沃川自家料理

營業中

休息中

繼續係 尖東午餐 推介呢間野啲staff經常西面，特別係lunch time 果陣。加上啲staff會為左留你係度，會不停咁呃你話啲野食就快上，就快有位etc⋯真係有充足午餐時間先好試🙄.但咁講，野食水準還可以嫁。.我每次去都係食生野😂而當中我最推介既係佢地個招牌魚生飯套餐J😂😂😂🤦🏻‍♀️可以見到有三文魚、吞拿魚、油甘魚、魷魚、蟹子、蟹肉⋯全部切成一條條係飯面。無雪味，都仲係新鮮野。.貴價（$78）懶人之選（因為用匙羹就搞掂爬晒落口🤦🏻‍♀️😂）...

同肥髀出去理大攞馬拉松選手包，再行去尖東搵食，呢間日本菜之前已經想試，今日6點幾來到，無訂位都即刻入座（不過座位唔多，都係訂位好啲）地方細，桌椅都幾迫，店員有禮，見我哋袋多，所以即刻主動搬張櫈比我們放袋！又介紹是日推薦食品！落單後食物相繼上菜！前菜/蒟蒻漬物（$20）有蒟蒻、木魚絲、肉絲，不過啲汁太甜，肥髀就喜歡蒟蒻嘅彈性，淨係食晒啲蒟蒻就算！一口蕃薯（1客/2串）熱辣辣，皮煙韌，蕃薯心甜！好味！燒牛舌（1客/2串）一串三片，彈牙又無渣，一啲都唔韌！加啲鹽同黑椒已經好好味！蟹籽沙律（$68）青瓜絲爽脆多汁！蟹籽卜卜脆好彈好新鮮，沙律醬酸味開胃！好味碎蔥吞拿魚腩壽司（$136/2件）魚蓉好肥美，嫩滑鮮美，青蔥好香蔥味紫菜片新鮮好脆口！好味！汁燒蠔（$73）蠔雖然唔大隻但新鮮，加豉油燒提味好食！燒芝士年榚（$58）似食芝士蛋糕，外面鬆軟，餡料嘅日本芝士軟身煙韌！好味清酒煮蜆（$98）一碗都幾多蜆肉，蜆似似北寄貝咁有條紅色舌頭咁，酒味幾香濃！湯好清澈，加啲香菜提味，飲落好鮮！不過有幾隻有少許沙！扣分！紫蘇梅子卷（$58）一份6件，梅子味太重，紫蘇只有一片，味道唔出，結果只係食到好酸嘅梅子味！

13:00 大雨遟了5分鐘到，冇位再等可以理解，13:05 店員話等多"5分鐘"有枱，我哋等，最後過咗"10分鐘"... ...13:15 都冇叫入座，我哋叫咗餐先，佢話等多"2分鐘"清枱，最後再等咗"10分鐘"13:25 終於有枱，最離譜呢個，佢話入座後"1分鐘"就有餐到，結果等咗"10分鐘" ... ...13:35 只上咗2個魚生飯，再問，佢突然同我講，20分鐘前點嘅三文魚依家話冇三文魚，叫我哋揀過，要轉蜆鍋最快，13:40 最後蜆鍋同叫咗25分鐘嘅青魚定食都未到，結果唔夠時間食叫取消結果，4人去食飯，變成2個急住食，2個要去食老麥。如果妳一早話要等咁耐，我哋一早轉去另一間，但問妳等幾耐？不停報細數害我哋無了期等，最後仲要因為食唔切，同行要被迫轉地方食，呢種服務質素，根本唔應該在尖東生存。

Quick lunch at this small hidden Japanese restaurant in tst east. Very crowd n small seats. Order a sashimi bowl for lunch . It is with a full slice sashimi ,none of that minced cheap eat. Good fish with their in house sauce but they could improve on their side dish . The pickle radish is kind of stale and the green bean is not very bad. Not the best place for service but the fish quality was good

是日HAPPY LUNCH, 想食日本野, 第一時間諗起沃川食lunch set 都幾抵架, 同埋都有好多選擇, 熟食有, 魚生飯亦有價錢大約係$78 - 108 不等是日我就叫左個魚生飯, 我同事呢, 就食煎雞扒定食我個魚生飯都幾足料同埋新鮮至於個煎雞扒家食, 我同事都讚口不絕佢話d 皮煎到脆脆地, 好香口佢講到真係好正架, 而我都聞到好香所以下次再來, 一定會試佢0個個set! 同埋最後有甜品, 係雪米滋, my favourite! 

