泉章居 (已結業)

前幾日同朋友以及老外一齊去食晚飯。我地叫左個牛肉、芋鴨同唔知有冇孔雀石綠既菜遠炒魚片。個羹太大碗啦,食唔晒。個芋鴨整得幾好味,但係d鴨就少左d。個魚片既獻太杰,好似鼻涕。碗飯就太硬,但係佢d香片茶認真勁.我地一路吹水一路飲茶到佢收舖,所以都飲左唔少.我地第一次飲茶飲到失眠,而且第二朝仲好精神,證明真係好勁.

正呀！！！同學聚會＋慶祝我生日，很高興的日子～十幾人的晚飯，嚐到很多味菜啊！！！！！冬瓜盅－勁ｇｏｏｄ！清甜，足料，正宗！梅菜扣肉－五花腩呀！不過當然不是每一件也是肥瘦相間的好肉。入味，不膩，很愛肥肉ｎｉｍ口的感覺！芋蓉香酥鴨－炸o野！至愛！很香口呀～不過炸了的鴨沒有什麼鴨味．．．貴妃雞－每檯指定菜～肉質軟滑，ｏｋａｙ有雞味！ｎｉｃｅ*還有其他的不過記不起～ｋａｋａ同場加映上次跟家人吃的送吧！炸大腸－熱氣之算，不是十分好。個人比較喜歡「老」水大腸～粟米班塊－好！好！魚塊炸得香脆，汁濃稠度剛剛好，不會ｎｉｍ住魚塊，但又不是水汪汪。上檯時熱辣辣香噴噴好開心～不得不提的是糖水！是木瓜雪耳！清甜～雪耳很林，有誠意的糖水～服務當然不會是很周到的了，但以中下的價錢來說算不錯。環境，ｇｄ啦！裝修很光鮮了很多，但是．．．已遭人收購了．．．Ｔ－Ｔ錢真的這麼重要嗎？

星期五晚一家人提早食中秋節飯,家姐提意來泉章居,本人未食過就一於試試.未到六點半已有人等位,幸好家姐們一早來到,夠半數就可以入坐.安排我們坐在窗邊位,都算是不錯.不過坐位擺放得幾密.叫了個四人餐加冬瓜盅.先來冬瓜盅--不錯,清清地又足料,每人至小兩碗都有剩霸黃雞---雖說只得半隻,但份量不小,雞肉嫩,味道相當不錯菠蘿咕嚕肉---皮夠脆,酸甜味適中,第一二舊幾好,之後覺得咕嚕肉只得脆不夠肉炸蝦球---最遲來的一味,賣相很靚,味道不俗,蝦球亦彈牙雖然只是數碟小菜,但四個人食到飽飽,價錢合理,是一間不錯的小菜酒家

今個月頭(1/9)，同成班舊同學嚟呢度食晚飯，幾日前已經訂定枱，一行十三人，不過清一色女士。今次係佢裝修後第一次幫襯，比起以前真係企理好多，而且今次俾咗張枱喺卡位果邊嘅凹位，自成一角…我地叫咗個別$1,180餐食，其中有金牌鹽焗雞，又有一條大班，份量足–13人都好夠食，又包晒茶芥，都好抵食。食物水準都唔錯，唯一係隻金牌鹽焗雞有啲靭，不過味道好(印象中，霸王雞,好食啲)，而個炒飯就炒得好出色。走時先見到間鋪地下有養錦鯉，又大又靚…P.S. 呢度話會做到年尾咋

少有午飯時間想食梅菜扣肉,在銅鑼灣就一定去泉章居拉.換了新菜單,二人餐$88,包2個餸.選了相中的百花玉環,仲有唔少得的梅菜扣肉. 小菜唔錯,大件夾抵食,2個人真係食唔晒.

表姐請客, 叫左一個四人餐, 六人餐+ 碟菜……食左….霸王雞-à 超級好食, 好滑, 不鞋, 沒有雪味, 一定要食.士多啤利肉排, 炸大腸, 茄子魚, 蒸魚, , 蛙蛙菜, 大蝦咩咩--- > 都係一樣咁好食.仲有幾個, 唔記得叫咩名. 味道都唔錯的.套餐價錢同出面d 酒樓差不多, 呢間值得一試, 因為真係好食. GOOD~~

早前同男朋友慶祝生日,就同埋佢屋企人嚟呢度食,都等了差不多大半個鐘才有位,點了一個set,叫左蟹肉冬蓉羹,霸王雞,士多啤梨骨,蒸魚,蒸帶子同埋一個類似用芝士煮0既翠玉瓜,再叫左兩碗米線,其實味道我覺得冇乜特別,就算係霸王雞都係好一般,不過始終都叫試過咁la

