泰濃麵 (樂道)

營業中

休息中

高質船麵！同埋可以令人食飽既船麵！平時食開既船面都好細碗，完全唔飽，但呢到既面比得好足，就算唔叫小食都可以食得飽！我地六點幾左右到，人不多，唔洗等位。一人叫左一碗面，一份炸蝦餅，一份泰式鳳爪。面既湯底係冬蔭公湯，好出色，好正宗，最意想不到既係佢會比埋配料，有一隻蝦，一隻青口，一條蟹柳，一條秋葵，仲有好多菇，加埋D肥牛同金邊粉，十足十一個火鍋，抵哂！同埋每樣野都好新鮮，蝦仲要係未摵殻個種。個面都幾有口感，吸哂碗湯既精華。如果大家食唔到辣，但又想食冬蔭公，建議可以叫小辣，小辣完真係入到口。炸蝦餅啖啖蝦肉，好有滿足感。旁邊仲擺左炸蝦片，好香好脆。泰式鳳爪酸酸辣辣，好開胃，好適合做前菜。食完餐飯功滿足，超級飽，又好味，推介比中意食泰國菜既你地！