河內越式料理 (村南道)

營業中

休息中

大圍大約有四間越南餐廳依間叫做係最新，亦係最近火車站對我黎講，依間係大圍最好食，價錢又合理，又衛生，服務態度又好既越南餐廳而且依家疫情期間仲有外賣折扣今次因為一個人食，疫情又唔樂觀，所以都係外賣自取叫左越式牛肉撈檬，真係好好食特別夏天無乜胃口檬粉唔會淋哂，又唔會凍到冰咁牛肉好食，唔老，味道唔太濃而都叫做有菜食下，所以我覺得越南檬粉都幾健康之後加埋少少錢要左杯熱奶茶，味道就一般啦，下次試下越南咖啡☕️唯一不足係試過人多等外賣，等左20分鐘出邊又無乜位等

去大圍一直都發覺沒什麼好吃，行行下見到間越南菜新開，又見到入面坐滿曬人，梗系要試試喇。等左廿分鐘到就入到去坐，幾搞笑嘅係入到去，佢抹完張枱，但係見到成張凳都係飯，要我哋睇返佢抹。雖然好小事，都希望佢下次改善下。我哋兩個人，叫咗一個越南牛丸河粉及香茅豬扒撈檬。首先講吓個香茅豬扒撈檬，塊豬扒好硬，睇得出唔係好識整，同埋應該放咗好耐，偏咸。 食檬粉，最重要係個魚露，唔知係咪放得太耐臭既，咁我落少少就算，同埋都係好鹹完全冇鮮味。好失望。因為我唔食牛，淨係食咗個牛丸河粉嘅湯底，發覺佢都係好咸。對於一個經常去元朗嘅旅人來說，真係唔合格。唔係話要求高，而係基本越南風味都做唔到。最後嗰間嘅係，雖然佢個二人餐好平$18x蚊，好彩最後冇叫到。

放工約咗朋友食晚飯，大圍出名多平民美食，選擇亦唔少，呢間新開張冇耐嘅越式料理係朋友近期最愛，貪佢近公司，而且性價比亦唔錯。餐廳人氣好旺，晚飯時間有唔少街坊喺門外等位，我同朋友兩個人大概等咗十分鐘先可以入去。食物選擇唔少，主打地道越式料理，越式湯粉同撈檬更加係非常受歡迎，幾乎每枱必叫。除咗粉麵之外，小菜同小食嘅選擇亦唔少，而且價錢合理。食越南菜當然唔少得生熟牛肉河，湯底好濃郁，加入生豆芽、九層塔同羅勒，令鮮味濃厚嘅湯底更有層次感，當然亦唔少得我最愛嘅辣椒同青檸。生牛肉肥瘦均勻，上菜嘅時候仲係偏生少少，放入湯底浸一陣，半生熟嘅滋味最好，口感軟腍，牛味亦算濃。熟牛肉大大件，帶少少筋，但煮得非常軟腍，感覺食緊清湯腩，唔錯。朋友點嘅牛腩片湯河粉同樣吸引，牛腩片切得薄薄哋，冇筋而且偏瘦，牛味較濃，入口同樣軟腍。食越南河當然唔少得兩色醬汁，分別係海鮮醬同辣椒醬，有種畫龍點睛嘅效果。小食亦唔遜色，香茅雞翼炸得香脆，而且非常入味。蝦餅亦算大件，蝦味非常重，配上辣醬非常惹味。點粉麵加十二蚊就有特飲，非常化算。朋友嘅椰汁冰味道清甜，冰涼消暑。我嘅芒果西米露同樣清新，芒果味道偏酸，非常開胃，西米比平時嘅大粒少

