河內越式料理 (村南道)

營業中

休息中

上星期五來到朋友家探訪後,就附近食晚飯,最後決定食久違越南美食~ 河內越式料理。店裝潢不錯,環境舒適。.... 【極品牛三寶湯河粉】 $69這款有三款餸,分別有生牛肉、牛展及牛丸, 好豐富,仲有九層塔及其他香料呢!吃前再擠點青檸檬汁及辣椒碎,可加添牛三寶湯河粉的美味！三款餸中,特別喜愛食生牛肉口感嫩滑又鮮味。當然湯底是靈魂所在,具啖啖濃郁牛肉湯底,配滑滑河粉,回味無窮。..【香茅豬扒撈檬】 $62豬扒口感酥鬆,散發淡淡香茅味,惹味又香口,再配上適量酸酸辣辣的汁撈爽口檬粉,夠哂清新醒胃。..餐追加小食【酥香軟殼蟹】配餐另加 $42軟殼蟹炸得香脆可口不油膩,想不到還有甘香蟹膏呢!..【龍眼冰】餐另加 $12  + 【椰汁三色冰】餐另加 $12這龍眼冰好清味道清甜香醇,仲有杞子,好健康飲品呢!椰汁三色冰有濃濃帶甜的椰汁,加入餡料,是口感豐富的特飲。.

好耐無update 啦🙈 返工真係非常忙碌收工後係屋企附近快手食 就可以偷多啲時間休息下🥲.🐮極品牛三寶湯河粉🍜一次過有牛𦟌、牛肉、牛丸牛𦟌炆煮得好軟腍👍🏻牛肉略嫌浸得太耐😌.🐖越式香茅豬扒湯河粉🍜呢款相對性價比高好多🤟🏻大大件豬扒係即刻炸起而且香酥入味😋.跟餐仲可以選擇一款小食🍽🍤越式炸蝦餅 蝦肉彈牙🥩越式豬頸肉 中規中矩.食越式野緊係order 返杯鹹檸七同龍眼冰🍹先至夠越南風味👯‍♂️整體黎講 呢間越南餐廳🇻🇳 湯河粉份量超級多男孩子都絕對唔驚唔夠飽🤭仲有跟餐小食性價比🆙🆙🆙

今日響大圍，朋友介紹下去咗【河內越式料理】。叫咗蕃茄蟹頭膏扎肉湯檬、生牛肉湯河，小食叫咗香茅雞翼同埋越式春捲，飲品有芒果西米露、熱情果特飲。番茄蟹頭膏扎肉湯檬嘅蕃茄味超濃沃，蟹膏味夠，所以個湯底好特別，而扎肉又有好多塊，成碗矇食曬連湯都飲埋。生牛肉河走一貫高水準，牛肉品質高，肉質嫩滑，配正宗越式湯底，好似去咗越南食一樣。越式春捲入面就材料十足，點埋越式醬汁甜甜酸酸我最鍾意。香茅雞翼就炸得外脆內軟，超惹味。兩杯飲品就好有越南嘅特色，特別係芒果西米露，西米露超大粒超多芒果亦都好甜，依餐食到好滿足。

今日同朋友去大圍踩單車，咁就去大圍食埋野先～ 見到有間越南餐廳下午茶超抵！-河內生牛肉湯檬粉 ($45)越式河內三寶飯 ($60)越式炸蝦餅 (+$28)香茅雞翼 (+$18)越式青檸冰 (+12)鮮芒果西米露 (+$12)-朋友叫咗個生牛湯檬，個湯夠晒熱，牛肉好嫩滑而且份量都唔少～ 我就揀咗個河內三寶飯，有扎肉、豬扒同埋雞翼，超豐富可以試晒所有想食嘅嘢😛 特別鍾意呢個豬扒夠厚夠味！之後每人揀咗一款小食，雞翼炸得好香脆，然後蝦餅都好彈牙。下午茶時間揀特色飲品都好抵，我試咗杯鮮芒果西米露，芒果同埋椰汁味都好香，而且西米好大粒好彈牙！同我個飯好夾🤩

