泰斗 (中達大廈)

營業中

休息中

中、英、日式High tea就食得多啦! 唔知泰式High tea大家又有冇興趣試呢?早前余媽媽一家來到尖沙咀區搵食! 呢區食野都唔平㗎！估唔到係海防道附近可以食到個抵食又好味嘅泰式下午茶套餐~ 有好野當然要同大家分享啦～我們到了呢間Thai Master 泰斗餐廳試左佢地新出的泰式下午茶套餐 --- “Thai Jeng” Tea Set, 價錢為$298/2位!餐廳環境寬敞, 氣氛也不錯~還有一些泰國擺設~余小b未食先興奮!!!食。物。到。。。余媽媽本身係諗住已經有一排無食泰國菜, 不如嚟過下口癮啦～點知呢Set泰式下午茶套餐原來都好有份量㗎！同英式下午茶一樣, Thai High tea都係分3層, 另外仲有一碟生蝦, 泰式甜品和2杯特飲~而且食物賣相十分吸引, 很有驚喜! 未食已經令人唾涎~ 本來想上齊食物來個大合照, 點知為食余小b等唔切, 扭晒計! 無法啦～美食當前, 係好易會令人失去理智嘅^^起。動。了。。。最上層的春卷很香口~中間一層是魚餅、蝦餅、皮蛋蝦餅和香矛雞翼,種類包蘿萬有~蝦餅很彈牙, 加入皮蛋又別有一番風味~香矛雞翼香口惹味! 多來幾隻都唔會嫌多! 余小b一人

今天約了一班舊同事在公司附近的泰斗吃lunch，我們喜歡這裡可以坐露天茶座，天氣晴朗時坐在這裡，望著九龍公園的大樹和藍藍的天空，令人心情也變得開朗。我order了泰式炒金邊粉，這是我喜愛的菜式之一，跟餐還有一碗冬瓜湯和餐飲。金邊粉上菜時，我們竟看到碟邊有一條頭髮😨，那條頭髮是壓在伴碟的生菜之下，所以應該是從廚房而來的吧⋯⋯（從照片右下角有影到那條頭髮😨）金邊粉的味道是酸酸甜甜的，配料有芽菜，豆腐，雞肉，長蔥等等。味道其實還不錯，可惜炒得不夠乾身，粉也太林了，口感不太好，而伴碟的花生碎則太少了。今次的金邊粉真的比之前失色不少，我少有的吃不完整個lunch，可能因為今天的客人太多了吧⋯⋯

開始點菜，咖哩南瓜盅未食過，叫了看下味道如何吧，椰汁出場了，椰汁在南瓜盅入面一齊食真唔辣，食材質素很好，我如何可以不愛它呢。3人食椰汁雞湯，小的巳足夠食了，椰汁又再出場了，椰汁雞湯味初頭不習慣，嘆多一會兒，又覺幾得意好味。每次食飯都要食沙津清下開胃，愛蝦如命當然來過香茅辣拌蝦沙津，辣辣地口感不錯，大人細路都可以食。紅豆冰食得多，但椰汁紅豆冰好少食，見泰式餐廳都愛用椰汁不妨一試味道，甜少許，有改進的空間。

最近好友從美國回歸，當然要盡地主之餘，帶她連續吃個不停，享受美食佳餚的情趣，今次去尖沙咀一帶覓食，好友想食正宗泰式美食，剛好經過尖沙咀海防道的中達大廈，打算一起到4樓的泰斗品嚐泰式美食，同她盡興吃一餐。 位於尖沙咀區，地理位置方便，乘電梯一出便是，設有室內及室外的位置，餐廳的裝潢很美觀，地方很大又寬敞，環境舒適，坐位闊落，有一份雅緻休閒，好有泰國的味道。 炸軟殼蟹柚子沙津 $128別具創新風格，炸得香脆可口，不算炸得很油，炸軟殼蟹配柚子，香氣撲鼻，再加點酸酸甜甜的醬料，二者配合得天衣無縫，味道更勝一籌。 小食拼盤(細) $128小食拼盤材料豐富，包括有春卷、蝦餅、魚餅及雞翼，我最愛食蝦餅鮮嫰剔透，肉質很爽滑，每塊厚度差不多，紮實彈牙，彈牙之餘有咬口，魚餅有很多魚肉，混入香料，口感卻截然不同，讓人一試難忘。 盬燒盲曹 $188已經起魚肉的盲曹，份量挺多，咬下去魚肉鮮味撲出來，肉質很爽滑，魚肉味道適中，不會感到太鹹味，控制得宜，最完美的熟度，仍然保留肉汁，加入少許酸甜的醬料更惹味，齒頰留香，值得推介。 咖哩南瓜盅(海鮮) $148南瓜盅材料新鮮，包括有蝦、魷魚、洋蔥、薯仔及青口等，蝦及魷魚

