浜滝

營業中

休息中

閣樓裝修好茶記格局 （至少唔係日系）牛肉沙律 - 牛肉好少好細粒串燒 - 暖... 唔熱... 唔似剛剛燒起其中個燒雞皮油淋淋又硬，冇口感，仲話係站長推介燒飯團 - 冇味道之餘飯團面又唔夠脆最離譜係個豚肉花田鍋 - 只係得豬肉（好肥）5、6片同旺菜，而且好重味精咸味而冇鮮味。$238蚊其實去donki買個日式雜菜煲返屋企食仲好食...總括嚟講餐廳想走同本居走屋路線但食物同裝潢根本跟唔上人均消費成$400蚊，用呢個價錢食咁既日本餐完全係物非所值...食完真係一肚氣！😡

呢間九龍城嘅日式小店，裝修有日式居酒屋嘅情調。有多款不同日式料理，包括：海鮮、串燒、定食等等。食咗個伊勢海老，超正！▶️🦞伊勢海老姿燒 $588 (半熟龍蝦、海膽、龍蝦粥）呢個賣相已經非常吸睛😍又好靚！半熟龍蝦夠新鮮，肉質爽口！而且仲配有海膽，真係非凡享受～食完嘅龍蝦殼佢仲用嚟煲粥🤤估唔到每人有一大碗～個粥有龍蝦鮮味，非常好食😋呢個價錢真係值！▶️手燒白鰻魚 $128呢個鰻魚高質，食落去肉質夠厚，又爽口。燒得夠香，面上又有鰻魚汁及蔥花調味！▶️咖哩豬扒鍋定食 $58午市有超值套餐，價錢經濟。我哋叫咗個咖喱豬扒鍋定食，份量相當多，咖喱幾香。性價比高！▶️抺茶蕨餅 $68呢個有淡淡抹茶味🍵唔算好濃，蕨餅唔會太甜，ok~

成年冇得去旅行 九龍城呢間日本居酒屋應該可以一解大家對日本的思鄉之愁餐廳的裝飾風格都好有日本風味 仲有期間限定的特別餐單食日本野點少得剌身 我地叫左個日本活赤貝 新鮮活赤貝唔係間間香港日本料理餐廳都食到一個真正的活赤貝就係咁大隻 切到5-6片 好新鮮爽甜 加埋小小檸檬汁 一流的開胃前菜串燒盛合有五款串燒 岩哂我呢D貪心又有選擇困難症既人值得介紹係個牛串同埋五花腩片 燒得非常香口牛串的油脂好重 牛香十足 又唔會好難咬而五花腩片燒到脆身 完全冇油膩感 令人想人一再食凍冰冰緊係要叫返個鍋物 我地叫左期間限定的鮮蠔土手鍋見到4隻超級肥美的廣島蠔向我揮手 一路煮的時候已經聞到好香既蠔味每一隻蠔都好juicy 店員仲教我地一定要飲個湯 好鮮甜好正重點係D菜吸哂蠔汁既精華 食完成個人暖哂

四人限聚令的情況下慶祝生日🎂，這間居酒屋感覺很適🈴️。為什麼呢？因為一張張的圓吧枱都有落地透明膠膜圍住，可以好放心同朋友聚餐。廚師系日本人，會用日文跟英文同你溝通大阪燒餅可以滿足一下不能飛去大阪食的我不太咸，好味牛肉雜菜火鍋🍲菜甜，好適合冬天去食拉麵麻麻地麵質太硬，豬骨湯底算濃郁。半熟龍蝦加海膽這道菜最大的賣點是食完半刺身龍蝦加海膽後，蝦頭可以用來煲粥，粥底似係潮州那種的，廣東人叫湯飯。豬骨湯加上龍蝦的香味混合在粥里，我自己一個可以食三碗😂😂燒生蠔🦪唔知係咪燒耐左，生蠔乾乾地。總結：疫情之下嚟食，餐廳的配套設施讓我覺得感覺安全啲😂，可以食到日本地道的居酒屋味道，不錯！另外不得不提，餐廳的員工態度超級好❤️❤️

