泰濃麵 (樂道)

營業中

休息中

工作剛好經過尖沙咀iSquare就周圍貢下有咩好野食，一直心心念念的船麵，勾起無限年輕時代去泰國旅遊既一幕幕青春畫面啊哈哈！尖沙咀“泰濃麵”聽講每日都座無虛席，原因就係個湯底夠正宗！頂級安格斯牛肉船麵（$88）100蚊內既船麵都可以接受既，不過湯底真係值得一讚，明顯無味精，炸豬皮香而不膩，唯獨是個安格斯牛肉好似得2/3片好鬼孤寒啊，雖然係好食既。中午快餐之選，尖沙咀泰濃麵都可以一試，快食快走，食完飲小小湯，成個身暖曬！繼續開工！

重口味開嘅我一向麵鐘意食船麵，但香港其實專食船麵嘅餐廳唔多，之前食過一間食完好口渴🤦🏻‍♀️呢間食完又唔會喎！✨頂級安格斯牛肉船河湯底濃得黎唔會死鹹，除左安格斯牛肉外仲有炸豬皮、蘿蔔、魚蛋，秋葵作配料！炸豬皮好香口，半生熟牛肉食落好腍～金邊粉亦都爽口✨泰式小食拼盤共有3走小食，泰式蝦餅、炸芝士雲吞同炸雞翼～蝦餅好彈牙，雞翼醃得好入味！芝士雲吞凍左就冇咁好食，襯熱食應該會好好多🙈✨泰式龍眼冰特飲飲落幾清甜，龍眼肉夠多，點果陣嗌少甜會好啲🤣

呢間由泰國廚師主理嘅泰濃麵，專食泰式湯麵，湯底分別有3款(船湯、冬陰功湯和清湯)，最具特色當然係船湯啦! 飛驒和牛船湯河粉($178)船湯麵配飛驒和牛呢個配搭夠曬奢侈，和牛薄片呈半生熟，肉質幼嫩，浸一浸熱湯，油花半溶，肉香更為突出。深啡色湯底以豬骨、豬血以及多款香料淆製而成，配上滑一滑嘅河粉，食落十分鮮味。配料方面，有白蘿蔔、 秋葵、魚蛋、炸豬皮、炸豬皮等...最特別係炸豬皮，香脆可口浸一浸湯食，有D似炸魚皮。加多個冰凍椰青就更加地道啦!

今日和男朋友黎到尖沙咀行街，見到呢間係商場旁邊，好方便所以就決定試下。環境：好乾淨，唔會好逼，坐得好舒服黑豚肉船湯河粉：同男朋友都食左黑豚肉船湯河粉，船湯好濃味，好有泰國的味道，河粉好索味，黑豚肉好軟，肉味好出，而且成碗既份量都好多，我地兩個都食得好飽。炸蝦餅：炸蝦餅另我喜出望外，蝦味好正，炸得剛剛好，仲好味過係D貴價泰國菜既炸蝦餅，又平！炸芝士雲吞：第一次食炸芝士雲吞，都幾特別，內面係香軟而外面係香脆。龍眼冰，碟豆花冰：味道清新，特別是龍眼冰，好好飲。總括黎講係好好食，性價比又高，特別係尖沙咀有咁抵食，真係好難得！

啱啱由泰國旅行返嚟之後 好掛住泰國既船面 途經尖沙咀見到剛好附近有間 就走去品嘗一下兩個人既份量朋友叫左頂級安格斯牛肉船面加金邊粉（$88）一上枱最吸引眼睛既係豬皮 即刻食兩粒 香脆可口😆 湯頭非常濃郁 黑色嘅湯底代表加入左豬或者牛嘅血  味道其實好鮮甜  純白既魚蛋彈牙無比 超級爽口  頂級安格斯牛肉唔會過熟 肉塊有韌性  都幾嫩滑金邊粉份量都幾多 吸收曬湯既味道 好食到想再食多碗🥳我就叫左個雞俾肉冬陰公金邊粉（$68）雞髀肉絲成一絲絲 方便進食  正宗嘅冬陰公湯係會有秋葵同埋蝦 蝦好實肉同彈牙 另外有青口同埋秀珍菇 湯唔會話偏酸又或者偏重椰奶味 少許嘅辣味更加可以開胃 令人食指大動😀配上金邊粉 味道一流另外叫咗個泰式炸蝦餅（$38）好大個圈圈 ⭕炸得超級脆卜卜 同埋入面好實肉 真材實料 蝦嘅味道好濃郁 厚身既炸蝦餅好有口感最後叫咗青檸梳打（$28）青檸梳打唔會過甜 中和返兩碗面既熱辣辣 成個人都舒服晒😆總結 ：-地方就腳 喺國際廣場旁邊-味道正宗-上菜速度快-性格比高

