洪記潮州滷味 (已結業)

有同事提起之前去過土瓜灣洪記潮州滷味，買過滷味回家加料，屋企人大讚好味，近期晚市禁堂食，又唔想自己煮，我都想買啲返屋企試吓，橫掂而家土瓜灣有屯馬線，交通方便好多！店內廚窗掛咗多隻滷水鵝、鴨。還有龍蝦、墨魚、紅腸等，枱上放滿不同的滷味，令人垂涎欲滴！樣樣都想試！我就揀咗滷水鴨、豬耳、紅腸。落單後好快就有得拎。滷水鴨表面色澤均勻，鴨肉又嫩又夠味，味道唔會過咸。滷豬耳，Ｑ彈豬皮、加上脆脆的軟骨，有豐富膠質，而且每口都有滷水的醇香。滷紅腸，洪記的滷水汁調得鹹甜適中，所以滷甚麼材料都滷得好味，紅腸也不例外。

食肆因為疫情嚴重，近期冇咗夜市堂食，做嘢做到唔想自己煮，還好重有外賣，今日經過土瓜灣北帝街，見到間洪記潮州滷味，廚窗掛住滷水鵝和鴨，入面也擺放咗不少滷水食品，吸引我入內斬料回家食飯。滷水鴨半隻：滷汁又濃又香，鴨滷得入味，鴨肉鮮嫩，師父斬件時，將胸肉切法仿效鵝肉起骨切成一片片，食時啖啖肉，值得一讚！鵝腸四両：鵝腸洗得乾淨，一點異味都冇，食落口感爽脆，帶少許油脂香味！食潮州滷水點一點調味蒜蓉醋更好味！

這一間店的裝修比較鮮明，因為店面既一半都係用透明玻璃展示着燒味廚房的部份，門口掛咗很多滷水鴨鵝，而且他的招牌是木啡色的，形象幾亮麗突出。入到去店舖，都算比較乾淨，座位位置不多。我哋兩個人揀咗個4人位坐。呢間舖頭主要雖然是潮州菜式，但是最主要應該係食滷水鴨鵝，紅腸墨魚等等的飯，其他潮州菜式不多，但係也有煎蠔餅，大眼雞等等出名嘅潮州菜。我點了滷水鵝拼墨魚$60, 佢跟一個湯, 幾清甜, 有點紅蘿蔔。份量非常之多非常之大，而且滷水同墨魚的量也很多，覆蓋左成個飯，而且佢會再配以一啲酸菜，送飯很開胃！滷水鵝嘅唔咸，再點一啲白醋，味道剛剛好。滷水鵝咁岩俾咗背部，一層薄皮，一層肉，再加層骨，這個位置最好吃！跟住再嗌左一份油菜白菜，佢個量真係好抵食，白菜好新鮮, 好肥, 只需要$28 ，就有一大碟，我哋兩個人食啱啱好。呢間舖頭整體來講都幾乾淨，食物味道也不錯，而且店內的人也比較友善，會再光顧呢！

屯馬綫開左後方便我呢啲住得遠既人周圍走，今日落開宋皇臺果邊，之後沿路行一直行到北帝街黎，到差唔多時候要返歸但又唔想煮飯，經過呢間滷味鋪（記得有位名人曾經在報章推介過）就買啲滷味返去做餸啦，點知真係咁正

今次去到土瓜灣食咗呢間洪記覺得呢間的個價錢都唔算好貴，重有好多嘅選擇分別有ABC餐，亦都可以加錢自由配搭。我地今次就食左A餐有鵝片+鵝肝+豬大腸，我地重加左鵝腸同豆腐。D食物的味道佢唔算好鹹，好香嘅滷水味，令我最驚喜嘅係鵝腸，佢好爽口得來呢有鵝腸嘅油香，鵝件鵝片嫩口，豬大腸都唔錯唔係好肥，少少臭大腸味唔食大腸的都可以試下，不過最令我失望的係豆腐，唔知點解食落去又苦又怪，大家可以慳返$10唔洗加。我覺得去到土瓜灣經過都可以去洪記試下，整體來說，都唔錯。

屋企人生日話想食潮州菜，見咁啱搭車順路經過，所以就喺土瓜灣嘅「洪記潮州滷味」度買外賣。滷水獅頭鵝 (一斤) - $128師傅叫我哋買下庄，話包保啖啖肉！鵝肉本身一啲都唔嚡，而且都幾入味，再蘸埋醬汁咁食真係perfect match! 鵝腸 (二両) - $30本身屋企人都唔太鍾意食鵝腸，不過食落又唔太重內臟味，所以都可以接受嘅。墨魚 (二両) - $40墨魚都幾彈牙~健康豆腐 - $10估唔到呢舊豆腐都幾高質，重豆香，亦都好入味，可以嗌多啲都無妨！滷水蛋 - $5

