浜滝

星期日晚上去，Book定位就唔使等啦。我哋一行四人，坐喺2樓嘅房間入邊，可以喺寧靜嘅環境下用膳。

本身預留左條魚同埋龍蝦，其他嘢都係去到舖頭先再點。

忘記咗佢係咩魚，但係幾好食  。

條魚首先會係刺身上，食完之後又正嘅地方同埋魚骨會拎去煮魚湯。刺身味道都幾鮮，個湯清清地但係都好飲。

龍蝦刺身夾雜着新鮮嘅海膽，一啖食落去非常驚喜，呢個係必須點嘅！個龍蝦食完之後可以整粥。

龍蝦粥都非常之鮮味，本身已經食到好飽，但最後都可以食晒成碗粥。

另外再叫咗近江牛同埋葡萄豬，味道都幾特別，可以試。其他串燒就正常發揮，不過食住串燒飲住生啤真係好享受！