泰濃麵 (樂道)

營業中

休息中

在isquare閒逛突然想吃泰國菜，搜到附近這家泰濃面就去試試看。位置很好找，isquare出來右轉就看到了很有特色的店面，店員態度很友好~~ 餐牌選擇不多但都很有泰國特色。點了個卜蔔蜆冬陰功面（名字好可愛，想起了東南亞的卜卜車哈）、一個小吃拼盤和一個木瓜沙拉。上菜很快，不用等。冬陰功湯底很好喝，卜蔔蜆很多很大很鮮，覺得物有所值。小吃品牌有炸雞翅、蝦餅和芝士炸雲吞，前面兩個都好好吃，雲吞就很一般了。木瓜沙拉很好吃，推薦，酸酸辣辣的，很是開胃，而且分量也剛好。特飲強烈推薦龍眼冰，龍眼肉超多，很香甜度剛剛好，尤其適合夏天喝，反而是店家推薦的香茅班蘭梳打特飲沒有味道怪怪的，泰國香料味道很重反而喝得不舒服。這次太飽了沒有吃甜品，留著下次吧~

好耐無去旅行啦～勁掛住泰國既船麵，呢日同朋友去尖沙咀經過見到有間食船麵既餐廳即刻入去試下～餐廳裝潢好有特色，好有泰風味～👆🏼叫左個泰式小食拼盤，即叫即炸熱辣辣，個炸芝士雲吞好趣致，中間煙煙韌韌好好味，食完會想再食🤣蝦餅好爽口，蝦完全無雪藏既味道。我地叫左兩個湯底一齊share食，一個船湯底一個冬蔭功湯底。船湯底非常似係泰國食既嗰種味道，除左主配料肥牛之外，裡面仲有魚蛋其他配料，同泰國極相似。另外冬蔭功湯底好出色，唔會只有辣味，反而有d酸有d辣好吸引人係咁飲個湯，而且呢個安格斯牛肉唔會煮到過熟肉質好鮮味。

今日做嘢咁岩經過樂道，見差唔多係時候食lunch，所以就入咗呢間泰國餐廳食嘢。佢主打食船麵嘅，所以我同朋友一人一個船麵，我就揀咗頂級肥牛配船湯底加黃面，我朋友就揀咗安格斯牛肉配船湯底加薯粉，薯粉係佢呢度推介嘅。另外加$5就有罐裝汽水，我就要左可烏，加$18就有泰式特飲 ，我朋友就加咗青檸蘇打水。見到有蝦餅，忍唔住就叫咗呢一份小食。啲嘢食都好快上枱，雖然我哋揀咗牛肉麵但係面上面除咗牛肉之後仲有其他配料，好似魚蛋，牛肉好味，魚蛋亦都好彈牙。我朋友話鍾意佢個湯底唔會太鹹，食完之後唔會話即刻覺得好口渴個種。的確安格斯牛肉係好食過肥牛嘅，所以大家可以揀安格斯牛肉。跟住個蝦餅一碟有三舊，每一舊都大大嚿嘅，另外在配左幾塊炸印尼蝦片，有啲雞醬俾你點。食完行之後覺得有啲唔夠喉，所以就嗌多一份甜品，叫左佢泰式糕點拼盤，一盤有兩款，一個就係椰青榚，另一款就係椰汁西米糕。值得一讚個椰青高係幾清甜好味。最後座位方面都算坐得幾舒服，可以枱之間又唔會好迫。

去唔到泰國食船面就唯有係香港食啦呢間位於尖沙咀樂道嘅泰式料理有不同嘅泰式粉麵及小食見到安格斯牛好吸引，所以叫咗安格斯牛金邊粉。湯底我哋叫咗一個冬陰功湯底、一個泰式湯底。冬陰功味幾香幾辣，酸酸地，但係唔會太辣，易入口，泰式香料味道幾香，而且都有蝦嘅鮮味。泰式個湯底都幾似喺泰國食嘅味道，味道唔會太濃，仲有兩粒魚蛋幾爽口。另外，仲有唔同嘅飲品。叫咗青檸梳打，梳打水都係泰國嘅梳打水，青檸酸酸地，夏天飲真係好解渴。餐廳地點好方便，而且價錢唔算貴，幾好食。

