泰濃麵 (樂道)

營業中

休息中

係香港食泰菜既餐廳都幾多下但係主打泰麵既真係數都數唔出呢間係主打泰麵, 有不同既配搭可以選擇, 而價錢屬於中等 鮑魚船麵超豪華的鮑魚麵, 我見佢係店長推介即刻點來吃 一碗麵的份量都幾大!一碗麵有3隻鮑魚, 而湯底係超濃既鮑汁 一隻鮑魚既SIZE都幾大, 有三隻手指咁大味道同口感都不錯另外除左鮑魚仲有D配料食整個麵係超豐富同無論是食材還是麵質都是一流的!!雞脾肉清湯薯粉友人點了這個, 薯粉爽口彈牙雞脾肉很嫩滑, 清湯清清地又幾好味 仲有魚蛋

口啖啖又想吃酸辣東西，食泰國菜就適應不過了😀下午茶時間，自己一人走到公司附近找尋一人的泰國餐廳。 看到好評不斷的泰國船麵餐廳，所以一探究竟🤣餐牌主要是以船湯/冬陰公湯為主。 我就點了🎈冬陰公湯配上 頂級安格斯牛肉 黃麵🎈在搭配上還算滿多選擇的。 幾滿意💓牛肉方面其實有三個等級的牛肉。 普普通通的美國肥牛也不錯。 餐廳風格滿簡約的，適合一數人進餐。 這裹的青檸梳打，是我喝過最好喝的。 份量充足。 主菜來了，湯底好足色和味， 不過不點太鹹。 配上青檸梳打會很不錯。 配菜上: 牛肉大約三塊， 有蝦有青口更有蟹柳麵質方面跟泰國差不多，硬硬的。 整體不錯，青檸梳打拉了不少分。

尖沙咀搵食見到呢間openrice笑面多,試下。$68， 一碗麵來說都算貴， 睇到其他波士頓龍蝦伊麵，飛驒牛麵， 就知呢間賣點好多。 資料雞髀肉船湯麵及安格斯牛肉冬陰功麵，汽水+$5.食品到嚟又幾驚喜，擺盤靚， 冬陰功湯底仲有海鮮：蝦,青口，蟹柳， 最特別是加了一條秋葵。蝦爽，青口還可以，蟹柳甜，秋葵爽脆， 冬陰功湯底味濃， 我會雖細但都幾多麵，河粉吸了湯底，好味!雞髀肉麵的船湯， 味道好似台灣牛肉麵湯底，但是比牛肉麵湯底鮮味， 老公不斷投訴不是雞髀肉是雞胸肉， 食得出呃唔到人。但都好好味。 而且有炸豬皮伴菜好特別。飲曬啲湯見底, 仲有罐汽水等緊我...$68好抵， 海鮮冬陰公肥牛湯麵。離開時在轉角的小食檔買了雞蛋仔，$20勁脆 粒粒脆， 有啲仲好似食緊雞蛋仔脆片咁。好味道。區區食玩遊--尖沙咀

高質船麵！同埋可以令人食飽既船麵！平時食開既船面都好細碗，完全唔飽，但呢到既面比得好足，就算唔叫小食都可以食得飽！我地六點幾左右到，人不多，唔洗等位。一人叫左一碗面，一份炸蝦餅，一份泰式鳳爪。面既湯底係冬蔭公湯，好出色，好正宗，最意想不到既係佢會比埋配料，有一隻蝦，一隻青口，一條蟹柳，一條秋葵，仲有好多菇，加埋D肥牛同金邊粉，十足十一個火鍋，抵哂！同埋每樣野都好新鮮，蝦仲要係未摵殻個種。個面都幾有口感，吸哂碗湯既精華。如果大家食唔到辣，但又想食冬蔭公，建議可以叫小辣，小辣完真係入到口。炸蝦餅啖啖蝦肉，好有滿足感。旁邊仲擺左炸蝦片，好香好脆。泰式鳳爪酸酸辣辣，好開胃，好適合做前菜。食完餐飯功滿足，超級飽，又好味，推介比中意食泰國菜既你地！