沃川餐廳已經來過很多次，本人亦曾於上年八月寫過一篇食評，可是那時候剛剛開始寫，照片欠奉文字又寫得粗疏，今次決定再來一遍今晚有訂位，獲分配了靠窗二人枱，可眺望噴水池景色！可惜鄰座一行三人高談闊論粗口橫飛，壞了雅興首先來了一板壽司。本人不吃生食，所以只點了蟹柳卷。蟹柳卷比坊間一般的好吃，米飯調味和質地恰到好處，蟹柳吃下去味道亦嚐到是上品貨色愛人點了左口魚裙邊和油甘魚腩壽司，看那些魚的顏色光澤已經知道會好吃！尤其左口魚裙邊經過特別處理輕輕炙了一下，入口充滿油香，超正燒豚肉蘆筍卷。蘆筍選了最好的部份，入口清新爽甜完全沒有渣，卷上燒得甘香的薄切豚肉片，簡直是絕配燒雞皮串。很明顯這個是魔鬼食物，也很明顯我倆是那種為滿足味蕾而妥協健康的人！ 雞皮烤得很脆很脆，雞油脂肪溶在舌頭的一刻真是令人很滿足啊天扶良海中蝦。這可是侍應姐姐強烈推薦的，完全沒有令人失望！蝦的身體部份十分彈牙爽甜，天扶良粉漿薄薄一層炸得鬆脆。最特別是連蝦頭也炸了來吃，咬下去脆脆的有香濃蝦味尤勝吃蝦片田樂豆腐。這個是我倆的至愛，每次來沃川必吃。田樂豆腐厚厚一片，炸得外脆內軟，脆皮上微甜惹味的味噌醬汁提升了嫩滑豆腐濃濃的豆香，百吃不厭，每

自有左bb後，帶佢出街食飯都會慎選。太污糟既唔敢去，冇位放bb 車又唔去，但最緊要係食店態度歡唔歡迎有bb 既客人。好似今日晏晝帶bb 去尖東搵爸爸食飯，揀左呢間沃川，一入去個短髮女侍應叫我地坐bar 枱，入到去先知有table 枱，因為我用hipseat 又拎住個袋，bar 枱又冇地方擺野，都唔知點放 bb 落黎好，係呢個時候我地隔離黎左3個靚OL, 就有個男侍應主動拎左椅俾佢地擺個細手袋。我同老公即刻對望，心諗我地仲多野拎又有bb 但佢地完全冇諗住幫手。都算，抱住照食。叫左既三文魚刺身定食同魚生飯都好食既，最後食完好快埋單，臨走時隔離3 個靚OL 都埋單，阿短髮女侍應仲俾左3粒甜品糯米滋俾佢地，但我同老公係冇既，我係個侍應面前同老公講：「原來有甜品」但個侍應望左我地一眼就走開左講真唔係有 bb 大哂老馮要人善待你，而係咁明顯既態度我會覺得呢個餐廳好唔歡迎有 bb 既客人。食完都背隻骨落⋯相反有時去茶記食d 侍應哥哥都會見你推住 bb 車幫手開路俾我地過⋯估唔到去尖東呢d 高級少少既食店係咁既態度⋯

响完全無期望之下，竟然食到咁有水準嘅日本料理！講真，裝修環境有點殘舊，但食物勝過一切！而且收費不貴！個人心水推薦 ：鮮蟹肉蟹膏炒飯燒白鱔厚燒玉子龍蝦海苔天婦羅卷如果要講有乜唔好，只係串燒有少少燶，串燒都好好食！

