沃川自家料理

最近忙於工作，忽略左屋企人。於是趁周日陪佢行尖東，行完見肚餓就去搵D野食醫肚，上openrice網站搜尋左下，喺南洋中心搵到呢間日本料理店，於是就walk in入去試下。
去到南洋中心搭扶手電梯上一層就到，唔算難搵，因時間尚早客人唔多，店員安排我哋坐左靠窗位置！
打開menu，刺身、壽司、燒物、天婦羅等一應俱全，我地就樣樣都點左一D！

蛋白撈薯仔

最先上左個係蛋白撈薯仔沙律，面上撒左蛋黃碎，食落好味！

鱈場蟹腳

雪場蟹腳，啖啖肉味道也相當爽甜，非常滋味

宫崎和牛

鐵板炒宮崎m5和牛排，色澤紅潤賣相很吸引， 入口油脂湧出，伴隨濃郁牛香，食落Juicy，一股油香縈繞於口中，很邪惡

活造小龍蝦刺身

活造小龍蝦刺身：蝦肉本身緊實鮮甜，肉質爽脆。 

1

壽司拼盤

壽司拼盤，刺身厚切，將整塊壽司一齊放入口中，壽司的飯香與海鮮的香味才能完全相融，香味在齿頰間填得满满的，濃香的滋味在口中久久徘徊

雞翼

雞翼，擠D檸檬汁落去會冇咁乾身

牛舌

牛舌，雖然厚切，一樣爽脆嫩口，味道亦剛好

沖繩涼瓜

每逢食日本料理，天婦羅對於我來講系必點，沖繩涼瓜非常好食，甘甜又有汁。 

粟米天婦羅

沃川自製粟米天婦羅系本店有特色的一道，金黄色外表散發着令人食指大動的食材香味，香脆無油膩感，切成一片片，食起來相當方便
店員的質素，服务态度都令人心情愉悅，美味的食物不僅僅能夠飽肚，對於我來講還是減壓的一種方式。