泰皇閣泰國菜館 (已搬遷) 新店位置

難得老公收早，終於可以二人世界一下老公說讓我決定到底要到那裡晚餐，天氣太熱人都沒什麼胃口，就想食點酸酸辣辣的東西，一於就帶我老公到九龍城食泰國菜這間泰皇閣一直食了好多年，除了價錢相宜之外，服務又好，食物水準也是一直都穩定的好，算是我最愛的泰國餐廳之一好久沒來，裝修也沒什麼改變，整個牆壁都貼滿了他們家的菜，看到照片食慾都引起來了，另外這間店還很貼心的提供了WIFI服務菜單選擇超多的，可是根本不用看，因為我家老公是出了名的挑食王，一律香菜，蒜薑辣全都不吃，所以跟他吃泰國菜選擇有限，浪費了這麼多選擇的菜單了泰菜必備的咸檸七跟青檸梳打海南雞（半隻）雞肉嫩滑，雞味濃，而最利害的是雞皮爽口完全不油膩燒豬頸肉這裡的豬頸肉燒得比較乾，有點像食肉乾的口味，但因為外面燒得有點焦焦的，反而多了一份焦香味，配酒一流（可惜老公不喝酒）炸蝦餅配魚餅魚餅一咬下去滿咀都是香茅的味道，香氣四溢。蝦餅也炸得十分酥脆，爽口彈牙好的炸物最後一定會大火把油全逼出來，所以炸物夾起來之後碟上不會留有油漬，這裡的炸物完全合格有餘菠蘿炒飯這個炒飯超霸氣，除了菠蘿外，配料還有蝦，青口，魷肉，臘腸，腰果.....配料份量之多真的讓我覺得店

今次同朋友一行二人去咗呢一間位處於九龍城啟德道嘅泰皇閣, 之前我都聽朋友講過呢間泰國餐廳嘅出品十分之唔錯, 今次既然行開九龍城又想食泰國菜咁就決定去試下呢一間餐廳.餐廳門面餐廳內在環境餐廳嘅牆壁上貼滿咗不同種類菜式嘅照片, 如果朋友們唔知道自己想食啲乜嘢又或者揸唔定主意叫啲乜嘢食可以參考牆壁上面嘅照片去做決定!泰皇閣嘅餐牌 呢一間餐廳嘅餐牌有好多選擇,真係包羅萬有!冬陰功(小) $72我哋第一道菜就係呢一個冬陰公, 佢嘅內容有芫茜, 香茅, 一隻幾大隻嘅鮮蝦切開咗一半, 鮑魚菇,味道酸酸,甜甜同埋辣辣地,好有鮮味,好開胃!係一個用餐嘅好開始!秘製泰式豬手煲 $88呢一個豬手煲份量十足,內容有,好多嘅豬手肉,雞蛋同埋豆腐卜,喺煲嘅底部有芥蘭菜, 豬手個入口口感軟硬適中, 味道唔會太鹹亦都唔會太甜,而煲裏面嘅豬手有肥有瘦,恰到好處!配合埋泰式海鮮酸辣汁,真係無可挑剔!檸檬燒牛肉 $98呢一個檸檬燒牛肉係用咗安格斯牛肉,喺牛肉嘅表面上放上咗泰式海鮮酸辣汁,青檸同埋芫茜, 而係牛扒嘅底部放咗芥蘭菜, 牛肉係燒到半生熟, 中間仲係有啲生可以見到啲肉係紅紅哋嘅, 肉嘅口感嫩滑, 好有牛嘅香味,配合

