洪記潮州滷味 (已結業)

係朋友屋企玩左陣BB，唔好意思留太耐就晚餐前告辭，朋友推薦左附近幾間好食餐廳比我，其中一間就係洪記潮州滷味 有外賣同堂食，價目表好清晰，仲收消費券添！我同老公決定買外賣，揀左豬大腸、鵝腸、墨魚、健康豆漿同滷水蛋，秤完最後一共係$119滷味顏色唔深，超夠味但唔會死鹹，根本唔使蘸任何醬汁食都得。健康豆腐最抵食$10一大舊，日本好流行以食豆腐代替白飯嚟減肥㗎！滷水蛋$5隻，有d後悔只買左一只，滷得幾好食墨魚好驚訝點解可以煮得甘柔軟一d都唔韌，有少少似鮑魚軟彈嘅口感，正！豬大腸同鵝腸好味道，平分秋色，食落好香油脂味，一點膻臭味都冇，下次又嚟會想試埋鵝肝～