影片
港鐵紅磡站 D1 出口
繼續閱讀
電話號碼
23120909
營業時間
今日營業
12:00 - 14:30
17:30 - 23:00
星期一至六
12:00 - 14:30
17:30 - 23:00
星期日
全日休息
以上資料只供參考, 請與餐廳確認詳情
😋今次同朋友一齊來到尖沙咀一間隱世高質居酒屋，真係好驚喜！入到去見到有bar枱座位，仲有幾間私人房間，啱晒一班朋友聚舊，氣氛好輕鬆。👍🏻呢間小店經營咗23年，熟客支持唔少，晚市通常幾滿，建議大家記得提前book位！服務態度非常好，店員都好有禮貌，令人感到特別舒服。💯🌟最期待嘅係佢哋嘅季節刺身拼盤（$540），新鮮得嚟又抵食！梳子魚、活石蠔、油甘魚、螢光魷魚、甲烏賊，每一款都鮮味爆棚，真係令人一試難忘！👏🏻小食都唔可以錯過，龍蝦沙律（$88）爽口彈牙；日本粟米天婦羅（$68）特別香脆鮮甜；田樂豆腐（$68）更係好特別，面頭鋪滿麵豉醬，口感豐富，鹹香惹味 ！🥳燒西京銀鱈魚（$198）外皮焦脆恰到好處，肉質鮮嫩，超級好食。仲有燒蝦菇乾（$78），酥脆可口，配返啤酒更加完美！特選牛肉野菜鍋（$138）真係必點，牛肉份量好多，肉嫩多汁，湯底香甜。最後，鮮蟹肉蝦膏炒飯（$108），粒粒飯都吸咗蟹肉精華，真係食唔停！
繼續閱讀
係南洋中心竟然有間咁穩世居酒屋，裝潢很有日本街頭橫巷懷舊風客，裡面望落唔算很大，但勝在氣氛很好，有幾間獨立包箱，未到7：00已經座滿客，咁爆場證明食物有水準。睇吓我地點咗嘜？先來前菜芥末八爪魚芥末的辛辣，和鮮嫩柔軟的八爪魚，形成鮮明對比。時令刺身 拼盤每天新鮮空運到港不同刺身今天有時令活石蠔 大隻飽滿很新鮮甜蝦米子卷 餐牌沒有的，師傅自創的油甘魚非常新鮮 配上醋汁更加提鮮帆立貝海膽 口感實在味道鮮甜還有白籽 螢光魷魚 都唔錯燒牛小排牛味濃郁配上餐廳自家製醬汁，令味道提升。味噌煮豬腸味噌的濃郁鹹遮蓋豬腸腥臭味，還提升個鮮度。野菜天婦羅每款都大大件，外層炸到很香很脆，吃落又不會油膩感。食天婦羅當然再點多個咖哩烏冬咖哩香濃不會很辣 好味啊至於串燒 牛舌及雞腎爽彈，白鱔燒到外層香脆肉質好彈，另外，雞肝，蒜芯 燒得剛剛好 不會過火。食物果然有水準，各店員都很友善，回頭指數好高。
繼續閱讀
今日去左尖東食一間隱世居酒屋, 佢地已經開20年, 就足以証明佢地有番咁嘅質素, 佢地店鋪細細間, 但都有獨立房 , 啱曬一班朋友聚會, 亦都有BAR 枱可邊食邊睇廚師煮野. 仲可以邊交談. 安排好我地座位后. 店員好親切介紹有咩好食. 我地想食刺身, 叫左個店長精選嘅時令刺身拼盤, 師傅會問我地有冇咩唔食. 都好特別, 開盲盒咁等上枱先知道有咩食. 先黎前菜, 鱈魚乾 - 鱈魚乾超香脆, 配啖啤酒正. 苦瓜炒豚肉 - 呢個都見到廚師嘅手作, 苦瓜豚肉同蛋會夾埋一齊煎炒, 做成一片片. 而唔係炒埋一埋. 等我地每一片都食到曬3種食材口感味道. 成個口感好清新好好味. 超讚. 廚師發板精選刺身 拼盤好豐富，全部係師傅精選，師傅會用當日最時令新鮮嘅食材 , 店 員會詳細講解每款刺身同講解配什麼醬汁令到味道再昇華!金目鯛魚：薄切,每片厚度都一致.鮮甜爽口, 晶凝通透! 