今日同豬先生揀左衣家泰式湯麵食晚餐，唸住簡簡單單一個麵一餐，點知好有驚喜，仲意湯麵既要尼試！泰菜控更加不能錯過！主食以湯麵為主，先揀肉，再揀湯底同麵，湯底有三個選擇，船湯，冬陰公同清湯，麵都有成四五款可以揀豬先生揀左船湯肥牛金邊粉，湯底非常濃郁，配菜好足料，有秋葵，魚蛋，蘿蔔同炸豬皮非常有驚喜，要特別一提既係佢個炸豬皮好正！連唔好炸野既豬師奶都係咁食！豬師奶就揀左船湯安格斯牛肉金邊粉，碗麵份量非常多，細食既記得小麵唐生菜配腐乳醬，好特別既配搭，個菜都幾大碟仲叫左個炸魚餅，味道唔錯豬先生叫左椰青，好甜好好飲我就叫左青檸梳打，唔會好甜，好岩夏天解渴

昨日，我朋友同我講香港入面最好食既船麵係泰濃麵，哈哈……我當堂嚇一跳，然後得啖笑。呢個世界，居然有人話泰濃麵係最正，咁即係分明當其他船麵餐廳流唧，拿！我今日就去左泰濃麵研究下。牆上貼滿一排餐廳食物既相片，令我流曬口水。枱之間有一定距離，加上有酒精搓手液，餐廳可謂做足衞生措施。- 頂級美國肥牛冬陰功金邊粉🍜冬陰功湯幾濃郁，帶少少辣，不過唔夠酸，金邊粉索曬湯汁後相當惹味。美國肥牛質素中等，但勝在份量足夠，一碗起碼有十片以上😚，另外仲有秋葵、大蝦、青口作配菜。- 原隻波士頓龍蝦船湯蛋麵🦞原隻龍蝦大到佔據左半個碗，真係啖啖肉，不過肉質略嫌嚡口左少少🤏。船湯非常原汁原味，絕不馬虎👍🏻。配料比上一個更加豐富，除左秋葵、青口之外，仲有魚蛋、蘿蔔同炸豬皮。炸豬皮幾香脆，即使浸係入面仍然有咬口😍。- 炸芝士雲吞雲吞皮幾酥脆，入面有水牛芝士餡，鹹味十足。- 青檸梳打梳打水同青檸汁分開上，自己可以根據喜好調校份量。- 熱薑蜜餐廳落左好多薑絲，不過加左蜜糖，辛辣感無咁強烈。泰濃麵既食物份量十足，湯底方面，船湯同冬蔭功湯的確非常濃郁。不過個人唔太鍾意蛋麵既質感，好似油麵，自己偏好幼身有咬口既蛋麵。

疫情中都搵到呢間泰國餐廳。一進店便會由店員幫忙探熱同遞上酒精清毒液，幾貼心，而且態度都幾好又細心。🥰冬蔭公湯好味，比起傳統既味道，可能呢個會較適合香港人口味。😋湯配料仲有青口同蝦，尚算新鮮，飲落無乜口乾感覺。飲品係之前係峇里試過既香茅梳打，但今次加左班蘭，味道幾新鮮，讚！👍🏻下午茶仲可以用半價叫小食，果碟炸豬皮好脆好味，但只有船麵先有，不過$9一大碟就當然要叫啦。另外叫左泰式鳳爪，講真都無standard野，不過$24都幾抵。

真係好掛住泰國我記得以前去泰國旅行嘅時候會食勁多餐船麵因為嗰度嘅船麵啱晒我細細碗又夠平🙊🙊今日嚟到呢一間係尖沙咀嘅泰濃麵 就試試佢嘅船麵😚入到去嘅時候即刻聽到泰國嘅音樂 好似置身喺泰國咁見到Menu有好多唔同款肉類可以揀又有唔同嘅湯底 仲有唔同嘅粉面今次我就揀咗雞髀肉船湯金邊粉雞髀肉非常滑唔會嚡十十 船湯非常香濃加啲辣椒粉就啱晒我胃口 金邊粉寄吸湯有掛湯 好值得揀呀另外仲叫咗安格斯牛船湯薯粉牛肉好香唔會蘇 薯粉又係吸湯之選🤭另外仲叫咗個小食 入邊有芝士雲吞雞翼同埋蟹餅芝士雲吞係最有驚喜 以為入邊會有啲肉類 點知原來係有成舊芝士係入邊😍啱晒我呢啲芝士迷！一定會再嚟食呢間餐廳🥰