九龍城出名多嘢食，至於日本嘢我鐘情浜滝居酒屋，貪佢好食之餘，坐得causal 又唔貴。海膽芝士玉子燒 ，儍的嗎？？四隻成條手指咁長，好似我腳子公咁粗嘅海膽，配埋蛋味十足嘅玉子，加上夾心芝士，都只係$198！無錯係港幣198，自己買料都唔得😅店長推介，手燒白鰻魚石窩飯 $168，米飯份量唔多，白鰻魚反而厚身兼大件，口感結實，好食！好食！必食推介，伊勢海老 $588，海老即我哋所講嘅龍蝦，用特製嘅方法煮至半熟加上海膽，更演出龍蝦鮮味，睇返啲相，口水再流；食完半熟龍蝦，龍蝦頭會按客人喜好，煮成特製極濃湯或者泡飯，侍應見我選擇有啲困難，每樣都煮一碗🥰

一段時間冇唻呢間居酒屋依然係一早已門庭若市咁呢度嘅餐牌本身已比一般日式餐廳多好多偏門嘅啲嘅日式料理而家仲更新咗多咗好多之前未試過嘅嘢鋪面唔算大但好有熱鬧嘅氣氛呢度嘅拉麵不嬲都會喺上之前加舊熱石直到上檯啲湯都仲會滾好一陣我就揀咗極辛地獄拉麵可以揀辣度我揀正常就飲咗兩杯柚子梳打先食得完不過呢種辣度的確係好刺激同會上癮嘅辣而佢亦都辣得好有層次整個麵嘅味道麵底湯同餸都平衡得好好九轉大腸就真係驚喜中驚喜呢味本身係魯菜一直喺香港都係聽過冇食過估唔到喺日式料理搵到同普通街邊炸大腸雖然係同一部位但食材同手工都食到好唔到首先細嘅腸要塞入大嘅腸而且要汆水同炸嘅唔同 因為佢係燒就會食到出面嗰層好脆皮好薄油脂融開而入面軟身彈牙我覺得呢個係必試最後就係每年秋冬我都會特登唻食嘅白子嗰種豐腴油潤係其他食物無可比擬柚子梳打

喺九龍城搵地方食晏，記得呢間日式餐廳都幾好食，所以再次入去醫肚。睇完餐牌之後就叫咗個自家製黑蒜油拉麵午餐($68)，加23蚊一客炸一口芝士，另外見到牆上面嘅黑板寫住有蠔食🦪($78)，所以又叫咗一客。好快趣自家製黑蒜油拉麵就熱辣辣上枱，之後湯仲不停有滾水嘅bubble出現，原來湯裡面仲放咗一舊熱石，保持住成碗麵嘅熱度，正！湯底真係好好飲，香濃黑蒜味😋！隻隻蠔🦪都脹卜卜，配個清湯底，連湯都飲晒！

店內日本氣息極濃厚，懷疑啲廚師係日本人黎，試左好幾款野食，都好高質！第一樣要講嘅係伊勢海老～$588 包一隻半熟龍蝦，海膽，龍蝦粥同龍蝦湯。半熟嘅龍蝦真係超好味，比男友人霸住黎食，入口好爽口，味道濃郁，仲有少少殼下面堆鹽嘅咸味，而且仲有新鮮嘅海膽，好正！享受完個龍蝦肉之後，個蝦頭可以拎去煲粥or 湯，無論係粥同湯都勁香濃，食到我地超滿足～忌廉薯餅，好creamy, 好味！黑松露薯餅，味道濃啲會更好。海膽芝士玉子燒，玉子好滑！鐵板牛舌要趁熱食，一凍左就會硬。炸雞件，juicy~燒雞皮，香脆～燒粟米，好清甜～手燒白鰻魚飯，燒得好香脆，有少少飯焦，好香口，都唔錯！

