泰皇閣泰國菜館 (已搬遷) 新店位置

同朋友來, 地點好方便, 過海巴士落車就見到- 生蝦肉非常爽口不會淋淋, 啖啖肉 (建議可以冰D口感會更好)- 燒魷魚好大隻, 一碟夠好多人食 - 冬陰功落足料, 尤其係用大隻蝦, 老闆豪豪氣! 讚~- 泰式燒肉, 又係好大一碟, 燒得好正宗泰國風味- 馬拉盞炒菜, 呢個非常非常好食, 炒得好香好夠穫氣朋友另點芒果冰, 我冇飲不過都幾大杯地方不太大, 但聽老闆說有樓上, 坐得都算舒服, 服務有禮, 可以再來呢~

朋友叙會，往九龍城新開泰國菜館，可能是新開張，未太多人認識，我地一行4人，唔難揾位。首先，一定係泰式基本小吃，冬蔭公湯，泰式生蝦，串燒 ...泰式生蝦，新鮮大隻，醬汁酸酸辣辣，開胃醒神。串燒，小妺比軟喜歡雞軟骨，細細粒，有口感，送酒必備。其次泰式香腸，酸酸地，泰國腸的特式。朋友不太喜歡泰國椰菜苗 ( 唉 ... 我至愛喲 )，所以叫了馬拉盏通菜，好吃，微辣。然後叫了燒雞，朋友忍唔住，電話無得食先，食左大半 ... 失禮 !主菜老闆推介咖喱炒蟹，唉 ... 老闆都唔明白女兒家心事，食蟹麻煩兼失儀態呵 ! 唷 ... 所以我們叫了咖喱炒蜆。上莱時，朋友都 "O" 嘴，因為隻蜆大到呢，有相為証 ... 我地叫完蒜蓉包，再叫薄餅，再叫蒜蓉包 .... 因為 咖喱汁實在太好味了 !其實小妺已經很飽 ( 要留肚食甜品呢 )，但係朋友一定要有飯落肚，再叫多個蝦醬炒飯，嘩嘩嘩 ... 又清碟 ! ( 哈哈 ... 所以無相 )最後，一定要吃我最愛的芒果糯米飯，實在太好了，勁多椰汁，大愛 !今晚成班朋友很開心，很開心，不停食，不停食，繼續食.... 整體來說，一個字 ..... "好好味" 呀 !

朋友介紹有間新開的泰國菜幾好味，就去試一下，感覺幾有水準，員工態度不錯咖哩蟹好有水準，味道很好，一定要配蒜蓉包燒烏頭肉質很滑多汁，老闆說魚都是即日入貨，即叫即燒，一食就知新鮮燒豬頸肉，肉質爽口，秘製汁好食併盤炸魚腐魚肉份量十分泰菜小有鴨肉生菜包，出面多只有用豬肉，鴨肉多汁，不過如果乾身些小就更好食這裡我覺咖哩整得幾好，老闆說新菜有爆炸蝦和爆炸蟹，因為今次小人食所以沒叫,，下次要試下

原本約在7個friend去九龍城街市好旺嗰間泰菜食dinner。6:45收工去到九龍城人已虛脫。眼見泰皇閣就係巴士站後面，睇吓餐牌價錢ok。食啦！先食個酸辣鳳爪。個青檸酸辣汁幾特別，好正，唔嗆喉。正所謂蝦有蝦味。生蝦食得出係鮮蝦 老闆推介:爆炸蝦。好重香料味。正。記住叫多幾支啤酒 本人推介:咖哩蜆+薄餅。啲大蜆好厚肉。咖哩汁辣中帶甜。最後叫左3籃薄餅抹清D汁食 。$98呀！邊度揾呀！ 蟹油炒飯:食完後個friend想叫外賣做明天lunch。但係老闆話個飯間夜會腥，堅持唔做。Good jod泰國酸腸。真係未食過。嗰味道好奇怪好特別。7個人，5個話好食，2個話唔好食。(情況就似榴槤，只有愛與恨）螄蚶。好鮮味加上隻唔知咩名酱油。好味 炒椰菜苗。爽甜。正最後再叫D串燒送啤酒 。一邊食一邊飲。盡興而歸後記:鋪頭唔大，但有人情味，老闆對食充滿要求，再食。

小妹好鐘意食泰國菜，聽朋友講九龍城開左間新野，即刻去試！樓下坐滿哂人，原來仲有二樓，仲正！裝修同環境最適合小聚！生蝦刺身必食！勁鮮甜爽口！柚子沙律，D柚子同袐制汁好夾，仲有蝦添！好扺食！咖喱炒硯，大大隻！隻隻都有肉！個咖喱旦花汁係靈魂！仲叫左兩次薄餅點咖哩！個老闆介紹是日精選，餐牌上無的爆炸蝦，既然介紹咪試下囉，又好惹味咼，老闆話是新鮮大蝦，所以好彈牙，仲好多隻添！不得不提個炸蝦餅！炸得好脆，又係好大隻好多件！忍唔住問左老闆一句，份份餸都咁多，會唔會蝕本架？！！九龍城又多間好味既泰國餐廳啦！