講起泰國野，大家都好自然諗起冬陰功，但就未必知道船河係d咩野啦。船河其實係以前泰國人係水上市場交易，商人無辦法咁易埋到岸，所以都會係船上用膳，而佢地習慣就地取材，所以船麵就係咁樣流傳左落黎。船湯係唔同船家嘅秘方，所以湯底家家都會有唔同，今次黎到尖沙咀嘅泰濃麵，就係用豬骨湯淆製而成。入口味道幾重，有少少似平時食牛腩麵d腩汁嘅感覺，不過轉左做豬骨版。湯入面有炸豬皮，好香口，配埋d麵食，好重油香。食到咁上下，覺得滯，唔怕！入面重有條秋葵，解下膩。我地分別叫左牛河同埋雞脾肉金邊粉。牛肉好薄，肉味好重，食得岀唔係平時個d敷衍嘅急凍野。另外，叫左d小食，有芝士雲呑、雞翼同埋埋蝦餅，個人覺得芝士雲呑最特別，岀面少d機會食到，可以一試！

星期二的晚上, 見餐廳不太多人就入去坐啦，食物水準不過不失,但個冬蔭公湯底就麻麻，又稀又唔香又唔辣又唔酸幾十蚊野我都唔會要求好高，只係想坐下傾下計後來人都多左， 但仍有吉枱，先後有2個待應想黎收野, 而我杯野飲都仲有大半杯未飲，跟手待應就放個留座既牌係我地枱面。 講緊我地由入座到食完都無一個鐘， 野食未食完, 飲品未飲完， 又唔係爆場， 有需要咁急叫我地交枱？ 仲要狂開我地張枱放餐具既櫃通， 但只放入一張紙巾同墊枱紙我明白做生意要轉枱， 如果爆場既我地都拿拿臨食完走人， 但咁既環境下趕客， 由開心都食到唔開心。

LUNCH 諗唔到食咩好, 同事話不如去樂道睇下, 反正開左好多新舖都未試過。最後我O地選擇左呢間泰國野, 我二話不說叫左黑豚肉船湯, 要左金邊粉, 個湯底果然係推介薦之選好味道之餘, 仲要唔口喝咖! 除左黑豚肉之外, 仲有2粒魚旦, 一條秋葵, 一舊蘿蔔 我覺得有蔬菜, 絕對要加分!我同事本來想叫冬陰公湯底, 最後驚太辣, 所以叫左清湯, 佢都話我果碗好味D

一直都好鐘意食泰國船麵 因為湯底夠唒濃味 岩唒我依d重口味既人😆😆今次搵到尖沙咀依間船麵 入到去選擇唔太多 有三款湯底包括船麵 冬陰公 清湯 而我當然二話不說揀船麵🕺🏻🕺🏻冬陰公都幾出色 辣辣地幾開胃🙆🏻‍♀️🙆🏻‍♀️

之前已經光顧過銅鑼灣的泰濃麵，不要以為銅鑼灣那間是總店，其實銅鑼灣那間是新開的，然後上網尋找才知道尖沙咀是第一間店。泰國船麵的確有它的特色，所以才那麼受歡迎，畢竟船麵在香港也不是每一個地方都有的。環境也很有特色，牆上有很多張泰式食物的相片，也採用了木做的桌子和椅子。船麵多數配以牛肉為主，比較有名的有頂級安格斯牛肉和飛驒和牛，也可選擇麵底，另外還有不同款式的小食和飲品。自己先點了一碗頂級安格斯牛肉船麵，配以船湯湯底，湯底真系十分濃郁，船麵的湯底好喝在濃郁得來又不會給人的感覺太鹹。炸豬皮脆卜卜，蘿蔔大大件又入味。安格斯牛肉很軟稔！有小小生的部分反而更好吃，全熟就沒有那份味道了。牛肉軟稔之軟更有入口即溶的感覺，很好吃。裡面竟然還有魚蛋呢😳魚蛋來說這粒都算大了，重點是魚肉味很濃郁明顯，沒想到船麵的魚蛋也能有著這樣的質素。男朋友點了一碗冬蔭公湯底的頂級美國牛肉船麵，冬蔭公湯底也不是真的很辣啦，反而比起一般的湯底多了一份刺激味蕾的感覺。裡面還有蟹棒，不知道是魚肉還是真的蟹棒了🤭反而也滑溜溜的，味道新鮮。頂級美國牛肉比安格斯牛肉便宜，質感當然就沒那麼軟稔，也是不錯的啦。常常去到泰國餐廳都會點它們的小

