沃川自家料理

營業中

休息中

最近忙於工作，忽略左屋企人。於是趁周日陪佢行尖東，行完見肚餓就去搵D野食醫肚，上openrice網站搜尋左下，喺南洋中心搵到呢間日本料理店，於是就walk in入去試下。去到南洋中心搭扶手電梯上一層就到，唔算難搵，因時間尚早客人唔多，店員安排我哋坐左靠窗位置！打開menu，刺身、壽司、燒物、天婦羅等一應俱全，我地就樣樣都點左一D！最先上左個係蛋白撈薯仔沙律，面上撒左蛋黃碎，食落好味！雪場蟹腳，啖啖肉味道也相當爽甜，非常滋味 鐵板炒宮崎m5和牛排，色澤紅潤賣相很吸引， 入口油脂湧出，伴隨濃郁牛香，食落Juicy，一股油香縈繞於口中，很邪惡 活造小龍蝦刺身：蝦肉本身緊實鮮甜，肉質爽脆。 壽司拼盤，刺身厚切，將整塊壽司一齊放入口中，壽司的飯香與海鮮的香味才能完全相融，香味在齿頰間填得满满的，濃香的滋味在口中久久徘徊 雞翼，擠D檸檬汁落去會冇咁乾身牛舌，雖然厚切，一樣爽脆嫩口，味道亦剛好 每逢食日本料理，天婦羅對於我來講系必點，沖繩涼瓜非常好食，甘甜又有汁。 沃川自製粟米天婦羅系本店有特色的一道，金黄色外表散發着令人食指大動的食材香味，香脆無油膩感，切成一片片，食起來相當方便店員的質素

同事Denis提議收工後一齊去食日本菜，大家都知佢係識食之人，有佢帶路當然好啦，於是佢就搵左呢間居酒屋～“沃川”，亦即刻打電話去訂位。今日大家咁高興，我哋叫左支純米大吟釀，平時我對酒就冇乜研究，但都俾呢隻清酒的怡人香氣吸引，緊係要飲返杯啦。有美酒當然要配佳餚，叫左個刺身拼盤，有活造小龍蝦刺身，蝦肉鮮甜嫩滑卻不失爽口彈牙；鰝鰺池鱼，魚肉雪白，晶瑩剔透、肉質細膩。配上餐廳自製酸汁和芽蔥，入口鮮甜，質感分明；活北寄貝也是非常脆口而鮮味突出；活造象拔蚌夠厚肉，醮上山葵和醬油，既能去掉多餘的腥味更能品嘗到象拔蚌原汁原味的鮮甜；而滿口油香的拖羅更是刺身中的極品   壽司拼盤的組合豐富，海膽味道甘甜；鰻魚美味，飯香和鰻魚的香味完全相融，食後令人滿足；吞拿魚，三文魚籽，鮮帆立貝等各種壽司都叫人想一一品嘗！日本番茄，好清甜，芝麻汁惹味冷食之餘再點幾個燒物。雞翼、牛舌經過提前醃製，烤后口感軟脆，厚切讓牛舌更加爽脆肥美。 雞翼冇雪味，好食！粟米天婦羅，粟米一向以清甜為賣點，只簡單加薄薄的澱粉，炸過之後更大粒飽滿，味道亦更甜好大隻嘅清酒煮蜆，非常新鮮，而且肉厚味鮮！餐廳雖然唔大，卻讓人感到舒適，服務殷勤周到！

呢排成日喺尖東做野而尖東亦出名多餐廳多野食今日放工就隨意黎到呢間活魚和串燒都幾出色的日式小店～沃川。餐廳位於南洋中心嘅一樓，店面不大，我就揀左個窗口位坐低，可以俯瞰窗外的街景  店內除左有固定餐牌，也有當日店長推介的新鮮食材，方便客人點菜頭盤先黎個日本蕃茄，有芝麻汁和柚子汁兩種選擇，我就揀左芝麻汁，非常新鮮的蕃茄，配合芝麻汁，清爽又開胃。縞鯵池魚是日本直送鮮魚！池魚薄切，刀工不錯，賣相精致，食落仲正，肉質鮮嫩，入口爽滑帶脆，毫無腥味，可以搭配酸汁，令鮮味更加鮮明。亦可配蔥或捲芽蔥食，提昇口感  鐵板炒宫崎A5和牛粒，和牛脂肪不俗，肉汁保留著，非常軟腍，牛肉味濃郁鮮美。日式清酒煮硯，蜆好大隻，沒有沙，肉質鮮甜且帶有清酒的香氣，不過要趁熱食！佐酒類串燒、天婦羅也不俗，厚切的牛舌，口感彈牙，鮮嫩多汁。白膳，肉質細致鮮爽 ，外皮少少脆，有著魚油甘香。日本南瓜、舞茸、日本一口蕃薯等都好甜！餐廳食物款式不少，每款都很出色，不失為吃日本料理的好地方！

