影片
更多
2017-07-09
65 瀏覽
今日又同老公出咗九龍城搵食，可能近排天氣太熱成日都想食泰國菜，今次搵食搵到黎啟德道，搵咗一間從來未試過嘅泰國菜。六點半入到去已經有食客喺度，而且係佢好似有兩層嘅。入到去都好乾淨，算係少數喺九龍城泰國菜館黎講，坐得比較舒服嘅餐廳，牆身都貼滿晒菜式嘅相片。睇下個Menu之後呢我哋兩個就決定咗食咖喱炒大蜆（$138）、招牌炒飯（$88）、蒜蓉包（$25）、檸檬燒牛肉（$98）、馬拉盞炒椰菜苗（$65）同椰青（$30）。最先嚟到嘅係招牌炒飯同馬拉盞炒椰菜苗，招牌炒飯外表有蛋包着，上面仲有一隻大蝦，外表冇得輸，唔怪得知叫做招牌炒飯。馬拉盞炒椰菜苗都算幾大碟同惹味而且上面仲見到好多蝦米仔添。之後我哋另一個最期待嘅咖喱炒大蜆同蒜蓉包亦都黎啦，食得咖喱炒大蜆呢啲菜式，一定要配埋蒜蓉包去點埋個咖哩汁先至最正。佢啲咖喱炒大蜆好大碟，我數過啲大蜆都大概有十一二隻，而且佢啲大蜆好新鮮，有種鮮甜嘅味道！另外佢嘅蒜蓉包都值得一讚，因為佢擦嘅蒜蓉牛油，擦到邊位都有，冇一點白色位置，從細微嘅位置睇得出廚房都幾用心去製作。食晒全部餸都仲等緊個檸檬燒牛肉，開頭以為佢漏咗單，點知一問之下佢話燒牛肉都要啲時間製作，所以真係好
入到去都好乾淨，算係少數喺九龍城泰國菜館黎講，坐得比較舒服嘅餐廳，牆身都貼滿晒菜式嘅相片。睇下個Menu之後呢我哋兩個就決定咗食咖喱炒大蜆（$138）、招牌炒飯（$88）、蒜蓉包（$25）、檸檬燒牛肉（$98）、馬拉盞炒椰菜苗（$65）同椰青（$30）。
最先嚟到嘅係招牌炒飯同馬拉盞炒椰菜苗，招牌炒飯外表有蛋包着，上面仲有一隻大蝦，外表冇得輸，唔怪得知叫做招牌炒飯。馬拉盞炒椰菜苗都算幾大碟同惹味而且上面仲見到好多蝦米仔添。
之後我哋另一個最期待嘅咖喱炒大蜆同蒜蓉包亦都黎啦，食得咖喱炒大蜆呢啲菜式，一定要配埋蒜蓉包去點埋個咖哩汁先至最正。佢啲咖喱炒大蜆好大碟，我數過啲大蜆都大概有十一二隻，而且佢啲大蜆好新鮮，有種鮮甜嘅味道！另外佢嘅蒜蓉包都值得一讚，因為佢擦嘅蒜蓉牛油，擦到邊位都有，冇一點白色位置，從細微嘅位置睇得出廚房都幾用心去製作。
食晒全部餸都仲等緊個檸檬燒牛肉，開頭以為佢漏咗單，點知一問之下佢話燒牛肉都要啲時間製作，所以真係好戲在後頭，難怪檸檬燒牛肉呢個係廚師推介。燒牛肉係切好一片片上，牛肉片中間在仲有淡淡嘅粉紅色，火候十分好，配上泰式嘅醬汁，酸酸辣辣好開胃，但個醬汁對我來講就辣左少少啦。
為食推介：全部都好滿意，我尤其喜歡檸檬燒牛肉。
張貼