讚1. 湯底幾濃，雖然味道單一左啲，但以咁既價錢，起碼叫交足功夫，唔會好似水咁2. 湯上面既炸豬皮無咩膉味，仲係脆既，算好過唔少鋪3. 環境幾闊落彈1. 河粉係太散修修啦卦？就算唔係泰國正統既闊河粉，都無理由係呢種卦

去i square後街有很多美食小店，看到這家泰濃麵裝修十分地道，主打吃船麵，就去試試看。注意6pm後有加一服務費。飛驒牛和鮑魚好吸引喔！泰式鳳爪($48)少少辣，好開胃，不錯。頂級美國肥牛船湯金邊粉($68)，肥牛係幾有質素，份量也不少，船湯好香，味道濃郁，唔會死鹹，很好喝; 魚蛋也很彈牙，炸豬皮脆脆不油腻，還有入味的白蘿蔔，非常豐盛的船麵。炸芝士雲吞($28)是薄脆的雲吞皮包芝士，芝士煙韌，很特別的小食。炸蝦片($18)蝦味香，夠酥脆，不會硬。雞髀肉船湯黃麵($68)，用上雞髀肉，口感跟一般雞絲不一樣，更嫩更有彈性。

喺泰國食過船麵之後 成日都好懷念嗰種好特別嘅湯底😋香港越來越多地方都有船麵食✌🏻今次試吓呢間係尖沙咀嘅泰麵濃🇹🇭碗麵一嚟到嘅感覺係 好大碗啊～🤩唔會好似泰國嗰啲細細碗咁 要食好多碗先飽🤪船湯底都幾出色幾濃郁但係唔辣嘅～今次點咗最平嘅黑豚肉同埋雞髀肉😋雞髀肉就一般啦合格嘅😅豚肉都算幾有咬口唔錯😆反而想讚下配料嘅魚蛋 非常之彈牙👍🏻另外點左炸芝士雲吞 即叫即炸 做得出外脆內軟嘅口感 值得一試～整體來講 咁嘅價錢+咁嘅地段都算非常之抵食㗎啦👍🏻.siam noodles is perfect when youre stuck in hk but craving for a taste of thailand 🇹🇭 as it offers delicious & authentic thai boat noodles with reasonable price! i really liked the broth as it was quite rich in flavour 😋 also, if you’re a cheese lover like me don’t forget to gi

之前朋友介紹一間專食泰國船面，尖沙咀有一間分店，而且好方便好近地鐵站，反正係嗰頭行街就順便食個飯。餐牌選擇都多，特別係湯底方面有幾款唔同嘅選擇，配料有基本款式及高級款式，豐儉由人。原隻波士頓龍蝦海鮮$188今次就試一試龍蝦船面，面底選擇了金邊粉，非常掛湯，而且上面除咗有鮮甜嘅波士頓龍蝦之外，仲有炸豬皮，魚蛋等等配料，所以非常豐富。呢個船湯嘅湯底主要係黑椒豬骨湯，好香，如果鍾意食辣可以試吓泰式冬陰公。炸雞翼$38另外加多一款小食，四件炸雞翼熱辣辣，揸得金黃，裏面肉質依然保持應有水份。有更多特色小食及飲品可以選擇，價錢唔貴可以食到高質素嘅泰國菜。

船湯雞脾肉黃麵、泰式小食拼盤＋泰式蝶豆花特飲充滿泰國風味的小店，裝潢偏向地道的泰式風情，播放著泰文歌曲。小店主打泰式湯粉麵和小食，另更設有黑豚、和牛和鮑魚，今次選擇了傳統的雞脾肉作配料。船湯雞脾肉黃麵• 湯底十分香濃惹味，卻又不會感到太重口味或油膩感重。而且配料十分豐富，有魚蛋、白蘿蔔、秋葵、芽菜等，還加入了大量的炸豬皮，非常香口！提升了湯底的層次。• 雞脾肉是手撕的形態呈上，分佈在整碗船麵上面，吃起來啖啖肉。肉質口感鮮嫩充滿雞油香味，跟黃麵十分匹配！泰式小食拼盤• 分別是泰式炸蝦餅、炸雞翼、炸芝士雲吞。我最喜歡的是炸雞翼，它不是一般的香茅雞翼，炸得恰到好處，入味之餘肉質依然保持香嫩；蝦餅鬆脆可口帶有一點蝦的膠質；炸芝士雲吞外皮鬆脆，內層芝士煙韌，但不算很香濃。泰式蝶豆花特飲• 是我飲過最為濃味的蝶豆花茶，看外觀都知道，飲起來甜度比較高，建議可以小甜。