河內越式料理 (村南道)

營業中

休息中

呢日黎到大圍，見到呢間食越南野既餐廳門口好多人等緊外賣覺得應該唔錯，於是乎就試試佢！我地叫左雞翼撈檬同埋香茅豬扒撈檬！另外加左菜同春卷！黎得既都想飲下越式飲品，叫左青檸梳打同埋龍眼冰，佢既龍眼冰超足料，有好多龍眼同埋杞子！飲落好清甜！雞翼夠哂香脆，撈檬連埋d越式汁真係perfect!! 食極都唔喉想繼續食哂佢～豬扒都夠哂啖啖肉，食落口感一流！小食春卷炸到夠哂香口！ 入面好多料，真係正！嗌番碟菜就夠哂均衡飲食haha! 配埋梳打水真係人生一大樂事！好飲！

第一次寫食評不吐不快第一次幫襯呢間食店唔知食咩好就叫個廚師精心推介「順化蕃茄牛腩配法包」如果好食就再試其他等咗大約15分鐘見到賣相已經令我失望😩係法包稍為正常一點嗰個蕃茄牛腩比大快活大家樂更差試一啖牛腩竟然係凍😱仲要係冇乜肉，多數係肥膏😖冇蕃茄味只見有一層油浮喺面😖同侍應講佢話俾個熱嘅我之後個廚師都應該係用微波爐叮翻熱所以味道一樣都係難食🙈🙈試咗一次就夠以後唔會再幫襯*冇諗過今晚要比$78食四件法包😖*返屋企食碗杯麵仲好味

今次嚟到大圍呢間越式河內料理， 一睇門面裝修就覺得非常之有越南feel，好多竹製嘅元素喺入面，而餐牌都放曬出嚟，十分之經濟實惠，性價比好高。 最緊要係佢店舖夠乾淨衛生，疫情之下尤其重要。今次叫咗佢個牛三寶湯河，入面有牛丸肥牛同埋牛展，d料都算幾多， 三款牛一次過滿足曬你三個願望，本人就最鍾意佢個牛展，咬落十分之爽口，又有啲彈性。 而肥牛就係半生熟咁上嘅，靠佢個熱湯去浸熟啲牛，所以食落嘅時候就會啱啱好熟，十分之嫩口。個湯飲落都幾鮮味，配埋河粉食，就好好味。小食方面叫咗個酥炸軟殼蟹，上枱嘅時候仲熱辣辣好新鮮，食落夠曬酥脆，仲保留到蟹嘅鮮味。 另一款小食就係炸蝦餅， 蝦餅夠曬彈牙而且蝦味十足， 呢間嘢炸嘢方面都做得幾出色。另外叫咗個炸春卷湯檬， 個汁較到啱啱好酸度， 食落好開胃。 而且春卷嘅素菜都十分之多， 啱曬鍾意健康嘅朋友。

呢日嚟到大圍搵食，放工時間見到呢間河內越式料理好多人等緊外賣咁，於是就試試佢，我都好掛住越南野～果然冇令到我失望，我哋叫咗個春卷撈檬粉，河內三寶飯，再加咗炸蝦餅同埋軟殼蟹～野飲叫咗青檸梳打同埋芒果西米露～估唔到呢間餐廳都咁高質，三寶飯有雞翼、扎肉、同埋豬扒～配上豉油汁真係好好食！同埋佢個份量都幾多～ 加埋小食都有d飽hahahah春卷撈檬既春卷又係夠哂份量，配上專用既撈檬汁，真係夠哂夾同埋食到停唔到口，春卷又熱又脆～正！蝦餅同軟殼蟹又係又脆又熱！夠哂惹味！配埋越式特飲真係精神為之一振！

大圍火車站附近有間越南野都幾旺場，平均都係五、六十蚊一碗粉，今日同朋友食完都覺得唔錯！好耐無食過越式撈檬，叫左碗香茅豬扒撈檬，豬扒炸過相當香口，又唔會乾，得！配料例如紅蘿蔔和青瓜絲等份量足，整體都好滿意。價錢可以配埋餐飲，飲品選擇都多，我試咗椰果椰汁西米露，除咗椰果本身比較甜，整體甜到我覺得OK，係炎炎夏日嘅好選擇。另外仲有得追加小食，要咗個細既炸蝦餅（ $29 ），都有四五塊，同樣炸得好香口，外脆內軟，蝦膠幾彈牙，唔錯唔錯。同行朋友要咗招牌豬扒飯，炸豬扒同樣咁靚之餘，再加埋隻煎蛋，個樣都唔錯啊。

