泉章居 (已結業)

Just have a dinner with my friend in 泉章居this saturday weekend. 1) The food is OK, but the place is too toocrowded, I have a table for two, but the table is barely large enough to contain our ordered courses, 2) the food is soso but fast enough to be ready3) Waiter's service is terrible, may be they are too busy laRecommendation: Don't ever go there in Saturday / Sunday if you are asking for service and comfortable.

今日(4/3)阿媽生日,見咁多人都話呢間野正...所以就同一家大細去食...點知...真係唔掂...d 野冇味既...我地食餸為主...所以叫左個8人餐...不過5個餸之中...得個扣肉係太salty...其他一d 味都冇...我都唔知係我自己唔好彩定佢真係名過於實...佢比起我地一家平時食開既'明記' 差得多...下次都要諗諗去唔去...

雖然畜流感肆虐但係都無懼我對雞既食慾....一諗起食雞就諗起佢- - - 泉章居...見佢地搬左都未幫襯過又見今日可以早收....食完餐飯仲可以睇返場930所以一放公就仆去...時間一秒一秒咁過去...我心諗又無book位又就快7:00p.m. 好擔心無位...一去到商場樓下lift lobby...死火...打晒蛇病....唉....死就死啦... 還樹都黎到啦....個lift一打開我即仆出去"2位唔該".....哈皇天不付有心人...個小姐比左張飛仔我叫我上8樓...真係好似中左獎咁開心坐底之後發現佢地d食客依然同舊舖一樣咁多,但地方就無以前咁大....我估兩層加埋只有同舊舖既70%左右啦...套餐依舊,價錢都無貴到...我地兩個人叫左雞(好有雞味...好滑...就算係雞胸都好滑...果然係好雞),白灼蝦(隻隻都可以開邊蒸...彈牙..不過個蝦頭有d苦),例湯(金銀菜煲豬骨...無味精...好味)再加一碗白飯....仲有飯後糖水,係我最鍾意既紅豆沙....埋單都只係190蚊兩個人....望一望錶.....嘩...一個鐘頭已經食飽飽而且好滿足...泉章居....好呀

呢個星期分別去泉章居幫襯過兩次,兩次都係食左個二人餐,再另外加個小菜, 都係二百零蚊找數, 但其實淨叫二人餐, 唔係好大食都已經足夠, 因碟頭好夠, 個湯又大。第一次叫左個霸王雞, 正正正!!! 另外叫左個香蒜骨, 肉質略嫌硬左d , 再加一個金莎翠玉瓜炒雜菌, 本來好好味, 如果個d所謂金莎(我估係蛋黃製成)少d冇咁膩會好d , 七樓有個姐姐服務態度好好, 只略嫌坐位太窄, 總括黎講都好滿意呢一餐。跟住第二次去左八樓, 有卡位坐, 舒服好多, 又係叫左至正霸王雞, 另外食左個豆苗再加個炸豆腐, 水準一樣咁好, 而且今次平日去有糖水送添, 真係值得再去! 不過大家記住泉章居已經搬左去銅鑼灣廣場喇!!!

泉章居由銅鑼灣店幫襯到M.K.店都一貫平實作風,會太有驁喜,但一樣無太大投訴,鹽焗雞依然可繼續捧場,粟米班塊算幾脆口,不過無乜鱼味,蟹肉草菇d蟹肉一食就知係雪藏,"鞋"咗d同"腥"咗d,不過d蟹咁貴唔通拆隻過比你咩?無奈又要接受,西洋菜例湯就無乜嘢,怕者自己煲會好飲好多,牛丸炒菜遠保持一貫水準,亦是幾受歡迎菜式,碟碟大大碟,包食到你飽飽!!!

上星期朋友提議來此為我慶祝生日，搬遷後的新店，我都係第一次光臨。雖然我地得三個人，不過選四人餐，估唔到都被我地三人一掃而空。霸王雞半隻(我一向唔食雞，不過見兩位老友食得津津有味，應該唔錯)金沙骨(一般啦)翡翠斑球(呢個最正，我最like呢碟)帶子蒸豆腐(淸淸地，味道都好好)堯柱湯(淡少少呀)最後當然送甜品(紅豆沙)，幸好無遇到小強咋!總括而言，食物質素好，環境亦較以前舒適，服務雖然唔可以叫好，最少唔需要再接受服務員急於收拾食物趕客走的服務呀!

