泰皇閣泰國菜館 (已搬遷) 新店位置

話說我唔記得咗聽日就係爸爸節，尋晚就臨急臨忙搵下有咩野岩食。我爸話想食泰國菜，我地就諗住去九龍城walk in。見呢間好多人等，諗住係唔會伏，仲要係黃店，就佢啦。等果時仲有10張枱，應該唔會好耐既...點知等咗個半鐘就到我哋時，有人幫我哋點定野食，又唔該前唔該後，都幾好架。坐低5分鐘就有野食 (由落單到有野食前後都係10分鐘)。柚子沙律幾清新，柚子唔苦，蝦都幾好食安格斯牛肉 泰國野好似少見咁樣整個牛肉，不過牛肉幾嫩，配埋青檸同泰式汁，好開胃招牌炒飯其實係pad phai變咗做飯底，面頭隻蝦勁似軟殼蟹，入面海鮮係足料既，好食不過唔驚喜咖喱軟殼蟹配埋蒜蓉包好好食，不過個咖哩唔多，想話叫個薄餅或 encore 個包都唔得芒果沙冰食完都未黎，原來佢地唔記得邊一枱order咗，整好咗雪返入雪櫃==‘整體黎講係好食既，上一分鐘我仲介紹緊俾朋友，下一分鐘已經俾人催埋單，野飲都未飲完。用餐時間35分鐘我食個茶記早餐可能仲耐過佢。明白節日多人等，但唔明點解枱枱都唔催，係催我地。黃店係全後生，得我哋呢枱有老人家，等位等咁耐，個個坐低自然食得快，但唔代表要俾你催到水都飲唔到真心希希啲餐廳生性少少，尤其黃店有

九龍城咁多間泰國餐廳，要介紹一間好食既泰國餐廳比朋友其實唔係咁難，就好似呢間泰皇國泰國菜館咁，係正巴士站隔離又方便又好食。入到去我二話不說就叫左㕑師推介既檸檬燒牛肉，焗椰青海鮮炒飯，冬音公湯同椰汁珍多冰。冬音公湯-好鮮好夠味，味道係材料溶入湯，小小怕辣既我竟然飲咗兩碗半，我朋友差啲無得飲，攪到我好失禮.....檸檬燒牛肉-原來係慢慢燒熟再拎入㕑房精心用菜放底整成㗎，個汁再加埋啲檸檬味好夾，酸酸辣辣，真係好醒胃。㕑師推介無介紹錯👍🏻椰青焗海鮮炒飯-我一睇個賣相好得，陣陣香既椰子味湧入我個鼻到，加埋腰果同肉鬆送飯，真係又鬆脆同煙韌，我下次一定要拉埋屋企人嚟再食過！

今晚收工後，近近地屋企樓下食泰國野，食完就可以即刻行返屋企，好方便吖餐廳入面貼左好多食物圖片，我覺得好吸引，每樣都好似好好食咁泰國乾炒牛河，食落去好似金邊粉。炒得好有火喉，配粒有好多，好食黃咖哩雞，呢個送白飯最正！咖哩唔辣，但好香，入面有洋蔥，青椒，蕃茄仔，薯仔，雞！好抵食，一煲有咁多野燒雞翼簡直我最愛，呢間雞翼燒得好得！皮脆肉滑，非常野味，食到停唔到口豬手煲，上到台俾佢嚇親，因為無諗過$88 咁大煲，超級抵食！。豬手炆到好淋同入味，食落去唔肥！好食食到尾先發現底有好多芥蘭菜，可以慳返可以唔使再叫菜食每次食泰國野必椰絲冰，好濃味食左咁多野先$280左右埋單，真係抵到爛！原來食夠$300就會送條烏頭，食到尾先發現，下次再食過

今日放工約左個朋友去九龍城行街買野，行到咁上下肚餓就見到依間泰皇閣泰菜館首先我地點左小食 串燒三拼（豬牛雞）每樣各兩串$75，都等一段時間先到，我估應該係即叫即燒，配沙嗲醬 口感更佳有肉梗係要有菜啦之後再叫碟 蝦醬炒通菜$60，有少少偏甜我兩個人叫左一碟飯share 見到店內依個飯寫住新出品 就叫左試試芒果蟹肉炒飯$70，上面芒果肉好新鮮，炒飯中有波蘿、蟹肉、蛋、番茄、青瓜等等配料.....食落感覺清新甜品叫左我的至愛 芒果糯米飯$50，同樣芒果新鮮，糯米飯夠熱，是啱啱整好的再每人叫左杯椰汁冰$25 椰汁珍多冰$25，都算幾滿足兩個人食到好飽都係$305

