永年士多港式車仔麵 (加拿分道)

營業中

休息中

每隔一段時間就會想食車仔麵，當然首選永年車仔麵，因為佢既湯底真係咩汁都唔使加就已經好濃味，帶小小甜味，如果中意食辣更加會愛上佢既秘製辣汁不過注意叫小辣就已經等於三小辣，好似我咁第一次叫太多辣會一路食一路叫救命另外豬紅真係香港僅有好食既豬紅記得試下

下午3點鐘，在尖沙咀區突然好想吃車仔麵，以前想起車仔麵就會去尖東，但知道永年士多後，地點太方便了，好就腳(2個大型在shopping mall附近)，下午3點眼見店內都幾多化妝品小姐吃晏。今次第一次嚟，緊喺食啲嗱喳麵3寶，豬紅，豬皮，豬腸，另外再加$8叫多一個餸雞尖，麵底選了米粉，中辣。平時吃車仔麵都會另加辣椒醬或油，今次不用，辣味都足夠，湯底夠熱，好好味，好專注地清晒成碗粉。沒有叫嘢飲。4餸一麵底共$49

三餸一麵 $41豬紅 質地結實，口感唔錯👍🏻帶甜味，略嫌偏甜左少少牛筋有牛味😍🐂煮既時間啱啱好，有咬口得黎又唔會太韌咬唔開，淋既仲有膠質、漿住既口感😋蘿蔔 淋甜無渣👏🏻整體而言，份量足，餸全部都有五舊👼🏻麵底都唔少，女仔食完會幾飽下🤣餸既味道屬中等偏上水平，湯底甜甜地，配米粉幾好食👍🏻加左辣會更為惹味，可惜叫左小辣，唔太辣，下次可以大膽叫辣啲個人餸料喜好排名：牛筋>豬紅>蘿蔔食物質素唔差既，但無傳聞中咁神級

是日點餐：豬腸  + 雞翼 + 菜心米線 + 菠蘿冰豬腸- 好好好入味，滷水味好香- 洗得好乾淨~!＿ 雞翼- ok入味，唔太咸~- 同一般車仔面店差唔多菜心- 正常, 唔太咸- 唔太老、太un菠蘿冰- 太甜, - 同茶記一樣, 罐頭菠蘿番食指數:

為食報告:🍲🍲🍲🍲🍲🍲🍲永年士多 - 港式車仔麵諗唔到食邊樣餸好?🤔唔緊要，永年有個《大碗麵》可以叫黎食 大碗麵餸有: 紅腸 雞翼 雞翼尖 陳皮魚蛋 豬紅 豬腸 蘿蔔 魷魚 豬皮 菜餐廳點餐 取餐是自助營式簡直滿足到我呢啲成日選擇困難症既朋友♡價錢對比平時車仔麵偏貴少少 不過車仔麵啲餸好入味😋😋😋 配埋秘制辣醬惹味提升~ 麵份量都適中飲品方面不過不失啦另外仲有app可以儲分換下餸底咁*唔太食得辣既朋友們就叫少少辣好喇*車仔麵餸推介: 豬紅（彈牙） 豬腸（濃味唔臭） 唔想入到元朗咁遠先食到?一於去九龍區尖沙咀試試吧

尖沙咀經過竟然見到元朗出名的車仔麵「永年」 緊係入去試下啦，估唔到同元朗一樣有水準叫左 豬皮（好有味）、羅白（好甜）、尤魚（夠爽），再加菜心一碟，加多杯熱柚子蜜，估唔到出奇好飲夠味道。 一定會再來待應服務態度good (好似元朗見過）

之前試過港島分店。今次就黎左試下尖沙咀呢間分店。星期六中午時間唔算太多人。可能天雨關係。等左一陣就有位。店內裝修都乾淨。不過座位都比較窄。叫左大碗麵。$62有成10個餸。河粉+$2。魚旦係最鍾意嘅陳皮魚旦。夠煙韌。豬腸豬皮豬紅入味爽口冇雜味。蘿蔔甜冇渣。其他餸就正正常常。河粉厚身得黎滑口。幾特別。細辣對唔食得辣嘅人都係有啲辣。+$15加左杯紅豆奶茶冰。茶香奶濃。口感十分厚身。最後成餐差不多$80都係覺得有啲貴。不過食完10個餸個感覺非常滿足。

#支持良心餐廳魷魚x牛筋x紫菜x烏冬$43雖然呢間係有少少爭議 但見到佢fb都有出過post撐香港人 list度都係分左類做黃嘅 同埋想慳下錢唔可以餐餐食咁貴🤦🏻‍♂️ 所以車仔麵係個幾好嘅選擇不過講返啲食物點先 我覺得魷魚係ok架 夠哂爽口 牛筋佢質感似花膠 識落係會好章住過口😂 我反而就中意冇咁章住 起碼易咬得爛啲嘅牛筋😂因為食到個口有啲攰 同埋呢度嘅烏冬係好普通茶餐廳浸淋左嗰啲 總括嚟講份量比較少 亦都食過性價比更高嘅車仔麵 但係都唔會話後悔嚟咗食 因為真係想盡量出返份力撐良心店💪🏼下次可能試啲更招牌嘅餸😏！

