泰COOL (翩匯坊) (已結業)

將軍澳都是我們平日會去吃飯的地方，趁還是放暑假，中午帶著小女生來到海旁附近的餐廳。這裡的餐廳很有渡假feel，有室外座位，晚上來喝杯啤酒，輕鬆一下實在很不錯。平日一時半來到，可直接入座。餐廳以木色為主，有卡位，坐得很舒適。午市有set lunch 供應（$58）,可加小食。海南雞飯$58份量很足，油飯加入了薑黃。雞皮沒有多餘的脂肪，很爽滑。雞肉也軟稔，加入泰式辣醬油，更加惹味。香芒蟹肉炒飯$88有不少的蟹肉，味道較淡，吃到蛋香，不會太濃讓人口喝。米飯軟硬適中，粒粒分明，芒果很甜，如果多一點芒果就更好吧！泰式炸蝦片 $28脆卜卜，惹味香脆，啱曬來happy hour 邊喝啤酒邊吃蝦片，而且是一包的，吃不完可帶走呢！椰青 加$30椰青是最好的消暑清熱飲品，有益又健康，這裡的椰青很大個，內有很多椰子水，而且相當清甜。下午2：30就有下午茶供應，四十多元，炎夏在這舒適的環境中吃頓飯，再遠望一下周圍的綠蔭，相當寫意。

好耐冇入將軍澳上個星期去將軍澳海旁散步原來已經大廈林立, 好多豪宅原來將軍澳海旁, 已經開咗好多餐廳酒吧 當日我哋求其 入咗一間餐廳 happy hour, 揀咗呢一間食泰國菜當日只係飲咗兩杯stella叫咗個小食拼盤 只為輕鬆一下, 感受下周圍嘅環境 一邊飲一邊望下海景 望住個日落又有人經過跑步經過踩單車 餐廳出面, 仲可以同狗仔一齊坐一齊食感覺好輕鬆寫意講真.. 間餐廳嘢食嘢飲係ok嘅 但係啲服務員.... 同成間餐廳嘅氣氛, 比起中環港島區嘅酒吧, 個feel都係差啲 佢哋嘅氣氛始終似商場餐廳多啲

係將軍澳海濱海旁附近夜晚係酒bar既 🤪日頭係餐廳來既 見個環境幾好 咪入去試下🤨呢個係肉碎飯 睇落幾好 食落就麻麻 😛海南雞飯好食 雞肉分明 油飯又唔會影 適中最緊要嘅係醬汁惹味 將雞昇華至另一層次😍😚通菜夠晒鑊氣 加埋D辣椒仔 真係冇🉐️輸😬份量有D細 但都可以接受既🤭🤭🙂🙂呢間定價都幾高 上菜速度好慢 服務員似發緊夢 舉手都冇人理我個海南雞等左半個鐘先有 整體而言 要加服務費真係驚訝 一次有多 再來就冇意思😂

之前係泰cool 食左好多次lunch, 一直都覺得唔錯。今晚有空再試埋佢個晚飯菜單⋯今晚叫左小食（𧐢仔餅），主菜（泰式雞煲）及菜（馬拉盞炒椰菜）。店內座位空間闊落，另有大電視（今晚播MV, 應該有足球賽事會播波🤔）馬拉盞炒椰菜比較重口味，但辣味輕微，食落細味先有陣辣味。𧐢仔餅則有別於我地打冷食既𧐢餅，佢用鐵板上菜，蛋餅都幾厚，𧐢仔都幾大粒，但因為鐵板關係，部分蛋於上菜時已偏燶。另外配有辣醬，整體唔錯。👍🏻泰式雞煲⋯⋯離遠已聞到一陣味道。上到枱雞煲散發出一陣強烈，如辣椒粉嗆鼻般，不但令我、甚至鄰座既食客都咳嗽。雞煲內醬汁熱到翻滾，過左一陣回歸平靜， 才開始享用雞煲。雞如其名般有泰式香草味，亦是與平日食麻辣/ 香辣雞煲有所不同之處。