book咗八點半,但早到咗,所以要喺門口等咗陣,差唔多八點半就入得....因為小妹腸胃唔係咁好,所以今次唔敢試太多辣嘢...我同朋友坐係露台位置,雖然落雨,但有簷篷及heater都坐得舒服。泰式生蝦刺身: 啲蝦好大隻同爽口....個汁我沒有點好多,所以不能比意見....泰式炒椰菜苗:椰菜苗略為老了點,不過味道ok,不會太油及有少少辣煎蠔餅:朋友說底部用芽菜墊底,可以防止蠔餅過油,good....而且啲蠔都大粒...椰青海鮮焗飯: 個飯咁高以為未必焗過....比起其他餐廳呢個比較足料,真係搵到新鮮的海鮮(青口、蝦、魷魚等),而且啲炒飯配有椰青肉,所以啖啖椰香味,正.....而且個椰青入面既肉好容易就可以挖落嚟食,唔通個椰青真係一齊焗過?椰汁糕:一般啦,不會太稀...如果啲西米可以淋少少就好啦....

朋友介紹我黎食, 咁岩有飯局順手黎試試。5個人去食嗌到成枱都係野, 點完菜好快就有野上枱喇泰式炒椰菜苗 唔係度度食到, 味道適中, 唔太喊, 好爽口! 正! 泰式生蝦 我去食泰國野都必試O既菜式, 新鮮, 爽口! 個汁岩岩好, 唔太辣唔太酸 泰式柚子沙律, 好好食, 好開胃! 秒殺!!!!!! 第二樣必試菜式 --- 冬陰功!!! 微辣微酸, 晌天寒地凍O既天氣飲真係好岩暖身啊~~~ 炒鴨胸, 好香! 鴨胸食落口好JUICE, 連四季豆都有鴨胭味呀!!!!本人有個少少強迫症, 就係去到一間第一次食O既泰菜就要試該店O既香菜肉碎炒飯, 正如去試茶餐廳/大排檔要試楊州炒飯一樣, 但LI 味真係有少少失望!!! D 飯太爛, 味道... 好似得油味, 一D 都唔香... 完全食唔出個火喉.... 勁失望!!!  菠蘿海鮮炒飯, 飯質相比起香葉肉碎炒飯好似好少少, 同埋有少少咖哩味, 另外佢將腰果同肉鬆分開放非常體貼, 因為好似我LI D 麻煩人係唔鍾意將腰果撈埋D 飯度食, 今次唔洗專登挑出黎LU 明爐魚個汁酸酸的, 好好味, 但怕魚骨的真係要考慮清楚, 真係好多骨, 但好彩我唔驚, 如果唔

原先喜歡它有露台，環境看起來也不錯。人未到已經扣分……當日來電確認訂位，告訴我7時訂枱需8:30交枱！？來電人還很酷的告訴我，條款已於openrice上注明……意思有點是不喜勿來。😕因時間關係來不及訂其他店，只好照去。到達後見人山人海，朋友已點前菜，我們問明可以遲交枱便大肆點菜~咖喱蟹，油酥餅，炸盲曹魚，炒椰菜苗＆芥蘭-全部多油無味。生蠔餐送白餐酒，生蠔不算新鮮有腥味，差不多吃完還未上餐酒! 吃到一半才發現前菜還未到，查詢才知道沒有落單？！柚子沙律，炸蝦餅，沙爹來到，味道依然平平無奇。中價來說，無論服務，食物都算差已。

行開尖沙咀見到有間泰國菜餐廳就入去試下。串燒沙嗲雞肉幾嫩滑，點埋有花生粒既沙嗲醬就好惹味。泰之丸特色生菜包將豬肉碎搓成粒丸再炸，不過一咬開就鬆散曬，而且味道偏鹹，好彩點下酸辣醬之後再用生菜包埋住食冇咁鹹，但整體都唔太吸引。辣椒膏炒花甲花甲味道鮮甜，配埋辣椒膏味道岩岩好，夠惹味但又唔會太辣，同埋份量幾多，花甲大部份都開曬，好食。食物未算吸引，不過環境唔錯，有個露天環境對住九龍公園，但因為露台已經坐滿，唯有坐室內屈就一下。