去開大圍，見到火車站對面新開左間越式粉麵，門口好多人排隊等外賣同堂食座位，試下先。有各式湯粉/撈檬/飯類，亦有套餐、小食，選擇頗多。順化蕃茄蟹肉扎肉湯檬每次食越南菜必點既蟹肉湯檬，材料豐富，有扎肉、蕃茄、蟹肉等，湯頭香濃鮮甜，檬粉彈牙爽滑。極品牛三寶湯河粉有齊生牛肉、牛展、牛丸，生牛肉牛味濃郁口感嫩滑，牛展煙韌、牛丸爽脆，河粉入口滑溜，份量頗多。越式豬頸肉香茅味陣陣撲鼻，豬頸肉惹味又香嫩，啖啖彈牙爽口，正。越式炸蝦餅口感極香脆，炸得剛好，質感厚實，咬開Q彈，蝦味濃鮮。鮮芒果西米露綿軟細滑，入口爽滑，芒果鮮甜，口感層次豐富。椰青椰水濃郁清甜，椰肉嫩口，清凉又解渴。

裝修同店名都同某某連鎖店好似，初頭仲以為食過tim,點知原來係新野炸蝦餅係冇得輸系列之一，即叫即炸（ 挑戰你熱氣底線）不過唔算太大件個人黎講都幾鐘意食洋蔥，從前紅酒浸洋蔥一度成為保健熱潮（但一D 都唔好飲，都唔知邊個咁大整蠱）不住配喺湯既洋蔥，我必定食哂係咪正宗既Pho ，就要大家自己黎試下，不過有眼見佢既配料都唔hea 傢（大棵到好似棵菜咁）而且D 餸食極都仲有，湯底又唔算係味精湯，宜家仲未可以去旅行，喺到回味下越南食過既Pho 都叫做好過冇

大圍咁多餐廳 夏日咁高溫 無胃口就要食撈檬軟殼蟹撈檬 $72 好大隻軟殼蟹，兼且唔係炸粉厚厚扮晒嘢嘅粉漿夠薄，唔會食落去食口順化蕃茄蟹肉扎肉湯檬 $66 呢個湯檬真係超級推介，個湯底係用香濃蟹膏同鮮蕃茄混合而成嘅，好香濃，唔會淡茂茂 湯檬上面仲要有蟹肉碎，實在太邪惡炸蝦餅 $29 蝦餅亦都炸得好香口，炸粉唔會太厚內層好彈牙，再點少少甜酸醬，好惹味！越式炸春卷 $20 總共有一條兩件嘅春卷～ 外層好脆，色澤均勻 食落冇油臭味，餡料好多～

極品三寶湯河粉 $69平時叫開佢哋嘅生牛河 同牛丸河 呢兩個係極力推介嘅 今次就試吓佢嘅極品三寶湯河粉 原來入邊有生牛肉，牛丸同牛筋肉 一個面集齊晒我想食嘅嘢😍 湯水味道好濃郁 唔係垃圾味精味 食得出係重料煲好耐嘅味道 配料都好多 有生洋蔥 薄荷 店員仲會俾一疊辣椒仔同小青檸你 撈埋一齊真係極品❤️ ......蝦餅撈檬$58本來我個人就比較麻麻地撈檬既 今日朋友嗌左呢個 我都試食咗一啖 真！心！正！簡直係改變左我對撈檬嘅睇法！冇誇張！ 重點其實係佢哋嘅醬汁 酸甜鹹度適中🤩🤩🤩 如果食得辣嘅人可以加多啲辣椒醬 下次我要自己再嗌一份🤣🤣.....每個面都可以再追加一個小食 價錢都幾實惠 上湯灼田園蔬$15$15就可以有一碟新鮮 甜味既菜 其實已經好少有 上邊仲有炸蒜 認真係用心❤️越式香茅豬扒$23呢個又係今日朋友介紹嘅新野 好驚食到啲乾爭爭嘅豬扒 但係呢個豬扒炸完係香 嫩既口感 同埋估唔到$23真係俾咗成大嚿我😂 推薦推薦👍🏻椰汁珍多冰$12呢啲小朋友嘅最愛 真係百飲不厭 甜甜嘅感覺 飲完成個人都開心晒😂🤩熱情果冰$