呢間新開泰菜館，半開房式，人客都幾多，要等一陣位! 食物選擇都唔少，小食，串燒，咖喱，炒菜，飯粉麵，酒類及特式飲品都有提供 開胃之選有呢碟酸辣鳯爪 ，份量好對眼喎，鳯爪入口爽口，酸辣汁幾夠味，加埋洋蔥及芹蒜一齊伴食，刺激味蕾! 呢碟馬拉盞炒通菜，盛為$68，份量比想像中細碟，通菜有D渣，馬拉盞夠濃味，空口食有D咸，用黎送白飯應該會好D! 主食點左客香辣肉碎金邊粉，以肉辣加埋少少蛋片，三色椒，有D辣度，D金邊粉未能炒到條條分明，有D仲係一團，影響口感，唔算好油膩，二人分享夠晒飽肚!

屋企附近自從多咗好多樓盤，人流自然多左好多 ，咁又自然地開咗好多食肆。今次就去咗屋企附近海濱長廊沿海一帶嘅一間泰國餐廳食飯， 餐廳都有亞熱帶風情feel， 餐廳外面有露天雅座比客人一路食一路欣賞海景，但係因為實在天氣太熱喇，我同我老公只有選擇坐室內嘆下冷氣比較舒服啲。泰式拼盤拼盤有蝦餅、魚餅、雞翼同春卷， 每樣都好食，炸得好鬆脆可口，味道又唔會太鹹，適中，好味。黃咖哩雞因為唔食得太辣所以叫咗個少少微辣嘅黃咖哩，咖哩非常惹味， 味道濃度適中， 唔太稀亦都唔會太結，不錯。泰式豬肉炒河老公鍾意食泰式炒河 ，而我一 向都唔太鍾意食， 覺得好肥膩好油，點知呢一次有驚喜呀，唔油不特止仲炒得好乾身好好味。海南雞飯呢個海南雞飯就好失望啦，啲飯唔係正宗黃油飯 ， 飯嘅口感又麻麻地， 雞唔夠嫩滑之餘，又鞋口兼冇乜雞味。炎炎夏季梗係唔少得叫番杯冰凍嘅啤酒啤下啦，一路食一路欣賞海景，enjoys !

將軍澳區除咗愈來愈多樓仲多左好多好嘢食平時散步 踩單車既海皮原來呢一帶已經開左唔少新餐廳而且選擇亦都幾多見到呢間泰國菜都幾多人決定一試店內裝潢好年輕好有生氣午餐有好幾款選擇都係$58 幾抵食我地揀左海南雞飯油飯食得出陣陣油香雞肉夠嫩滑 而且份量足底部仲有蔬菜營養均勻另外仲追加左小食生菜包 有2件 都只係$10另外叫有份小食拼盤有豬仔最愛炸蝦餅外皮脆卜卜 咬落啖啖肉魚餅口感夠Q彈而春卷同單骨雞翼亦夠惹味香口無骨鳳爪沙律酸辣味十足愈食愈惹味同開胃飲品跟餐加左香芒椰汁冰甜甜地 相當解辣餐廳對出就係海有機會希望夜晚再黎飲下飲不知幾寫意

已經很久沒有去泰國，今晚和女朋友就腳來這家位於將軍澳的泰COOL，試一試泰菜水準。餐廳裝潢十分型格醒目，用上七彩霓虹燈作為主題，座位亦寬敞舒適，更有不少卡位。餐廳泰菜選擇頗多，，前菜小食、海鮮、咖哩、粉麵飯類、甜品各種各樣都有。小食拼盤拼盤有四款惹味小食，蝦餅、魚餅、春卷及雞翼，蝦餅油而不膩，味道爽滑鮮甜，滋味雋美；魚餅加有香茅及檸檬葉，令味道更突出；春卷外皮極之香脆，內裏甘香；而單骨雞翼醃製入味，十分有水準。檸檬蒸烏頭原條本地黃油烏頭明爐上枱，保證新鮮熱辣，魚肉煮得恰到好處，鮮嫩多汁，加上泰式檸檬湯底，微酸微辣，粗糙細膩並存，一流之作。香葉肉碎炒金邊粉份量慷慨，金邊粉鑊氣十足，上枱時仍冒煙，伴入香葉肉碎，配料香濃惹味，令人一口接一口。

