泰廚泰國菜館

營業中

休息中

今日約左個朋友出旺角食晏，佢對食無咩意見，於是我就決定帶佢去「泰廚」食泰菜😎😎地點方便就腳，東鐵或地鐵都好容易黎到！價錢比起出面泰菜餐廳算很經濟實惠了午市有套餐連飲品普遍$50有找重有湯附送～雖然味精，但幾好飲菠蘿雞絲炒飯$47炒飯好味乾濕適中，足料，夠味炒式炒金邊粉$47味道帶甜，有鑊氣拼盤小食$85有蝦片、雞串、春卷、蝦餅、魚餅蝦片有驚喜，雞串夠juicy唔乾椰汁糕$35西米夠軟熟唔硬，味道唔錯，椰汁味再重d會更好好豐富既午餐$250有找，非常抵食！

今日在旺角行街，被一陣串燒的香氣味引過去，原來是金魚街的泰厨泰國菜館。未到食飯時間，餐廳已經坐滿人，我和友人行街都行到累，決定入去開餐。門口有即烤串燒，香氣十足。菜館是閑適的街坊格局。而且不同日子有各種優惠，很抵食。差不多每枱都會叫一碟泰式菠蘿🍍炒飯，炒飯乾身惹味，配料也很多。而青木瓜沙律較辣，唔得辣的朋友要量力而為。串燒叫了豬肉和雞肉，豬肉和雞肉燒得外脆內軟，串燒汁甜甜地，好開胃。咖哩海鮮的咖喱不太辣，椰香重，海鮮有青口，蝦🦐等，還有一些薯仔和青椒等，味道不俗。馬拉盞通菜夠鑊氣，不會太油，送飯一流。這間泰國菜館性價比不俗，難怪長期大班客人支持。

食滿$200就可以$1加一份生蝦（4隻）基本上食親泰國野都一定過$200，所以一定有呢個優惠二人同行，點左 $1 生蝦 再追加 一份正價生蝦菠蘿炒飯，馬拉盞炒通菜，青咖喱雞，青檸梳打最好味係個生蝦！忍唔住追加左，再來必定再食馬拉盞炒通菜都抵讚，因為其他店一般做得偏咸，呢個整得岩岩好青咖喱個甜度我都中意，不過友人就唔喜愛太甜既咖喱，視乎個人口味啦青檸梳打係咸檸底，有誠意見每一枱都叫，我地又叫的菠蘿炒飯最普通總結必定再食！

行左成日金魚街，都是時候食個晚餐了，呢條街近年越開越多連鎖茶餐廳，食嘅嘢其實都差不多，見街頭呢間泰國餐廳門口都幾多人，天氣稍涼，令我不禁唾涎熱辣辣的泰式冬蔭功的滋味，一於攞飛等位啦。其間見到門口阿姐忙過不停在制作串燒，陣陣香味似乎已經是最佳的生招牌了，也正好利用這些時間看看要試那種串燒和門口貼着的餐單，選擇都幾多，菜式的味道賣相同質素都幾好，除了每日指定菜式有優惠外，消費滿二百重可以加一元選一個小食或甜品，夠晒喎心。燒和牛串，雞肉，豬肉。燒豬頸肉難怪門口阿姐忙過不停地燒，這些串燒幾乎是必食的招牌菜了，燒出來的肉串不但保留了肉汁，淋上的燒烤沙爹醬也增加了味道的層次及享受。豬頸肉也很大塊呢。泰式鹽燒黑鰂蓋開滿布粗鹽及乾瀝的魚皮，正擔心裏面的魚肉會否太乾，食落卻是濕潤滑溜的魚肉，鹽燒的咸味也提升了魚的鮮甜。冬蔭大頭蝦湯期待的冬蔭公湯终沒令我失望，大頭蝦也增加了視覺的刺激，酸酸甜甜與香茅的配搭洽到好處，越喝越開胃。馬拉盞炒通菜菜嫩夠镬氣，少少辣。泰式椰汁糕近乎是送的甜品也正好為剛吃完的酸辣小菜平衡一下，此時吃西米露椰汁同粟米份外香甜。

nice waiters and waitressesgreat foodreasonable prices comparing to those in Kowloon cityconvenience locationand the food is definitely yummy, i have been there for a few times, strongly recommend the 'seafood Dong Yum'the salads there are really good too

