泰皇閣泰國菜館 (已搬遷) 新店位置

黎之前,上網睇過寫評唔差所以就黎被安排坐係樓上單位,其實係幾舒適一行六人,叫左生蝦,蝦餅,通菜,豬頸肉,青咖哩等...可能因為坐上面,所以叫落單,收枱面的時候都要叫幾次!之後朋友想食燒烏頭,黎到開塊皮,見到D肉係勁粉紅,大家食落都覺得有陣怪味,好似泥味又好腥(正常食開烏頭都接受到魚的腥味)..但真係好腥好腥,腥到連食開魚的朋友都停左手!!跟手反轉後面,有血水,真係好反胃!!我地蠢左無影相,同個侍應姐姐講,都未講完,佢秒收,一句說話都無講過,又無話將條魚點樣果D....1分鐘之後大家決定轉場,同埋以後都唔會黎都未飽肚,埋單都接近900蚊

暑假就快到來, 同Honey帶囡囡去九龍仔游泳池游水降温, 十分涼快寫意!做完運動遊過水後, 肚子在打鼓的, 很肚餓!有主見的囡囡要去九龍城食泰國嘢醫肚餓我們步行到啟德道近富豪酒店之前的一條街 發現這家泰國菜, 一於吃過痛快的!餐牌如下:芒果沙冰 $28這個沙冰有驚喜, 呂宋芒果香味樸鼻, 不太甜剛剛好, 這便是炮製成功沙冰的要訣天然的椰青是我的至愛, 新鮮清甜透心涼, 椰肉幼嫩滑溜海南雞半隻以往是星加坡唯我獨專的海南雞, 今時今日很不同了, 泰國菜館的海南雞已經叮噹馬頭, 黃雞皮同肉一樣滑捋捋, 新鮮雞味濃郁, 醬汁也能到位! 忽然愛上海南雞泰皇閣招牌炒飯Honey是很有要求的,尤其是嘴刁刁, 他對這個炒飯讚不絶口, 他說一個大廚能夠把簡單的炒飯煮得好, 是一個不簡單的大廚, 個飯炒得香噴噴熱辣辣同埋很特別, 大蝦非常甜美, 可以說得是一個色香味俱全我們三個都很喜歡吃魚的, 叫了一條燒鰂魚, 沒想到原來燒鰂魚是這麼滑溜的, 很鮮甜, 骨是大大條同容易揀出來, 以往很喜歡吃烏頭魚, 相信從今天起要改為吃鰂魚了!等三哥去完旅行回來, 一定要帶他來這家泰國菜館食食食

九龍城出名多泰野食。友人力推一間食泰國嘢嘅店舖。所以今日行完旺角，特登去九龍城呢間泰皇閣買個泰國嘢食。蝦餅拼魚餅蝦餅是食泰國野一定要食嘅東西。這裡嘅蝦餅外脆，內裡的肉又夠結實彈牙。正👍🏻出面食嘅魚餅多數都係薄薄的那種，但呢度嘅魚餅係又厚又彈牙😋呢兩樣食物，我覺得一定must食👍🏻豬肉濕炒河向泰國食嘅炒河粉真係超好食。闊闊嘅河粉，又滑又好味。但向香港總係食不到這樣嘅泰式炒河粉。食親嘅河粉都係平時我地食開那種港式的那種。但呢度嘅炒河，估不到係跟泰國那種一樣。闊闊又不規則嘅造型😍。令我頓時回憶返在泰國食過那種感覺。只可惜河粉不夠滑。如果可以做到那滑滑嘅口感，那就好了。不過佢把餸汁同河粉分開放，真的頗細心。因為這樣才不會太油or把汁變得稀。味道是很不錯的，不會太鹹or淡👍🏻

朋友想食泰國菜，但俾人嘅感覺都係好昂貴而且又好難搵到正宗泰菜，朋友就介紹我地九龍城，泰皇閣一去到門口就已經見到出邊個牌寫住食滿300蚊送明爐烏頭， 無難道喇泰王秘製鰂魚 本身我就諗住叫一個芒果沙律嘅但係老細話若果你叫芒果真係倒不如叫我哋嘅拿手小菜秘製鰂魚一邊都已經包括芒果沙律，一邊又有炸鰂魚食老細果然冇介紹錯 一條鰂魚炸至金黃色亦好細心咁起咗肉 上面在淋上秘製泰式醬汁 及沙律 魚肉炸至薄薄脆 配上秘製醬汁 感覺清新 又有口感冬陰公(細) 呢個簡直係我嚟到泰國餐廳必嗌嘅餸菜之一 冬陰功湯底 比較酸 配料相當充足， 又有大蝦 飲落相當開胃焗椰青海鮮炒飯原蓋焗椰青飯， 未嚟到之前已經聞到椰青椰汁香味， 材料多到爆曬出嚟，抵食泰式炒金邊粉 個外型相當吸睛 用蛋絲住金邊粉 ， 金邊粉有濃香嘅茄汁味包住，有獲氣炸蝦餅春捲有點少得呢 炸到金黃鬆軟 蝦肉好彈牙明爐烏頭烏頭的魚油相當充足， 最啱就配明爐加上冬陰功汁黎食，充滿泰國風味椰青大大個 清涼解暑