食物好味服務好咗廁所靚咗不過糖水有"小強"....

幾日前已訂位, 七時到見已坐滿九乘客人, 我們八個大人1個小孩, 叫了.霸王雞一隻(好大隻)梅菜扣肉炸大腸炒班球(好味, 無骨)炸釀豆腐栗米魚肚(加大)羅漢炆掌翼咕嚕肉五個白飯埋單共$888

搬新址後今天才有機會來試. 7點左右到達, 等了30分鐘才有位, 和以前差不多, 但新店裝修就肯定比夠舖好多了, 夠光猛夠美觀, 不過仍然幾迫, 本港寸金尺土, 無法喇.三個人, 點了一個148二人餐再加個家人最愛o既乾炸釀豆腐(套餐無得揀o架). 霸皇雞同埋豆腐一定好o左. 新試o既梅菜茄子就有些無無謂謂, 兩樣o野都九唔搭八, 大家可以不理. 總之, 最重要係食物價錢無變, 質素仲略好過以前, 眾食友可以放心!

今日同朋友去果度慶祝生日，七點3去到拎8人位要等到8點8先有位，真係有太多人，之前聽朋友講近排多左好多內地既朋友去食，去到都發覺有呢個情況，可能佢地都聽聞呢間食店既客家菜唔錯﹗講番食物，今日就叫左一個8人餐，連埋加一同埋飯都係$630!我地叫左帶子海皇更，清蒸細鱗，霸皇肥雞，沙律炸蝦球，梅菜扣肉，金沙骨。但金沙骨因炸得過火，肉過韌了。而招牌菜扣肉則弄得太過肥膩，但都算有水準，唔錯唔錯﹗最好味都係沙律炸蝦球，又大粒又好味，而且好彈牙，食既時候要小心熱。

第一次到呢間新店, 年廿九都係唔好出黎食, 買個扣肉返屋企加料, $55一客都真係唔算貴啦雖知話係新店, 收銀個阿姐依舊唔好禮貌, 好差招呼個隻啊, 等左好耐先有外賣汁味濃郁, 梅菜好腍好入味, 撈飯真係一流, 扣肉今天略為肥膏多了一點, 但肉質依好腍同埋入味, good!!!唔怪之得佢幾十年都重有咁多捧場客啦!

一行三人到這裡為了馳名的「雞」!!7:15到達, 七樓已全被訂座..我們到八樓的卡位坐, 十分舒適, 但外面的圓枱環境略為遜色..晚市有套餐, 兩餸一湯$158, 在「霸王雞」及「鹽焗雞」之間, 我們最終選擇了霸王雞, 聽個名似乎冇咁悶, 但其實只係薑葱雞, 仲超級多葱, 食落沒甚特別, 而且隻雞都幾肥, 我諗下次會叫「鹽焗雞」…再叫了中式牛柳及鴨片三絲羹, 另外再加個蟹肉蛋白扒豆付.全部餸都大大碟, 好抵食, 而且仲分量十足, 個蟹肉蛋白扒豆付真係好好味…伙計太忙, 揮手很久才有反應..但整體不俗, 下次一定再去!!

I love their chicken very very much. But for other food, very common and some even bad!!The Mongkok branch is even worse in food quality and service!!!

2個人去, 叫左菜膽翅, 跟著鹽焗雞, 炸豆腐, 海參花膠煲. 首先講個翅, 細細個, 不過好足料, d翅又多又有口感, 讚~! 個鹽焗雞同炸豆腐就唔太特別, 可能我係客家人, 我屋企整嘅雞會好吃d囉~ 最後要講就係個海參花膠煲, 又係正, 因為佢又係落足料, d汁又好送飯. 下次再去一定叫.

1) 侍應態度有待改進; 泉章居雖然不是走高檔路線, 但侍應的態度實在麻麻, 一副愛理不理的樣子, 連鵝頸橋街市熟食檔的伙計也比他們專業!2) 上菜太慢, 吃完整碗白飯, 催了兩次, 最後的兩碟菜才送上, 還要吃完一碟等一碟! 要知道, 午飯時間寶貴, 上菜慢, 誰會再光顧!3) 食物水準下降, 點了金沙骨, 炸得過了火, 而且十分韌; 例湯, 似熱水加鹽......, 總括而言, 所有菜的味道都淡了點!4) 最後, 覺得可以一讚的是接電話訂位的那位先生, 十分有禮; 洗手間亦很清潔!