深秋完即將入冬, 口淡淡, 想係繁華既尖沙咀鬧市搵間喚醒味覺既泰式餐廳, 今次朋友帶我來到位於海防道既泰斗餐廳, 餐廳位於4樓, 有開揚既戶外座位, 感覺十分特別。我們點了必食的前菜泰式生蝦剌生, 配上特配辣汁, 生蝦精螢通透又新鮮,  加上秘製辣汁十分惹味。還有牛肉串燒, 牛肉燒得剛剛好還有炭烤味，唔會太熟太硬, 加上帶有椰汁既沙嗲醬, 正呀! 我叫左一杯芒果沙冰, 沒想到味道新鮮之餘仲好大杯, 一邊同三五知己詳談一邊飲, 實在抵呀! 有肉當然也有菜，蒜香豆鼓炒豆苗, 味道適中夠火喉, 係一個唔錯既新嘗試呀! 黎食泰國菜梗係要點正宗泰國冬蔭功啦, 一鍋足夠四人份量, 配上新鮮大蝦同濃濃既香料, 實在正呀, 味覺番曬黎!  下一道菜係黃咖哩牛腩, 相對一般泰式餐廳做得更好既係店方用料份量多, 略略估計最少有十幾件牛腩, 咖哩汁用黎送飯一流呀! 我地仲點左一份咸豬肉炒飯, 咸豬肉略嫌稍硬, 但飯香足足令我食左兩大碗呢!  環境方面，很喜愛露天的空間，店長還說場地夠大, 平日還可以包場改為生日派對場, 亦可以三五知己周末睇波飲番兩杯, 實在夠晒方便。

泰斗是我一直都想去試的，看到一直好評如潮最吸引我到來是這裡有個大露台，比較開揚舒服不過可惜是太多人訂台喔，未有機會坐出露台位置，內裡就較迫點點了豬頸肉泰式沙律，沙律有青瓜絲和洋蔥絲等，口感清新，酸酸辣辣的都幾辣的，很開胃的前菜另外泰式拼盤有春卷、單骨雞翼、魚餅等最喜歡單骨雞翼，炸得很惹味香脆泰式生蝦，望到即刻心心眼，最喜歡吃每逢去吃泰菜必食之選這裡生蝦又鮮又爽！加埋個辣汁，食唔停口！讚讚！還有這道冬蔭公明爐魚，超愛吃冬蔭公湯夠濃夠酸辣，在明爐下滾熱再飲，熱辣辣的酸辣湯一流魚肉鮮味足，夠入味炒通菜，馬拉盞味道夠份量足金邊粉味道恰到得宜叫了杯椰汁冰，椰汁味很夠，真材實料這間泰國餐館果然沒有令我失望喔，食物質素好，價錢合理!All Our Dreams Can Come TrueIf We Have The Courage To Purse Them ❤ a Chai 阿柴

今日同朋友係尖沙咀睇展覽，睇到差唔多嘅時候，大家就諗住食埋個飯先走，行下揾下就見到呢間泰國野嘅廣告，跟住見同行嘅朋友好似好有興趣咁，所以就上左黎食飯。呢度地方都算寬敞，入去坐低都唔會覺得太逼，而且氣氛唔錯，好岩朋友或者情侣係吹住輕輕嘅微風下，一面傾下偈，一面享受下呢度嘅泰國美食。我地當然都即刻叫啲野醫肚喇。炸軟殼蟹柚子沙律軟殼蟹舖係柚子上面，感覺好精美，不過淨係外觀上已經拎左唔小分數喇。軟殼蟹入口都算脆，點埋餐廳配嘅酸辣醬就更惹味，不過軟殼蟹有點涼了，可能是天氣關係吧。另外袖子都算甜，唔會有苦澀嘅味道，而且袖子拌有小小辣汁，所以呢會愈食愈有味覺刺激。泰之丸特色生菜包，l所謂泰之丸是把原來的生菜包的肉碎粒搓成丸狀再炸而做成嘅丸。這個丸嘅食法係將這顆丸點左酸辣醬之後再包埋黎食。入口普通嘅生菜包有點分別，呢個感覺更香口，更濃味同埋更有咬口。而且都係第一次咁樣食生菜包，真係好特別。串燒沙嗲豬入口味道唔會太濃味，豬肉又唔會太韌，上枱嘅仲幾熱，唔會凍冰冰鹽燒牛舌串牛舌厚度十足，唔會太單薄，味道唔會太咸，而且餐廳有專門為呢個牛舌配左個汁，點埋就更惹味喇咸肉炒西蘭花所謂咸肉就係類似燒肉，而又比燒肉更乾