(28/8/05)玩樂完出番市區吃晚飯, 都九點幾了。男友提議去泉章居, 慶幸唔洗等位。裝修後都未去過, 現在感覺舒服好多, 仲有卡位添!沙律燒銀鱈魚─味道唔似銀鱈魚, 因為完全無銀鱈魚o個種香味。勝在魚肉滑啫。得兩片要$70太貴吧!油菜─菜芯, 煮老左D, 但無乜菜根。豉油幾好味。重點想講個白粥, 同個魚湯米線。白粥唔"確"喉, 又有瑤柱, 係唔夠熱扣左D分。魚湯米線個湯幾得, 有點住家feel, 米線亦入味! 所以除左叫白飯, 以上兩樣都選擇得過。

一行四人行完美食展，順便坐車黎泉章居食晚飯!因為六點鬆d就到，所以唔駛等位!叫左個四人套餐，例湯改左要加30蚊的冬瓜盅冬瓜盅:唔錯,都算叫做足料!都幾大個鹽焗雞:幾好，雞肉都算幾滑!娃娃菜:如果佢可以將d菜一開三會方便食，因為棵菜都 幾大生炒骨:覺得呢個最好味!首先佢d生炒骨唔會幾舊"痴"埋 一齊，另外每舊生炒骨都卜卜脆，唔淋，正!

梅菜扣肉和雞都好好食，不過等好耐位，而價錢仲唔貴tim

一行十四人,晚飯,約叫了14款菜,印象深刻的有(按排名):1. 燒雞肝2. 梅菜扣肉3. 霸王雞物有所值.

同老死好耐無見, 兩個女仔破天荒去食中餐, 好彩早到叫到冬瓜盅, 因為真係唔錯. 仲有士多啤莉焗肉排, 個味教得剛剛好, 好過食咕嚕肉個的. 加埋個霸王雞, 又係好好食, 夠味夠滑. 呢餐食舷我地好開心, 好滿足. 點解佢地要唔做呢~~~

食完tea buffet, 再行完書展, 忽然間提起這裡的霸王雞, 結果.....心血來潮又來晚飯~點了蟹肉冬蓉羹, 霸王雞及清蒸節瓜帶子(又忘了名稱), 湯羹配搭不錯, 清清地, 最適合夏天飲, 不過好多蟹殼同骨.....平時我很少食切雞類的物體, 唯獨是這裡的霸王雞, 雞肉嫩滑, 味道一流~ 再清清地來一個節瓜蒸帶子, 驅走下午tea buffet的甜~ 不過今日好像食多了...

約左幾位朋友有野傾，對新裝修後的這裡有點興趣，所以就來了吃。七時多來到，見樓下有至少四十人在等位，由馬路塞番入來樓梯上面，搞咩好似唔使錢咁多人？直上一樓，也有至少廿人在等，二樓都有幾個。好在一早已訂左位，所以能從容的在三樓坐低。呢度裝修過，地方光猛左，有對街的大玻璃窗，環境好過以前。朋友已點了菜，真醒目。叫了個四人餐，一個湯三個菜，分別是蟹肉冬蓉羹、梅菜扣肉、霸王雞及蒸倉魚。先來蟹肉冬蓉羹，都有不少的蟹肉在內，份量不少，不錯；梅菜扣肉是十次來也叫足十次的菜色，扣肉拖過油，較實淨，味道不錯。略嫌肉件不夠肥，甘香的肥肉在梅菜扣肉中是多多益善；甜梅菜吸了豬油，加入醬油，是又香又好味，用來撈白飯，幾時都係不二之選。難得席上靚女們都盡情的吃，這才有意思嘛！最怕與又戒澱粉質又怕吃肥的男/女士同檯食飯，是非常無癮的。霸王雞其實是舖滿了蔥的鹹雞，鹹雞仍然不錯，要了半隻，最後是一舊也沒有得剩，來吃客家菜，也要叫一叫這隻鹹雞，或是鹽焗雞的；蒸倉魚最後才來，不算大條，但都沒有多大腥味，亦頗嫩滑，都幾好；奉送的是木瓜雪耳糖水，清清地不過甜，過得去。伙記服務不錯，唯可能飯檯供應實在緊張，所以是一時三刻就來問吃完

八行人志不在食只為同桌相對唱難得阿sir 請食飯六四一樣當等閒願君還記此等情共到十八歡笑行