平日聚會偶爾都會選擇吃日本料理， 因為朋友中大部份人都喜歡吃刺身壽司, 又有熟食可選擇，還可以點上支清酒，小酌一番!!今次我哋就揀左位於尖東南洋中心嘅“沃川自家料理” ，呢間店面雖然細，但食物的種類及質素卻可以帶俾我驚喜，壽司，刺身，串燒，飯面，掦物，清酒等一應俱全，日式小屋，榻榻米，處處顯心思。我地book定左間VIP房難得聚會咁高興要飲返杯   縞鰺池魚，非常新鲜！拖羅，油脂豐富，入口即融，食後滿口魚油甘香，鮮甜味濃。活造小龍蝦，啖啖肉，表面炸得微脆，食落肉質爽口彈牙，非常香口 ！壽司拼盤，由廚師發板的時令壽司，有吞拿魚，海膽，三文魚籽等十分豐富，全部都很新鮮，新鮮的魚生搭配調味好的飯團，一口一個滿足！其中吞拿魚，肥美甘香，肉質柔嫩鮮美。還有海膽壽司, 令人回味無窮。 清酒煮蜆，酒味不會太濃，淡淡的酒香，令蜆肉更加鮮甜。  串燒也很出色，如燒雞翼，十分香口，皮脆肉嫩。鹽燒牛舌切得好厚身但肉質細嫩，食過返尋味  天婦羅也是必點的，舞茸，外層酥脆，內裡仍保留豐腴多汁與菇的香氣；沖繩涼瓜，香濃甘甜，粉漿脆薄，水準不俗；粟米天婦羅，粟米，蒸熟后再炸，粉漿薄，入口香脆，玉米極清甜，多汁。 

日式料理喺香港越黎越大眾化，自然而然亦成為我喜歡的菜式之一！是日就隨友人來到尖東南洋中心的“沃川”自家料理，位置雖有點隱蔽，但亦唔難搵，上左一層轉個彎就到。坐低後每人先黎份薯仔沙律，份量唔多但好好味！ 活北寄貝刺身，肉質厚身肥美，口感爽脆鮮甜，鮮味天然 壽司拼盤，是由廚師發板以當時最新鮮的食材作的料理，所以都非常新鮮，分別有特選海膽，吞拿魚腩，左口魚邊，三文魚籽，鮮帆立貝，海甘魚，劍魚腩，鐵火卷。全部都很新鮮，其中吞拿魚壽司，柔嫩鮮美。三文魚籽壽司，咬開魚籽，鮮味非常。鮮帆立貝壽司，鮮滑爽口。最愛特選海膽，嫩滑無比 ，甘香回味。 鹽燒宫崎M5和牛排，伴隨著蕃茄，生菜等看起來更豐富，亦可減低肉類的肥膩。和牛十分香口，外焦裡嫩，油脂豐潤，肉質剛非常嫩滑，美味至極。鹽燒白鱔，燒的啱啱好，表面微脆，肉質爽嫩 鹽燒牛舌，香噴噴，肉質脆嫩多汁，佐酒一流  餐廳食材矜貴，製作精緻，海產鮮活，熟食亦極富水準，值得下次再來。.

閒時我就最鐘意約朋友去食下野飲杯酒吹下水！是日就約左幾個朋友，黎到尖沙咀南洋中心的“沃川”沃川係一間甚具日本風味的居酒屋，店面唔係好大，木製枱櫈，中間係吧枱，有幾間房，仲有榻榻米！酒類都有頗多選擇 坐低先黎份薯仔沙律，食落同出面果D薯仔沙律唔同，呢個加入左雞蛋，上面金黄色嘅係蛋黃碎，而蛋白就撈左落沙律醬度，食落味道香濃 芝麻汁日本蕃茄，好大個，一開六仲大大件，清甜的蕃茄配上惹味的芝麻汁，是開胃的冷盤小食 活造小龍蝦刺身，新鮮生猛到上枱仲識郁架 鹽燒雞翼、牛舌：牛舌切得好厚，估唔到厚身一樣可以咁腍咁嫩口，雞翼都好入味！ 店長精選時令壽司，賣相精緻，鱼生新鮮，海膽、魚子的份量好多，特別係鰻魚，好厚身啖啖肉，鰻魚香滑無比，令人回味無窮 鹽燒北海道鱈場蟹腳，燒過後仍然保留住蟹肉的鮮味，伴碟有生菜，蕃茄！ 鹽燒宫崎M5和牛排，色澤紅潤賣相吸引， 散發著令人食指大動的香味，伴隨濃郁牛香！ 每次食日本料理，我都必點天婦羅，今次有沖繩涼瓜，表皮酥而透明，甘甜又多汁，非常好食；舞茸，菇類本身就比較清淡，醮點餐廳自製醬汁，食落鮮味十足及Juicy。 粟米天婦羅，清甜香口，切成一