位於巴士站對面的泰國菜店有兩層的地方 環境舒適食物選擇多 適合不同人士小食相片份量多 適合多人分享由於今次進餐人數較少 所以未能嘗試不過嘗試了吃一餐較健康得泰菜首先柚子沙律柚子不是太碎 方便取 而且爽甜 好開胃 沙律帶酸甜而不辣，怕辣的朋友都話好食重點分量十足 沙律全是柚子而並非其他配菜青瓜絲不想吃太多粉麵 而且泰式魚肚羹 在其他店較少見 便一試內有雞絲冬菇芽菜如圖所見，好足料好多魚肚魚肚比較厚身，絕非普通貨色，食落有豐富的骨膠原湯底有少少醋味 賣相特別蒜蓉炒椰菜苗椰菜苗係泰國餐廳必食 而且不會好油膩芒果糯米飯椰汁糯米飯帶少許鹹味 重點是暖暖的 好特別意外地適合椰青好多椰青水 而且面層有冰感 好特別清甜之選

好耐無去九龍城，今晚去了食最愛的泰國菜。九龍城人流沒有以前的多，但泰國菜依然引人入勝。這間餐廳選擇都幾多，因為朋友不太食得辣，所以事先講了要少辣。鳳爪少少辣，非常惹味。雞翼最吸引最好食，又大，又肉多，點上醬汁，好滋味。豬肉生菜包是必點之選，微辣微肥的豬肉，配上新鮮生菜，好正。薄餅熱辣辣，如果配咖哩食仲正。豬肉炒河粉，河粉幼身乾身，多菜多肉，不太肥膩。冬蔭公湯味道好湯烈，有一隻大蝦和些菇，如果配飯食就好啦！可惜太飽啦！下次仲想試下咖哩，諗起都流口水。

我已经喺呢度食超过三年，但最近三次已经差了很多，食物水准比以前差，可能多了很多人，老板认为唔优做所以态度非常之恶劣。以前人少的时候食物水准可以保持，但现在人多了厨师可能冇心机做。但我应帮亲多三次希望他能改善，但最后仍然一肚气。例如最后一次，我点了一碟炸虾饼，明明我话不要甜酸汁要生虾汁，他坚持给我甜酸汁，但我若要生虾汁另外要收费＄10、为了＄10得失一个客人我觉得不值得，所以我觉得他现在客人多了，所以觉得唔优做冇所谓，现在态度嚣张。最后我以后都不会再光顾这间泰皇閣餐厅！

今日朋友帶咗我去九龍城食泰國野，朋友話上次食過幾好食所以今次就帶左我黎食，餐廳嗰度如果係比現金埋單就會送一條燒烏頭比我地，真係意想不到。食物收費都算合理，叫左泰式柚子沙律、生蝦刺身、小食拼盤、馬拉盞炒芥菜、蛋包鮮蝦金邊粉、焗椰青海鮮炒飯同椰汁珍多冰。泰式柚子沙律整得好好食一定要叫。👍🏻👍🏻👍🏻生蝦刺身雖然隻數比出面其他餐廳少，但每隻都好大隻啖啖肉，可見餐廳係重質不重量。焗椰青海鮮炒飯整得幾好食，不過可惜份量偏少。燒烏頭雖然係送既，但無話因爲送而整得求求其其，抵讚。飲品大家一定要試椰汁珍多冰，超正。總括嚟講餐廳食物真係好好，但可惜因為可能餐廳唔夠人做野，所以每樣食物包括飲品都上得好慢。

因為很久沒有吃泰國菜，所以決定來九龍城尋找泰國菜的餐廳。我們放工後7點來到，餐廳未算太多人。打開餐牌，果然花多眼亂，有很多很吸引的泰國菜我們點了一份蛋包鮮蝦金邊粉。賣相十分吸引金邊粉十分煙韌，而且味道濃郁我我們又點了一份冬陰公。冬陰公味道香濃，而且配料十分多，十分足料，也不會太辣我們又點了一份黃咖喱雞試試。雞件十分多而且黃咖哩的咖哩味十分香為了不要浪費黃咖哩，我們立刻再點了一份薄餅薄餅十分香脆，再點上黃咖哩，十分好吃

位於富豪東方酒店附近，都不難找，呢一區泰國餐廳林立，呢間位置算中心以外.生蝦刺身賣相用"可愛"來形容最貼切不過，本身沒有味，要點醬。最好食係個柚子沙律，未試過咁好食,有香脆爽口嘅配料, 夾有甜酸嘅柚子, 蝦,紅蔥, 醒神開胃, 味道很多層次, 食到唔停口。今餐想清淡D，叫了個海南雞，肉厚嫩滑，不過不失。另叫了個耶青，好甜，好好味。menu很吸引, 雖然裝修平平焦奇, 但係食物好地道, 有驚喜，高於一般水準。

