泰皇閣泰國菜館 (已搬遷) 新店位置

近日真係好凍，大家最近都打左唔少邊爐，都食到厭...朋友提議食泰式明爐烏頭，都一樣滾滾下，一樣暖透心！食泰國菜識食一定去九龍城！搭巴士喺東方富豪酒店落車，過條馬路就見到呢間泰皇閣！由於門面都幾ok, 決定一試！呢間泰國菜選擇多而且確實有驚喜！竟然有白灼螄蚶！而家好少地方有得食，呢度竟然有，而且價錢都幾抵食！$58!!! 聽說螄蚶係好難洗乾淨，但呢間的確整得好乾淨，冇沙！食落螄蚶好有鮮味，感覺好似食生蠔鮮甜味充滿整個口中，正呀！ 另一個不得不推介的係爆炸蝦$268!聽個名就知係炸嘅！爆炸蝦由泰式香葉丶香茅丶花生腰果炸！整個蝦都炸得好脆，味道有啲似椒鹽蝦，連蝦頭都啜得好有味道！最細心係廚師挑走唒蝦嘅腸！加分！蝦嘅大小都算大，份量又多！ 凍凍地梗係要飲個熱湯！冬陰公好多地方都有，所以要叫個特別的-泰式煲仔翅 $138 呢個翅堅係有一排翅！而湯料都好足，由金華火腿、冬菰、仲有芽菜，好泰式呀！個湯味道有火腿味，飲落好舒服，鹹度適中，再夾埋翅同芽菜一齊食非常之有口感！ 食泰國菜都唔少得叫明爐青檸蒸烏頭$138! 明爐烏頭夠大條！冬天真係好適合食呢個滾下，成個人都暖哂！魚楠好滑，

九龍城實在有太多泰菜館了! 泰皇閣的門面, 說真的, 真是毫不起眼, 不過食物比很多泰菜館還要刁鑽, 要吃新奇又好味的泰國菜式, 來這裡準沒錯!贈送的泰式蝦片好好吃! 有濃郁的蝦味, 且有點微辣, 惹味到令人不能停口!泰式煲仔翅 (原價 $188)湯底有雞骨的香濃味道, 再加入芫茜, 芽菜, 極具泰國的風味, 跟中式魚翅的濃湯是大相逕庭的. 用骨湯煨魚翅, 骨香滲到魚翅當中, 令原本沒甚味道的魚翅也變得濃味起來.而特惠價$138 的魚翅也絕不欺場, 大大梳的魚翅, 看著也覺得矜貴. 而口感亦非常好, 爽爽脆脆的.沙嗲串燒 (半打) ($65)兩個人點半打串燒, 可以選配豬牛雞各兩串, 正好試勻各款肉類. 最愛吃雞肉串燒, 肉質嫩滑, 牛肉有嚼頭, 肉汁還挺豐富, 而豬肉則比較韌, 有點難咬. 肉類本身已經醃過, 有少少像咖哩的味道.吃串燒, 沙嗲汁當然是重點之中的重點, 沙嗲汁富有咖哩香, 花生醬的濃, 相當惹味, 令人忍不住一次點很多呢!泰皇秘製鰂魚沙律 ($158)食過不少次泰菜, 鰂魚沙律還是第一次吃, 甚至還是第一次見呢!店方採用本地的鰂魚, 切片起肉, 近幾剩下一副魚骨, 再

星期日打算到九龍城買些香料及寵物用品之餘，當然不少得要嘆九龍城美食，隨住市區發展，若將來到這區大翻新，恐怕今日餐廳百花齊放、爭妍鬥豔之景都會消失，所以更要趁現把握機會。早前有朋友介紹泰皇閣咖哩炒蜆，說連我這種不能吃辣的也會吃得津津有味，我便儘管來試一試。 餐廳門口細細舊舊，但內裡卻是光潔新淨，幫襯滿$300更送烏頭，一班人食更正。店內空間足夠，能容納30人左右而不用肩貼肩。兩邊牆貼滿食物照片及編號，落單容易，有新菜或者減價都睇得到。到埗時剛開店沒多久，連菜也未送到，圖中老闆 正在拜神（一定係，除非唔係）。雖然老闆並非泰國人，但店內也有泰國人員工，可能應因如此，有幾檯也是泰國人。聽說螞蟻蛋生菜包是名菜，不過我還是試其他菜式好了 咖哩炒蜆味道非常香，打左蛋花加埋椰漿顏色鮮黃，有三色椒及洋蔥令色彩更鮮豔。咖哩加入多種蔬菜後味道屬香甜，亦幸好真的只有微微辣度，對我這種想吃咖哩卻吃不到的人十分體貼hahaha。 叫一份薄餅點咖哩，誰知薄餅也是主角！雖然大部份餐廳不會自家製，但選材跟火候控制對薄餅成品也有著重大影響，這個薄餅好吃得無話可說，香酥可口、層層分明，單點來吃也不會單調。