今日有條同事返工迟到，今日lunch佢做東哈～然後不經意幾個人就一齊去“沃川”到食。既然咁開心咁特別既日子有老細做東仲唔食盡佢咩我地求其點佐D野食第一時間就上佐個剌身拼盤，D魚生一啖嫩一啖滑，口感新鮮極至。分別有梭子魚、活赤貝、牡丹蝦、象拔蚌。牡丹蝦正到不得了，一定要試試黎得沃川又點可以少佐雞股，香噴噴熱辣辣，每日限量二十串，手快有手慢無天婦羅：茄子、青椒、盧荀、沙咀魚、花竹蝦。樣樣啖啖肉卜卜脆，哇正！個花竹暇連頭都食埋！點佐個黑醬油豚王拉面，D湯都幾好味，醬油味夠香濃，拉麵夠彈牙最後人手一杯特飲巨蜂提子，食飽肚黎個開胃飲料都係個唔錯既選擇間餐館環境0k，雖然唔大但服務到位，價錢適中，係同事共餐既好去處，我會再返黎嘎，哈！

收工約左喺尖東返工既朋友食飯，朋友話有間佢去開既居酒屋，食物質素唔錯，於是就由佢帶路，黎到南洋中心嘅「沃川」食日式料理！沃川嘅店面不大，去到裡面已坐了一些客人，我哋walk in入去好彩都有位！ 朋友最鍾意食魚生，刺身就緊係唔少得。點左條肉質鮮美嘅梭子魚，不過其味道較淡，醮點酸汁和著芽蔥一齊食，感覺口感清新特別 燒蝦蛄干香口有嚼勁，份量亦適中。燒一口蕃薯好甜，天氣熱黎杯特飲消暑解渴 最回味嘅係燒至金黄色又名七里香的雞股，表面燒到充滿油亮，未食先聞到一股香味，店員仲細心地叫我哋要趁熱食，口感和味道會更佳。我哋已急不及待地將佢送入口，呢種香味和口感真係幾特別，令人回味無窮   天婦羅也相當出色，特别係秋葵，炸完冇左滑潺潺嘅口感，反而帶點爽脆 ，好食，亦不覺油膩

尖沙咀沃川來過很多次了，每次都有新驚喜。今晚因為遲訂位，結果要坐吧枱，比較逼了一些，但無礙享受美食。今晚的新菜式是味噌京唐菜。菜很嫩，配上濃郁的味噌汁，不用一分鐘便淸理掉！另一驚喜是果汁特飲，我們要了巨峰和桃味，果汁中有粒粒啫喱，果味亦不假，很好喝！田樂豆腐永遠是我的最愛。豆腐外脆內軟，用筷子一拌開熱氣直冒，放進口中甜甜軟軟，一下子便滑下去了今晚吃的還有清酒煮蜆，燒白鱔，燒豬肉腸，粟米天婦羅和一些壽司。全部都是水準之作。

今日同個朋友去尖沙咀嘅「沃川自家料理」食嘢。位於南洋中心嘅沃川之前有聽朋友講黎食過，口碑唔错。呢間日式居酒屋店面好細，但佢哋嘅刺身種類都幾多，而且是采用日本直送鮮魚和活貝類。串燒就更具特色，好驚訝，連出面餐廳好少有得食嘅雞頸和雞股呢度都有。龍蝦沙律，好好味，  凍日蕃茄就多汁清甜刺身相當新鮮：赤座蝦啖啖肉好鮮甜，蝦頭更可以用黎熬湯，梭子魚醮酸汁口感特別又惹味，牡丹蝦甘甜滋味，活赤貝鮮甜爽脆，貝邊用青瓜卷著吃，不但無腥味，更增加了不少清爽口感雞股：宜家好多居酒屋都冇得食，因為要花好多功夫去整，而呢間餐廳每日最多供應二十串！燒至金黄色，上枱香味撲鼻，食落口感和香味都非常獨特，而且處理得相當乾淨