一早到尖沙咀工作，下午也要繼續，趁中午好好食個飯，在iSquare邊有間裝修懷舊的泰國麵館。.頂級安格斯牛肉麵（金邊粉）一上菜的牛肉是粉嫩色的，之後會因為湯的熱力而變成”熟牛”。新鮮的牛肉才經得起生食，口感也很嫩，有種入口即溶的感覺。船麵湯底很贊，十分濃郁，連金邊粉也浸到好入味！船麵湯底另配魚蛋、秋葵、炸豬皮、芽菜等的材料。.原個泰國椰青Very refreshing and natural! 一開打椰子蓋，清澈的椰子水及奶白的椰子肉，大滿足！.炸雞翼配泰式辣醬，雞翼炸得剛剛好，保留到肉留又不會炸得太油膩。.烚生菜配秘制腐乳醬腐乳醬很特別，辣辣的，配生菜食很夾。.簡簡單單又滿足的泰餐，到現在船麵的香味仍念念不忘呢。

好耐無食過船麵😆無得去旅行唯有搵間止下癮啦~做完個facial去左嘆返個下午茶真係好正🙆🏻‍♀️.📍泰濃麵.雞脾肉船湯金邊粉($48)-本身以為得一個餸幾dry吓~點知一上枱有驚喜嫁喎😆有2粒魚蛋有秋葵又有蘿蔔~湯好清甜唔會油!再加左少少辣椒粉😋成碗麵好好食炸雞翼($19)-下午茶時段小食有半價🤩於是點左個炸雞翼(原價$38)!即叫即炸又唔乾!醃得夠哂味仲要有最正嘅泰式辣醬啊~真心推介😋

好耐無去旅行，又好想出去走一轉。月尾聲泰國之旅未知最終能否成行，所以唯有同朋友去食下泰國嘢止下咳先…·☆ 頂級安格斯牛肉船湯金邊粉 HKD$88☆ 雞脾肉船湯金邊粉 HKD$68☆ 泰式鳳爪 HKD$48☆ 泰式香茅斑蘭梳打特飲 HKD$28☆ 泰式蝶豆花特飲 HKD$28·叫左2碗泰國必食船麵boat noodles🤤 湯頭味道非常濃郁，辣度亦剛剛好，湯底呈少許黑色，證明加入左豬或牛既血，果然十分足料👍 安格斯牛肉肉質有彈性，口感頗為嫩滑，不錯的🐮 而雞脾肉切成絲狀，令人唔洗撕開啲肉嚟食咁考牙力，確係細心😚 十分欣賞配料內既炸豬皮，炸到脆卜卜勁好味😋 將豬皮浸落湯度食又係另一種口感，半脆半軟口感豐富😚 仲有值得一提既係白魚蛋非常彈牙，仲好有魚味，好想再encore😋 而金邊粉掛湯力頗高，每一啖都食到滿滿湯汁，感覺就好似去左泰國食地道湯粉咁，好滿足呀🤩·飲品方面亦提供多款特色泰國特飲，我地點左香茅斑蘭梳打，店家用上泰國象牌梳化打水，即刻好有親切感🤩 香茅加入梳打水原來係咁fresh，用嚟解辣真係好work👍 而蝶豆花特飲賣相吸睛，啱哂影相打卡📸

夜麻麻未食飯唔知食啲乜野好經過見到呢間船面好似好吸引咁 我見佢有龍蝦濃湯海鮮船面 但有啲貴我真係食唔起 於是我就食咗個好普通嘅船面 唔知咩安格斯船面 呢個船面話就話係牛肉船面但係佢又有魚蛋又有蘿蔔又有豬皮又有秋葵 我覺得咁豐富種類咁多嘅一碗麵令到我真係覺得好開心好滿足 另外我仲帶咗兩個小食就係炸蝦餅同埋炸腩仔個炸腩仔有啲似豬頸肉但係比起豬頸肉多少少肥肉但係一啲都唔油膩另外個蝦餅真係需要讚下 平視我其實唔係咁鍾意食蝦餅因為覺得又乾又熱氣 但你地都睇到張圖入邊嘅蝦餅係圓咕碌成粒冬甩咁 咬落去一啲都唔乾 厚德黎個大細又啱啱好 入邊真係唔乾但係又啱啱好咁我覺得大家真係可以去試吓佢個蝦餅 雖然我好鍾意去泰國玩 但真係好少咁鍾意食香港嘅泰國嘢

