泰廚泰國菜館

營業中

休息中

價錢適中茶記之泰國菜雖然佢冇華麗的裝修但係 價廉物美仲要食滿200蚊就可以用一蚊換特選產品叫咗泰式生蝦咖哩蝦 豬頸肉湯河 菠蘿炒飯椰汁西米糕冬陰功湯馬拉盞炒通菜小食拼盤樣樣都不錯以咁嘅價錢嚟講值得回頭

個人十分中意食泰菜，，特別係注重味覺上的沖激，所以經常同朋友一起試食唔同既泰菜，呢間就算推介其中1間不錯的，味道十分夠，通菜好食，，個蝦夠鮮，波羅炒飯都足料又唔會太林，我幾中意～～唔錯唔錯～～

平日夜晚經過呢間泰廚實係排晒長龍！今日lunch 經過，見佢唔洗排隊，我決定去試下！有幾個lunch set，份份都唔算貴，望見餐牌樣樣都好想試，揀唔到😂我問下侍應推薦邊樣最好食最多人食，佢話泰式手撕雞配油雞啦，所以我最後就決定食呢個。極快手，一叫就到咁制，份量都佢好似海南雞飯咁都有配個醬，同普通手撕雞唔一樣。雞都算係ok 滑既，個飯唔會特別油，個醬先係精髓👍🏻每一啖，我都沾滿滿既醬汁咁食另外個餐仲包埋香茅冰或者表檸冰tim ar! Overall 係幾抵食既👍🏻

旺角Decathlon 新開幕, 今日帶埋阿女去旺角睇下玩下。 表姐話想食泰國菜，上網睇見到呢間好評如潮， 價錢又實惠，就一於去試下啦。我地被安排坐樓上，都幾好，寧願啲~午市餐牌好抵食，$40~47有泰菜有飲品主餐牌 表姐突然好想食大頭蝦，店員介紹佢地咖哩大頭蝦唔辣又好味，即刻叫返個先~泰式咖哩大頭蝦 $185 - 一上枱好大碟， 顏色鮮豔奪目好吸引，一碟有4大隻大頭蝦~ 睇下隻蝦，隻隻都好大隻~個汁先正，真係一啲都唔辣，但好惹味。我地特登叫左蒜蓉包同薄餅點黎食~ 食到底，原來仲配埋麵喺底， 個面吸曬咖哩汁同蝦嘅精華，入晒味，食到唔停口~泰式小食拼盤 $75 - 有蝦餅，春卷，泰式魚餅， 蝦片， 泰式串燒，款式都幾多。 炸墨炸得夠香口， 質素唔錯~泰式手撕雞配油飯$40 - 手撕雞食落幾嫩滑，又無骨，啱曬我啲小朋友食~泰式炒金邊粉 $47 - 酸酸甜甜，加埋花生碎， 幾開胃青檸冰，香茅冰 - 喺呢個炎熱嘅夏天，飲下呢兩杯冰簡直係透心涼， 仲要係套餐包埋，抵! 最後整番個椰青，椰肉嫩滑，正!

終於都等到細妹放假，日日番工真係人都癲。話說之前佢係旺角食過一間好出名既泰國菜 - 泰廚，一直都念念不忘。適逢佢今日放假，我地就決定一齊去食番餐好好relax下。尤其今日真係好熱好焗，食泰國菜相對清爽d，個人無咁大負擔。老實說，我個人係超級喜歡泰國菜，香辣香口酸甜，再加上唔同類型既香料，已經將唔同類型既食材提升到另一個層次。當我到達泰廚時，已經被門口既串燒所吸引，店員將雞肉燒成金黃色，好香好引人犯罪。甫入店，店員亦馬上安排座位，非常有效率。基於我地係抱住豁出去既心情黎食野減壓，所以我地就叫咗好多我地平時lunch係比較少食既野，例如炸蝦餅同大頭蝦冬蔭功等等。首先上菜的是豬頸肉撈檬，金黃色的炸蒜片散發著誘人的香味，輕輕一撥，微微燒焦的豬頸肉亦已躺在芽菜青瓜絲生菜上。加入特製的魚露，輕拌至將所有食材和味道完全融合。豬頸肉很香和爽口，味道不會過鹹，剛剛好。再配以檬粉和蔬菜進食，非常解暑。值得一讚是，所有蔬菜都非常夠凍十分清爽，加分。泰廚既上菜速度好快，轉眼間大部份食物已經全部上齊。海南雞飯很高水準，妹妹亦特別鍾愛呢個飯。好好彩，雞肉很嫩滑，雞皮部分亦不會很膩。沾上特製泰式醬汁，非常美味。而雞