又要到尖東上課關係午餐選了此日式料理小店帶位的姐姐給人粗豪的感覺但原來她非常細心當她見同行的同事是孕婦便安排我們都較少人的房裡用膳而且還擔心冷氣過大而立即調教冷氣溫度點了雞扒定食油甘魚劍魚腩刺身飯牛舌及雞翼串燒雞扒定食、串燒 味道不錯油甘魚劍魚腩刺身夠鮮甜以這個份量其實這個價錢屬中上價個人 還是覺得《定食》哪裡吃 性價比較高飯後店員會奉上雪糕糯米磁作甜品整體食物及服務不錯但 若不是到附近上班上學其實很少走到此光顧呢若大家到訪尖東可不訪一試此店

我D friend個個都鍾意食日本料理，包括我！佢哋近日喺尖沙咀<沃川>食過，仲話唔錯，令到我心郁郁，所以就叫佢哋一齊再去食過！入到餐廳，睇到本日店長推介餐牌有好多種熱銷的美食，有縞鲹池魚、極上鮮鮪的大腩、活北寄貝、日式清酒煮蜆、鹽燒北海道鱈場蟹腳等。最後我哋精心點左幾味佐酒食物，如刺身、串燒、天婦羅等！今次食嘅係活北寄貝，顏色鮮美，食落貝肉超級爽口清甜，而且有嚼勁。日式清酒煮蜆，蜆厚肉脹卜卜及爽甜，甘香清酒氣味瀰漫，食落滿足感油然而生。鹽燒北海道鱈場蟹腳，碩大肥滿的蟹腳，肉質鮮美，富有彈性，讓人可以大口享受食蟹的滋味！牛舌，厚肉而令口感飽滿，熟度、啱啱好，鮮嫩又很彈牙，不過略鹹一點，但都可以接受。鰻魚皮香肉脆，味道好唔錯！雞翼烤得好到位，香氣撲鼻，隻隻入味。沖繩涼瓜，係我哋屋企一道家常菜，仔細品嘗后發現苦瓜完全唔苦又甘甜，果口感不可言喻，睇似不出眾的一道菜，卻能食出家的味道。食過海鮮、串燒，再來個店長精選時令壽司，最愛三文魚籽壽司，清甜爽口  刺身新鮮，壽司拼盤精彩，串燒也確係好味，佢地果然識搵嘢食

前晚同D同事難得有好興致，提議一齊去食下刺身同串燒，於是就浩浩蕩蕩去左平時去開位於尖東的“沃川”，一間典型的日式居酒屋。店員就結合我哋平時食開的一些口味，為我們推薦了一些招牌料理。如龍蝦刺身：它造型優美，非常大氣，一個大大的水晶玻璃盤托著雪白的碎冰塊，上面再鋪滿蝦肉，潔白蝦肉味道爽脆，濃縮了一個字～鮮，真係每一口都係享受。接著是鎬鰺池魚：肉色白裡透紅，卻毫無腥味，味道鮮美，口感爽滑，營養豐富，是人體吸收高蛋白率最高的魚，吃前醮上特製酸汁，或配蔥食更是美味 拖羅：赤裸裸的誘惑，厚切給人很實在的感覺，連橫截面的紋理都清晰可見，那入口爆油的滋味，柔滑甘香的口感，與芥末醬汁mix後刺激的後勁，就算熱淚盈眶也要繼續吃的意志，你懂的！牛舌：常見極佳的下酒菜，有嚼勁有汁水，關乎歲月流逝，旨在情深意長 白鱔：大廚用海鹽輕燒，水分保持得剛剛好，鹹香得宜，香脆可口，一咬香氣便彌漫在空氣之中，濃香無比。雞翼：烤的金燦燦地外表，達到了外脆內熟，並保持了水分和汁液，整個一盤端出飄著一股誘人的香味，特色的串燒，很地道 鐵板炒宮崎A5和牛排：這份牛排的口感剛剛好，爽口的沙律醬更是完美搭配，牛肉的飄香和蔬菜的清