聽同事講起，有間隱藏於尖東南洋中心的日本料理～沃川，食物質素好，價錢大衆化，正擔心晚餐唔知食乜好，於是放工後就約咗班friend一齊去試下啦。鰝鰺池魚，餐廳自製的酸汁，充分帶出鱼肉的鮮味，食落肉質細緻，亦可以捲著長長的芽蔥一齊食 ，味道更鮮美拖羅，脂肪分布均勻，係吞拿魚最肥美的部位，好新鮮肉質非常肥美，入口即溶鹽燒牛舌，燒得香口之餘仍能保持肉汁豐腴，口感嫩滑而有嚼勁，佐酒一流柚子鹽燒白鱔，燒得皮脆肉滑，好香 清酒煮蜆，蜆好新鮮大隻，食落一D都唔韌，配合清酒的芬芳馥郁，真係鮮甜無比天婦羅，沖繩涼瓜，味道甘甜爽脆；舞茸，味道清香四溢，肉質脆嫩 ；栗米係天婦羅係第一次食，聽店員介紹係將栗米蒸熟后再炸成金黃色，表面炸漿薄，仲可以睇到一粒粒嘅栗米，炸過後仲好多汁，食起來栗米香脆飽滿，一D都唔油膩 朋友果然無介紹錯～下次會再黎幫襯 

因為獅子王食家的一幅相，今日再去沃川午膳，是一間不錯的日式食店，值得介紹👍這個伊勢海老及手鈎池魚定食，就是獅子王食家的介，不用$200大元就食到，超級新鮮！！而這個蒜香牛臉肉是店員的推介，香口好味亦不用＄100！！

今日朋友介紹黎哩度試下! 係度反工咁耐第一次黎! book左位都等左10分鐘左右!lunch set都好多選擇呀!我地就揀左三文魚刺身定食同埋人氣沃川魚生飯!人氣沃川魚生飯有好多好多魚生!更有不同種類例如三文魚, 魷魚,吞拿魚, 油甘魚, 蟹子, 北寄貝!而且係十分新鮮! 飯酸味道啱啱好! 唔會過份酸! 另外三文魚刺身定食我就要左烏冬!份量超多! 三文魚好肥美! 又新鮮!日本烏冬好爽口~正! 午餐都包前菜, 麵鼓湯同甜品(雪糕糯米磁)~抵食! 可惜今日等食物時間太耐! 可能太多人吧! 

今日同事帶我們到尖東的「沃川」。如果唔係同事帶我來, 真係永遠都不知道這陳舊的商厦內有間本地日式料理店。幸好今日特意早點過來, 否則只有在門外等位。店內十分細小, 加上環境幽暗, 令小店感覺更加地道。牆上掛了不少已經開始發黄的客人照片, 看來這小店歴史悠久而且不少熟客仔。午餐menu有2個, 1個只百多元的, 另1個是一百元以下的。平凡的我, 當然配上一百元以下的午餐。人氣沃川魚生飯$78。午餐沒有加一, 包括前菜(毛豆及蘿蔔粒)、麵豉湯(豆腐紫菜)及甜品(獨立包裝的雪糕糯米池)。主角魚生飯。魚生不是切粒, 而是切成條狀。魚生有魚籽、三文魚、油甘魚、赤貝、魷魚, 多款材料令顏色添加不少。加上師傅把魚生砌成金字塔, 賣相不錯。魚生味道不算得特別肥美, 但口感比起切成粒狀的魚生豐富得多。

這篇是我第一篇的食評, 因為我既同事,提起我寫食評既興趣, 去紀錄同分享我去既餐廳, 我覺得都算係幸福既一種吧都經過一星期公司既洗禮, 終於來到friday night辛苦了一星期當然要獎勵下自己, 今次是我第二次光顧這間店, 第一次俾我既感覺是一間不起眼既小店, 如果不是有人帶我來, 我真的沒有特別會注意,今次第二次來, 食物, 環境, 店員 都俾到我好溫暖的感覺店員一開始會簡介今日新鮮運到的食材, 整晚雖然一直滿坐, 但都會照顧每個客人既需要是一間非常值得推介的親切小店!

