河內越式料理 (村南道)

營業中

休息中

大圍嘅越南餐廳，食物款式頗多，最出名嘅湯粉都係我嘅至愛之一，所以今次主力試吓呢度嘅湯飯。生牛肉湯河粉$58生牛肉嘅肉質非常鮮嫩，喺熱湯中將生牛肉浸到半生熟，真係人間美味，湯粉嘅湯底味道適中，唔會太鹹，同時亦都有好香嘅香料味，配合埋越式湯粉特有嘅青檸，真係非常吸引嘅美食。酥香軟殼蟹$42 原隻相嘅軟殼蟹真係第一次見，呢個價錢有成隻蟹真係好抵，酥香軟殼蟹非常香口，趣卜卜好好食，而且都係第一次見嘅菜式，好特別，令人相當難忘。熱越南滴漏咖啡$18非常香濃又有滑嘅越南咖啡，配上煉奶，質感更加滑同香甜，係飯後非常之正嘅飲品。凍越南滴漏咖啡$18凍飲同樣相當吸引，而且好大杯呢！