影片
更多
2017-05-23
1139 瀏覽
今晚講好在九龍食泰國嘢，放工約了老公在富豪東方個巴士站等，佢又遲到，反正九龍的泰菜多得眼花撩亂，就快快地選了在眼前的泰皇閣一試吧，外面都要有好些人喺度等位，我哋兩個等左一陣就比到枱我哋。面睇佢細細間鋪頭，裏面都肆正，坐得舒服。以前不嬲都覺得海南雞飯個飯都只不過係配角，但係今次呢海南雞飯真係令我改觀，想同老公SHARE個飯，用匙羹一不開，飯香撲鼻，令人食慾大增，入口之時油香攻陷了整個口腔，再用佢嗰個已有多種香料調配而成的醬汁撈飯來食，少少酸，好惹味，再來見滑滑的海南雞，好幸福啊。蒜香炒椰菜苗聽落去好似好dry，我本來想食馬拉盏炒菜的，但係老公又話唔好咁辣，但呢碟炒菜蒜味甚香，又鑊氣十足，所以都好香口，而且椰菜苗好爽脆，而且又加了一點炸蒜，食菜時同時食到一粒粒脆脆的炸蒜粒，特別惹味，真又健康又好味。比翼雙飛！（其實係燒雞翼），本來雞翼旁邊都有配泰式辣醬，但係完全唔使點汁都已經好夠味，一來雞翼影燒得好香，皮層香香脆脆的，加了一層蜜糖來燒，滋味無窮！食嘅時候，蜜糖仲多到會滴到少少落枱面，只不過係$15一隻，真係仲抵食過去KFC叫雞。咖喱煮大蜆，首先上菜嘅時候個size已經令我目瞪口呆，我想像之
今晚講好在九龍食泰國嘢，放工約了老公在富豪東方個巴士站等，佢又遲到，反正九龍的泰菜多得眼花撩亂，就快快地選了在眼前的泰皇閣一試吧，外面都要有好些人喺度等位，我哋兩個等左一陣就比到枱我哋。
面睇佢細細間鋪頭，裏面都肆正，坐得舒服。
以前不嬲都覺得海南雞飯個飯都只不過係配角，但係今次呢海南雞飯真係令我改觀，想同老公SHARE個飯，用匙羹一不開，飯香撲鼻，令人食慾大增，入口之時油香攻陷了整個口腔，再用佢嗰個已有多種香料調配而成的醬汁撈飯來食，少少酸，好惹味，再來見滑滑的海南雞，好幸福啊。
蒜香炒椰菜苗聽落去好似好dry，我本來想食馬拉盏炒菜的，但係老公又話唔好咁辣，但呢碟炒菜蒜味甚香，又鑊氣十足，所以都好香口，而且椰菜苗好爽脆，而且又加了一點炸蒜，食菜時同時食到一粒粒脆脆的炸蒜粒，特別惹味，真又健康又好味。
比翼雙飛！（其實係燒雞翼），本來雞翼旁邊都有配泰式辣醬，但係完全唔使點汁都已經好夠味，一來雞翼影燒得好香，皮層香香脆脆的，加了一層蜜糖來燒，滋味無窮！食嘅時候，蜜糖仲多到會滴到少少落枱面，只不過係$15一隻，真係仲抵食過去KFC叫雞。
咖喱煮大蜆，首先上菜嘅時候個size已經令我目瞪口呆，我想像之中只不過係佢隻碟的一半，勁多粒大大隻蜆堆滿整個碟，咖喱汁好香，唔太辣，極度滑溜，後來發現其實佢應該係加了蛋白，令到咖喱汁好厚身，而且特別香，可惜飯量又唔係好大，如果唔係撈飯食真係超正！
傳說之中的甜酸炸鯽魚出現了，呢個景象真係令我大開眼界，只係一間小小的泰國食店，真係冇想到條魚係可以做到咁色香味美！未食已經覺得係成個藝術品放在你面前，用了燈籠椒同埋菠蘿的鮮艷三色作為配菜，令到呢道菜賞心悅目。
食落就知唔係得個樣，每塊魚大小都切得恰到好處，都炸得份外甘香，魚肉好香口 ，魚皮特別脆的，而且幾好𡁻口，個汁甜甜酸酸咁，食完一塊又一塊，都唔會覺得膩，食到啲薄薄的骨位，好似薯片咁脆添，對於呢個菜式真係十分讚賞，價錢只不過$138，我簡直覺得係佢哋蝕咗比我。最衰老公唔陪我飲返杯，如果唔係用來送酒仲正。
希望搵日可以叫埋其他朋友一齊來食餐飯，而佢的價格計算，每人可以帶二百蚊過來，已經食得飽仲可能有得找。唔怪得出邊keep 住有人等位，可能都係來開食野的街坊。
張貼
