢都好合理，唔覺overpriced。店員極力推介伊勢海老燒（$588），本身睇好似幾貴，點知原來係一味三食，有個半熟龍蝦海膽 + 龍蝦粥 + 龍蝦湯，份量大到啱3-4人食。半熟龍蝦海膽 - 賣相好吸引，見到有厚厚嘅海膽放在啖啖龍蝦肉上面。個海膽係好鮮甜，一啲都唔腥，而個龍蝦係煎過勁香同口感彈牙。而底下白色的係鹽。龍蝦粥 + 龍蝦湯 - 原來兩樣嘅湯底係一樣，只係加咗飯同無加嘅分別。而呢個係似泡飯多過我哋中式粥。個湯有好香濃嘅龍蝦味，仲有豆腐、菜同茹等等作配料，變成泡飯夠好味同飽肚。火炙平目魚邊（$148）- 呢個超正，一定要嗌。個平目魚邊質感滑溜，有小小入口即溶咁。份量好大，十分掋食。再配上酸汁同wasabi 真係好開胃。

趁著疫情放緩相約朋友來這裏享受一下久違了的日風情。言談之間朋友透露最近被同事背後講壞話，令佢心情不佳，所以呢一餐要食得盡情啲！「伊勢海老燒」：龍蝦配海膽，感覺以火槍燒成半生熟狀態，帶有爽口卻又保留刺身的新鮮口感頗為特別。打卡同食完之後，服務員會攞走龍蝦頭並煮成湯或者粥，任君選擇，而我們就選了每樣各一。兩者其實在配料上差唔多，同樣有菜同菇類，唔同嘅係湯用豆腐煮，而粥就係用米煮。兩者嘅湯底一樣濃郁帶甜，龍蝦頭仍有不少肉，煮熟時吸收湯汁，令龍蝦肉腍身有另一番味道，鮮味十足。串燒方面，分別叫咗雞軟骨、柚子雞串、雞腎，我個人欣賞雞串加了調配過的wasabi醬，令食物味道提升卻唔會攻鼻。秘製炸雞：唔會用好多粉嚟炸，但卻又炸得鬆脆，雞肉嫩滑，仲應該係啱啱炸起，所以食落去仲熱辣辣。一口芝士：同樣係炸物，外脆而內裏芝士軟綿綿，啱曬芝士控。美食當前，再配埋現場氣氛，確令人容易放鬆心情，趁著咁嘅氣氛容易安慰一下朋友，其實人哋把口喺人哋度好難控制，佢哋講你壞話只因你有比佢優勝嘅地方而引起小人妒忌啫，所以做人何須太執著，笑一笑世界更美妙。

朋友帶我嚟九龍城，話請我食龍蝦，原來係去居酒屋😎😎餐廳環境氣氛都幾好，有好多日本風嘅飾物佈置，配合輕快嘅日文歌，都幾chill😁😁朋友book咗枱，店長仲一早寫定左張日文嘅紙仔，歡迎我哋添😄😄 呢個就係朋友指定要點嘅龍蝦！睇餐牌又真係幾豐富，一個價錢，包括左一碟半熟龍蝦+海膽，食完之後，店員會收返個龍蝦頭，咁你可以再選擇要兩碗龍蝦粥/湯可以話係一浪接一浪～佢哋嘅餐牌，都有幾多選擇嘅，仲有啲係同其他品牌crossover. 都幾吸引。主角💗💗半熟龍蝦，上菜嘅時候，真係心心眼😍 個賣相無敵！ 海膽份量一啲都唔吝嗇，而且非常新鮮，鮮甜👍🏼👍🏼👍🏼 半熟龍蝦，熟嘅部份比較彈牙，未熟晒嘅部份就比較食得出龍蝦嘅甜味，起晒肉，同埋粒粒都係可以就咁放入口，大細適中，食起上嚟夠晒方便，一次過將海膽同埋龍蝦肉放入口🔥🔥真係唔可以講嘢住，要慢慢細心咀嚼享受下😌😌除咗龍蝦之外，因為仲想試吓啲新奇嘅嘢，點左一個九轉豚大腸串燒、葡萄豬可樂餅。可樂餅係用咗宮崎縣嘅葡萄豬肉，即係話啲豬仔係食提子大。 可樂餅炸嘅，食落好香口，感覺豬味都幾濃，但唔蘇，仲幾Juicy。我哋夾晒啲蔥，一齊食，口感更佳👍🏼👍🏼雖然我本身麻麻哋