九龍城區真係超級多泰國餐廳，今日沒有什麼準備，打算隨心試新野，竟然遇上呢間平靚正之選！食泰菜要有風味夠地道至為之'正'，呢間岩我咀形。餐廳裝修親民，牆身貼滿餸菜相，我呢類懶人最like! 八點入座差不多full house，心諗衰極有個譜。眼見店員同客人好鬼老友，成間舖氣氛好好！叫左生蝦刺身，上枱見虎蝦大大隻，新鮮爽口，配上泰式魚露醬汁，呢個汁超正，超地道，有別於香港平時食的泰式醬汁，我超鍾意！泰式濕炒海鮮河，份量超巨！呢個河粉粗得好緊要！又因為比平時的河粉粗好多，所以掛汁能力比一般的更強，加上個河粉底汁好好味，我同老公係咁搶食蒜蓉椰菜苗，菜苗好嫩，蒜蓉香氣四溢，分量大，食極都有。最後，老公要了青檸梳打，我點左芒果沙冰，新鮮芒果打成蓉，甜度適中，消暑一流。泰國菜就係咁神奇，簡單的食材，但巧妙地運用香料，調味，就能夠造出色香味、層次豐富的美食食到好飽，埋單發現兩個人$271有點誇張，但實在真的驚訝，唔過三百蚊食到餐晚餐。以後應該會成為我的飯堂之列

九龍城泰國菜林立，平時最大嗰兩間就食得多，今次就試下新鮮啲，未食過既，睇吓有冇啲咩分別。入到黎感覺好融洽好舒服，係一間好親民嘅鋪頭夥計都會介紹有啲咩好食，食泰國菜，小食一定要叫泰式鳳爪配醃得非常入味，用嚟打開個胃口非常唔錯獅蛤夠晒肥美配埋個醬汁食回味無窮燒牛肉同喺泰國食到嘅差唔多，好有泰國風味佢窿窿地啲未，好正令人食完一舊想食第二舊椰青梗係唔少得啦講到呢個金邊粉真係不得不讚一讚出面好多金邊粉，都係林啤啤呢碟爽口得黎，仲有淡淡的椰香味，好有層次要好細心先食到，讚！！咁鍾意食甜品嘅我哋，芒果糯米飯係必選唔使2分鐘，就已經食晒就知道有幾好味暖暖地既糯米飯，加埋香濃嘅椰汁濃郁得來唔會令人覺得溜，好味由於食得太多野，食滿＄300仲有烏頭送老闆仲俾咗張烏頭券我哋下次嚟食

今日又同老公出咗九龍城搵食，可能近排天氣太熱成日都想食泰國菜，今次搵食搵到黎啟德道，搵咗一間從來未試過嘅泰國菜。六點半入到去已經有食客喺度，而且係佢好似有兩層嘅。入到去都好乾淨，算係少數喺九龍城泰國菜館黎講，坐得比較舒服嘅餐廳，牆身都貼滿晒菜式嘅相片。睇下個Menu之後呢我哋兩個就決定咗食咖喱炒大蜆（$138）、招牌炒飯（$88）、蒜蓉包（$25）、檸檬燒牛肉（$98）、馬拉盞炒椰菜苗（$65）同椰青（$30）。最先嚟到嘅係招牌炒飯同馬拉盞炒椰菜苗，招牌炒飯外表有蛋包着，上面仲有一隻大蝦，外表冇得輸，唔怪得知叫做招牌炒飯。馬拉盞炒椰菜苗都算幾大碟同惹味而且上面仲見到好多蝦米仔添。之後我哋另一個最期待嘅咖喱炒大蜆同蒜蓉包亦都黎啦，食得咖喱炒大蜆呢啲菜式，一定要配埋蒜蓉包去點埋個咖哩汁先至最正。佢啲咖喱炒大蜆好大碟，我數過啲大蜆都大概有十一二隻，而且佢啲大蜆好新鮮，有種鮮甜嘅味道！另外佢嘅蒜蓉包都值得一讚，因為佢擦嘅蒜蓉牛油，擦到邊位都有，冇一點白色位置，從細微嘅位置睇得出廚房都幾用心去製作。食晒全部餸都仲等緊個檸檬燒牛肉，開頭以為佢漏咗單，點知一問之下佢話燒牛肉都要啲時間製作，所以真係好