剛去完曼谷食過河邊既船麵，回港又忍唔住想食～放工走到I square 旁既呢間泰麵。坐低睇睇餐牌，每款麵都有三個湯底，有船湯、冬陰公湯、清湯，仲可以做湯飯添！我就揀咗安格斯牛肉船湯配金邊粉 。 佢地既湯加左豬血，所以色澤比較深，亦係傳統既做法! 先呷一口船湯，濃得黎唔咸，帶點胡椒味~船麵比人既感覺比較草根，呢度除左豬、牛、雞外仲有和牛，龍蝦，頓時update咗! 安格斯牛肉一片片7成熟，肉質細膩，入口牛香濃郁！其他配菜亦出色，有彈牙軟滑既魚蛋，香脆既炸豬皮就算浸淋左都好好食，唔韌又索哂d湯～仲有豬潤、秋葵，大大件蘿白都入哂味！ 金邊粉亦唔例外，配船湯簡直係perfect match!! 老公點左黑豚肉船湯黃麵，黃麵即係油麵，亦很掛湯。黑豚肉片片爽口，其他配料都係豬潤、炸豬皮、魚蛋等等！另外點了一客泰式炸腩仔，成條炸既五花腩脂肪油分令肉質香口之餘外層亦帶脆，唔係港式燒肉果種只係皮脆。老公點左杯紫色既蝶豆花梳打，顏色相當迷人～蝶豆花本身係藍色，遇上酸性變紫～ 而呢杯帶有青檸既香味感覺清新～叫埋香茅班蘭梳打，減輕熱氣感覺～　先黎半杯香茅班蘭汁，再比一枝泰國梳打加入去，好清香!!  仲有枝香茅

最愛食泰國船麵，今日發現左一間超好味的店叫泰濃麵，平靚正抵食好味！門口仲賣泰式小食炸豬皮同炸蝦片。店內環境清潔，小圓枱好岩二人坐，有返d泰國特色。主要有三種湯底，船湯，冬陰公湯，清湯，我梗係揀船湯啦，搭配河粉，雞髀肉。船湯的顏色好深，湯底濃郁，萝卜清甜，炸豬皮同湯底好夾，非常惹味，真係太幸福了，在香港都食到咁好味的泰式船麵，呢個湯底！唔系到到都搵得到架！河粉也勁飽肚，正常份量，但因為太好味既原因，我仲想食多碗...最後都係嗌左小食拼盤，雞翼，蝦餅，炸雲吞，每款兩件，救命！勁香口！蝦餅好彈好香脆！簡直冇得彈！好味！跟餐飲特飲加18蚊，龍眼冰，龍眼味十足，一d都唔hea,飲完冰仲可以食龍眼肉，正！

好耐冇同好朋友食dinner la, 今日收工又約埋一齊試新嘢, good!今次就尖沙咀去咗食泰國嘢嘞我就叫佢呢度出名嘅豚肉船面，湯底真係幾香濃，豚肉好味肉味濃，有少少應該隻炸豬皮撘配，面底都好夾，因為個湯濃味，叫咗杯清甜嘅龍眼冰， prefect match! 推薦另外我地叫咗個炸蝦餅，皮炸得夠香脆，亦好有蝦味，加埋泰色辣，正朋友就叫咗個冬陰功海鮮金邊粉，朋友話都唔算好辣同酸同辣好平均，而海鮮亦夠新鮮，very nice

已經食過好多次，成日對佢既船湯薯粉念念不忘今次都係點左船湯薯粉，最中意佢既薯粉好幼細，唔似市面既好粗好冼既薯粉。湯料十分濃郁，知道船麵湯底用咗南薑、香茅、青檸、花椒、八角、桂葉、丁香、胡椒、芫荽等多種材料，仲有三至四種秘密香料從泰北運過嚟，再加豬紅同30斤豬骨熬八個鐘，保證風味正宗又夠濃郁。Toppings 揀左美國肥牛，有咬口又不會太硬，蘿蔔好甜，仲有條秋葵同埋炸豬皮，加分👍🌝 下次希望挑戰酸辣湯