想食泰國野，就會想起九龍城，但來來去去都是九龍城某幾間出名食店，每次都是點類似的菜式，確實有點兒悶呢。上網搵下，找到一間感覺幾正宗的泰國食店，是晚就與友人去試試。泰皇閣這間食店，位置較為偏遠，但很容易就找到。店內環境感覺就是很傳統的食店，另我更期待食物質素。泰式煲仔翅 ($168)多數都吃港式煮魚翅，今次試試泰式煮法。港式煮法大多是味精湯，很濃味，每次飲完都會很口渴。但今次的泰式煲仔翅就有分別，飲下不是味精湯，味道較淡而且材料十足。沙嗲串燒 (半打 豬、牛、雞) ($68)我們點了最基本的串燒，每款串燒都燒到金黃色，另人胃口大開。泰皇秘制鰂魚沙律 ($158)個人不喜歡吃魚，但如果是無骨魚就另一講法啦^^！店員極力推介，就試試吧！賣相很吸引，鰂魚起了骨再炸，啖啖都是肉。更特別的是，炸過的鰂魚沒有了淡水魚的泥味，所以很美味，魚塊加上配料一齊食，酸酸辣辣的，很特別。店鋪雖少，但菜式齊全，下次會再試試其它特別菜式呢！

九龍城出名多美食,今次同朋友行開就試左泰國菜!呢間店雖然細,但美食一d都唔差,服務亦超好,一入去就有老闆介紹出名既菜色,花多眼亂,但唔洗左諗右諗。有好多野食選擇,唔驚冇岩口味。焗椰青海鮮炒飯 $88 賣相外觀吸引有特色,但較難but飯。本身以為佢咁白雪雪會淡某某無味,意外地好味,啲飯凍凍地好甜好有椰子味,勁驚喜！有大大舊青口,但個人食食下會覺得有啲易厭,不過椰青飯好值得一試。泰東豬肉生菜包 $68豬肉炒得夠火喉同入味,夠香。生菜新鮮鮮甜,包係生菜入面食口感一流!泰式煲仔翅 $ 138煲仔翅唔係道道都有得食,翅非常足料。唔會太咸或冇味,煮得岩岩好。炸蝦餅拼春卷 $68春卷中間有胡椒味,食落頗香口,足料同皮薄。蝦餅多蝦肉,咬感十足,炸得香脆可口!最後兩個人食咁多野都係三百幾蚊,價錢都合理!

琴日放假，同朋友去咗九龍城搵好嘢食，由於九龍城太多嘢食嘅關係，於是上open rice搵下有啲咩好嘢食。睇open rice見到一間叫做泰王國嘅餐廳好似唔錯,於是就前往試試。鋪頭位於啟德道，地方唔算非常之難搵，鄰近巴士站，入到去嘅時候餐廳嘅侍應招呼好好，熱情地招呼我哋坐下，並為我們遞上餐牌，同我地講，我哋有一個招牌煲仔翅，要唔要試吓？我哋二話不說地就講：好啊，一於試吓你介紹嘅！餐廳不算太大，但裝修得十分骨緻，充滿了人客，反而有一種溫暖的人情味。細細的店內牆壁上都寫滿了文字，掛上吸引的美食圖案，令人垂涎欲滴。侍應為我們送上一個飯前嘅小吃，炸蝦餅。味道十分香口，忍唔住吃了很多塊。我們分別order左一個拼盤，泰式鳳爪，兩個燒蜆，一個生菜包，同埋煲仔遲。飲品方面叫咗椰青。餐牌上的食物包羅萬有，令人眼花撩亂，想嘗試更多嘅食物，但是眼闊肚窄，於是我們靜心地等待食物的到來。好快地拼盤就到了，比我們想像中的要大，拼盤上有不同的炸物，有春卷，有炸蝦餅等等。兩個人食份量相對黎講比較大，但就可以試吓唔同嘅食物。春卷同埋炸蝦餅味道尤其好食。令人食唔停口。之後差唔多食咗一半嘅時候，侍應就為我們送上泰式鳳爪，泰