#大圍 #河內越式料理 二人餐抵食又好食😋二人餐盛惠185蚊就有兩個粉，湯粉，撈檬都得，仲有2款小食2選1，油菜，同埋 !重點! 特色野飲都包埋，唔使加錢，正! 味道方面，我揀咗#香茅豬扒撈檬 ，豬扒煎得啱啱好，又入味，重香茅味，啲肉又嫩，分量又多👍檬粉同平時嘅差唔多，啲酸汁酸甜比例差唔多，又唔太辣，啱哂我呢啲唔食得辣嘅人🤣#油菜 用咗雞湯烚，唔會淡茂茂小食可以揀雞翼或者#米卷，我地揀咗後者，都係分量好足，入面有雞胸肉，蝦，生菜，米粉，味道就一般般#生牛肉湯河 牛肉好嫩，唔膻🤤店員仲好好人，會提我地一上菜就要浸啲牛肉，怕啲湯涼咗浸唔熟👍👍👍👍👍#椰汁三色冰 少冰，真係有少冰😍仲好大杯，好襟飲❤可以下次再試😋味道: 8/10味精: 8/10價錢: 7/10環境: 7/10服務: 8/10#vinaintaiwai #vinafood #vietnamesecuisine #pho #riceroll #veitnamesefood #廣東話 #foodporn #foodiehk #likesforlike #f4follow #f4f

行完山來個滋味下午茶好耐沒有來大圍，夏日炎炎食唔落飯，最好就是越式撈檬來慰勞自己，下午茶時段，呢間河內越式料理就岩哂啦。場內座無虛席，大量街坊常客，下午茶來講選擇十分多，湯檬同撈檬都共有有13款，最吸引我一定是越式蝦餅。=̶ 順化蝦餅撈檬 =̶ $52推介:⭐️⭐️⭐️⭐️⭐️一上枱，夏日炎炎最需要呢種健康清新的觀感，青瓜絲蘿蔔絲生菜絲及花生碎，炸香脆口又軟熟嘅蝦餅一齊混合哂就是完美。蝦餅沾上甜酸醬加多一層開胃感，另外加$18有多兩隻香茅雞翼做小食， 再加$12 要杯熱情果冰，整餐就是迎接夏日充滿健康開胃的下午茶。👅美味: 8/10 😮驚喜: 5/10✨環境: 7/10 💆‍♂️服務: 7/10💡性價: 7/10 🐽飽肚: 9/10💫回頭: 7/10 👍推薦: 8/10

自己一個人嘅weekday dinner,想食得簡單啲，哩一間係屋企附近嘅越南菜，值得一試。佢哋嘅檬粉，同埋小食都有唔同選擇，非常豐富，我自己都睇咗好耐先揀到😍最後試咗佢哋嘅順化蝦餅檬粉，酥香軟殼蟹，同埋鮮芒果西米露。蝦餅非常之彈牙，而且好大份，好足料。軟殼蟹新鮮即炸，所以食落去非常脆口。因為無骨，所以啖啖肉好正。新鮮嘅芒果，凍飲更加清涼又解渴，酸甜之餘仲有粒粒西米露增加口感，椰香嘅底，更加香滑。

講到食越南湯河，在峴港旅行時食過，真的令人一試難忘😋估唔到響大圍都可以食到咁接近嘅越式味道。越式湯河（火車頭）可以供兩個人食，超大碗，有牛𦟌、牛肉、牛丸、扎肉部位，牛𦟌嘅口感比較柔軟，牛肉則肉味比較強，至於牛丸口感彈牙，可以加入調味料、辣椒粒粒，從而令鮮甜的湯底增添少許辣度。另外小食都唔錯，追加就可以叫一個燒豬頸肉，爽脆可口，外脆內軟。炸蝦餅，鬆化外脆，啖啖彈牙的蝦肉，沾酸辣醬酸辣可口，好惹味。配上冰涼的芒果西米露，香甜有口感又透心涼。越南咖啡又是一個經典之飲品，咖啡味濃郁，加點煉奶便是越南的傳統飲法啦。

黎到大圍，近近地係火車站附近食晚飯，我選左呢間越南菜，由正宗河內人主理，因為被餐牌林羅滿目的種類吸引，選擇困難症又發作。餐廳雖小走平民大眾化街坊生意，所以食物相對亦貼地份量足。最後點左：順化牛肉煎蛋飯 $60順化牛肉是越南當地特色烹調做法之一，將牛/牛腩先醃製後和牛骨湯一起燜燉，使得牛肉完全鬆化，湯汁美味。牛肉好軟稔而醬汁比較濃，入味，配飯吃一流。煎蛋配這個醬汁都好好味呢！越式炸蝦餅 $29 追加左呢款個人喜愛小食，真係手打的蝦餅，彈牙多汁，外脆內軟，亦不會太油膩。特飲只須加$12 ，天氣熱 我點咗龍眼冰，真材實料兼非常豐富！龍眼肉爆滿，粒粒彈牙爽甜，味道係天然水果甜味，清心潤喉，是夏天解渴飲料必點之選。令我想起河內的美食，呢度有各種必點食物種類，價錢大眾化，不論堂食外賣 都唔怪之得咁多街坊幫襯。

越南嘢不嬲都係我既comfy food🤭 今次就去咗大圍搵好嘢食，見到呢一間餐廳門口幾靚仔，入邊又多人，就諗住去試一試喇😋越式生牛肉河望落去賣相一流！上邊嘅蔥同洋蔥都超級足料！食生牛肉河第一件事就係試下佢啖湯先，香味濃郁，又夠牛肉味！正！😋炸春卷睇相已經睇得出春卷有幾脆卜卜🤭 無得唔讚下佢！其實兩舊唔係幾夠我回味！😚炸蝦餅呢個買相好似一半，不過食落去就好有驚喜！就好似食到幸福嘅感覺咁～ 🥰🥰唔腥但依然都有蝦味👍🏿