北帝街有幾間潮州鋪，屋企人一早交帶落今晚冇餸叫我返黎順路加料，今日喺附近做完野行過，見倒洪記出面掛左啲滷水鵝同滷水鴨都幾靚，望入去店內感覺幾乾淨整潔，價錢亦正路就試下。門面塊玻璃寫左可以用消費券，啱晒！滷水鴨($70/半隻) - 半隻鴨已經塞滿一個膠盒，另外我仲加左滷水蛋同豬耳，師傅本身已經加左兩大匙滷水喺外賣盒入面，不過另外都有再俾多一小盒滷水汁同酸汁。滷水蛋($5/隻) -  滷得入味唔會太鹹。面頭係鴨片，下面係鴨件，鴨肉肥瘦適中，食落唔會太鞋，個人鍾意蘸酸汁多過滷水汁，感覺冇咁滯。豬耳($17/隻) - 豬耳幾脆口，$17份量都唔算少。

一直很喜歡潮州的滷味，這天經過土瓜灣的洪記潮州滷味，便外賣了兩盒滷味飯。餐廳有開放式廚房，客人可以選擇和要求燒味和滷味的不同部位。油雞、燒鵝和紅腸等燒味都懸掛着，等待客人挑選，這些燒味和滷味色澤明亮，香味撲鼻，十分吸引食客，我在等待外賣時看見有不少客人來點外賣。我外賣的兩盒滷味飯分別是豬頸肉飯和三拼滷水什飯。兩款都跟餐送湯水，湯水是冬瓜薏米湯，清甜解渴又可以去水腫。豬頸肉飯盒一打開便看見滿滿的豬頸肉和淋上了醬汁的白飯，還有菜脯作伴菜，豬頸肉大塊爽口帶嚼勁，肉質鮮嫩，菜脯則很適宜下飯👍🏻而三拼滷水什飯的三拼是鵝肝、腩肉和大腸，這三款滷味都十分出色，除了菜脯作伴菜外，還有一小盒醬汁搭配三款滷味。鵝肝切作厚片，新鮮不苦澀，腩肉肥瘦適中，肉質鬆軟，腩肉上的肥膏差點就入口即融，而大腸乾淨爽口，滷得入味又有嚼勁😋兩盒滷味飯都很美味，滷水入味，食材新鮮，下次到土瓜灣會再次來堂食或外賣😁

係朋友屋企玩左陣BB，唔好意思留太耐就晚餐前告辭，朋友推薦左附近幾間好食餐廳比我，其中一間就係洪記潮州滷味 有外賣同堂食，價目表好清晰，仲收消費券添！我同老公決定買外賣，揀左豬大腸、鵝腸、墨魚、健康豆漿同滷水蛋，秤完最後一共係$119滷味顏色唔深，超夠味但唔會死鹹，根本唔使蘸任何醬汁食都得。健康豆腐最抵食$10一大舊，日本好流行以食豆腐代替白飯嚟減肥㗎！滷水蛋$5隻，有d後悔只買左一只，滷得幾好食墨魚好驚訝點解可以煮得甘柔軟一d都唔韌，有少少似鮑魚軟彈嘅口感，正！豬大腸同鵝腸好味道，平分秋色，食落好香油脂味，一點膻臭味都冇，下次又嚟會想試埋鵝肝～

為了外賣加菜，之前已經試過好幾次，真的很回味，加上斬料師傅很老實，絕對足秤。這店的鵝肉鵝香肉嫰，是次叫了～鵝拼才會贏套餐，名字改得很好，看得顧客都開心，叫了B餐，鵝肉拼鵝腎五花肉，甜甜蜜蜜中size，價值168。好大盒又足料，回家加菜非常棒。還送了我一隻滷水蛋，非常入味，五花腩滷的很好味，絕對不鞋口，另外鵝腎亦夠咸香，份量又夠多，最讚的是鵝肉，入味得來又有鵝肉香，非常正啊！下次要試試鵝肉飯，因為醬汁才是靈魂。

今日過家姐度食飯，係附近買盒鹵水獅頭鵝片加餸，但見到有墨魚，即時整個雙併，價錢都唔平，要$208蚊。但見呢間多人幫襯，應該味道唔錯，而且堂食完的街坊出來都讚不絕口,就決定試一試。上到去開盒見真章，好大盒， 塞到好密，仲有 1個鹵水雞蛋。 鹵水鵝皮薄肉嫩， 食落香口，有極重花椒八角味道，分量多，夠5人分食。而且最欣賞的是沒有油膩感，食到底都還是哪股鹵水香味。滷水墨魚亦即係我地常食的橙色墨魚，彈牙香脆，分量多。整體感覺相當不錯，會再幫襯。