雖然夏日炎炎，但海旁景色正好。今日黎到將軍澳海旁，食泰國菜。點左有"like"既香芒蟹肉炒飯，果然冇令我失望！芒果炒完暖暖的，甜味與蟹肉炒飯的咸味互相衝擊，係味覺既享受！另外點左大既串燒拼盤，有豬頸肉稍乾，另有雞，牛，豬串燒各兩串，雞肉質稍滑，其餘有啲乾，口感較硬。有兩種串燒汁，如果汁可濃些更好。最後仲有黑胡椒蝦，用砂煲上。調味不錯，洋蔥紅椒青椒等配料都十分入味。如果蝦肉以鮮蝦做食材更好食。晚上8時陸續有人等位，可見是將軍澳海旁不錯的選擇。如果有更多人一起吃，可點更多菜一同分享。

將軍澳近單車徑嗰邊，有新屋苑密度唔高，見到有間泰國餐廳，咁就走入去坐低，搵餐晏仔食下，坐低叫咗個青咖哩牛腩飯，冬陰功蜆肉意粉，叫多個泰式春卷，加個生菜包，整多個炒雜菜，最後甜品叫返個椰汁西米糕，呢餐都算幾豐富。生菜包唔貴10少少肉碎，放在生菜面，少少一啖再一啖，如困两整多啖就verygood嘞。馬拉盞炒雜菜78馬拉盞嘅味道唔使解釋，唔使多介紹，不造什菜炒得好就要落功夫，不同菜要不同火候，這碟菜就非常好重係啱啱好，應硬就硬，應淋就淋美味爽口。青咖哩牛腩飯58牛腩好多師傅都會直切，炆得幾好，入口都難，牛腩係用牛肋條嘅部分，所以都值得一試。冬陰功蜆肉意粉58冬陰功味道非常濃郁，不過我哋要小辣，最好就唔棘，所以都唔算好棘啦，蜆肉意粉就非常好味，食落啲意粉又唔算太林，冬蔭公嘛!泰式春卷6泰式春捲，攞埋嚟嘅時候，都有少咗啲，但係一啖一嚿，食落啱啱好，都好好味，入面嘅係一啲素菜類，爽爽地清清地。椰汁西米糕38值得一提嘅就係，椰汁西米糕啦，睇落價錢，聽落好似好貴，但係功夫真係唔少，入面仲有除咗椰汁，同西米糕，仲有嘅就係芋頭，加埋芋頭就真係別有一番風味啦。咖啡奶茶凍飲，嘆一嘆先。

朋友住將軍澳，約會我在「泰COOL」共進晚飯。我在將軍澳地鐵站下車，沿唐俊街行，週邊中上住宅區林立，環境優靜。很快便到達翩匯坊，不過，原來還要穿過商場，走向海傍方向，便看見「泰COOL」餐廳了！餐廳裝置雅緻，座位寬闊舒適，雖然吃晚飯，但是天氣炎熱，我們都選擇湯粉：牛腩牛丸湯河$58，肉片肉丸金邊粉$58，炭燒豬頸肉$78，兩份芒果椰汁糯米飯$96。我們的湯河都走葱，湯底鮮甜，牛腩夠腍入味，牛丸彈牙有肉汁，另一碗肉片肉丸金邊粉，我就嘗試了一大大片的豬肉片，很有肉味！每款湯河都有一大塊白蘿蔔，白蘿蔔滲透湯底，變成黑蘿蔔。看出見餐牌炭燒豬頸肉的圖片，只有大半碟豬頸肉的展示，不過，上枱的炭燒豬頸肉，是滿滿的一碟，炭燒得很香的豬頸肉，肉質嫩滑可口，配埋醬汁又開胃，甜品是新鮮芒果配椰汁糯米飯，濃濃的椰香，綿糯的口感，消消暑、醒醒胃，確是一樂也！！！