週日外出晚膳，想起很久沒食泰國菜。說起泰國菜，第一時間聯想到九龍城。來過泰皇閣好幾次，是晚也來這裡。生蝦刺身生蝦厚身結實，喜歡加上蒜粒及辣椒，再點些泰式酸辣醬汁，為味蕾帶來衝擊。要是怕太辣的話，簡單的點上酸辣汁已能顯出蝦的鮮味。白灼獅蚶份量不少的獅蚶，每隻都飽滿，清脆中帶鮮甜。蛋包鮮蝦金邊粉幾乎每逢食泰菜都點，薄薄的蛋皮包著炒得乾身兼略帶甜的金邊粉，加上數隻彈牙的蝦，賣相跟味道都很吸引。馬拉盞炒椰菜苗椰菜苗新鮮爽脆，用上微辣的馬拉盞炒，特色惹味。惠顧滿$300便會送一條明爐燒烏頭，份量不算大，但烏頭肉質嫩滑彈牙，還有大量配料，絕不因免費已欺場。是晚泰式海鮮餐有水準而且價格不高，十分抵食，確是食泰菜的好選擇。

泰菜在九龍城其門如市，要選一間平靚正又坐得舒服兼招呼不錯的，非這間莫屬了！餐廳門口寫着凡惠顧滿3OO元便送"明爐青檸蒸烏頭魚", 非常吸引，一於試試。入內地方雖然不大，但環境乾淨，企理衛生。 牆壁放滿招牌菜的相片及價錢，方便客人點菜。先來一客非常醒胃的柚子沙律$70， 用料毫不吝嗇，尤以新鮮大蝦為甚，絕對抵食！炸魚餅拼春卷$70 ~ 魚餅爽口微彈，春卷鬆化香口，同樣出色！生蝦刺身$95 ~ 這是泰菜必點之一，生蝦晶瑩剔透，肉質爽彈鮮美，令人再三回味泰皇閣招牌炒飯$88 ~ 賣相吸引，跟蛋包飯有些相似, 上面放了一隻大炸蝦，增加整體的視覺亨受。招牌咖哩炒蟹$298 ~ 必食！ 蟹膏肥美肉厚，每一口都充滿香滑滋味！有咖喱當然不能沒有蒜蓉包$25，配上濃郁香惹的咖哩汁，濃郁香味洋溢於口中！免費送的明爐青檸烏頭魚size雖然較預期中细少，但香氣撲鼻的烏頭魚皮香肉嫩，風味獨特! 很久也沒渴過這麼清甜的椰青$30， 甚至椰肉也嫩滑無比一間小小泰菜店也能如此用心製作高水準食物，實在值得支持！

九龍城多泰國菜館就人人都知，但質素參差。六點幾去到九龍城，周圍行吓，見呢間6:15pm左右已經幾多人坐，於是就試吓啦。椰青 $30雖然啲肉唔係好容易刮出嚟，但就好清甜。柚子沙律 $70上面有炸魚仔、花生，柚子份量都多，微辣冬蔭海鮮清湯（小份） $68湯入面有好多鮑魚菇、蝦、青口同魷魚。聽個名以為無辣味，點知一飲就成口酸辣味，刺激味蕾之選。呢個價錢，竟然有咁多料，仲要好味。 👍咖喱炒大蜆 $138咖哩汁唔太辣，好重椰汁味蜆新鮮配菜的洋䓤同青椒入味個汁好多、又好味，所以叫左碗白飯撈汁食 😋招牌炒飯 $88炒飯上面放左著炸大蝦炒蛋網下仲有蝦仁、青口、洋䓤、雜豆、蜀米。炒飯粒粒分明、口感豐富食滿$300仲送明爐青檸蒸烏頭魚。散點呢個餸都要$138。呢間泰菜館真係抵食！