近年好似愈開愈多船麵，一般船麵都相對細碗，所以以今晚想食個輕型晚餐就唸住岩曬啦。其實本身係比餐廳既門口吸引，幾有心思既裝潢，同埋目測入面都幾好坐。由於店員出埋門口嗌我地入去試下咁就真係試下啦😂講返佢既麵有五款揀 - 河粉、金邊粉 、薯粉、黃麵同埋白飯。湯底就有船湯、冬陰公同清湯選擇。今次無試到貴價既飛驒和牛同埋龍蝦，只係揀左平民價錢既餸料。另外提提六點後需要加一服務費，不過店內員工都非常有禮的。🤗黑豚肉船湯薯粉 ($68)🥢先講講個湯底，係食得出個船湯足料淆出黎，豚肉份量都好足，仲有肉丸，我鍾意既秋葵。不過薯粉係幼薯粉黎，本人比較好粗薯粉，整體好食。雞脾肉冬陰公湯金邊粉 ($68)🥢其實一心以為冬陰公係得個湯底，最多係加隻蝦，但黎到係除左原隻蝦一隻、青口、蟹柳、菇呀咁，配料足到咁，不過反而雞脾肉係有啲榎既，不過反而主角係冬陰公。總結係原本唸住食個輕型晚餐，但份量就唔係好輕型👍👍

[📍香港篇🇭🇰] 黑豚肉冬陰公湯金邊粉、頂級美國肥牛船湯河粉[📍Hong Kong🇭🇰] Kurobuta Pork Pad Thai with Tom Yum Soup; U.S. Sliced Beef Flat Rice Noodles with Boat Soup泰國野食泥食去都係食咖哩真係食到悶🤦🏻‍♀今次食下D粉麵🍜最出色莫過於個湯底💕 不論冬陰公湯或船湯都係好好味🤤🤤 全部湯底都好濃，每條麵都沾滿濃湯想唔好食都難😚😚 如果唔中意食辣，就可以揀船湯一樣好好味😁 不過食泰國野都係酸酸辣辣最好食，又開胃😝 環境就好似普通茶記，一坐低已經有職員好貼心咁拎左杯滾水幫你浸下D餐具殺殺菌，呢個都係一個加分位✅$68一碗麵另收加一服務費💸 如果再揀D貴價D既料就會過百蚊一碗麵了~ 不過講到尾我都係中意佢個湯底，咩配料都冇所謂🙈🙈

過開來尖沙咀，就緊係要食埋晚餐先走。飯就食得多，今次就搵間食麵既餐廳先。行到樂道附近，見到一間食泰式的船麵，一於試下！餐廳既裝修好懷舊，有港式的泰國味道。牆上還有很多美味的食物圖片，好吸引啊！餐牌好簡單，主要係有湯底、配料及粉麵飯的選擇，另外還有小食、甜品及野飲。今次我同朋友叫左：青木瓜絲沙律呢個係一個開胃的小食。木瓜絲有口感，好爽口。另外入面有生豆角同埋花生碎，辣度算一般，但辣得過癮！ 頂級美國肥牛船湯配薯粉入面配料除左有肥牛外，還有魚蛋、蘿蔔、炸豬皮。雖然係美國肥牛，但是一點也不馬虎，肥牛牛味十足。魚蛋爽口彈牙，但我至中意的就係炸魚皮，香脆可口。另外船麵濃湯果然名不虛傳，勁香濃。第一次食船麵配薯粉，薯粉是幼幼的，滑身彈牙，可以索曬濃郁的湯底，正！頂級安格斯牛肉冬陰功湯配薯粉呢碗材料都十分豐富！有安格斯牛肉、蝦、蟹柳、秋葵、蘑菇、芫茜等等。冬陰功湯底酸酸辣辣的，夠曬正宗，愈吃愈爽。安格斯牛肉口感軟熟，上菜時是半熟的，之後慢慢用湯底熱熟曬！最正都係薯粉吸曬D湯底~泰式香茅班蘭梳打特飲好香香茅的味道，飲落好fresh，梳打可以解渴！泰式龍眼冰特飲勁多龍眼，飲完可以食埋D龍眼~下次想食豪華