呢間位於旺角既泰國菜，價錢貼地，全日不收加一。上菜速度好快，不過冷氣開超大的，坐一陣就覺得好凍🙈泰式海南雞半隻 $95 半隻已經好大碟😳 相當足料👍🏼 雞肉非常嫩滑，個醬汁好好味，不過呢個海南雞唔係正宗既味道🤔椒鹽鮮蝦球 $85 蝦球好大粒，好爽口! 味道幾正，椒鹽都幾上味，性價比高👍🏼史橋鏡咖喱 $80 可以選擇豬肉、雞肉、牛肉同雜菜，我揀左牛肉。呢個應該係青咖哩😂 椰香濃郁，味道調得剛好，加個飯食一流，不過牛肉唔夠腍，可能揀雞肉會好d.泰式椰青 $38 幾清甜，食泰國菜必點椰青！價錢間間都係差吾多。

同朋友經過好多次，每次都覺門口既即燒串燒檔吸引，好多次見到都排隊要等位，今日同男朋友早收就決定一於一試！6點半去到好好彩未多人好快有位入得，門口個姐姐仍然做招牌係門口好努力咁燒緊串燒🍢🍢泰式酸辣鳳爪沙律$80望落好多辣椒嚇親😂食落酸同辣啱啱好 d配菜洋蔥都食啱泰式炒通菜$67泰國炒咩菜都好食，呢個個汁好有味，唔會太咸，加埋有少少辣好開胃，我地好快就清左呢碟餸😂沙嗲串燒$12/串尼到緊係要叫下招牌串燒，叫左兩串雞、兩串豬，真係冇令我地失望，好難得依家仲食到即叫即燒既串燒🍢，拎出熱辣辣，加埋個好重花生味既沙嗲汁好夾好正！史両鏡咖喱$80薄餅$30個名好得意，史両鏡咖喱原來即係黃咖哩，佢餸有豬/牛/雞/雜菜揀，個汁甜甜地好惹味我忍唔住叫返個薄餅，唔好嘥個咖喱汁🤤成餐飯都好惹味食得好滿足，上菜速度又快又熱辣辣👍🏻相信我好快又會忍唔住再尼encore🤤

每次去旺角食飯，第一時間一定會諗到平靚正的泰廚。有個朋友聽咗我講好多次，今日終於有機會同佢食呢間啦～必食！燒豬頸肉（＄70）份量中等，賣相吸引，燒完嘅肉質仲好嫩滑，唔會好乾口👍🏻外皮脆，肉質嫩，雙重享受～醬汁酸酸地、辣辣地好開胃😋蝦膏炒飯（＄65）第一次試，有點失望，無咩蝦膏味😣可能因為太多飯啦，都係有好處嘅😂～平時食炒金邊粉個啲就幾好火喉，夠惹味。蒸蓉炒通菜（＄67）大大碟，莖好爽口，葉好嫩！味道啱啱好，好重蒜蓉味，勁香，不過就好似落多咗少少油啦🙈每次覺得最抵就係食滿＄200可以加＄1換一款食物！今次揀咗生蝦，下面有冰底keep住凍，蝦肉幾爽口，個汁辣辣地好正😍

泰式濕炒河 （牛）乾炒牛河就食得多，濕炒嘅就比較少食。原來都幾特別喎。酸酸地辣辣地，幾開胃！而且啲粉唔會碎濕濕，幾好味。而且店員好好，我哋原先點嘅係牛，食食吓先發覺點解嚟咗計，同左店員講佢都會同我地轉返，好好嘅服務精神。海南雞飯泰式嘅海南雞飯第一次食，不過味道都唔錯。好香嘅油飯未，一粒粒飯香甜鬆軟，雞肉又夠嫩滑，配埋秘製醬汁，好好味。串燒串燒係每次黎到都必點嘅。但係今日黎到, 先知原來要要三點後先有串燒, 可能姐姐仲未返工開檔，咁我哋唯有食咗海南雞同埋炒河先，再等姐姐返工。呢度嘅串燒真係冇得頂，獨特嘅沙嗲汁，香而不辣，帶出咗串燒嘅美味。就算唔係堂食, 行過都要買返幾串食先得^^

今日特燈同朋友去食好中意食既泰國菜!係旺角見到呢間都好多人排隊, 就入去試下!一入到去,入面有兩層,都算大!而且客人都算坐得舒服!坐低,緊係即刻落單先啦,見到好多野咩都想食,而且價錢一D都唔貴!D野大份,而且好味!下次一定會再黎食!