九龍城出名吃泰國菜，以前細細個經常來吃黃珍珍、之後亦同朋友們來吃小曼谷，泰皇閣還是第一次來。小小的店就在富豪酒店隔一條街，感覺來光顧的很多都是忠實街坊粉絲，六點半已差不多坐滿。咸檸七喜$25天時暑熱，坐下立刻點個咸檸七。裡面有兩大粒咸檸、好足料又解渴。馬拉盞炒椰菜苗$65椰菜苗平時很少叫，因為大多會比較硬。但這裡的椰菜苗又唔會太硬、馬拉盞好惹味、有少少辣。明爐青檸蒸烏頭魚 $138清蒸烏頭魚肉質幾滑、上面有好多配菜- 椰菜、酸菜粒等、酸甜味跟咸鮮味的比例剛好芒果糯米飯 $50曾經在曼谷吃過那間著名的芒果糯米飯，香甜的芒果配白糯米，叫我一試難忘。外面泰菜館大多用黑糯米，這裡用的竟然都是白色糯米。軟甜煙韌的糯米、配上超甜的芒果，美味

我和朋友相約在九龍城逛街，到了晚飯的時間，我們路過這間泰國菜餐廳，看見餐牌上食物的選擇很多而且十分吸引，價錢挻合理，店內環境清潔衛生，還有提供免費的wifi服務，非常細心，便決定入去試一試拼盤($118)非常爽口鮮美又軟彈煙韌的蝦餅，香軟鬆綿的魚餅，爽脆煙靭的春卷，香稔軟嫩的炸雞卷，配上酸甜醬，味道甜中帶點酸，十分開胃泰皇閣招牌炒飯($88)清鮮甜美的大蝦配上微酸的茄汁，這樣的配撘挻開胃，用蛋雕刻成一個網，十分美又有心思，爽彈鮮美的魷魚，鮮甜的蝦，鬆綿的炒飯馬拉盞炒通菜 ($60)亮澤的通菜非常新鮮而且爽口微彈，通菜的份量非常多整體來說，食物的選擇很多，食物的質素非常高，價錢相對合理，店員有良好的服務態度和有禮貌，而且餐牌上的餸菜有中文，英文和泰文説明，非常細心，所以我認為這間餐廳值得再去惠顧

一向都知九龍城出名食泰國菜，今次專程特意前來泰皇閣食。 發現這裏環境雖小但勝在有好多美食相貼在牆上 ，讓我一目了然，我地好快就鎖定了食物的菜色。 首先，泰色生蝦係我最愛食的其中一碟，賣相好吸引，總供有六隻生蝦，生蝦非常新鮮 肉質晶瑩和蝦肉爽口 配搭蒜頭和醬汁味道一流 。另外，我地還叫了冬蔭公海鮮湯（小）湯底不會太辣 材料好足 ，有好多海鮮同配料 。串燒三拼，好開心可以一次過食到三款不同種類的串燒，我地叫了：牛肉、雞肉同豬肉 每款各兩串。 特別推價豬肉同雞肉肉質好滑、鮮美多汁加上濃濃的沙嘇醬汁 十分香口。 甜酸炸鰂魚，呢碟餸菜等候時間比預期耐 不過值得一等 非常新鮮，即叫即烹調 ，每件魚肉都沒有魚骨☠ ，可以大大口食用。另外炸了金黃色的非常金香配搭甜酸醬 味道剛好恰當👍👍 芒果蟹肉炒飯，外賣相當吸引 ，芒果好鮮甜與蟹肉一同進食 ，味覺非常新鮮 甜而不溜。