有日約咗朋友去大圍踩單車，經過呢間餐廳見到價錢幾抵，而且款式好多就俾佢吸引咗入去選擇都好多而且加少少錢就可以追加小食我自己就揀咗雞絲撈檬，不論雞絲或者檬粉，份量都好多雞絲好嫩，而且調味啱啱好。側邊青瓜同蘿蔔嘅份量都好多食落好爽口。我朋友就揀咗香茅豬扒湯河，佢話豬扒都好入味，湯河味道都適中！另外我哋都追加左兩款小食第一款係叫咗蝦餅，蝦餅炸得啱啱好而且入口好彈牙第二款就叫咗上湯田園菜，估唔到咁平份量都咁多，而且灼得啱啱好，好新鮮好爽口。另外我轉嘅越南咖啡都好好飲，估唔到呢間餐廳都會有越南咖啡選擇，而家真係好笑見到餐廳有提供！

呢排好鍾意食越南野，今晚黎到大圍，揀左成日都好多人排隊既河內越式料理。順化番茄蟹肉扎肉湯檬份量十足，蕃茄湯底好香濃，配以鮮甜蟹肉同彈牙扎肉，檬粉順滑，掛湯力佳，正。極品牛三寶湯河粉有齊生牛肉、牛展、牛丸，生牛肉肥瘦均勻，入口嫩滑，牛展Q彈甘香，牛丸鮮香彈牙。追加小食揀左兩款越式炸春卷外層炸至金黃酥脆，蘸上醬料更惹味。越式香茅豬扒啖啖肉口感軟滑又JUICY。鮮芒果西米露新鮮芒果夠哂香甜，西米露Q彈有咬口。凍越南滴漏咖啡大大杯，咖啡味道濃厚，飲落口感相當滑順。

Ha Noi Vietnamese Cuisine is conveniently located near Tai Wai MTR station, it’s a fairly small place, with simple decor, affordable, and offers fast and delicious Vietnamese cuisine.We came here before 6pm, and they still offered the tea menu. Looking at the menu, there was a good selection to choose from and quite a few items appealed to me!Raw Beef Pho (HK$45)👍👍👍👍Whenever I visited Vietnam Restaurant, a classic Pho with Raw Beef is a must have. The broth is hot, flavourful with perfect medl

聽聞《河內越南料理》係由越南人🇻🇳廚師主理，雖然唔識分點為之正宗，不過相信由當地人主理嘅一定唔會差😌睇餐牌嘅第一頁即刻被「重量級」呢三個字吸引左，真係好想知呢碗2⃣️人份嘅重量級越南火車頭湯粉🈶️幾大碗😆 一上到枱又真係嚇咗一跳，因為佢大到佔咗半張枱😱配料就有齊生牛肉、牛𦟌、扎肉、牛腩片、牛丸，真係一次過滿足晒所有願望😆最重要嘅係湯頭非常出色，香料味非常濃郁😋越式香茅豬扒好酥脆，越式豬頸肉一啲都唔韌，2⃣️者嘅香料味突出但不會過濃🤤一邊食一邊嘆番杯越南滴漏咖啡☕️真係別有一番風味😌 其實，杯柚子蜜梳打都好正，好足料夠曬味，夏天飲嘅話感覺好清爽🍹

平時都好鍾意食越南嘢，生熟牛河同蝦餅係我嘅至愛！今次都唔例外，先order一個生熟牛肉湯河粉，生牛肉就係嫩滑嘅牛肉片，用清甜嘅熱湯浸到半生熟咁食就最好味，熟牛肉係牛展位有啲筋，彈牙好咬口！朋友叫咗個越式河內三寶飯，大大份好抵食，雞翼煎得香脆，豬扒肉質鬆軟又Juicy,仲有扎肉香口爽彈～～我哋仲叫咗兩個小食share，就係我至愛嘅蝦餅，點上酸酸甜甜嘅醬簡直係超好味，蝦餅外皮酥脆，肉質剛好彈牙唔會太實～～另外嘅炸春卷都好正，上枱熱辣辣，炸到脆卜卜，口感豐富！嗌咗兩杯特飲，一杯珍多冰，另一杯椰汁椰果西米露，椰汁好香濃，推介！