是日與男朋友打完拳,我們二人都相當餓,相約爸媽於附近晚餐,這間評價不差,便選擇一試餐廳有很多優惠,如惠顧滿$200可+$1點指定菜式；每日亦有特價優惠菜。我們點了金邊粉,泰式拼盤,炒雜菜,以及是日特價咖哩大蝦,總價超過$400,所以以$1換購了生蝦和木瓜絲沙律,另外點了3杯飲品,埋單不用$500堅抵😆😆拼盤以煎炸食物為主,我個人不太喜樂煎炸食物,但串燒和花生醬相當好食,嚐了件蝦餅,足料又彈牙特價的咖哩大蝦絕不欺場,4大隻蝦以及洋蔥青椒薯仔的配菜,一上桌陣陣咖哩香,多叫了個蒜蓉飽點汁食金邊粉炒得不會過淋身,味道調得剛剛好,不過酸過甜（只是顏色有點過橙😅）這間餐廳除了環境稍迫,食物質可以,且上菜相當快,限時90分鐘,吃飽就離開了

今日約了我的親愛的去食晚飯🍚🍚 今晚食泰國菜🙏🏻 因爲得2個女仔👭 所以只點左3️⃣樣-1️⃣) 泰式炸蝦餅🍤咬落去感覺好扎實🤤🤤🤤 外皮香脆 咬落去唔會散又唔成口粉 👍🏻-2️⃣) 🔥串燒沙爹🍢沙爹汁真係有啲辣🌶(不過可能係我本身對🌶既承受能力較低😂) 但真心好香👃🏻 聞到真係會流曬口水🤤🤤 肉又唔韌 推薦👍🏻👍🏻👍🏻-3️⃣) 泰式炒金邊粉🔥味道偏酸，蕃茄汁味較重🍅，但配料較為單薄，所以只係不過不失🙂🙂-價錢公道，質素合水準，值得再試🤓🤓🤓🤓

如果要我選擇我最喜愛國家料理的頭三位，除了中、日料理，我想就是泰式了，全因我是個「重口味」的吃貨。這天適逢要去旺角「寵物街」買東西，路過這間「泰廚泰國菜館」發現排隊人數眾多，相信一定不俗，故決定在這裡解決晚餐。雖然門外排隊人數眾多，但因為我和男友只有兩個人，所以也不用等太久。但夜晚九點鐘，早就過了尋常飯點，這裡依然這麼多人，實在厲害。打開餐牌，發現每樣食物的價格並不高昂，而且有眾多優惠。比如惠顧滿$200就可以一元選擇泰式沙律/小食一份，喜歡海鮮的我當然要了泰式生蝦刺身。如果大家在宵夜時段十點之後來，還可用優惠價選擇每日精選的料理。首先上的是生蝦刺身，蝦被剖開放置在冰上，蝦肉上放置了蒜片和辣椒圈點綴。蝦肉晶瑩剔透，夾起一隻蝦和蒜片，蘸上特調的醬料，酸咪咪的醬汁特別襯托出蝦肉的鮮甜 肉碎生菜包（豬）是我每次吃泰國菜都必點的一道料理。肉碎混合香葉、紫洋蔥一起炒出香味，就這樣單吃會覺得有點辣。所以一定要包生菜以中和辣味，而這裡的肉碎份量足以包到約6-7份生菜包，$72的價格也不貴。如果吃到最後發現生菜包完，肉碎就這樣撈飯都很惹味。原本是想叫炒通菜的，但是見到椰菜苗我就十分新鮮，因為街市很少會

