泉章居 (已結業)

第六回——客家菜霸王雞嫩滑稱雄結業在即頗難捨泉章居在香港甚有名氣﹐加上快將結業﹐人潮更加蜂擁而至。裝修後首次來到﹐的確非常光猛整潔﹐被安排了一張在三樓近窗口的檯。點了泉章居著名的霸王雞、金銀蛋莧菜、例湯。霸王雞上面全鋪滿了蔥絲和薑絲﹐肉質非常嫩滑。莧菜就貫徹了泉章居碟頭大的傳統﹐滿滿的一大碟﹐可是我嫌莧菜煮得未夠淋﹐有些枝葉吃下去好硬和少許骸口。例湯貫徹清淡冇味精﹐通常會有不少湯渣﹐但湯渣不是真的渣﹐是可以吃的瘦肉和黃瓜﹐所用的豬肉是帶肥的﹐煲完湯後依然爽口。飯後送的糖水亦不馬虎﹐是清潤的雪耳木瓜。泉章居裡面多數是老侍應﹐那天晚上招呼我們的卻是一位唔算太老的女侍應﹐黑口黑面之餘重唔多願意做野。智慧分享﹕「一切痛苦﹐都來自我們的執著。」

今晚同幾個老死屈左人另一個老死請食飯..主人家話去呢樹食,我地當然冇問題喇,即call即到重有早冇遲tim....我地一行8人先叫左個8人餐5菜一湯再加2個菜冬瓜盅--料都幾足,冇乜味精,味道o.k.霸皇雞--雞肉好滑,特別d伴碟o既蔥用黎沾d汁一齊食...."正"梅菜扣肉--肥瘦適中唔會太油膩,味道足夠,送飯至o岩生炒排骨--唔會太酸都幾好,但d排骨太少肉上湯小棠菜(如有記錯)--普普通通蟹皇西蘭花--乜野味道都冇,好似食淥菜咁清蒸鯇魚--都幾大條,蒸起上黎唔過火o岩o岩好,但味道比較淡,可能叫梅菜會好d椒鹽鮮魷--鬚比較多,d炸粉分量適中,大至o.k.最後送上紅豆沙糖水--冇味加上落左太多粉!!埋單$850度,全晚個人比較喜歡冬瓜盅,霸皇雞同梅菜扣肉,其他菜D味道比較普通,同之前o既水準差左d,另所謂幾多人餐真係唔夠食一定要加菜!!!(可能我地大食喇)

大學朋友出黎聚舊, 原本五個人, 甩甩下底得返三個麻甩.本來打算在附近來個麻甩啤, 不過最後維持原狀扮乖仔黎左呢間食晚飯.已經book 8:30pm但人仍是十分多, 不過好快有位.那個部長還真有點兒那個, 我地以為有位, 原來夾我地過去企係度, 逼上一檯既走....還真高招.三個人叫四人餐(三個菜):梅菜扣肉海鮮豆腐煲鹽焗雞另有一盅東瓜盅+三個白飯侍應真係唔多掂, 明明話點菜就快寫跟住又可以走左去冇人follow... ...算!菜先到,先來梅菜扣肉, 再之後是豆腐煲, 果幾碗白飯又未黎... ...最後都係要催催.最後冬瓜盅和鹽焗雞才上.扣肉幾好味, 表面香口, 裡面肥肉夠香, 其實都唔係太肥, 而且味道不錯, 反而梅菜我覺得冇咁好食.豆腐煲材料都算多, 魚片, 粉絲, 蟹柳, 墨魚, 小棠菜, 西蘭花, 帶子, 筍片, 味道唔錯, 最岩我愛吃青菜的人.鹽焗雞, 不錯, 醃得夠咸入味, 雞味都出都黎. 而且半隻雞都唔少, 最後都吃剩數件.東瓜盅, 好在及時叫得快, 因上桌不久已廣播售罄.東瓜肉厚而且好多湯, 三個麻甩飲左起碼三四碗, 內裏又有蓮子瘦肉, 味道清甜,返到屋企都冇感到十分