去日本旅行時經常會光顧居酒屋!!!喜歡他們的氣氛及格局, 而理料亦是精心泡製的~~其實香港都有很多這些類似居酒屋的小店!!今次就同友人黎到經常經過的尖東, 這間叫【沃川自家料理】的日式小店''*內裡地方不大, 低設有幾間獨立房, 可以一理朋友飲下酒食下野；而且這裡裝潢跟日本的居酒屋真的一模一樣喔~~先來是餐前小吃：雞肉沙律小小的份量雞肉加上特製醬汁, 酸酸地挺開胃!!!❤ 芒果柚子風大蝦野菜沙律很大的份量, 入面有好多鮮甜芒果及大蝦, 非常新鮮!!!酸酸甜甜的醬汁, 沙律菜又很爽口''*另外還點了數款刺身及生蠔''*一盤刺身拼盤般端上, 睇見到好正呢~~分別有三文魚腩刺身, 中拖羅, 油甘魚刺身；幾款刺身都係厚切又肥美, 好有口感!!!還有原隻螺肉切片的刺身, 就連肝臟都會原碟奉上!!!平時很多人都不會吃螺的肝臟, 但其實它是最正的部份；軟腍腍的螺肝, 新鮮又不會有腥味''*(不是很多人欣賞它的味道及口感呢, 有興趣既真的要試試~~)這隻日本真蠔有成隻食指咁長身架!!!重海水味的生蠔, 肉質肥美又鮮, 一隻有點不夠喉呢~~再來串燒類：牛舌串 & 蕃茄豚肉卷串牛舌是厚身的, 每串兩片,

Have been to Yokukawa many times for both lunch and dinner and must say there lunch is a much better deal.  It's my favourite Japaness restaurant in Kowloon side.  It locates at an old mall in Tst East.The set lunch ranges from $80-180, I had this assorted shashimi rice and it was really fresh.They do offer different kind of shashimi each day depending on the freshness and the shipment from Japan.It does keep me happy for the rest of the day 

尋幽探祕到尖東，在南洋中心這個格調不高檔的商場內二樓竟然有兩家日本料理店，兩者座落相對角落。支持小店，是夜看中這所疑似日本當地家庭式風格的店。餐前小吃餐前小吃有水準，一人一小碟雞肉沙律，雞肉切成小粒，本身醃味豐富，就像媽媽的獨門祕方，味道令人懷念，混合了一些香草丶辣汁及配以生菜一片，微微的辣度刺激胃液，醒胃。龍蝦沙律口感既爽亦鮮，龍蝦肉切粒份量不少，亦有蝦仔，調味平衡，沙律汁自家製，味道豐富。笠蚌刺身一只全吃，三款肉質包括肝丶邊位及主體，非常鮮甜爽脆，肝臟軟棉超甜，新鮮至極，值得推薦。活赤貝同樣新鮮爽脆，非常甜美。柚子鹽燒白鱔調味濃郁豐富，傳統鰻魚汁的鹹甜杰身醬汁，添加柚子的甜，白鱔亦厚身肉質軟腍，足料有八件，才賣$68，相比在中菜餐廳賣的炆白鱔，賣百多二百元一份都沒有幾件，實屬超值，但話說過來，新鮮比較有嚼勁，是不一樣的風味。鐵板炒宮崎和牛粒肥美嫩肥的和牛，永遠討好，味道濃郁香口。食物的味道是傳統家庭風味，煮物食材預先醃味，味道豐富，但難免口味油膩了一點，跟現代風吹向清淡健康不一樣。兩款貝殼刺身，選材出色，價錢合理。

尖沙咀餐廳林立，很多位處樓上的小店Si都沒有去過呢！聽說有一家位於尖東的日式小店不錯，所以Si特意和好友去試試！就是這間位於南洋中心的沃川自家料理啦！地點蠻隱蔽的。餐廳位於商場二樓，地方不算很大，但都有幾間獨立房呢。地方整齊清潔，頗有日本居酒屋的格調。食物種類都不少喔，特別推介的食物餐牌都掛滿牆上。Si和好友什麼都想吃呢（吃貨出動！）首先送上的是前菜，大概是是日式醬汁雞肉吧？然後點了芒果柚子風大蝦野菜沙律。份量很多啊！菜都滿新鮮的，醬汁不算太濃，芒果很甜！亦都點了刺身。有三文魚腩、油甘魚、拖羅、生蠔、螺，Si最喜歡的是生蠔啊～～海水味很重很鮮！！三文魚腩、油甘魚、拖羅都是厚切的，很有口感！螺肉都很鮮甜，不錯不錯！另外都點了些熟食，有蕃茄豚肉卷串。豚肉大概就是煙肉吧？因為和煙肉的口感幾乎是一樣的。以蕃茄中和咸味，不過Si比較喜歡中間的是荔枝呢！雞頸肉串有連著少許雞皮，十分香口亦燒得滿乾身的。燒西京銀鱈魚就比較普通了點，味道正常。最後就是以蔬菜類結尾！不過點的是粟米茄子天婦羅！Si比較喜歡粟米天婦羅，又甜又嫩，很好吃！雖然是樓上小店又不太起眼，但食物卻是不錯的呢怪不得星期三晚上八時多已差不