河內越式料理Ha Noi Vietnamese Cuisine -地道越南菜-服務態度甚佳-美味抵食Stumbled upon the newly opened Vietnamese Cuisine restaurant in Tai Wai, your attention will immediately be grabbed by their comprehensive and well-displayed menu. From pho to cold rice vermicelli, there must be some of your favourite Vietnamese dishes that could satisfy all your senses 🇻🇳🍽🍚🍲 越式香茅豬扒湯河粉 HKD$62 Lemongrass Pork Chop Pho味道分(tastefulness)：⭐️⭐️⭐️⭐️打卡分(photogenicity)：⭐️⭐️⭐️份量分(Size)：⭐️⭐️⭐️⭐️總分(overall)：⭐️⭐️⭐️⭐️👍🏻湯底入味又清，唔似有重味精，食完都唔覺得口渴🤩!👍🏻 香茅豬扒醃得剛剛好，肉質

Came to this Vietnamese restaurant on Friday night just before the dinner rush. The place itself is clean and nice, prices are fair for their serving size.If you’re in the area and craving for a comforting pho, here is a good choice!Raw Beef Pho (HK$58)👍👍👍👍My go-to order would be the raw beef pho, the broth served piping hot and brimming with deep beefy flavours, the thin sliced beefs were just right and so were the noodles. Cold Rice Vermicelli with Pork Jowl (HK$62)👍👍👍👍The pork jowl itself i

今天剛好休假便去左大圍探望朋友，之後去左朋友家附近新開的越南🇻🇳餐廳食下午茶！這間越南餐廳很衛生，每張枱都有搓手液給客人使用，覺得入去食感覺很安全又放心 ，每位有杯斑蘭茶，我們坐落去就睇下menu點咗以下食物：香茅豬扒撈檬 ：豬扒煎得好香脆而且很鬆化，又入味好好味， 檬粉撈埋啲生菜，紅蘿蔔絲仲有花生碎和蒜片，又香又脆口，非常惹味，而且仲好大碗 ，食完都好飽肚！生牛肉湯河粉 ：一塊塊薄片生牛肉被熱辣辣滾湯滾熟，充滿牛味鮮嫩，再加埋青檸汁食得更開胃，配埋河粉一齊食更配！青檸梳打 ：青檸梳打有很多新鮮青檸片， 梳打水是另外罐裝上枱 ，自斟自飲都斟咗三次 ，酸酸甜甜飲咗好開胃， 今天天氣非常熱飲咗真係好舒服。 椰汁綠豆冰： 好少見到有椰汁綠豆冰 ，即刻叫來試一試果然唔錯綠豆有一粒粒好綿不會硬， 椰汁好香椰奶味加咗啲冰塊非常之冰涼 ，天氣熱嘅時候最啱飲 ，綠豆有清熱氣作用 ，所以近排食啲煎炸嘢飲呢個綠豆冰就最適合。😋😋🤤

🌸越式香茅豬扒湯河，豬扒好淋，吸收晒香茅嘅味道，豬骨湯底，好好味🌸生熟牛河湯河粉，熟牛肉好香，生牛肉好嫩滑🌸香茅雞翼香茅味剛剛好，不會太過濃🌸酥香軟殼蟹，成隻軟殼蟹，感覺好正，外脆內Juice🌸越式炸春卷，有豬肉，粉絲，木耳絲，紅蘿蔔絲🌸椰汁冰，椰味十足🌸椰汁三色冰，有好大粒嘅紅豆呀

河內越式料理 大圍Ha Noi Vietnamese Cuisine+越南菜+粉麵/米線+ 侍應好有禮貌+ 大圍抵食之選極品牛三寶湯河粉 $69好食指數：⭐️⭐️⭐️⭐️⭐️打卡指數：⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻半生熟 粉粉紅色的牛肉 又嫩又重肉味👍🏻湯底 冇乜味精味 咸鮮味直得一試👍🏻有 生牛肉、牛展、牛丸 大大碗跟餐小食 兩件香烤雞翼 +$ 20好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️⭐️👍🏻香茅脆皮 幾好食跟餐小食 一件炸軟殼蟹 +$42 好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️⭐️👍🏻 大件 又香脆🧐炸漿有少少厚鮮芒果沙冰 $30好食指數：⭐️⭐️⭐️⭐️⭐️打卡指數：⭐️⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️⭐️👍🏻超好飲 絕對唔係人造味芒果汁🤣 多到滿晒 必叫之選大圍大圍村南道55號地下星期一至日11:00 - 23:00電話號碼30189229喜歡我的文章，可以關注我及讚好以作鼓勵