2021年5月5日 星期三今日又同阿媽去食越南粉～ 大圍揀呢間河內就一定冇錯！香茅豬扒湯檬香茅豬扒炸得非常鬆軟入味，外表金黃焦香，咬開帶少少油膩感非常鬆脆！非常好食的香茅豬扒！越式牛展湯檬牛展好多，切得唔會太薄，有咬口又唔靱，非常爽口～越式豬頸肉好香，好鬆，當小食不錯～上湯灼田園菜雖然只是上湯灼菜，但一點兒都不馬虎，不單止有炸蒜蓉伴碟，而且全部都是生菜心，非常有誠意！份量也不少！椰汁紅豆冰高質！椰香味都足～又夠凍又夠滑！紅豆煲得夠爛，味道能滲入椰汁中～又好食又入味！青檸可樂檬樂飲得多，想不到有青檸可樂這個選擇，非常醒神！如果不是太餓或食量不大，叫少粉就夠了，我雖然本身肚餓但這個正常分量都吃不曬，檬粉的份量真是十足，相信一個成年大男人都一定會夠食！

💛黄店 · 中肯 · 獨到💛誠實金舌頭👅✅貼地掃街✅日常正餐✅高級餐廳✅麵包甜點✅自助餐情報✅StaycationFollow我一齊食好西❣<抵食有水準越式餐廳>#露比覓食大圍 #露比吃料理夏天熱到冇胃口唔知食咩好，食酸酸甜甜既越菜岩曬！😋今日決定試一試呢間成日好多人排隊既河內越式料理，一入到門口就有服務員招待並且帶位，感覺良好❤️坐低後服務員主動遞上餐牌，並且有簡單介紹菜單讓人了解更多，值得稱讚⭐️我和友人分別點了極品牛三寶湯河粉（生牛肉、牛展、牛丸）、順化蝦餅撈檬作主食，小食則追加了香茅雞翼及越式豬頸肉🤤🌟 極品牛三寶湯河粉 (8/10)碗極品牛三寶湯河粉嚟到我面前嚇咗跳！份量好足，抵食到爆🥰生牛肉切到好大塊，而且口感薄易入口，牛展煮得夠熟易咬口，牛丸咬落去有清甜的味道，好好味。🌟順化蝦餅撈檬 (7.5/10)蝦餅好大塊又厚身，外表冇炸過龍顏色鮮艷👍🏻蝦味十足，肉感彈牙。🌟香茅雞翼 (7.5/10)香茅雞翼放係檯離遠已經聞到佢既香味，味道一流而且重點夠熱！試過有啲餐廳係放凍咗，一啲都唔好食。🌟越式豬頸肉 (8/10)越式豬頸肉配上甜酸醬簡直係絕配，而且肉感嫩口。飲品我叫

在大圍、積存圍逛逛後，晚飯在大圍村的「河內越式料理」。$185二人套餐：生牛肉湯河、香茅豬扒湯粉。生牛肉湯河頗多油膩，牛肉與湯底是不錯，份量都可以。香茅豬扒湯粉，湯底尚算清甜且沒有油膩，有骨豬扒非常薄身，份量頗少。二人套餐小食：香茅雞翼、田園蔬菜。香茅雞翼味道很淡，剛炸也很香濃。田園蔬菜是生菜，很爽脆。二人套餐特飲：芒果西米露、蜜蜂柚子梳打。我的鮮芒果西米露，不太甜，芒果肉十分少份量，有點失望！單點：越式咖哩牛腩飯，有三大件牛腩與一件牛筋，還有幾塊薯仔，份量都算足夠，味道也不錯，咖哩汁淘飯也可口的。

上星期五來到朋友家探訪後,就附近食晚飯,最後決定食久違越南美食~ 河內越式料理。店裝潢不錯,環境舒適。.... 【極品牛三寶湯河粉】 $69這款有三款餸,分別有生牛肉、牛展及牛丸, 好豐富,仲有九層塔及其他香料呢!吃前再擠點青檸檬汁及辣椒碎,可加添牛三寶湯河粉的美味！三款餸中,特別喜愛食生牛肉口感嫩滑又鮮味。當然湯底是靈魂所在,具啖啖濃郁牛肉湯底,配滑滑河粉,回味無窮。..【香茅豬扒撈檬】 $62豬扒口感酥鬆,散發淡淡香茅味,惹味又香口,再配上適量酸酸辣辣的汁撈爽口檬粉,夠哂清新醒胃。..餐追加小食【酥香軟殼蟹】配餐另加 $42軟殼蟹炸得香脆可口不油膩,想不到還有甘香蟹膏呢!..【龍眼冰】餐另加 $12  + 【椰汁三色冰】餐另加 $12這龍眼冰好清味道清甜香醇,仲有杞子,好健康飲品呢!椰汁三色冰有濃濃帶甜的椰汁,加入餡料,是口感豐富的特飲。.