每次搭車經過九龍城，近富豪油店的車站，睇見係路邊轉角位的泰菜館，好想去食。放假就約左姊妹去食，雖說地方細，還分兩層，裝潢只是一般，但客人流量不絕。老闆好介紹，介紹了必食鰂魚沙律。之前食泰菜，必點是芒果沙律，或青木瓜沙律，但今次改食鰂魚沙律，又另一味道，鰂魚酥炸後，形狀似一條飛躍的動感。酸酸甜甜的青木瓜，淋上己酥炸鰂魚上，使魚片肉吸收了其酸甜汁，肉脆內軟，還配上腰果、花生、炸蒜，色香美味，不但吸晴，更吸胃口。冬陰公湯，蝦肉、配料只是一般，沒想像中爽滑，湯底味道只得酸味，沒太濃椰好味。咖哩大蜆，大大隻蜆，蜆肉爽口彈牙，咖喱味唔太辣，適合一些又愛食咖哩，但又唔食得辣的人，香味十足，配上一碗白飯或薄餅更一流。龍眼冰，夏日消暑之選，冰涼清甜，龍眼肉好清爽，也是我愛飲品之一。

朋友介紹話泰皇閣有道菜叫鰂魚沙律，之前都冇聽過泰國菜有呢款沙律，上星期專程去試下。呢碟鰂魚沙律直情可以用霸氣來形容，彎曲既魚身，令鰂魚有向上躍既動感，色彩鮮艷既配菜，更為穿上一件彩衣。廚師把整條魚酥炸，鰂魚有內脆外軟既口感，而且魚被炸得好通透，連魚鰭都可以食落肚。最令人驚喜係魚上面既唔係青木瓜絲，而係芒果絲。之前食既泰式沙律多數係用青木瓜絲，芒果都係第一次，其香氣獨特，應是特別的配搭。其他配料仲有腰果，花生，炸蒜，令整道沙律更香口。除左鰂魚沙律外，還有兩道菜可以推薦給各位。咖喱蟹，咖喱味好香濃，最啱配蒜蓉包。一打開蟹蓋，蟹膏多到“必”晒出黎，鐘意食蟹糕既人必食！勁多蟹膏燒獅堪，睇相隻隻整齊排好，估唔到上菜都係，好有心機每隻獅堪都好肥大，肉色夠鮮睇得出用料新鮮健康。食落口也好鮮味，完全冇泥臭味，配上特製醬汁，分外美味。

我真係太鐘意用table map訂枱,幾時有幾時冇一眼睇哂去完gym過黎食飯時間剛剛好一黎就有位,唔洗等呢度裝修同屋企附近間泰國野好似,就係冇乜裝修,每張枱都好似舊時屋企食飯摺枱咁隨便見到隔離十個八個人叫左勁多野食,我地都唔小心眼闊肚窄...香口野少不了,雙併入面春卷稍為遜色,普通到好似酒樓程度酸辣醬有點兒太辣,用黎點蝦餅入口就冇咁油膩食泰國野冇可能唔叫串燒,原本我地應該係叫豬+雞+腎但黎到好似變左雞+雞+腎,不過都食左落肚,就由佢沙嗲汁雖然平平無奇,但食串燒係會忍唔住點個不停睇menu張相見到好似都幾多蟹肉,不過始終圖片只供參考..本身個炒飯底係普通三色炒飯;芒果都幾甜,但最後我地因為下一味餸滯左而要打包返屋企以為炒鮮魷有幾特別,原來都係炸過淋返汁上去就算呢味餸我覺得係幾失望,因為一望就知好多油,二黎就係炸粉厚,所以食完魷魚就滯到唔想食飯,太油一杯飲品都唔平,$28@我諗佢有提供水嘅,但唔係你坐低就會俾杯沙冰其實一早就黎左,不過飲到食完哂野都仲未溶哂,而且飲到入面真係有用芒果食完出黎都好似就黎十點咁上下,都仲有人等緊位