上星期仔仔話好想食撈檬， 諗來諗去都唔知去邊間好，就問左為食好友啦！為食好友話大圍有間幾好味，平日都好多人排隊買外賣，推薦比我地去，你講到咁我無理由唔去食下嘅。仔仔一座低就比隔離枱杯龍眼冰吸引了， 天氣咁熱緊係要冰涼下嘅，仔仔就叫了杯龍眼冰，睇落已經超多龍眼肉，仔仔話好潤喉，而我就叫左杯芒果沙冰， 入面每吸一口都有芒果肉的，呢兩杯真係超正。野食方面仔仔叫左越式豬頸肉撈檬，我就叫左極品牛三寶湯河， 呢到叫粉麵餐加 29蚊有細蝦餅，加42蚊仲有一飯軟殼蟹。加了魚露的撈檬甜甜酸酸好開胃，豬頸肉燒得剛好，仔仔唔理我已經自己掃清光， 我個牛三寶粉，湯底好濃郁配上生牛肉，牛丸和牛展，岩哂我呢個牛魔王啦！小食方面，我好鍾意個軟殼蟹，炸到脆脆岩我，仔仔就話蝦餅好彈牙。整體都好滿意，食完超飽，下次一定會再來。

今日原本約咗舅父係大圍飲茶，點知我到咗之後打比佢，佢話唔記得咗出咗街，話叫我今晚先上去佢屋企食飯，咁都得，突然變咗個孤兒女潻😅😅😅😅😅咁我唯有自己一個人搵D嘢食先，大圍火車站附近好多食肆，一出東鐵過對面馬路見到好多人，又去八吓望吓係乜，原來係斬料檔，咁我一陣食完嘢就可以去斬料，今晚去舅父屋企到食飯😛😛，不過而家要醫咗肚先🤣🤣————————————————————▶️繼續行去右邊好多食肆，見到有間食越式嘢，入面都好多人食，門口望下D餐牌又幾抵食，同埋都好多款式，價錢大眾化，而且仲坐滿人，咁啱見到有人走，見到有枱，所以就走入去食😋✌️✌️✌️✌️✌️————————————————————-好多款式，選擇困難症又嚟啦😫😫唔知飲乜好又唔知食乜好，問吓店員有乜推介，佢推介我龍眼冰同埋順化番茄蟹肉扎肉湯檬，個名咁得意😎⋯⋯不過咁就搞掂咗我既選擇困難🤣🤣♦️1-龍眼冰—-冰凍解渴、足料龍眼肉，杞子，天然龍眼肉杞子的甜味，杞子護目，呢種天氣啱哂飲，天然健康解渴之選⋯⋯🍹🍹———————————————————-🔹2--順化番茄蟹肉扎肉湯檬——足料，有芫茜、蟹肉🦀、🐷肉碎、扎肉、豆卜、新鮮蟹🦀肉，蟹肉🦀鮮甜，豆卜

前排經大圍見有新店開張，原來係食越南菜嘅，咁我鍾意食泰國越南菜嘅人就一定會去試啦，叫咗火車頭牛肉粉、燒豬頸肉、同埋龍眼冰，火車頭牛肉粉份量超多，入面有生牛肉、熟牛肉、牛展、扎肉、同埋薄牛腩，先講嗰個湯底，好有越南嘅感覺，食得出入面嘅配料都係用越南嘅香料整出嚟，而個粉就煮得時間啱啱好，唔太林有d彈牙啱啱好，牛肉扎肉等就都入曬味，碗粉令我一試難忘。而豬頸肉就外脆內軟，外面燒到金黃色入面就保留到肉汁，點埋個秘製酸辣醬，好味！龍眼冰見原粒超大龍眼鋪喺杯面，性價比好高，而且天熱飲好解暑，下次嚟大圍如果唔想食飯，我一定會再嚟河內食佢地其他款式嘅越南粉。。