人在 尖沙咀-樂道 , 行過路過 , 見到這間專賣泰國麵的店鋪 " 泰濃麵 Siam Noodles ", 於是就入去幫襯 , 一嚐究竟 ~Menu ~餐廳以泰國水上市場的 "船麵" 為主打 , 有三款湯底可選 船湯、冬陰功湯、清湯 ; 可配上河粉、金邊粉、薯粉、黃麵、白飯 ; 再配搭上各式各樣的食材 , 以使到船麵更多樣化也更具色彩 ~泰式龍眼冰特飲 $28 & 泰式香茅班蘭梳打特飲 $28 : 兩杯飲品都極具泰式風味 , 你就是截然不同 , 好難互相比拼 , 各具特色 ~炸豬皮 $18 : 脆身、香口、不油不膩、惹味 ~泰式炸蝦餅 $38 : 圓形又厚件的蝦餅 , 炸得金黃色 , 咬落爽口彈牙且有蝦味 , 不用沾上泰式醬汁都覺美味 ; 伴隨的蝦片 , 味道也很好 ~頂級安格斯牛肉船麵 - 金邊粉 $88 : 大大碗湯粉 , 除了自身選配的安格斯牛肉之外 , 還有魚蛋、脆豬皮、白蘿蔔、秋葵 ; 船湯湯底 , 味道濃郁鹹鮮、安格斯牛肉共有四片 , 肉質鮮嫩 , 牛肉味道濃郁、魚蛋 , 爽口彈牙有魚味、金邊粉也爽口Q靱 ; 若果不是雞蛋裏挑骨頭的話 , 簽是沒有什麼可挑剔的 ~雞髀肉

上個月剛從泰國回來，一直對泰國湯麵念念不忘，直到上星期跟朋友黎尖沙咀行街，發現餐廳評價不錯，便入黎試下餐廳以船麵做賣點，另有多款小食可揀有三款湯底可選，船湯，冬陰功，清湯頂級安格斯牛肉船麵配金邊粉湯底濃郁帶甜味，配料有炸豬皮，彈牙白魚蛋，蘿蔔，秋葵等等，安格斯牛肉肉味濃，好吃黑豚肉冬陰功湯麵配金邊粉朋友點的冬陰功湯有蝦，青口等等，湯頭酸辣適中，幾乎把湯飲清光泰式小食拼盤炸蝦餅，炸雞翼，炸芝士雲吞兩個人食剛剛好，每樣一件個人最愛炸芝士雲吞，炸得香口又不油膩好有驚喜加5蚊更有汽水

今日凍凍地，最好就係食返碗熱辣辣嘅湯麵/湯飯，話閃話真係未食過泰式船麵，咁今次我地就點咗一個係清湯湯底嘅飯同泰式最出名嘅冬蔭公麵嚟大家share嚟食啦，佢地呢度係首先選肉類/海鮮類，再配三種湯底（船湯，冬蔭公湯，清湯）（1）頂級安格斯牛肉冬蔭公湯配金邊粉$88 安格斯牛肉非常重牛味，好淋滑，湯底酸酸辣辣，好開胃，裏面材料非常豐富，有蝦，蟹柳，秋葵，青口，金邊粉份量非常多,好似食極都食唔完咁（2）雞脾肉清湯飯 $68 點咗一個重口味嘅，所以另外點一個清清地嘅，清湯湯我估應該用雞殼去餚成，雞脾肉撕成一絲絲，絕對不嚡，裏面材料仲有秋葵，蘿蔔，同埋白魚蛋（3）炸芝士雲吞$28 呢個炸雲吞配搭非常特別，裏面充滿住 mozzarella cheese，點埋泰或辣雞醬，酸酸咸咸辣辣，味道又出奇地夾呢（4）泰國原個新鮮椰青 $48 嚟食泰式餐廳梗係要飲返個椰青，非常清甜。

