永年士多港式車仔麵 (加拿分道)

營業中

休息中

好耐冇食過永年車仔麵，今日經過尖沙咀就入去回味下！我哋叫咗三餸車仔麵+班蘭咖央多士，咁耐冇食都保持到水準👍🏻三餸車仔麵1）豬腸、雞翼、蘿蔔粗麵$53: 蘿蔔超入味又淋又冇根，正👍🏻豬腸洗得好乾淨，食落口又唔會覺得好肥😋2）豬皮、魷魚、魚皮餃油麵$47: 魷魚大大塊好爽口，口感唔會韌，豬皮就吸哂湯汁入晒味好爽口！呢度嘅麵嘅份量都好多，好似出邊啲車仔麵加底咁😂男生應該覺得夠食。3）班蘭咖央多士$18: 兩塊細細件啱啱好，多士烘得夠香脆，有啖啖椰子味道。最後當然唔少得叫杯地道既紅豆冰$15同埋熱奶茶啦$12。