好耐無見過我嘅食評了😂適逢母親節就介紹一下去慶祝實滿意餐廳💓當我講九龍城嘅時候可能你會諗起泰國菜但其實有一間十分正宗嘅日本菜匿埋咗喺度😂餐廳裝潢同氣氛同日本居酒屋一樣嘅浜滝話咗實會滿意 緊係有我超級推薦嘅美食就係半熟龍蝦·海膽·龍蝦粥-兩食($688)由於係日本嘅龍蝦 所以特別大隻🦞龍蝦蝦肉 一半生一半熟 咬落幾彈牙龍蝦味幾重配上海膽 十分鮮滑好味👍🏻食完蝦肉 廚師會將蝦頭劈開 拎去煲粥/湯無論係粥定係湯 蝦嘅鮮味一樣喺度 而且好濃郁所以我覺得嚟呢度一定要食呢一個餸😋除此之外 我特別推介嘅係大份直送火炙平目魚邊 ($148)睇相片可能你會覺得咁細份 性價比應該好低咁你就大錯特錯啦❌我同MY BOSS 都係第一次食 但食完都讚不絕口因為雖然佢係魚邊 但經過火炙同醬汁加持真係油膩得來 但係又帶啲清新 仲要入口即溶😌無錯 就係咁吸引🤣 其他食物我都好推薦👇🏻包括炸一口芝士($48)半熟吞拿魚($88)但最後不得不提嘅係 激辛地獄拉麵($108)本身食開其他拉麵都係要辣湯底嘅我食咗一啖都要放棄😂 因為真 係 好 辣‼️🌶🥵除咗辣度夠刺激之外 仲有一個好特別嘅地方就係拉麵裏面有嚿熱石保持溫度🔥食得

疫情關係，香港人已一年以上沒有到外地旅遊，以往日本是筆者經常旅遊的地方，當有點思念日本美食的時候，都會挑選有特色的日本餐廳一解嘴饞。位於九龍城福佬村道有一間單看外表便很奪目的居酒屋，在朋友推介下，筆者趁假日一試。走進餐廳，感覺很日本的范兒。在這裡尤如置身於日本的居酒屋之中。想一解遊日之苦，筆者誠意推介到這家居酒屋一試，或許讀者們也會有意想不到的新體驗。📍半熟龍蝦.海膽.龍蝦粥 $688這是筆者最期待吃的一道單唔「半熟龍蝦」，目測龍蝦大概有1斤半，擺盤精巧細緻，師傅巧用竹葉和菊花襯托出龍蝦的橙紅色，令視覺上更吸眼誘人。餐廳沒有吝嗇食材，肥美海膽有兩大片，鋪在龍蝦肉上，師傅再微微燒一燒海膽及龍蝦肉，提升了海膽的香氣和龍蝦肉的爽脆肉質。由於龍蝦在半熟狀態，所以保留了大量肉汁和爽彈的程度。把一口海膽放在龍蝦肉上，大口大口地吃，又是一股感動，海膽的豐腴軟綿配上龍蝦肉的脆脆口感，豐富了筆者的味蕾，強烈推薦大家，半熟龍蝦是這家居酒屋的必點菜式。吃畢了半熟龍蝦肉和海膽，別忘記讓餐廳職員把龍蝦頭去餚粥或湯。店家服務超貼心，看到筆者和朋友心大心細，便建議筆者把龍蝦頭分成兩份，一半餚粥，一半餚湯。龍蝦湯會配