今日又約咗閨蜜TST shopping。午餐我哋去咗 i-Square（國際廣場）隔離的泰濃麵，餐廳幾乎滿座，好彩咁啱有位，不用等😸是日點了：❤️《頂級安格斯牛肉金邊粉配冬陰公湯$88》一上枱已經聞到陣陣冬陰公的香味😻海鮮配料豐富，有海蝦、青口、蟹柳、菌菇等，當中最愛是安格斯牛肉，牛味濃，肉質軟腍帶有嚼勁。🧡《雞髀肉清湯飯$68》雞脾肉撕出來的，肉質滑嫩，另有白魚蛋、白蘿蔔配搭湯飯，味道很夾。清湯另有一番風味，湯底鮮甜美味。💛《炸芝士雲吞$28》以價錢來講份量相當足夠，有四大隻，雲吞皮炸得香脆，中間的餡有好大的軟心芝士，口感豐富。在旁配有泰式酸辣醬，大愛❣️💚《原個泰國椰青$48》椰子水清甜且解熱生津，呢排寒冷天氣較乾燥，最適合不過了🤤總括而言，食物質素有水準，價格合理，CP值高！

去完the one同小王子影相 周圍行下 又突然有d想食下船河 就搵到e間野！！ 門口企理！！裝潢簡潔！！有d越南人民生活架生活圖！幾特別！坐卡位！個菜單！價錢係係tst算合理！！叫左安格斯船河 ！泰式鳳爪！ 小食拼盤！班蘭香矛梳打！野飲特別！比你自己加梳打水！仲有成支香矛插係到比你的自己轉！ ！味道班蘭同香矛加埋都幾特別！！可以一試！個安格斯牛 黎到仲係平生熟！ 正！肉味濃！又唔韌！ 蘿白 清甜！冇渣！第一次食船河有秋葵！！幾得意！！炸豬皮！鬆脆！冇油益味！湯底夠濃足香料！！正！！凰爪！夠味！酸酸甜甜！開胃！虾餅大大件抵食！有虾味！又脆！必點！！芝士雲吞！脆又濃芝士味！！正！係一間可以再去食架餐廳！！！

食咗幾次堅覺得好食，最鍾意佢個船湯湯底杯青檸梳打好飲，係用原支上泰象梳打水同埋炸蝦餅都好好食最啱我呢種想食辣又唔食得好辣嘅人！會繼續支持你呀，下次你黎再試食其他，希望整多啲新菜式俾我哋試

最近有點消瘦，好東西也不太吃得下，吃了也有點內疚。平時點餐都是隨便吃，足夠果腹就好。麵線類，變成了時常光顧的選項，香辣惹味、份量適中的泰國船麵，自然是常吃之選。樂道的這家「泰濃麵」，提供三款湯底、七款主要配料，簡單，卻美味，更可以配上白飯或不同的麵食。男友點了船湯黑豚肉金邊粉($68)，而我的是船湯頂級安格斯牛肉金邊粉($88)。兩碗湯麵上撒滿炸豬皮，香脆惹味。配料亦意外地多，蘿蔔、芽菜、秋葵，配以微辣的船湯湯底，很是合襯。午市以$18可以換購泰式特飲，泰式蝶豆花特飲，仍然喜愛攪拌青檸以後，飲品由紫變藍的漸變過程。泰式班蘭香茅梳打特飲亦是獨特，連梳打水也用上正宗泰國產品。班蘭與香茅味均突出，又很配合，非常美味。這裡的小食看起來也好吸引，難得和男友共進午膳，豪氣一點點了個泰式小食拼盤($68)。泰式炸蝦餅、炸雞翼、炸芝士雲吞各兩件，每一樣也十分惹味。最特別的炸芝士雲吞，內裡軟綿綿的mozzarella cheese，與香脆可口的雲吞皮，配搭出來是意想不到的惹味。