蜜柑鯛魚：厚切, 肉質超肥美, 油香勁重. 伊佐木 : 唔係咁多居酒屋有伊佐木食. 石蠔：肥美鮮甜,清甜, 口感細膩牡丹蝦, 甲烏賊: 鮮甜爽口. 燒牛小排 - 油脂分布平均 肉質嫩滑, 牛味香濃. 串燒拼盤 牛舌 -厚切口感足,彈牙！ 雞肝 - 油脂味好香！ 豬腩肉 - 香脆又油香,好惹味！一口紫薯串 - 紫薯甜美，外層微微焦脆，內裡軟糯，甜而不膩.免治雞肉棒 - 雞肉棒香嫩. 口感包滿. 最後食埋個濃湯蝦烏冬- 勁香濃嘅蝦湯彈牙烏冬, 作結真係完美. 全晚每一道菜都係好高質. 誠意滿滿. 同埋店員會和顧客交談一齊碰杯. 好有居酒屋氣氛 . 沃川自家料理地址：尖沙咀麼地道75號南洋中心UG樓5-8號舖
繼續閱讀
兩個女人撇低老公去咗隱蔽嘅日本料理撐枱腳🙊環境充滿懷舊日本風,有多間獨立包廂,私隱度夠晒高,啱晒一班朋友聚餐,亦都可以坐bar枱睇住廚師煮嘢食！◆蟹子沙律青瓜絲,蟹柳絲,蟹子同沙律醬,好爽脆清新！◆廚師發板精選刺身拼盤師傅會問客人有冇咩唔食先？~蜜柑鯛魚：切得晶凝通透,切工精細,肉質緊致,鮮甜爽口！~油甘魚腩：厚切魚腩,肉質肥美有油香！~葉血引：魚肉嫩紅,味道淡雅,點埋柚子醬汁,鮮味瞬間提升！~白子刺身：口感順滑,味道獨特！~鮟康魚肝：入口即溶,好rich,好似鵝肝咁甘香,一試難忘！~生蠔：新鮮肥美鮮甜,口感細膩！◆雞泡魚乾魚乾炸得香脆,而且唔會太鹹,係我嘅至愛!◆串燒拼盤~牛舌夠厚,細嫩彈牙！~雞軟骨串,香脆有咬口！~雞腎,食落爽脆唔會韌！~雞肝,油脂味好香！~雞腳筋,雞腳筋連雞皮燒,香脆又油香,好惹味！◆燒芫茜墨魚棒墨魚棒口感彈牙,芫茜味唔會好霸道,出奇地夾！◆日本番茄清甜蕃茄,鮮甜多汁,酸甜爽脆又醒胃！◆燒牛小排肉質非常粉嫩,油脂分布平均,一啲都唔韌！◆沃川黑醬油拉麵黑醬油拉麵味道濃郁,又唔會太鹹,五花肉肥美油香又唔會太膩,拉麵口感完美,吸收晒黑醬油香味,正!◆整體方面,食物有質素,服務親切,成個用餐體驗都非常享受！
繼續閱讀
⭐️ 評分：4.5/5 - 其貌不揚，但有驚喜！多間私人房間更方便聚會，原來滿多明星也曾到場😳😳- ✳️ 刺身拼盤 👍🏻👍🏻1️⃣油甘魚：厚切，肉質鮮嫩，綿密爽口，口感極佳2️⃣鮟鱇魚肝、白子：順滑淡淡油香，厚身魚肝白子爽身，帶獨特鮮味3️⃣🔥八爪魚吸管🔥：好特別！！！精華，彈牙爽口，鮮美，驚喜4️⃣時令白身魚 - 鷹羽雕（三刀魚）：切工精細，肉質鮮美，味道獨特- ✳️ 慢煮牛舌沙律 👍🏻牛舌慢煮爽彈又軟熟，越食越過癮😳 - ✳️ 爆炒雞橫隔膜 👍🏻👍🏻👍🏻雞橫隔膜香濃，十分入味，質地煙韌爽口，送酒絕配- ✳️ 炸豬肉餃子 👍🏻外酥內嫩，餡料鮮美，香脆可口- ✳️ 雞腳筋串🌟獨特🌟口感獨特，嚼勁十足，好上癮- ✳️ 燒芫茜墨魚棒 👍🏻墨魚棒香脆軟彈，芫茜增添清新的香氣- ✳️ 免治雞肉棒 👍🏻口感滑嫩豐富，保留粒粒雞肉 - ✳️ 蕃茄豚肉卷串豚肉包裹著多汁的蕃茄- ✳️ 豬腩肉串烤得焦香四溢- ✳️ 明太子肉瓜鹹香又清新 - ✳️ 沃川黑醬油拉麵拉麵湯底濃郁，豬腩爽口- 展現新鮮與創意，隱蔽的聚會空間讓用餐體驗更加私密-👩🏻🍳人均：約HK$300-500
繼續閱讀