與友人於旺角逛完街有點餓，便一同到位於通菜街的泰廚。由於非常餓，所以便叫了很多道菜。第一道上的菜就是係叫夠200元就可以加一元換購的生蝦。蝦肉非常新鮮，很有鮮味。而之後上菜是馬拉盞炒通菜。這碟菜非常香不在話下，而且辣度適中，不會太鹹，而口感更是一流，有點脆，通菜亦漫沒有太老。之後上的便是泰色金邊粉。金邊粉雖然可以在很多地方都能找到，食到，但煮得好，有質素的卻不多。泰廚的金邊粉不會太乾亦不會太軟，口感一流。而且還有好多配料，蝦，花生，牙菜，雞肉等等不能盡錄。再之後來的便是蝦餅。在泰廚的蝦餅除了外脆內軟，還非常熱，可見應是即叫即炸，誠意十足。總括而言，泰廚的泰國菜十分有水準，而且上菜快，服務有禮。而我和友人亦帶著空空的肚來，懷著滿肚的食物和滿足感而去。

今天終於肯在放假去旺角修剪一下頭上的雜草，剪完頭髮後約了姐姐去金魚街看一下寵物用品，買東西給她新領養的小貓咪。在逛街的時候不停給串燒的味道吸引，只好乖乖就範吧。晚飯時段都有滿多的人等位，一邊等位一邊看外面的姨姨不斷烤串燒，好像以前玩online game一樣，好香丫一進去，看到菜單真是眼花撩亂。也太多選擇了吧？滿$200還可以用$1換以上食品，二話不說當然叫生蝦丫！上菜速度非常快，但店員還是有禮貌的說出菜名確定是我們才放下，這點是非常好的生蝦非常新鮮，配生蒜和醬汁，絕配蝦餅非常彈牙，不會只是粉漿，有蝦的鮮味串燒我叫了豬肉。看上去以為會很硬，怎知一咬即斷，非常軟Q，只能說姨姨經驗夠，豬肉是烤到剛熟而已。生菜包的肉碎很香，香料下得很足，而且酸度剛好。生菜片也不會太大塊，包好吃起來不會太狼狽。椰汁冰簡直就是我這輩子喝過最好喝的椰汁冰！非常濃郁，滑口，椰香味很重。而且喝到最後就算冰塊溶了也不會變淡，非常好喝。這間店也有很多朋友聚餐慶祝生日，就算在等位的客人要求先幫忙冰蛋糕，他們都很樂意幫忙。而且吃了這麽多才這個價錢，下個月閏蜜生日，也約這間好了。

暑假到了 有個朋友係美國番黎 又想食泰國菜 所以我就帶距黎左呢間我成日幫襯既泰廚泰國菜館呢間泰國菜係正旺角站A出口橋底 好方便 而且價錢大眾化 選擇又多 最重要係好味道！入到餐廳 一開始以為好細 其實距樓上仲有一層 每次食都好多人 人頭湧湧我地分別叫左4個菜 古法烤槽魚濕炒河青咖喱木瓜沙律菠蘿冰頭盤當然係木瓜沙律然後係青咖喱 未上菜已經聞到好濃郁既青咖喱味 唔會太辣 好野味 而且配料豐富 有青口 蝦球 魷魚 一試難忘接住係濕炒河很夠鍋氣 河粉不過一patpat 而且肉汁鮮甜 好好味槽魚 因為要烤 所以係最後上 上檯後很驚喜 有很香既烤魚味 再配上小小既辣汁 令魚肉更美味

