洪記潮州滷味 (已結業)

今次去到土瓜灣食咗呢間洪記覺得呢間的個價錢都唔算好貴，重有好多嘅選擇分別有ABC餐，亦都可以加錢自由配搭。我地今次就食左A餐有鵝片+鵝肝+豬大腸，我地重加左鵝腸同豆腐。D食物的味道佢唔算好鹹，好香嘅滷水味，令我最驚喜嘅係鵝腸，佢好爽口得來呢有鵝腸嘅油香，鵝件鵝片嫩口，豬大腸都唔錯唔係好肥，少少臭大腸味唔食大腸的都可以試下，不過最令我失望的係豆腐，唔知點解食落去又苦又怪，大家可以慳返$10唔洗加。我覺得去到土瓜灣經過都可以去洪記試下，整體來說，都唔錯。