早排老公放工買了滷水鵝片回家加餸，鵝片切得均勻，鵝肉滑嫩，滷水又幾香。今日又遲了放工，屋企只得返菜，買唔切餸煮飯，所以二公婆又決定加料算數。本身諗住叫老公在屋企樓下斬料，因為早排先食完滷水鵝，但老公話呢間舖頭除咗滷水鵝之外仲有好多唔同的滷水，想再試試其他滷水，所以今晚又再幫襯😍由老公影的餐牌同櫥窗的食物，我原本打算選擇鴨舌、墨魚、豬耳同大腸。種類繁多的滷水點知老闆極力推薦老公試一試元蹄，話唔多肥膏，滷得好淋同入味，鵝肝鵝腎都唔錯。在老闆的極力推薦下，我們選擇了元蹄、豬同鵝腎。呢度有個小插曲，話說之前有客人點了部份元蹄，不是一整隻，老闆話呢度收我們$58。老闆做生意都幾均真，呢部分應該多個半隻😍。多過半隻份量的元蹄 $58（原隻$88）一大個盒裝滿晒，好抵！我好喜歡食豬手，但又怕太肥。老公電話中說老闆再三強調他整的元蹄唔會太肥。我原本唔太相信，但見佢肥膏部份又真係薄薄地一層。放入口，好淋，好入味，同埋唔太肥。果真老闆推薦，唔會錯！豬耳仔係我另一最愛，因為中間爽爽的，好有咬口，而豬耳可以吸到好多滷水汁，送飯一流！一隻豬耳$17，但就食極都仲有，好抵😎鵝腎我本人就唔太好，不過老公食完大讚，話

終於都等到屯馬線通車，第一日通車湊熱鬧試下新線，來到土瓜灣站，在炮仗街出，行兩三條街到北帝街。之前食過滷水鵝覺得滷水汁不錯，斬些料回家加餸。滷水鴨 | $70半隻切得好靚，一片片的整齊排列，滷水汁幾香。每塊都切得夠薄，吃起來啖啖肉，皮下脂肪薄，點的醋味道較淡，再酸一點就正。紅腸 | $20半條食滷水總覺得要有豆腐及紅腸，半條紅腸都有好多片，不太鹹又不會甩色，很快給家人吃掉了。健康豆腐 | $10一件豆腐可以一件件買，沒有沾上太多的滷水味，的確幾健康。

今晚屋企人多熱鬧想食得豐富啲，但煮太多款餸，麻煩又辛苦，體貼嘅我就提議買外賣加餸。正苦惱緊買咩之際，見到一間好光鮮亮麗嘅潮州滷味店。哈，就試吓你啦門口貼住大大張menu，一目了然。亦有外賣紙可以拎住慢慢睇。食物款式都幾多，最後我買咗三款野食，全部都唔錯喎！南薑雞平時燒臘舖/ 滷味舖斬料，好多時啲雞肉都會有少少霉霉地嘅口感，但呢度嘅雞肉好嫩滑，一啲都唔霉，非常好雞嘅外皮沾滿細細嘅薑絲同薑粒，充滿南薑特有嘅香味。豬大腸$20一條真係好抵食！由於係原條切開，一次過可以食到中間嘅肥腸部分，同埋頭尾口感比較爽脆嘅部分，非常正！紅腸由於我本身鍾意食紅腸，買滷味好多時都搭少少紅腸。$20半條，切成一塊塊，其實都幾多。個樣都幾靚仔，味道正常ok。下次要再試埋其他野食

又要過來土瓜灣做嘢，經過北帝街這條街進駐很多美食，有日式餐廳、多國菜、甜品店、西餐廳等，仲有這間潮州滷水店，大大廚窗放滿不同滷水食物很吸引。滷水鵝、滷水鴨、鴨舌鴨掌、豬頸肉、豬脷、豬肚等，款式頗多樣樣食物都好想吃。今次買了滷水鴨半隻 和 滷水鴨舌 二両 ，師傅刀工出眾張滷水鴨斬件得整整齊齊，滷水鴨肉切一片片薄薄的，肉質嫩滑啖啖肉，滷水味濃郁而不會太咸，滷水鴨舌很大隻又多汁，平時吃只有頭半部鴨舌短啲，但這裡會是整條鴨舌連喉管都有埋，加埋一杯凍啤酒真的吃得很滋味啊！