媽媽好耐無食泰國菜了，所以今次帶佢黎食，滿足下異國風情。椰青 $38好新鮮，大大個，炎熱嘅夏天黎一個椰青，爽呀～泰式海南雞半隻 $95好掛住泰國嘅海南雞啊～因為總覺係香港食親都麻麻地，但估唔到呢間店嘅海南雞可以做到咁滑，而且味道不俗，加埋自製嘅酸辣汁，加分。泰式小食拼盤 $75叫咗個細嘅小食拼盤，呢個份量只係$75，泰國菜來講都算幾抵食。🍴蝦片新鮮炸好，夠晒脆，當零食都唔錯。🍴串燒肉質過熟咗啲，但表面嘅沙嗲醬真係好好味。🍴蝦餅外酥脆，內彈牙。🍴春卷有豐富嘅蔬菜，幾好食。🍴魚餅充滿香茅味，整體所有媽媽都幾滿意。泰式炒金邊粉 $47 每次食親泰國菜必點嘅一味，鍾意佢酸酸地夠晒開胃。🍴+$5 紅豆冰同平時飲開嘅紅豆冰完全唔同，超級多嘅紅豆，加上超濃既椰汁，與眾不同，唯一不足只係紅豆甜左d。椰汁榚 $35好想食甜品呀！所以叫咗個椰汁糕，表面上有超濃郁嘅椰漿，底層係西米同粟米，口感豐富，同平時食開嘅椰汁糕完全唔同口感、味道。但真心覺得幾好食。招呼我哋嘅係一位中年男職員，有禮貌，服務細心，值得一讚。整體味道不俗，而且唔需要加一，滿足的lunch time ~

與友人在旺角, 經過這間泰國餐廳, 所以決定來試試。我們先點了串燒沙爹豬和串燒沙爹雞。等了一陣就來了,沙爹豬和沙爹雞各有兩串。沙爹汁鋪滿在串燒上, 肉質燒得剛剛好, 沙爹味十分香濃。我們又點了肉碎生菜包。肉碎有很多, 而且有點辣辣的, 十分開胃。用生茶包住肉碎一起吃, 更加滋味。我們再點了一個泰式炒金邊粉。金邊粉色澤橙紅, 炒得十分香。將花生碎加在金邊粉上, 再點些檸檬汁, 味道更可口。最後我們再點了黃咖哩雞。咖哩味很香濃, 可惜我們已經太飽, 不然再order一碗飯加點黃咖哩汁, 更為滋味。

朋友食泰菜必帶我去泰廚泰國菜館，交通放便之餘，味道確實正宗。旺角港鐵站B3出口，直上天橋，走到通菜街（北）出口，一下電梯就是。我這個路痴都一找就到。一到埗，即大吃一驚，滿滿是人在等坐。好在朋友知路，一早訂了位，就可以免等了。冬蔭明爐烏頭這是我朋友必吃之選，烏頭非常新鮮，肉質鮮嫩，沾上魚尾上的甜酸辣醬，烏頭滋味頓時變得不同，非常醒胃可口。就是配菜西芹，肉碎，椰菜，蕃茄都絕不放過。因為在眾多香料的冬陰公湯內，配菜都口口是冬陰公風味。附上的一碗濃濃冬陰公湯，可以邊吃邊自行加上。加剩下的湯，朋友更不忍浪費美食，就把半碗湯喝光呢。泰式炒通菜我以為泰式通菜就一定是馬拉盞通菜，原來是有分別的。有淡淡的馬拉盞香味，但又不會太多，配以泰式香料醬汁，炒得既香，又野味。一吃，就覺得比馬拉盞通菜更好吃。菠蘿炒飯到泰國餐廳食菠蘿炒飯是正常的吧！炒飯中的新鮮菠蘿甚多，幾乎每口都可以吃到。飯粒炒得爽口彈牙，一點都不油膩。泰式青檸冰夏天配上一杯涼透心的凍飲，才吃得爽快。這杯泰式青檸冰，又酸又凍，淡淡的青檸清新，就是夏天的味道。

去旺角行下街，就去一間泰國餐廳食飯先~~第一次見到泰國餐廳有早餐食，影低佢下次試吓先😁😁🤤🤤椰青夠凍😋叫左一碟豬頸肉，個重點係佢所配制嘅汁🙀辣辣地甜甜地，配合豬頸肉真係成碟都食得晒呢個酸辣鳳爪都非常足料， 夾極都有😂😂👏🏻👏🏻