我最鐘意呢間泰 cool 每逢我放狗都路過，環境好，風景優美，有海又有山，對我這個狗奴才來說， 主子肯定要加我分呢 之前嚐過 lunch, 味道很好! 今晚就帶埋主子再去享受一番!配合夜風的情調，叫上一杯 Nothing (意思指沒有）雞尾酒 它是混合伏特加,朗姆酒 和 蜜瓜酒，放心，很低酒精成分的， 甜甜的很易入口！ 鮮蝦金柚子沙律 整體就是酸酸甜甜的汁混和食材，把我的胃叫醒! 沒法停止地拿著义不停的吃， 好爽快!芒果蟹肉炒飯 我喜歡夏天飯類加入新鮮生果的，感覺零舍不同，很 fresh 的芒果香和甜味，渗和在粒粒分明的飯内，絕!串燒拼盆(大) 豬、牛、雞，各2串，還有很多豬頸肉，燒得很香很有炭味，份量相當十足，超值呢 店員服務很好，做嘢又快又醒，抵贊

得知將軍澳海旁開了多間食肆，所以今日就帶同媽媽過來一吃。這裏環境果然非常優雅舒適，正正適合叫杯飲品慢慢嘆！點了杯龍眼冰，不算太甜，亦有濃濃龍眼香甜味，不錯不錯👍🏻。好彩我地早黎，仲可以點佢個下午茶，價錢都算中肯，$4x-$5x左右，所以我地點了單骨雞翼配無骨鳳爪沙律。配飲料簡直一流👍🏻，無骨鳳爪好入味，夠酸夠辣仲有不少香草味。單骨雞翼味道亦不賴，脆脆的。鮮蝦炒金邊粉份量非常多，薄薄嘅蛋皮蓋滿金邊粉，而且裡面都有不少蝦仁。羊架好抵吃，$88有兩件，烤得香噴噴，啖啖羊肉，就連平時不太吃羊的我也忍不了口，吃了一整件🤭！

天氣好行下清水灣半島，這兒有點西貢feel㗎!別有一番風味，最啱慢活的生活，原來寧靜的一角還有一間泰國餐添，伴著海灣又有涼風吹仲係好寧靜添，行人唔算多響度食個午餐享受下人生先， 有室內和室外任君選擇，環境一般，男侍應生很有禮貌招待，我們選了兩個套餐和加小食甜品。😄😄青咖哩牛腩飯，賣相一般般但青咖哩食第一啖已經好想將啲汁撈落啲飯度食，好味道呢👍牛腩就略為少咗啲！得幾粒，不過都好淋。冬陰蜆肉意粉，好大碟呀!👍有點驚訝!冬蔭味濃但又唔辣，入口有點油膩，但抵食。👍加咗兩個小食，春捲和生菜包，生菜包味道辣辣地好有泰國味👍😋甜品叫咗椰汁西米糕，賣相好靚仔，而且西米裏面還有芋頭粒粒，好味道呢!食完兩個再叫多一份外賣。👍😍生菜包$10前菜辣辣哋好開胃青咖哩牛腩飯$58青咖哩好重泰國feel冬陰功蜆肉意粉$58好大碟啊！ 馬拉盞炒雜菜$78馬拉盞味唔夠濃凍咖啡比較淡咗啲椰汁西米糕$38抵食又好味😋👍唔該外賣多盒😂👍

將軍澳愈來愈多新樓，所以餐廳都愈來愈多，竟然比我喺將軍澳發現咗個小soho🤣..呢間泰菜有outdoor, 如果天氣唔會太熱，坐外面都幾chill! .我地小食叫左燒豬頸肉，豬頸肉燒得唔會太乾身，絕對保留到肉汁，而且份量好多同埋厚切，的確非常唔錯！主食方面叫咗海南雞飯，雞肉都算幾滑，肥瘦合宜，油飯唔太油反而幾香，食落唔會話好滯，都幾好！香葉肉碎炒金邊粉，穫氣十足，唔會太辣，係普通pad thai以外另一好選擇。我地最後仲叫左個泰式明爐烏頭，佢地選用本地黃油烏頭，食落肉質幾鮮，滾住食另有一番風味！總括黎講食物同環境都好唔錯，而且同其他大商場都有少少距離，所以都舒服既，但因為餐廳都有提供水煙，所以如果一般煙味既人就比較適合坐返indoor就好啲啦！