今日同朋友去開旺角，突然想食泰國菜，就係街到見到呢間餐廳，見到門口仲有燒烤檔，好吸引咁，就去試下啦！兩個人，但叫左好多野食，咩都想食，點知食物黎到後，每樣份量都十足！而且食左咁多野，埋單都只係３百幾蚊，真係好抵！餐廳有兩層，唔算好大，但空間尚算寬敞，坐得都算ＯＫ舒服！而且上菜好快，基本上個到落單，轉頭就送到！總括黎講，係性價比好高既一間餐廳！

放假就係會瞓到黃朝百晏 起身嘅時候已經錯過咗早餐同午餐 一於嘆番個下午茶 食飽飽 慢慢再行街shopping餐廳下午茶有多種選擇 除咗湯河之外 其實仲有麵或者飯類泰式牛丸湯河 大大玩28蚊咋 仲宋青檸冰 真係抵到爛 仲要勁好味囉湯底夠清 但卻非常濃味 有四粒大大粒嘅牛丸 爽口彈牙 河粉幼細 夾落唔易散蘿蔔清甜無渣 夠曬林 又夠入味冰凍嘅青檸冰 酸甜度適中 非常解渴另外叫了海南雞半隻$95 和男朋友分享 雞肉嫩滑唔鞋口 肥瘦度適中 雞皮爽彈 配合自家製泰式醬汁 非常惹味另外單點了碗雞油飯$12 雞油味好香 仲帶點椰香味 食落完全唔油膩菠蘿海鮮蝦球$85靈魂在於個鮮菠蘿汁 酸酸甜甜 味道同食緊原個菠蘿係冇分別嘅 超新鮮嘅菠蘿汁配埋炸過嘅蝦球同蝦片 極度開胃 非常清新冬陰功大頭蝦湯$75原隻大頭蝦 超級巨型 味道酸辣正宗 加上大頭蝦一齊烹調 鮮味十足入面有大量泰式香料 味道濃郁 非常過癮仲有一啲泰國特式醬汁可以畀你自由配搭餐廳無論 服務 食物質素 本人都覺得非常好而且價錢優惠大眾化 下次一定會再幫襯

This is my first time to be here as my friend who loves Thai food a lot so she suggests to have gathering dinner here. The location of restaurant is easy to find as it is on the famous street and it is near the bridge which is also easy to locate. When we got to the restaurant, there were lots of ppl to wait outside and we were lucky to get the seats of two as we chose to share table with others. Then we started to think abt what to have, both of us were attracted by the raw shrimp sashimi which

之前去泰廚泰國菜館，試過佢哋啲串燒好好食，咁啱約咗朋友喺旺角食飯，所以決定再同朋友嚟食。 我哋九點鐘去到，等左大約5分鐘就有位。係等緊入去嘅時間，見到店員喺度製作串燒，串燒嘅香味已經好吸引。之前黎坐樓下，今次上到二樓發現座位都唔少。只要食夠＄200，就可以用$1選一款。我地點左泰式生蝦，生蝦鮮甜彈牙，點埋醬汁鮮味更突出。食泰國菜必點嘅泰式肉碎生菜包，肉碎好乾身仲有啲辣，包住新鮮嘅生菜食非常野味。朋友想食返個菜所以就點左個馬拉盞炒芥蘭，芥蘭好嫩爽爽地好有咬口，配合好香嘅馬拉盞味道一流。頭先喺門口聞到啲串燒咁吸引，梗係要點番啲嚟食啦，和牛好林，個醬汁令到牛肉味更突出，加埋青椒同洋蔥一齊食好有口感。重點左雞翼同豬串燒，串燒燒得剛剛好，雞皮燒得好香脆，配上泰式醬汁絕對係我嘅至愛。飲品點左下咸檸梳打同咸檸七，入面加左新鮮嘅青檸汁，配合梳打水同七喜，好好飲。

難得又到週末假期，梗係搭車又黎到旺角搵下好野食，朋友話旺角道有間好多人食既泰國餐廳，就一於黎試下。2點左右黎到，星期六既中午都幾多人，我地唯有上咗去二樓坐。由於十分肚餓，我地叫咗都幾勁多野食首先黎咗椰青，又大又清甜，入面啲肉都好滑，凍凍地飲好涼快通常我地食泰國菜都必叫既香茅辣椒肉碎生菜包，本身想叫小辣就ok, 侍應話返俾我地聽如果小辣就好淡味，所以我地都係叫返原味，又唔算好辣wor,可以接受今日既主菜就係呢碟咖哩炒大蝦，好鐘意佢個咖哩醬係落埋好多蛋白煮，好滑，用黎點薄餅最好，撈白飯都得，蝦肉咬落都結實。埋單360蚊，每人都係二百蚊唔使呀。