河內越式料理 📍大圍呢日經過大圍想食下越南野 就去咗呢間食lunch 估唔到兩點幾都咁多人😛番茄蟹頭膏扎肉湯檬 $52番茄味香濃 蟹頭膏甘香 扎肉有好多塊😛 湯檬索晒番茄湯好好味😋 成碗湯都飲得😋極品牛三寶湯河粉 $69生牛肉都有十幾塊份量好多 湯底好重牛骨味 另外有香葉同芽菜青檸可以自己加 檬粉索晒湯汁好入味😋😋越式炸蝦餅 $28蝦餅炸到金黃 蝦肉爽口彈牙 口感十足🥰越式豬頸肉 $28豬頸肉大約有七、八塊 烤得好香😆 脆邊 入面幾嫩 豬頸肉唔肥👍🏻👍🏻 豬頸肉燒得好香 燶邊好香脆😋 椰果椰汁西米露 $12好香椰汁味 上面有椰果 幾有咬口🤣 底層有西米露 口感好豐富🥰檸檬蜜糖薑茶 $8呢杯係熱飲 好香薑味 唔會太甜 幾好飲😆

香茅豬扒撈檬 （ $62）豬扒好香口，而且都幾有咬口，最重要係份量多。唔單止檬粉嘅份量多，豬扒都好大塊，抵食！👍順化番茄蟹肉扎肉湯檬 （$66）番茄味超級超級濃，正到不得了！！！ 個湯底真係滿分！🤩餸又多，而且蟹肉好滑，真係超級正。越式豬頸肉 （$29）本身我係超鍾意食豬頸肉，而係呢個豬頸肉係燒得勁香，同埋肉質非常彈牙，好有口感。再配埋個泰式辣醬真係一流！🥰越式炸蝦餅 （$29）蝦餅炸得好脆，入面嘅蝦肉整得十分實淨，而且好彈牙。呢個我覺得好有水準！😍椰汁紅豆冰 （ $12）椰汁味好香，紅豆好滑，都幾好飲！👍鮮芒果西米露 （$12)芒果算幾鮮甜，D西米露都幾好咬，通常人地係當甜品食，但估唔到用飲管飲個Feel都幾正！🤣

同朋友三點幾先係大圍搵野食，見尼間近地鐵站就去試下。 尼間店三點幾都仲有客人，相信食物質素應該唔差😄◾️順化番茄蟹肉扎肉湯㩚尼一碗最有驚喜，首先一見佢上菜就已經比佢既份量嚇到，非常之大碗 $66 有咁大碗越南㩚粉已經覺得好抵食👍🏻 更驚喜嘅係佢嘅配料超級多，有肉粹，蟹肉，豆卜，番茄同扎肉，份量全部都好多 湯底好濃稠，有新鮮既番茄味 而番茄同蟹肉好夾，愈食愈開胃 豆卜索哂汁好好味😋◾️越式春卷撈㩚對比頭先碗番茄湯㩚，尼碗冇咁濃 同樣都係好大碗，配料都好足，而且有青瓜絲同埋蘿蔔絲，食落又fresh又有咬口 😍 魚露自己落，吾洗怕太淡或者太濃 比較特別既係佢啲春卷皮簿餡多，仲包到好實，吾會一咬就散🙊◾️越式炸蝦餅睇相都見到炸粉吾會過厚。食落口感夠彈牙同埋蝦味好夠，值得一試。🦐◾️越式豬頸肉我地比較鐘意食尼到既豬頸肉。有時係其他餐廳食嗰啲豬頸肉會有少少乾，但係尼到吾會，都食到肉汁。見到佢地好似加左啲蔥油係豬頸肉上面，香好多同惹味好多🤤🤤◾️椰子紅豆冰正常水準，奶香味幾重🍼◾️杞子龍眼茶尼杯好足料，龍眼有成3，4粒，杞子都好多粒，所以飲落好濃，好養生❤️🐽總括尼講，尼個價錢配上尼個食物質素同份量係值既，下次有