平常和好姐妹出來聚餐，集中地都只係旺角或尖沙咀一帶，今次就有點驚喜，選址在九龍城吃泰國菜，亦由朋友帶路下選擇了一間位置較僻靜細間的泰皇閣餐廳。晚上七時多，人客漸多，幸好有朋友早到，才能罷上一席位。餐廳的空間不多，一眼都已經看光，全部都以大枱為主，牆身一半是一面鏡子，在有限的空間之中廣闊了的影像，令人不再有局束感。雖然沒有浮誇的泰式佛尊等的裝潢，牆上只是簡單地貼上美食照片，五花八門，非常吸晴。生蝦刺身($88)要睇刺身新鮮與否，其中一點可以從配料落筆。看過很多店舖在生蝦之下舖有冰粒以保持其的冰鮮，反而非常佩服這裡的廚師只舖下椰菜絲墊底，可見它對生蝦新鮮程度的信心是無容置疑。生蝦肉身看上來飽滿肥厚，腸衣微微挑去，雖然沒有冰塊的冷卻，但刺身仍然保持微凍狀態，入口清爽帶彈性，當中肉質有點實淨，可能解凍方式未能完全，不過鮮味迫人，每隻生蝦上皆有一小片的蒜片，一同放入口為味蕾增加了微微辛辣刺激感，十分過癮。炸蝦餅拼春卷($68)未吃主菜前，先來一點小食。蝦餅和春卷都是外來貨，春卷皮炸得很脆，但吸引的油份也較多，入口較油膩。蝦餅質感較實，彈性欠奉，應該是蝦膠不足所致，但蝦味尚算可以，醮點經典的酸甜醬

鋪頭唔顯眼𣎴過都好易揾架遮未覺佢係繁忙時間有爆場既跡象與其去d 排晒隊 又貴又唔係好食個d呢度都唔錯呀鴨湯河，請留意晚上不供應，中午先有，而且星期日或假日都是不供應的豬雜湯河金邊粉金邊粉細滑湯底濃厚，不過略欠香味不過係好味既遊船河金邊粉平時遊船河湯底多比豬雜湯 湯底濃及茸不過呢度既遊船河底就冇咁濃碗粉既份量 無論係粉既份量同材料既份量都係比其他店既多2-3成，價錢就同其他店差唔多 或較平timGood good 咖哩蜆 蜆肉鮮甜 冇沙 入味 唔係肥大，不過都唔係好瘦配埋 香口 又有咬口 不油不膩 既薄餅 正！燒大蝦蝦新鮮 不過未致於好鮮甜 但係蝦頭爆膏 肥美 膏濃味香口 正！蝦醬或馬拉棧 椰菜苗 當然冇得輸

今晚做下孝順女同我家兩老試新嘢，網上見到食評唔錯，一於試試佢。咖喱炒蟹$288（肉蟹唔新鮮，似雪藏，咖哩唔辣）泰皇閣招牌炒飯$88（有賣相，炒飯即係雜豆西炒飯）螄蚶$58（新鮮👍）蒜蓉飽（即整，夠味夠脆👍）蝦餅拼春卷（蝦餅唔夠彈牙、春卷足料但好漏）豬味生菜包（夠辣👍但生菜唔夠）泰啤$25（夠冰凍👍）四個埋單$770（飲咗$200啤酒）店內侍應有禮貌👍有笑容👍

香港九龍城泰國莱館林立，大部分餐廳都是由泰國人開設，泰國廚師主理，所以一般泰國人主理的餐廳，口味也很好 ! 但是如果一般泰國莱已經不能讓你滿足，或者你真的想嘗試傳統的泰國美食，泰皇閣一定能給你驚喜 !泰皇閣除了一般的泰國莱，還有以下的傳統泰國莱 :螞蟻蛋 ( 只接受預訂 )聽到名稱，很可怕呵 ! 螞蟻蛋在泰國是一道傳統名菜，不僅味道鮮美，而且還具有很高的營養價值。這是泰國最具代表性的美食 ! 他們看起來就像是沒成熟的螞蟻，每個隻有豌豆大小，將昆虫作為菜肴端上宴席，初來乍到的人目睹此情此景，定然是一陣心驚肉跳 ! 其實以螞蟻蛋作生菜包，以生菜沾食，味道鮮美 ! 如果害怕，戓是感覺不討好，還改用雞蛋一起炒吃，一樣香脆可口 !泰皇秘制鰂魚沙津鰂魚炸至乾身，伴以木瓜絲沙津，不同食法，不同口味 !泰東鴨肉生菜包一般泰國莱館生菜包都會用豬肉雞肉為主，但泰皇閣用了鴨肉作為生菜包，這其實泰國東邊比較平常的食法。爆炸蝦泰國特色美色之一，因為做法比較複習，考功夫，所以一般泰國莱館很少可以品嘗。想試試特色的泰國莱，泰皇閣不失為一個最佳選擇 ! 