今日難得小學同學聚會，朋友就帶左我黎九龍城食泰國菜我就鐘意食辣野，所以幾岩我食馬拉盞炒介蘭$60 口味都幾特別，介蘭因為當造，好爽甜炒得OK入味，不多油燒元貝好大隻，蒜香味好出，鮮甜冇雪味，同朋友一人一雙岩岩好燒元貝$105辣椒炒蟹$298 辣味好出，而且非常足料大隻，幾個人份量黎蟹肉好肥美，肉汁算JUICY，個蟹高好正爆香左更加惹味thai 式魚肚羹$88 魚肚羹食落算多料，食到魚肚，粉絲羹汁夠濃郁椰汁西米糕$30 甜品一定係必點，椰汁淨飲就HEAVY，西米糕就OK，椰汁味好甜，算係幾消暑

朋友話好耐冇食thai, 就黎左九龍城食啦，呢度出名多特色thai 菜泰皇閣一落巴士站就係，位置方便我地一行三人，又未食lunch, 就叫左唔同菜試。燒元貝$105元貝燒熟左味道更加出，蒜汁味係面，幾彈牙同甜馬拉盞炒介蘭$60介蘭幾爽口，而且蒜香好重，不算辣thai 式魚肚羹$88燒豬頸肉$72燒物必點既係豬頸肉肉質OK，燒得外脆連埋醬汁點就更加惹味同口感多層D焗椰青海鮮炒飯$88炒飯就食得多，但係椰汁炒飯不是度度有賣相吸引用椰青裝住炒飯配料算多，有蝦，海鮮等裝飯時可刮埋入面既椰青食椰汁西米糕$30THAI一定必點椰汁糕呢度西米糕幾好食，一咬開就係一粒粒西米食落彈牙，NOT粉身，幾爽甜

已經第二次食了，今次一家人來食，所以叫了點大大碟和上次沒食到的鰂魚沙律嘩！造型靠普！！！成條魚起肉後再燒，一睇就知足料啦！魚肉一舊舊啖啖肉夾來食，冇骨架！！燒至香口配埋上泰式的辣醬汁、青芒果絲、腰果、葱頭蕃茄，又清新又野味！咖喱炒蟹呢個也是誇張，一反開蟹盍全都是膏耶～蟹肉多厚嫩滑還癡住啲羔，正！咖喱汁椰香味重濃度適中，沾上咖喱來食蒜蓉包很正！！燒獅堪輕輕的燒到開口，吃落依然鮮味，汁水多，沾點少許醬汁，也很泰喔！！燒豬頸肉外邊皮小小焦，香口，肉嫩剛熟，大塊大塊，量多，都夠飽架！！精粹在於個醬，又辣又香愛其液態狀，口感輕型！秘製泰式豬手煲呢個也犀利了！！從沒吃過豬手會炆得咁淋而又完整，同行冇牙老人家也食到食指大動，豬手皮也非常嫩滑沒肥膩感！

地方細，多各菜，泰菜為主，出名好似係蟹，就試試佢係不差，好多羔，我估成本都要兩舊，賣三舊不太過，好未。呢條野底食，當時做折，不是57，係食滿三舊送條魚，未道不差，夠新鮮，魚湯夠未，肉質算好。菜抄得好食不太油利，都係新鮮菜，但就細碟小小，大碟的就重正。呢間野細細又多菜色，不錯

今年同媽咪慶祝生日，選擇媽咪最喜歡的泰國菜。 今次她指定要黎九龍城的泰皇閣，話係朋友推介比佢。 泰皇閣位於啟德道，就在酒店的對面，十分容易找到。 門面跟一般的泰國餐廳一樣， 門外有一座泰國木制公仔。 一看便知是泰國菜館。 店内陳設簡潔整齊。 店子分了兩層， 我們坐樓下, 大约有三十多個座位。 牆身貼满了各式各樣的菜式，琳瑯滿目。我們在看餐牌時，老闆便來到幫忙落單，還問我們喜歡吃什麼， 媽咪説想吃蝦，他便推介我們吃胡椒粉絲焗蝦煲及燒元貝，這两款我們也合心意，另外再點了柚子沙律及椰青。先來第一道份量不少的開胃菜柚子沙律($70) : 其他食店的通常是柚子碎，但裡竟然是一梳梳的，賣相已滿分。柚子味道清甜又沒有苦澀味，蝦球大大隻又佷爽口, 加上有花生碎, 乾椰絲及蝦仔乾, 口感很豐富。椰青($30) : 我食泰國菜嘅指定飲品, 新鮮清甜，甜到落心，一個好快就比我飲完胡椒粉絲焗蝦煲(細 $198):  食店將蝦切開兩邊, 方便食用之餘, 更加入味。蝦肉質結實味道鮮甜。幼身的粉絲，完全吸收了醬汁, 但仍然爽口彈牙, 有口感之餘又好味, 而且粉絲份量也很多, 足夠二至三人食。燒元貝($35/只):