小弟比較少食越南野，因為香港的越南野似乎多數都麻麻地但係呢一頭又已經食到悶，就膽粗粗食呢間啦點知真係好喜出望外，估唔到咁好食喎呢到奉上既茶有D特別聞落去甜甜地但飲落去唔甜但有種麥香唔係平時茶記D垃圾茶極品牛三寶湯河粉（生牛肉、牛展、牛丸）食越南野梗係要食河粉，食越南河粉又梗係要食生牛而我份人就貪心Ｄ，所以叫左個三寶湯河首先不得不提佢個湯底真係超級正味道濃而不膩應該真係用好多料黎煲左一段時間先可以做到呢個效果亦因為咁，令到索晒湯汁既河粉勁好食生牛肉夠晒軟嫩牛展煮到入晒味同淋晒魚露雞扒煎蛋飯唔好以為呢到得河粉，飯類亦好正特別係呢個雞扒，煎得世界級好食外層煎得勁香脆，但入面亦都保持到鮮嫩最正係佢外層金黃香脆既雞皮有越式獨有既香料香味而且入面既雞肉亦入晒味令成個雞扒口感同味道都一絕順化炸蝦餅蝦餅真材實料，啖啖都係新鮮既蝦肉，令佢成個口感好爽口彈牙之餘充滿蝦既鮮味越式豬頸肉豬頸肉夠晒爽口，而且唔會有豬騷味仲有陣陣越式香料味，「越」食「越」想食咸檸七、蜂蜜柚子梳打兩杯飲品都好足料，而且味道清爽，熱天飲一流

平時好少入到大圍，但原來呢度都幾多美食，今次朋友約我黎到呢間餐廳，話係正宗越南河內人主理，真係好期待！生牛肉湯河～湯底味濃郁，牛肉肉味濃，上菜時牛肉雖然仲紅卜卜，但湯底夠滾，浸落湯好快就熟晒，食落去啱啱好，夠嫩滑。香茅雞翼撈檬～香茅雞翼非常香口，炸到外脆內軟，肉質一啲都唔乾，撈檬配酸酸甜甜嘅魚露，非常開胃，夏日首選！另外仲叫咗兩款小食，越式香茅豬扒同越式炸春卷，兩款都炸得非常香脆，裡面好juicy，食落又唔會油膩。飲品方面，推薦「羅望子冰」！味道飲落有啲特別，有啲似話梅冰，鐘意酸甜口味既人會喜歡，解膩一流！

大圍嘅越南餐廳，食物款式頗多，最出名嘅湯粉都係我嘅至愛之一，所以今次主力試吓呢度嘅湯飯。生牛肉湯河粉$58生牛肉嘅肉質非常鮮嫩，喺熱湯中將生牛肉浸到半生熟，真係人間美味，湯粉嘅湯底味道適中，唔會太鹹，同時亦都有好香嘅香料味，配合埋越式湯粉特有嘅青檸，真係非常吸引嘅美食。酥香軟殼蟹$42 原隻相嘅軟殼蟹真係第一次見，呢個價錢有成隻蟹真係好抵，酥香軟殼蟹非常香口，趣卜卜好好食，而且都係第一次見嘅菜式，好特別，令人相當難忘。熱越南滴漏咖啡$18非常香濃又有滑嘅越南咖啡，配上煉奶，質感更加滑同香甜，係飯後非常之正嘅飲品。凍越南滴漏咖啡$18凍飲同樣相當吸引，而且好大杯呢！