食物好環境也要好是首選，吃完這泰國餐就合意''環境有8分（青檸梳打)是首選，酸甜適中，無失分（香茅辣蝦沙津)，辣味香濃，不太辣，香茅味重，和淡淡的蝦互相配合（泰之丸)豬肉製成，外皮脆口，內裹軟滑，肉味濃，加上泰式甜酸酱更加提升味道（椰汁雞湯)，有驚喜，香料味加椰汁再加微辣，互相影響，令口腔內有驚喜，更加有層次（泰式炒椰菜苗)我至愛，新鲜爽口，脆口吾諗，味道吾太咸，令你一口接一口（串燒牛肉)肉味濃，吾乾好juicy，再加上花生味濃的沙爹酱，不可缺少的，整體環境加食物有8分。

看完電影後在尖沙咀一直走，看到好像有間泰國餐廳開業不久，便去試試看。餐廳有露台用餐區，環境開揚，欣賞到九龍公園的園景。飲品點了Blue Hawaii，是由Rum, Blue Curacao, Coconut Cream, Pineapple Juice, Syrup打成。酸辣海鮮湯用熱窩呈的酸辣海鮮湯上用料充足，內有兩隻大頭蝦、魷魚、草菇、香茅、芫茜等，每人兩碗，跟冬陰功比就是沒有椰香味，但也幾開胃的，不過辣度也幾高，不愛吃辣的朋友要留意。泰式炒椰菜苗用了蒜頭、辣椒和豆板醬去煮，沒有油膩感，椰菜苗也很爽脆。泰式蝦醬炒飯炒飯中充滿著蝦醬的香氣，味道香濃，炒飯又夠乾身，可惜材料不多，只有肉鬆及蛋絲，都沒有其他材料。其實整體食物質數都不算太差，但就是不合我心意。自己選的話，就算是味道不好我也心甘命抵。心甘命抵 容祖兒你最初答應過我什麼　我最終錯過了什麼不見得　曾討好過我　起碼也要憎恨我你至少怪責我什麼　才清楚你當我什麼紀念留到夠多　才能甘心將錯就錯眼淚還有很多　何必要急於背叛我

朋友好鐘意食泰國菜，話最近發現有間泰國菜係尖沙咀，環境好正，好想去試下，而我又得閒，就陪佢去啦！間泰國餐廳係樓上舖，對面就係九龍公園，仲有得坐㚈邊，好舒服，不過今日天氣好凍，所以我地都揀左坐裏面。先叫杯青檸梳打，我同朋友都超愛嘅飲品，清甜又有青檸嘅酸酸地，好好飲。皮蛋蝦餅，第一次食，蝦餅包住皮蛋一齊炸，口感好特別，蝦肉彈牙，皮蛋炸左後，變得好實，點埋泰式甜酸醬一齊食，咬一啖味道好複雜，感覺好新鮮。串燒沙嗲雞同豬，雞肉燒得好淋唔靭，而豬肉串燒有口感，都好有肉味，沙嗲醬有少少辣，好多花生粒，好香。最後叫左蒜蓉包，蒜蓉太少好淡，吾夠香脆。其實有d野我同朋友都想叫，不過今日唔係好肚餓，所以無叫，唯有等下次再食過。

在綱上看見尖沙嘴海防道上有一間泰國菜的環境好好，所以booking左去試下。8點到左餐廳門口，差吾多都坐滿了，慶幸訂左台吾使等。餐廳在4樓，對面是九龍公園，所以望出去好舒服，但記得訂位時可以要求坐出邊，感覺更加好。泰斗清新特飲很特別的一款飲品，一定要搞勻先飲，飲落有好濃鬱的柚子香，酸酸甜甜好清新，當中仲有的冰糖粒好得意。椰汁雞湯白色的湯有好濃鬱的椰香味，湯加左香料所以飲落好香，但又酸酸辣辣好開胃。木瓜蝦沙律很清新的一個沙律，的蝦肉好鮮甜彈牙，加上的青木瓜絲同腰果，爽口香脆，不過吾食得辣野可以要求改小辣。咖哩南瓜盅咖哩好濃，加入椰汁返而辣味吾多，香味就充滿整個口腔，南瓜盅材料好豐富有蝦、魷魚、青口、洋蔥、薯仔、所有材料好新鮮所以湯鮮甜又香。蒜茸包比一般的蒜茸包厚，沾上咖哩汁咬落松軟，的蒜茸牛油的香味滲透出來好好味椰汁西米糕最鐘意既甜品之一，香甜的椰汁加上西米的咬口，口感豐富，吾太甜，好食。