今日同女友人黎左九龍城覓食， 第4 波疫情殺到之下,街上人流明顯小左好多, 無論係停車位，就連全部食店都唔洗等位.. 我地今晚就選擇左去呢間Hamataki, 聽朋友講佢係日本廚師主理好有水準.. 野食我地叫左半熟龍蝦，手燒白鰻魚飯，燒雞皮，鐵枝板近江牛舌，牛油粟米申燒，忌廉薯餅，黑松露薯餅，海膽芝士玉子燒，同埋秘制炸雞. 味道方面我想講個牛舌要襯熱食, 因為熱食先會感受到佢陣陣既牛香.佢個海膽芝士肉子燒都不得了好creamy同滑漏面頭仲放有半熟既你海膽。 一放入口感覺好滿足.. 個忌廉薯餅同黑松露薯餅, 我就覺得忌廉嗰個吸引d, 因為日本忌廉出名係香濃甘甜,而個黑松露薯餅就一貫既gas味，都唔錯, 個半熟龍蝦先不得了.. 佢係成餐入面最出色既, 因為佢隻龍蝦鮮味得黎又燒得岩岩好好似食刺身咁勁入味爽口, 食完淨返個蝦頭仲可以拎去制粥, 個龍蝦粥陣味就好似新鮮龍蝦湯咁勁香濃真係好正, 之後食埋個炸雞同鰻魚飯我兩口子就飽到差d行唔郁，極為滿足...

#fridayla_kowlooncity ⠀⠀⠀⠀⠀⠀⠀⠀⠀⠀⠀⠀⠀⠀⠀話說，之前有日同L小姐拍拖🍑夜晚bk左三和敘，唸住食下串燒⠀⠀⠀⠀⠀⠀⠀⠀⠀⠀⠀⠀⠀⠀⠀本來嗌左架Uber去九龍城同司機傾開計先知原來三和敘對面，有一間較平民化既居酒屋一樣有串燒食，而且係日本人主理🗾⠀⠀⠀⠀⠀⠀⠀⠀⠀⠀⠀⠀⠀⠀⠀於是我地就臨時決定去試下😝結果，就比我地意外發現左呢間神級居酒屋！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣浜滝Hamataki是由日本人主理的居酒屋，採用日本食材， 提供近江牛、葡萄豚等日本本土美食。餐廳爲兩層，二樓位置更闊落，牆身貼滿日本手畫紙扇，一邊享受串燒，一邊聽住日本音樂，有一刻，我真係以為置身日本！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣火炙平目魚邊💲148 （必食👍）💭其實姐係左口魚邊，總共有兩條💭店主火炙到半生熟狀態🤤🤤💭表面入口即溶，但內裡能夠保持滑嫩口感💭由於浸在自家製柚子酸汁中😍💭能夠醒胃之餘，仲可以很好地中和油膩💭不愧為鎮店名菜！⠀⠀⠀⠀⠀⠀⠀⠀⠀⠀⠀⠀⠀⠀⠀2⃣真鱈魚白子💲1

朋友做日本公司 經佢日本同事介紹黎食呢間位於九龍城既小店 一入到去就見到日本老闆小店位於福老村道 一望就見到店內一樓有4-5 張枱， 而且有二樓，不過無上去，唔知情況，坐得唔逼，舒服影左幾頁餐牌，價錢合理， 因為感覺食材都係新鮮同高質既職員都好親切有禮，仲介紹咗我地食呢個$588既套餐，包一個炙燒海膽龍蝦肉同龍蝦湯或粥兩碗。 首先上左炙燒龍蝦，入口海膽好新鮮，龍蝦亦好彈牙，位量適中，不過加埋之後既野食就會覺得剛好。 食完個蝦肉，會有職員幫你拎拎個蝦貢去煮湯/粥。 我地揀左湯同粥各一，兩個其實湯底係一樣。 湯入面就有豆腐加蔬菜同菇，係濃濃既龍蝦湯入面帶出蔬菜既鮮甜。 而粥就好綿密， 粒粒都滿滿龍蝦湯味！咁岩今日涼涼地，食完呢個成日都暖晒。 之後叫左個鮮蠔土手鍋，主要原因係想試下d蠔，有4大隻，粒粒都好肥美，加上大量蔬菜同鏗魚湯，好清甜同之前個龍蝦湯剛好正有個平衡。 最後叫左燒豆腐同柚子雞。 燒豆腐好有心思，一邊係櫻花蝦一邊係木魚，仲配上少少醬油，好香口。 而柚子雞都夠滑，不過醬汁就濃左少少。 最後飲埋杯柚子梳打作結。今餐真係好滿足， 有去左日本小店既感覺！