食食下要我地轉枱都算 話食埋個啖先轉枱都唔得 本身佢地係買滿 300送烏頭但係冇同我哋講 係見人地問我哋先知 環境局促 冷氣壞的通菜偏鹹 冬陰功入面隻蝦諗過 d 垃圾魚柳所謂泰式豬手其實係普通滷水豬手 仲要冇乜味

朋友回港，想食泰國菜，帶咗佢去九龍城自己揀， 行咗幾條街，決定食這間。門面沒有金碧輝煌裝修，傳統舊式外貌，朋友話這些才是地道菜，唔靠裝修泰國菜串燒必叫， 雞、牛、豬各兩串， 每串 大件夾抵食，咬口感滿足，加上花生醬沙嗲汁非常好味泰式燒羊架，比較特別羊架超大，烤得很香， 用秘製醬點食，微辣 肉軟，出乎意料的好 椰青焗海鮮炒飯份量滿到潟，椰青壳燒過，香味遠遠聞到除了有蝦，提子乾，墨魚粒…等，更有椰青肉絲齊炒，清甜滑口椰菜苗炒鹹魚，份量夠， 菜苗新鮮爽口， 加上梅香鹹魚 yummy yummy

今晚到九龍城晚餐，還未有心水之際走過啓德道轉角位，被大大塊粉紅色餐牌寫著「送明爐青檸烏頭」。結果就被吸引進去一試。作為有營の食者，一定要叫份沙律墊底，餐牌中有多款沙律選擇，例如常見嘅木瓜沙律、咸蟹沙律，最後我地揀左比較輕盈嘅柚子沙律。沙律加入深色醬汁，貌似炒過，但入口又清涼，好特別！除左清甜柚子做主角，仲有爽口蝦仁隱藏著，成個沙律味道都好有層次，有脆脆、爽甜紫洋蔥、多汁柚子肉、還充滿椰子香味。冬蔭公湯，小碗已經夠兩個人飲，好香椰奶味，湯裏面仲有大大隻泰國蝦，味道適中，冬天時飲後很暖和啊好耐無食過薄餅沾咖哩，所以揀左咖喱大蜆，長型碟裝著十多隻大蜆、青椒、洋蔥等，咖哩唔辣但濃郁椰香。先食完漲卜卜又無沙嘅大蜆，再用薄餅掃埋咖喱汁，絕配！真係好食過蒜蓉包

好多人來到香港嘅小曼谷，都會有個老地方不見不散今晚跟隨朋友來到她常光顧的<泰皇閣>，店址近富豪酒店及巴士站，非常方便二人晚餐，隨便點份生蝦、冬蔭公、金邊粉就夠來到泰國餐館當然要飲泰啤，店家只提供singha雪得夠凍，好涼快 $28大大枝生蝦雖然只有五隻，但隻隻大隻又厚肉，肉質好爽彈，好新鮮！放一隻入口差啲放唔放唔晒！配泰式海鮮汁，不會辣過火，僅僅用來調味店家的冬蔭公有分椰奶及清湯，其實清湯都不太常見，不過我還是較喜歡椰香，二人就叫一碗小冬蔭公就好。湯內有大量菇及有隻開邊大頭蝦，辣酸度都平均而且咸度適中，好飲！蛋包飯就經常接觸，但蛋包金邊粉都還是第一次。賣相有別一般金邊粉，很有心思。由於用蛋包著，我們隔一陣子才拆開時都還有煙飄出來，金邊粉彈牙又不算油，間中夾著芽菜及葱，口感不俗

收工之後同朋友特登去九龍城搵嘢食💁🏻‍♀️，經過呢間泰國餐廳就入去試吓啦😈最驚呢食泰國嘢張枱太細，因為通常都會嗌好多唔同嘅嘢食🤗🤗呢間餐廳都幾闊落，可以叫多幾樣餸😋😋😋哈哈， 我只影左一頁！好大本餐牌，真係多選擇呢🧐一坐低就叫咗個酸辣鳳爪做前菜，呢個酸辣鳳爪仲有沙律生菜，而且酸酸甜甜非常開胃我好鍾意食香葉炒餸，不過好少餐廳可以食香葉炒豬牛雞，所以我即刻叫咗香葉炒雞肉👏🏻👏🏻👏🏻真係非常夠味，份量又多必叫之選！朋友鍾意食螄蚶，即刻叫左一碟，嘩，多到......佢開心到不顧儀態係甘食😂😂呢一間嘅螄蚶鮮甜，一試難忘😳嘢飲方面，泰國嘢一定係飲椰青👍🏻👍🏻