星期二晚同朋友食完, 星期日再同屋企人食一次. 6人order 8人餐, 反正8人餐只得5個, 8人的話一定唔夠食.帶子海皇羹- 冬瓜盅又係冇哂, 以前好鍾意食o既粟米魚肚羹又冇. 海皇羹都幾多料.霸皇雞- 每次必食. 一樣咁滑咁好肉, 不過d蔥油比舊裝修d爭左d, 多左薑, 少左油.燒味拼盤- 以套餐來講, 算抵食! 有叉燒, 燒鵝, 燻蹄, 切雞, 每樣有半例.炸大腸- 夠脆, 托底的酸瓜亦好味. 分量好少, 每人得2片.雙蛋浸莧菜- 比油鹽水菜心出色, 味道正常, 分量足.蒸蒼魚- 麻麻, 泥味重. 細鱗好食d, 但係又賣哂.呢餐有魚有雞有菜有燒味, 是最typical的中餐. 可惜欠了一碗飯後甜品(上次的馬蹄露麻麻, 唔恨食), 原來星期六、日廚師冇煲, 要食就自己出街搵啦. 終於齊齊走到對面恭和堂食龜苓膏.

收到消息話佢好快會關門~ o係上海做o野o既朋友親今次落份o黎香港睇展覽，約埋我地一行9人o黎依度食飯~ order o左個8 人餐(1湯5送)再加3個菜:例湯- 唔記得o左係咩o添..... 本來想order冬瓜盅，但賣晒~ 梅菜扣肉- 必食之一，入味，唔乾，又唔太肥~霸王雞- 必食之二，滑!燒乳豬- 算幾脆~生炒排骨- 無咩肉食~ 多數係骨加脆漿~清蒸細鱗- 蒸得o岩o岩熟~ 跟餐o架~ 唔好要求咁多喇~魚腸蒸蛋- 好失望~ 佢應該叫"魚內臟蒸蛋"~ 肝多過腸，仲無咩蛋，又蒸得太乾(連個waiter見到都話"好似好乾咁喎")蠔油鮮菇鵪鶉蛋牛骨髓- 膽固醇膽固醇膽固醇~ hhhahh!油鹽水菜心加埋可樂，埋單每人$92~ Photo album:http://community.webshots.com/album/376184750szdYPB

叫左個套餐, 三餸加一個羮, 揀左半隻鹽焗雞, 係龍江雞黎既, 隻腳好粗, d肉好滑, 雞皮好厚, 好好食.椒絲腐乳通菜, 水準一般, 不過好大碟. 椒鹽豆腐係我食過最好既, 出面好脆, 但入面豆腐唔乾身, 點埋辣椒醬超正!! "筍殼魚"就普通, 炸得太乾, 有乜肉食. 我地唔要個羮, 加左三十幾蚊要左個冬瓜盅, d料好足, 有雞肉, 有中華火腿, 又有瑤柱, 超抵! 另外一樣更抵既真係估佢唔到, 最後仲送左一人一碗木瓜雪耳糖水, 慳番唔使另外食糖水.服務方面, 侍應普遍年紀徧大, 但係個個手快腳快, 又熱心向顧客介紹食物, 一流! 酒樓生意真係好好, 下午六點半已經有人等位, 六點九一樓己經坐满, 好彩訂左位, 如果唔係俾都唔入黎.

我約左Ian,Terry and Ball ，晚市都幾多人，but 好快就有位Hahaha~食左鹽焗雞，個個都話靠得住，梅菜扣肉送飯正!! 個蝦都好味ar!!d waiters 都好好service!下次再去，bye

見泉章居年底交吉做商場，便來一趟午膳。午市茶錢只消$3，比銅鑼灣許多酒樓都要便宜。新裝修，比之前開揚多了，可看到街景，不過還帶點油漆味，但都可以接受的。午市可點套餐，三個小菜大約百七元(忘記了)，另加兩白飯，埋單約二百。1. 鹽焗雞半隻鹽味略嫌輕了少計，不過雞質非常嫩滑，值得一讚！2. 梅菜扣肉肥瘦相間，惹味，送飯佳選。3. 炸大腸脆卜卜，份量不少！4. 紅豆沙奉送的，普通。本來想叫焗魚腸的，可惜未有供應。基本上只叫這幾款客家菜都不會有甚麼問題，其他菜就不擔保了。阿伯的服務仍然麻麻，不過有一位阿姐的服務卻細心熱切，形成強烈對比。總括而言，抵食！