朋友帶我嚟九龍城食好野！呢間係好日式嘅居酒屋，連職員都喺講日文㗎。首先更喺食刺身先啦，活赤貝好新鮮，超有口感又彈牙。食到有點膩可以加啲檸檬汁，會帶出另一層鮮味。龍蝦刺身爽口彈牙，配上鮮甜的海膽，是幸福的味道，哈哈。另外嘅平目魚邊都好好食，油脂分佈啱啱好，完全喺入口即融！最後喺刺身冷麵。又估不到冷麵底是酸酸甜甜的凍湯底，所以食落好開胃。而且面上嘅刺身都唔hea，份量唔少，都夠兩個人食。飲品點咗特大柚子蜜梳打, mega size真係好滿足！整體感覺好滿意，下次會再試其他。

無得去旅行又掛住食地道日本野，黎到依間地居酒屋真係可以止止去日本既癮。首先食左佢既招牌菜一份兩食既半熟龍蝦（配海膽），另外有一龍蝦湯飯，一龍蝦湯。坦白講，真係燒得岩岩好，配埋海膽真係好滿足，龍蝦湯十分鮮甜完全吸哂龍蝦頭既精華，以600$黎講真係值回票價！之後得地有叫兵庫生蠔..大蜆等既海鮮冷盤..睇相都知有幾新鮮😂除此之外就叫燒串，值得一提係80$既葡萄豬...好好好香，好軟，有d似食緊和牛咁，當然係豬既味道😅唔食牛肉既你。。真係要試。。最後一提，炸雞一定要食。。包你有驚喜！

之前已經來吃過一次，今次帶朋友來試試，當去了一趟日本旅行！每次點菜，職員都會好細心地介紹是日精選同是令食材。今次被推薦的是半熟龍蝦和北海道秋刀魚刺身！半熟龍蝦真是好有驚喜，未試過吃半熟龍蝦肉，估不到口感更加彈牙同爽口。龍蝦肉面上再加了燒過的海膽，大大增加鮮甜味呀，好吃到不得了！居酒居另一個特色就是可以製作一菜兩味～這款半熟龍蝦吃完肉後，職員再拿去煮龍蝦粥，而粥的份量都不少的，夠3-4人吃。用龍蝦頭煮粥除了好鮮好濃好香外，份量這麼多，覺得非常抵食呢～另外的北海道秋刀魚刺身都好新鮮，配上餐廳自製的醬油，是值得一試的是令刺身～北海道秋刀魚刺身當然都有兩食啦～刺身是原條魚即切的，所以第二味就是用炸魚骨，好香口，不錯喔～飲柚子梳打品超大杯，好喜歡，哈哈！

心想九龍城區一間居酒屋，應該不會太大驚喜吧！一向以為尖沙咀才會有水準的我，有點令我意外⋯⋯侍應熱情有禮的招待，食物的賣相和味道也很好，值得讚賞的是日本廚師會親自端菜上枱和講解菜色，也感覺到他們用心研發菜色的熱情❤️在店內，發覺很多客人飲他們代理的日本酒，雖然我不喝酒，但相信應該不錯吧！所以令我一向不會寫食評的人也忍不住推介一下⋯（除了有一次很不滿一間店寫過之外😂）價格也合理，如果嫌尖沙咀或銅鑼灣太多人，可考慮到此店，但提議先訂位，因為眼見此店很多人😊