依家去九龍城食泰菜就諗起泰皇閣！老闆仲係咁熱情！仲多左幾款新菜式！呢度D炒野真係不得了，快手又好夠味！ 加多杯生啤真係不得了 今次好鮮甜彈牙！ 青咖哩，唔太辣，送薄餅食~ 粒粒都大大隻！食完講左句~真係無食錯！

九龍城泰國野食過十多間，間間都唔差，通通都係泰國人開及泰國廚師，呢間當然一樣啦，亦都係上次冇老㸃韓燒老友介紹，老闆是香港人晚晚係度，泰國廚師，我地共4人 22:00開波，普通裝修，地方乾淨，唔逼，我地坐圎檯(另vip房，見相片)因之前一晚飲完，先飲龍眼冰，ok大杯，識食一定order左燒魚先，因為最快要成十五分鐘，之後再慢慢睇menu, 先叫兩款生野頂頂肚先，等齊人，叫左其他食物, 仲有其他檯，但上菜都快,hahaaa，頭段都記得影下相，D野食實在好味，及掛住食，又開次飲啤酒，所以尾段個咖哩大蜆配蒜蓉包冇影到，口述啦，蜆夠大，咖喱香而不棘，蒜蓉包garlic butter塗得好full, 焗得好脆唔燶，絕配，可選蟹及其他配咖喱一樣正，我個人必食，另鴨肉生菜包，唔係度度有，可試下， 呢間收得較早12:00,但冇趕我地走，叫我地慢慢坐，老闆仲同我地傾下飲下，我地自己唔好意思，最後12:30走轉戰酒bar繼續飲，omg又飲到天光6:00,差D起唔到身返工，crazy食物介紹睇相啦comment:如一般九龍城泰國餐廳，質素一定唔差，呢間有咩好，大大碟，菜式款頭靚，款多，口味合我算數一數二，地方

九龍城的泰菜舖林立，有時都唔知選擇邊間好，由於工作關係經常要食泰菜，今次去到開張無耐的「泰皇閣」，泰皇閣舖位已轉手好多次，前身是泰之選，以前未有機會試，不過同老闆傾計，就話同以前一啲關係都無，其實呢個舖係靚位黎，旺角或其他西九龍往東九龍的車，只要在舊機場酒店落車，就會見到大大個招牌了。廢話左一大輪，係時候入主題。１）咸蟹木瓜沙津天氣熱，坐低想飲啤酒，泰國餐廳當然要飲泰啤，老闆推介Singha，而唔係一般泰國餐廳的象啤。送啤酒的頭盤，我選擇和咸蟹木瓜沙津。木瓜沙津好多地方都有，但咸蟹就唔係度度有，因為咸蟹係生食，好多地方因為怕麻煩都唔整，而且味道好似榴槤或臭豆腐咁，唔係人人可以接受（其實咸蟹係冇肉，只係食個味），但沙津經過咸蟹吊味，成個感覺完全唔同晒，有一種清新的感覺。２）生蝦老實說，多次去泰國都未有食過生蝦，但香港的泰國菜就幾乎間間都有。生蝦好多人都會覺得重點係醬汁，的確醬汁係好重要，但蝦本身的質素都唔可以忽略。泰皇閣的生蝦比其他舖頭明顯大隻好多，而且新鮮，生蝦愛好者必選。３）春卷泰式春卷對我來說唔係大愛，不過又想食下炸野所以試試，一般水準，沒有特別之處。４）咸魚炒椰菜苗泰菜舖都常都會

呀 SIR 訂枱，話今晚請食飯。呀 SIR 果然有料到 ，訂到樓上雅座，成班伙計好似包房開 PARTY 咁，正 !泰莱應有盡有，好味抵食。小弟一向唔多寫字，睇相。但係，今次小弟一定要寫的，係呢個“特製”的泰式生菜包 ...嘩，遠睇色香味俱全 ...近 D 睇 ....... 呀 SIR ..... 玩咁大呀 ! 螞蟻蛋 呀呀呀 !!!老闆仲笑騎騎，送我地兩支啤酒，話“ 呢個螞蟻蛋保身架，呀 SIR 預訂先有得食 ! ”你睇 ... 呢個期待既眼神 ... 呢隻強勁既手臂 ...哈哈哈，其實螞蟻蛋無物味道，加埋菜肉生菜包一齊食，係好新鮮爽口，好刺激，同勁辣 !經過今次，睇怕將來小弟不幸流落荒島，無啖好食，都應該無問題 ! 勁 !

九龍城超多泰菜館但通常間間都勁等位難得呢度新開唔洗等所以一試叫左支泰啤消消暑炸蝦餅好味又夠熱又夠彈而且份糧都算多馬拉盞炒芥蘭好夠鑊氣唔錯，幾好泰式炒金邊粉正正常常不過不失燒豬頸肉就最差完全唔香食落似普通豬肉結論係下次去開九龍城而又想食泰菜可以再黎