酒樓ge格局,迫左少少la. 叫左套餐+幾多個餸,湯好味,鍾意佢個咕嚕肉勁脆. 反而佢個出名ge霸王雞我覺得好普通,不過都係好好味.個金銀蛋莧菜好大陣膿味,不過佢都換番畀我地~值得一提門口個女人,態度好差ar,有個伯伯好好聲氣地拎飛,中途問左兩次,佢勁唔耐煩,講野好似教訓咁,too bad~ 不過呢間確實又係唔休做ge,我地等左成粒鐘~12人8餸一湯,每人70幾,好抵~

we arrived at 6:20pm. on saturday. there are already many many ppl inside and outside. we two ppl waited for 20 minutes. already very lucky.the set for 2 is $148. we added $30 for "winter melon soup". the winter melon is not very large. more than enough for 2 person. quite many ingerdient. good霸王雞is good. it taste very well when eating with the spring onion together. but i think the chicken in restaurant in Tai O has more "chicken taste". anyway, the chicken is very 滑! excellant.we ordered 花菇海參花

今晚一行六人到此晚膳. 六時四十五分到場, 已是人頭湧湧, 卻又已是陸續有客人已用膳完畢離去, 等了一個小時才可入座. 叫了四人套餐加兩個菜.冬瓜盅沽清, 砵仔焗魚腸又因焗爐未能用而吃不到, 最終叫了: 冬茸蟹肉湯, 霸王雞, 梅菜扣肉, 時菜生魚球, 菜心牛肉球, 冬菇海參海鮮煲. 湯清甜, 霸王雞皮滑肉嫰, 梅菜扣肉肉偏瘦, 梅菜甜, 扣肉好味, 其他都不錯. 整體來說味道不俗, 菜比較適合送飯, 還有其他菜想試, 但都因為今次人不多未能試到.

一家人去食晚飯,叫了套餐加幾個小菜.來這裹一定要食鹽焗雞同梅菜扣肉啦!!梅菜扣肉依然正,肥廋適中,又唔太多油.尊登叫了2碗白飯撈汁.今次個雞就麻麻地,唔滑又唔香,炸豬大腸,三鮮骨髓,都係水準之作.套餐仲有個栗米魚肚湯,好似做番細佬仔(這個湯係小朋友飲的).一家人爭下食,你一言我一話.找數近$400.

年初三果晚, 同朋友去食二人套餐, 我揀鹽焗雞、冬菇花膠海參煲、同埋髮菜蠔屎湯。鹽焗雞-- 入口即化！好滑, 就算係雞胸部份都好好味, 夠新鮮！沙薑既味都較得唔錯, 我食過好多酒樓既沙薑, 唔係唔夠香就一係太。冬菇花膠海參煲-- 冬菇夠味, 海參好爽, 整體樣樣野都夠入味。髮菜蠔豉湯-- 料唔多, 比預期中既冇咁好, 不過可能係二人套餐, d野既份量可能會少d。

噚晚初二,一家到呢到食開年飯...叫左四人套餐$238...粟米魚肚羹梅菜扣肉1/2 鹽焗雞蟹皇西蘭花再加腰果炒肉丁基本上食物質數都ok, 服務態度平平

平時諗唔到食乜，至愛就係呢度，一來平，二來就腳，不過最好係訂咗位先，要不然就要等好耐！一向食二人套餐就必點鹽焗雞同海魚。不過每次條魚都起碼等四個字。昨日又去食鹽焗雞，海魚就叫咗黃鯺倉。點知今次係出事喇！黃鯺 倉來到已見到佢鰓邊條鯺 仔被人強行用刀仔整過，不過失敗咗，所以我已同友人講呢絛魚唔新鮮。點知一入口，嘩，仲得了，啲 肉核突到係起”潺”，我立即吐出來．又再在尾部分吃一口，又是如此；於是反轉再吃一口，都一樣。所以我哋就埋單，然後伙記過來問，點解唔食條魚，我立即飛身答佢：條魚唔食得，因為有潺，唔入得口！佢起初唔答我，後來過咗一陣攞糖水來，就話：咁可能真係死咗好耐，一般死咗 的魚不可能會起潺！所以呢餐令人很毛管直豎！