唔知點解今日好想食車仔麵，朋友介紹尖沙咀呢間永年士多，佢喺美麗華商場附近，12點幾嚟到已經排晒隊，睇嚟真係幾好食咁。個車仔麵三餸就$41，尖沙咀黎講價錢都算幾抵，但加埋野飲就唔係好抵啦，因為杯野飲環成$15蚊。我就叫左牛柏葉、蘿蔔、時菜、幼麵，再加左杯野飲，夾埋$56蚊。D蘿蔔係餐牌推介既餸之一，果然冇介紹錯，超級甜，又煮到好淋，好好味牛柏葉就麻麻地，我覺得有d un，可能煮耐左。至於菜，都冇得伏得去邊，正正常常。想讚下嘅係個湯底，唔好睇個色好似好鹹咁，飲落原來好清甜，即刻幫個車仔麵加分

食上癮🙈好掛住永年豬腸 豬紅🤤真係排隊都要食😂我又係1:00左右黎食嘩 超級多人 可能lunch time時間全場坐滿 入去先買左野食再搵位我都等左一陣先有位今次叫左小辣 豬腸 豬紅 豬皮 尤魚配河粉今次有小小重手🙈小辣比平時辣左好在我都食到😂豬紅真係不一樣既味道 甜甜的～豬腸都仲係好乾淨 鹵得好入味🤤食完先睇到用大眾點評打卡送樽仔奶茶🥺可惜 下次打左卡先 就有免費奶茶飲啦😝

大大碗雜什車仔麵$65 這個車仔麵可以滿足是一嘗所有送的是機會👍推薦以下湯底（小辣）：湯底比較鮮甜，不鹹，是另人想喝下去那種湯底⭐️⭐️⭐️⭐️⭐️豬紅：口感爽甜，豬紅帶有談談的甜味⭐️⭐️⭐️⭐️豬皮：豬皮比較後不硬入味⭐️⭐️⭐️⭐️雞翼、雞翼尖：入味 肉質不硬不軟 剛剛好 ⭐️⭐️⭐️⭐️可嘗試個人口味不一樣魷魚：比較硬 不夠入味 ⭐️⭐️魚蛋：魚蛋小小顆那種 口感不夠彈牙 ⭐️⭐️⭐️其實全部送整體而言都是值得retake🤤Ps 這裡是人流很多 需要排隊，食完通常都需要即走 聚會聊天不建議取點😐

永年士多係係元朗已經好多年👍🏻基本上元朗既人都一定認識永年士多😎永年士多已經🏃🏻‍♂️衝出元朗 尖沙咀 銅鑼灣所以好方便 周圍都有得食😋而佢既車仔麵精粹就係秘製辣汁🌶辣汁我一般都叫小辣🌶因為佢嘅辣汁都偏辣🌶食得辣可以叫中辣大辣🌶而配料方面 豬腸 豬紅 豬皮 蘿蔔係必叫🉐我係從來唔食豬腸 豬紅👀但永年豬腸非常乾淨 豬紅一d腥味都冇 仲好甜👍🏻👍🏻所以我食豬腸 豬紅都只會係永年食🤣我會選擇配選擇河粉 好入味🙈而家出左樽仔奶茶🙊一定要飲 超級好飲 夠凍又唔甜 用心制作👍🏻👍🏻👍🏻

昨天我的朋友從外國來探望，他們都想吃一些在香港比較有特色還有地道的小吃的食物。而且他們就不像是一些太貴的餐廳，想在尖沙咀吃，就給了我一個任務，就是找一家餐廳是$50港幣下的。我想了想就想起來永年這個有名的車仔麵，然後走到朋友們帶到那裡去啦！這裡都有一些比較特色的車仔面的toppings, 像豬腸、尤魚、蘿蔔、各種的丸類。朋友們看著豬腸，本來不太敢吃可是在我的鼓勵下他們都勇敢的嘗試了，吃完的說很好吃。永年是做得不錯的，但人就很多很難找位子，這一點大家留意一下。

今朝做完瑜珈落勁大雨，就即刻黎永年食番個靚lunch先！之前都黎食過好多次，都係一如既往咁好食湯底勁濃味勁正，食得出好足料，熬左好耐，而且唔會覺得油膩，真係可以飲晒成碗湯豬紅同埋蘿蔔係必食我平時唔會食豬紅，但呢度既豬紅整得好有技巧，一啲都唔會臭，味道拿捏得剛剛好另外蘿蔔好鮮甜好淋，食咁多次，蘿蔔都未試過有渣，同埋吸收埋啲湯底味，令蘿蔔既味更上一層樓仲有必叫既野飲 — 抹茶紅豆冰！完全唔會好甜，夏天飲一杯好消暑解渴

永年大大話話都食左佢十幾廿年，一直都係去元朗到食，鍾意食佢嘅辣，所以一直係食辣魚蛋，即使佢有車仔麵我都只係食佢嘅辣魚蛋，今日出去尖咀即管試下佢車仔麵點解咁多人食啦，地方好細，位置大約30多個，下午5點多啲去到坐左一大半人，不過都有位揀嘅，食物多選擇不過冇分價錢，冇得加錢食貴少少嘅食材，比如牛，豬軟骨等等，都係一般打邊爐嘅平價食物啦～等落單連拎食物大約唔洗十分鐘，一碗牛丸蘿蔔芝士腸油麵中辣，另一碗係豆卜貢丸雞亦米粉小辣，每碗都送一條菜，牛丸味好啖，呢個冇下次，其他都正常嘅，辣味夠，冇退步，不過食完碗麵大家都不約而同覺得食陣風，太細碗了，做下午茶會好啲，做正餐會唔夠飽，所以性價比就低左啲，之後仲去左掃街，下次應該打左底先再黎食呀