今晚講好在九龍食泰國嘢，放工約了老公在富豪東方個巴士站等，佢又遲到，反正九龍的泰菜多得眼花撩亂，就快快地選了在眼前的泰皇閣一試吧，外面都要有好些人喺度等位，我哋兩個等左一陣就比到枱我哋。面睇佢細細間鋪頭，裏面都肆正，坐得舒服。以前不嬲都覺得海南雞飯個飯都只不過係配角，但係今次呢海南雞飯真係令我改觀，想同老公SHARE個飯，用匙羹一不開，飯香撲鼻，令人食慾大增，入口之時油香攻陷了整個口腔，再用佢嗰個已有多種香料調配而成的醬汁撈飯來食，少少酸，好惹味，再來見滑滑的海南雞，好幸福啊。蒜香炒椰菜苗聽落去好似好dry，我本來想食馬拉盏炒菜的，但係老公又話唔好咁辣，但呢碟炒菜蒜味甚香，又鑊氣十足，所以都好香口，而且椰菜苗好爽脆，而且又加了一點炸蒜，食菜時同時食到一粒粒脆脆的炸蒜粒，特別惹味，真又健康又好味。比翼雙飛！（其實係燒雞翼），本來雞翼旁邊都有配泰式辣醬，但係完全唔使點汁都已經好夠味，一來雞翼影燒得好香，皮層香香脆脆的，加了一層蜜糖來燒，滋味無窮！食嘅時候，蜜糖仲多到會滴到少少落枱面，只不過係$15一隻，真係仲抵食過去KFC叫雞。咖喱煮大蜆，首先上菜嘅時候個size已經令我目瞪口呆，我想像之

今日去九龍城食泰國菜，呢間都幾優惠，食滿300元就有泰式盧魚送。所以我地就來試下。好彩我地訂左位， 原來都有好多人來食嘢的。店內已貼滿各種美味食品相片，碟碟都領你想食。我就見到張芒果蟹肉炒飯相，我覺得幾新穎，就叫左來試下。呢個飯上碟同圖片差不多。炒飯加上香甜芒果肉一起吃，飯甜味美，感覺新鮮，蟹肉又鮮甜，口感不錯。另外個燒豬頸肉和串燒三拼，都係即刻在碳爐燒，果然係即叫即整。把整塊豬頸肉燒出金黃色，然後切出簿簿的一片，再加泰式調味醬汁，食落嘢味，入口溶化。好食串燒有雞、牛、豬三拼，味道適中，串燒醬汁不辣，肉質嫩滑。我地又叫左個細冬陰公湯，呢個湯看似好細個，但都足夠4人飲，內裹有好多海鮮，青口都有2隻，湯有冬陰公味道但唔辣，椰奶味比較重，適合唔食辣嘅朋友，都可以試到冬陰公嘅味道。我地最後都無食烏頭魚，因為比張照片吸引住，叫左甜酸炸鰂魚。呢條魚賣相唔錯，甜酸醬汁味道適中，炸魚皮脆肉嫩，仲有甜菠蘿都幾醒胃。泰式炒雜菜，都幾好食，可以一次過食幾樣菜，夠新鮮感。生蝦刺身，肉質厚，食落有口感，配合泰式醬汁更加鮮味特出，都好多人叫來食。

呢間係我係openrice 睇倒，決定去食。由於夜晚6點幾就入左去，所以吾駛book位，但係如果您習慣食7-8點，記得book位。兩個人都點左好多野食，先講生蝦，我覺得一般，吾夠大隻，同爽口，個汁ok,第二食炸蝦，幾好，脆，彈牙，好食，之後有咖哩牛定豬，我忘記左,但個汁一流，汁有點結身，岩配包或飯，不過我覺得如果有豬仔包更好，可以更掛倒汁，仲有叫左生菜包，菠蘿炒飯，多料，吾錯啦，整體其實都ok,都會再來幫襯

九龍城有好多泰國餐廳,呢間未食過,就試下啦!入到黎見到有好多菜餚既圖片,都放得幾令。D員工服務態度幾好,有D笑容!一開始叫左個椰青,好大個,好清甜到主食,呢個係蛋包鮮蝦金邊粉,個賣相已經好吸引!有三隻蝦係上面,個粉有小小酸味,味道岩岩好!幾開胃。配埋D花生一齊食就更好!燒豬頸肉,佢燒到個邊脆脆地,配埋個汁無咁dry,香得黎唔太油膩最後叫左個鐵版蠔仔炒蛋。佢個邊都係脆脆地,D蠔算幾大隻!唔會有腥味。成個野煎得好香,唔錯唔錯。配埋個辣椒醤一齊食,效果更好。不過係油左小小,會好易飽。食左咁多野都係280蚊,抵阿!