六月頭去泰國旅行, 仲有兩個星期, 未去泰國之前都要食下泰菜先. 九龍城出名食泰菜, 朋友又住九龍城, 所以就來左朋友家附近的泰皇閣. 泰皇閣近富豪酒店, 出面好多巴士小巴, 我放工坐巴士來都十分方便, 食完回家又有小巴. 來到七點, 都已經有幾枱食客, 地方不算大, 坐底之後見到食客來話十位, 我心諗唔夠坐啦喎, 原本仲有二樓雅室, 多人來食都唔怕. 打開餐牌, 非常多野食, 牆上貼滿食物相, 想睇下賣相先點菜既, 不妨抬起頭四圍望下.柚子沙律 $70 酸酸甜甜好開胃醒神, 柚子粒粒都好新鮮飽滿, 蝦球肉滑彈性生蝦剌身 $95 蝦好鮮甜, 入口軟綿黏口, 比好多地方食的都大隻同厚肉, 口感及質感比較強冬蔭功 $72 味道香濃, 酸酸辣辣好醒神, 陣陣香料及椰汁飛撲鼻, 好足料, 蝦頭有肉多膏明爐青檸蒸烏頭 (滿$300送的, 原價138) 入門口時見到大塊牌寫滿$300送的, 沒有因為是送的而偷工減料, 先飲啖青檸魚湯, 好香滑鮮甜, 一飲就知足料泡製, 魚肉鮮甜入味少骨, 非常之好味又抵食沙嗲串燒 半打 牛/雞/墨魚丸 75  牛同雞醃料好入味, 墨魚丸比較普通泰式濕炒海鮮金邊粉

經朋友帶路，去了九龍城區的一間泰國菜食飯。朋友所說，九龍城有很多泰國菜，食物味道水準都有參差，今次來到的泰國菜，單看裝修都很普通，全部牆上都是食物圖片，入座率也很高，全部滿座，相信都應該不會太差吧。沙嗲串燒 HKD70/半打，選了豬、牛、雞各2串。 沙嗲醬惹味帶少許辣，豬肉串都幾入味，烤的也不錯。 牛肉串牛味香濃，而且都幾腍，配了嗲醬更加好吃。 雞肉串雞肉嫩又腍，還有雞味，我就不太喜歡咁重的雞味。飛天通菜 HKD58，炒得通菜色很青綠而不油膩。通菜爽脆但馬拉盞香味不算很香，還算不錯。 泰東生菜包HKD72，選擇要了豬肉碎，因為怕牛肉的軔或雞肉的味道。從老闆用心的講解之下，泰東生菜包是沒那麼辣，為免怕太辣，選了泰東生菜包。 能見到一些肥肉和香草夾在豬肉碎之內，入口又不是很辣，又少了香草的味道，和其他泰國菜所做的味道的確有點出入，包著爽脆生菜而吃還不錯。 泰皇閣招牌炒飯 HKD88，好精美的一個炒飯，一個像網紋的蛋包著炒飯，還有一隻很大的蝦在旁，都好吸引。炒飯的材料主要用上海鮮，如魷魚、蝦、粟米、提子乾和其他配料，加入了泰式甜醬所炒，甜甜的炒飯又濕濕地，有點似西炒飯的味

每次想到吃泰國菜，便會想到去九龍城，有小泰國之稱的九龍城，滿佈了很多泰國菜館，水準比其他地方所吃的都相對較為高一點。這次來到一間泰國菜館，位於九龍城啟德道，臨近一大排的巴士站附近，都幾容易找到。泰皇閣的廚師全部都是來算泰國的，絶對是正宗泰菜味道，或許未必合香港人口味，店主老闆為要保存泰國菜的味道，絶對不會因為客人的喜好而改變味道，確實對泰菜的一番用心。 剛到泰皇閣還未滿座，只要多坐一會，便已滿座，聽說泰皇閣都是一間常常滿座的泰國菜館，想吃泰菜的最好預先訂座。餐廳提供的菜式都不少，價錢都合理，還有泰式的啤酒提供，凡惠滿HKD300便送明爐青檸烏頭，確實又幾吸引。 *********************泰皇閣位於九龍城啟德道，臨近一大排的巴士站附近，都幾容易找到。走進泰皇閣，還沒滿座，原來是已給客人訂滿枱，不過泰皇閣還有2樓，今晚有老人家，我們訂位便要了地下位置，所以沒有看見2樓餐廳情況如何。酸辣鳯爪沙律 HKD58，青瓜絲、木瓜絲、甘筍絲、蕃茄仔，和用上泰式酸辣汁調製而成。酸辣汁味道很清淡，去骨鳯爪也腍，作為開胃菜也不錯。馬拉盞炒椰菜苗 HKD65，馬拉盞份量不算放很多，椰菜苗賣